Bularati fshati ku u be vrasja shpallet Greqi ne Heshtim

BULARATI fshati ku ndodhi vrasja e terristit grek eshte zone minoritare e banuar nga greke qe flasin shqip dhe greqisht por menjeher pas ngjarjes ne fshat kane zbarkuar shume mbeshtetes grek ku kane mbuluar gjith vendinn me flamuar grek dhe kan hequr flamujt shqiptare per me tepr jane shprehur se Bularati tani eshte fshat grek dhe jo shqiptar vemendje ka terhequr ky flamur i vendosur ne qender te fshatit 

“Shqipëria lindi nga Zoti, shpëtoi nga rastësia, vdiq nga politikanët”

Nga Marin Mema/Sado e ashpër të duket kjo thënie e Faik Konicës ajo është tërësisht reale, e prekshme dhe e dallueshme lehtësisht në skenën politike shqiptare. Posti, pushteti, interesat personale, janë gjithmonë më të rëndësishme sesa ato të Shqipërisë e shqiptarëve.

Njëra palë protestonte e klithte kur liberalizimi i vizave ishte në derë, tjetra lobon që hapja zyrtare e negociatave të mos ndodhë. A mund të ketë një situatë më absurde sesa kaq? Për hir të së vërtetës secila palë shikon interesin e saj momental, favoret politike, ndikimin tek zgjedhësit apo dekoratën që do të vërë në gjoks në rastin e një suksesi.

Ulja me çdo kusht e imazhit të vendit, akuzat në sy të ndërkombëtarëve, përdorimi i mediave të njohura e të panjohura, i politikanëve apo gazetarëve të ndryshëm europianë, janë instrumentat e preferuara të politikës shqiptare. Secila palë ka të sajat, vetëm paratë, ato që jepen nën dorë janë të shqiptarëve… Pra në thelb shqiptarët paguajnë për t’u vetënxirë dhe për të frenuar me çdo kusht avancimin e projektit të palës që është në pushtet.

Për politikën posti është personal, i krerëve të saj dhe i të gjithë shpurës që i bën hije. Ndaj askush nuk duhet habitet kur shikon shkrime, analiza, komente e lajme deri edhe në prestigjozet europiane që bombardojnë.

Dëshmia tronditëse e nënës që hodhi foshnjën në plehra: Kam edhe 3 fëmijë tjerë!

“Hodha foshnjën në plehra, pasi kam edhe tre fëmijë të tjerë dhe nuk kisha mundësi ekonomike për ta mbajtur”.

Kështu është shprehur në Policinë e Lushnjës një 32-vjeçare e identifikuar si nëna e një foshnje të gjetur pa jetë në koshat e mbeturinave në këtë qytet.

Dyshohet se shtetasja A.Nexha e ka hedhur foshnjën dy ditë pas lindjes, duke menduar se dikush do të dëgjonte të qarat dhe do të shpëtohej në sajë të ndërhyrjes së Policisë. Por fatkeqësisht, kjo nuk ka ndodhur e për rrjedhojë, foshnja fatkeqe është gjetur pa jetë nga banorët.

Ata sinjalizuan menjëherë Policinë dhe pas hetimeve të kryera dhe verifikimit të disa kamerave të subjekteve përreth, u arrit të identifikohej dhe ndalohej nëna e re. “Rreth orës 08:30, në lagjen ‘Kongresi’ në Lushnjë, në afërsi të Bashkisë Lushnjë, pranë një koshi plehrash është gjetur një foshnjë dyditëshe e pa jetë. Menjëherë u ngrit grupi hetimor dhe nga hetimet paraprake dyshohet se foshnja është braktisur nga nëna e saj, shtetasja A.N., 32 vjeçe, e cila është shoqëruar në Komisariatin e Policisë Lushnjë”, bëri të ditur Policia.

Pas shoqërimit, gruaja e ka pranuar menjëherë veprimin e kryer, teksa ka pohuar se kishte qenë e detyruar të vepronte në këtë mënyrë pasi nuk kishte bukë as për tre fëmijët e tjerë, raporton “Panorama”.

“Jam pa punë bashkë me burrin. Mezi po mbajmë edhe tre fëmijët që kemi. Isha e detyruar ta braktisja, pasi nuk kisha asnjë mundësi që ta rrisja.

Nuk pata mundësi as ta abortoja kur foshnja ishte pak muajsh”, është shprehur në Polici 32-vjeçarja, që i përket komunitetit rom.

Artan Hoxha si po heshtin gazetarët përfitues të fondeve sekrete të Kotzias

Prej tre ditësh gazetari investigativ Artan Hoxha është kërcënuar me ekzekutim nga qarqet më ekstremiste, raciste dhe neonazite greke. Shkak për vënien e Hoxhës nën shënjestrën e këtyre qarqeve ekstremiste ka qënë komenti i tij për ngjarjen e Bularatit, ku RENEA ekzekutoi minoritarin grek Kostantinos Kacifas.

Prej tre ditësh gazetari investigativ Artan Hoxha është kërcënuar me ekzekutim nga qarqet më ekstremiste, raciste dhe neonazite greke.

Shkak për vënien e Hoxhës nën shënjestrën e këtyre qarqeve ekstremiste ka qënë komenti i tij për ngjarjen e Bularatit, ku RENEA ekzekutoi minoritarin grek Kostantinos Kacifas, i cili për orë të tëra terorrizoi tërë këtë zonë, atë ditë në festë, duke qëlluar drejt uniformave blu me një armë kallashnikov të modifikuar.

Madje Kacifas kërcënoi jo vetëm forcat e policisë shqiptare dhe forcat e ndërhyrjes së shpejtë por dhe vetë përfaqësuesit grekë dhe shqiptarë të niveleve të larta të mbledhur për të festuar 28 tetorin në Bularat, duke i cilësuar tradhëtarë. Mes të cilëve dhe ministren greke të Kulturës.

Ekstremisti i armatosur grek arriti deri aty se me armë në dorë i dërgoi një mesazh dhe kryeministrit grek Tsipras dhe homologut të tij shqiptar Rama, se do t’u vinte radha dhe atyre.

Gazetari Artan Hoxha bëri një koment të shkurtër në profilin e tij në rrjetin social Facebook, ku përgëzonte policinë dhe RENEA-n për ndërhyrjen profesionale, e cila shmangu marrjen e jetëve njerëzore të pafajshme.

Ky postim i gazetarit arriti të bëhej lajm në dhjetra media greke, që në mënyrë aspak profesionale e kanë etiketuar Hoxhën me terma denigruese, duke nxitur drejt tij një lumë mesazhesh kërcënuese.

Dhe nuk bëhej fjalë vetëm për mesazhe urrejtjeje racore ndaj Hoxhës, por janë qindra mesazhe që e kërcënojnë me jetë duke i thënë se tashmë “e kanë identifikuar, kanë foto dhe video të tij, dhe e dinë kush është”.

Për më tepër Hoxhën po e kërcënojnë edhe ata që ai ka denoncuar pas ngjarjes së Bularatit, anëtarë nga organizata terroriste dhe ekstremiste si Agimi i Artë dhe MAVI.

Pikërisht këta të fundit solli në vëmendje Artan Hoxha, teksa kujtoi masakrën e Peshkëpisë në vitin ’94 kur paramilitarë të organizatës terroriste MAVI hynë të armatosur në territorin shqiptar sulmuan pikën kufitare dhe ekzekutuan oficerin Fatmir Shehu dhe ushtarin Arsen Gjini.

Dhe “vulën” gazetari Hoxha e vuri dy netë më parë teksa nxori me zë dhe figurë videon ku shihej ekstremisti grek Kostantinos Kacifas që po qëllonte me automatik kundër forcave të policisë dhe po kërcënonte banorët dhe gjithkënd me vrasje, duke i cilësuar tradhëtarë.

Publikimi i kësaj videoje solli dhe valën e dytë të kërcënimeve me jetë të Artan Hoxhës, ekspozimin e fotos së tij dhe të familjes në të gjitha portalet e mediat greke dhe vënien nën shënjestrën e ekstremistëve më të egër grekë, që tashmë kërkojnë t’i marrin jetën.

Dhe me gjithë këtë zhurmë të jashtëzakonshme të ekstremistëve dhe të mediave greke kundër gazetarit Artan Hoxha, të vetmit që kanë heshtur në mënyrë “heroike” ndaj këtij kërcënimi me jetë kanë qënë shoqatat e gazetarëve të Shqipërisë, janë shumë, dhe gazetarët shqiptarë.

Eshtë e habitshme një heshtje e tillë pasi ato janë parë të reagojnë dhe për ngjarje më të lehta në Shqipëri, në përpjekje të zgjidhjes së ndonjë halli të gazetarëve, ndërsa për kërcënimin me jetë të kolegut të tyre Hoxha nga ekstremistët grekë, ka tre ditë që heshtet.

Një heshtje që na kujton atë heshtjen e para shtatë viteve kur u plagos gazetari i një mediaje televizive Fatos Mahmutaj, që sot është në azil. Madje iu kërkua që ta vetëcilësonte gërvishtje.

Ndërkohë që media orientohej drejt “thikave me helm” dhe “çadrave pistoletë” të opozitës, ishte pikërisht gazetari Artan Hoxha që bëri “gabimin” dhe detajoi një video ku shiheshin qartë forcat e Gardës së Republikës që po qëllonin në “mish” dhe jo lart, duke treguar qartë se ishin ata vrasësit e katër demonstuesve me duar në xhepa si dhe plagosjes së gazetarit Mahmuatj.

As atëherë nuk u prononcuan shoqatat e e gazetarëve të Shqipërisë, të cilat me sa duket i lëviz ose politika ose zgjidhja e halleve personale.

Në këto kushte, duke mos e besuar praninë e gazetarëve, analistëve dhe njerëzve të tjerë në “borderonë” e ministrit të Jashtëm grek Kotzias, si përfitues të fondeve sekrete për të qënë në anën e Greqisë në situata të vështira, e kemi të vështirë të shpjegojmë heshtjen e shoqatave të gazetarëve dhe të vetë komunitetit të gazetarëve ndaj kercenimit te gazetarit Artan Hoxha nga ekstremistet greke.

Nga -

/Shqipëria e shqiptarëve/ për" Shtypnews.al"...

‘Ju kemi vënë bombë’/ Alarm në ambasadën shqiptare në Athinë

Alarm për bombë në ambasadën shqiptare në Athinë. Burime për Report Tv pohojnë se paraditen e sotme në ambasadën shqiptare në Athinë ka pasur një telefonatë për bombë. Telefonata ka qenë vetëm 7 sekonda, ndërsa autori ka thënë ‘Ju kemi vënë bombë’. Kaq ka mjaftuar që stafi i ambasadës shqiptare në Athinë të evakuohet menjëherë.

Burime diplomatike nga Athina bëjnë me dije se menjëherë ambasada ka njoftuar policinë, e cila ka rrethuar me perimetër sigurie të gjithë zonën. Kontrolli policor i policisë greke ka zgjatur rreth një orë dhe ka qenë i shtrirë në ambientet e jashtme dhe brenda godinës së ambasadës.

Autoritetet greke pas kontrollit disa orë nuk kanë gjetur asgjë dhe alarmi ka rezultuar falas. Ndërkohë që mediat greke e tjetërsuan alarmin për bombë duke e referuar pranë Gjykatës së Lartë të Greqisë. Përballë kësaj situate Ministria e Jashtme shqiptare ka thirrur menjëherë ambasadoren e Greqisë në Tiranë, 24 orë pasi ajo u thirr për çështjen e Kostandinos Katsifas.

Ministria e Jashtme i ka kërkuar ambasadores Sourani që Greqia të distancohet dhe të dënojë këto akte të rënda që cënojnë miqësinë mes dy vendeve. Pas vrasjes së ekstremistit grek, Kostandinos Kacifas disa biznese shqiptare në Athinë janë djegur, ndërsa ka pasur edhe kërcënime nga ana e ekstremistëve, djegie të flamurit shqiptar dhe së fundmi alarmi për bombë.

Ambasadorja e Greqisë në Shqipëri, Eleni Surani u thirr sot në Ministrinë për Evropën dhe Punët e Jashtme, në lidhje me ngjarjet e ndodhura në Greqi, duke nisur nga alarmi për bombë pranë Ambasadës tonë në Athinë, djegia e bizneseve shqiptarë, protesta para ambasadës dhe konsullatës tonë si dhe djegia e flamurit kombëtar. Ambasadores iu kërkua distancimi dhe në të njëjtën kohë, dënimi nga ana e autoriteteve greke ndaj këtyre akteve të rënda që cenojnë klimën e marrëdhënieve miqësore mes fqinjëve. MEPJ nënvizoi gjithashtu nevojën që autoritetet greke të marrin masat e duhura për të garantuar jetën dhe pronën e shtetasve shqiptarë me banim në Greqi.

Rritja e tensioneve mes Shqipërisë dhe Greqisë nisi pas vrasjes së minoritarit në Gjirokastër. Ekstremistët grekë organizuan disa protesta para ambasadës dhe konsullatës shqiptare, i vendosën zjarrin një biznesi me pronar shqiptar në Athinë dhe mbrëmë dogjën edhe flamurin kuqezi.

Jo gjithçka që thonë shkencëtarët është e vërtetë

Çfarë mendoni se është më e mundshme – të goditesh nga rrufeja apo të vritesh nga një asteroid që bie?

Ju mund të habiteni, por probabiliteti i vdekjes së shkaktuar nga një asteroid, është pothuajse dy herë më i lartë.

Në librin e tyre të Injorancës së Përgjithshme, Stephen Fry, John Lloyd dhe John Mitchinson thonë se rrufetë godasin tokën 17 milionë herë çdo ditë, që i bie 200 goditje në sekondë.

Megjithatë, rreziku i vdekjes “elektrike” në vit shkon një deri në 10 milionë, dhe kjo është po aq e mundshme sa të kafshohesh nga një gjarpër!

Më poshtë janë renditur disa nga faktet shkencore, përcjell faktoman – kësaj radhe të sakta dhe të vërteta!

Kameleonët nuk e ndryshojnë ngjyrën në varësi të ambientit ku ndodhen

Lëkura e tyre mund të ketë qenë e dobishme në shumë raste, duke pasur parasysh se kameleonët nuk janë të armatosur siç duhet kundër kujtdo që do të pëlqente t’i hante, por jo.

Ata kurrë nuk e kanë dhe kurrë nuk do ta kenë këtë superfuqi , edhe pse ky besim është jashtëzakonisht popullor.

Në të vërtetë, ngjyra e një kameleoni varet tërësisht nga gjendja e tij emocionale.

Dhe nëse është, pa dashje, e njëjtë me ambientin ku është aktualisht, atëherë është krejtësisht rastësi.

Balena blu nuk është krijesa më e madhe mbi Tokë

Që është gjigante, këtë nuk e vë njeri në dyshim, por nuk është më e madhja nga të gjitha. Mashtrimi këtu merr nuancë të rëndësishme – krijesa më e madhe e gjallë në Tokë në fakt, është një kërpudhë, dhe emri i saj është Armillaria Ostoyae, ose, siç njihet sot, kërpudha humongous.

Buburrecat nuk mund t’i mbijetojnë një lufte bërthamore

Shumë njerëz kanë tendencë të mendojnë se buburrecat janë të pashkatërrueshëm. Po, ata kanë qenë rreth e rrotull për shumë më tepër kohë se njerëzit (rreth 280 milionë vjet) dhe janë shumë të vështirë për t’u vrarë nga detergjentët shtëpiakë. Plus, ata mund të jetojnë pa kokë për njëfarë kohe. Por një eksperiment shkencor i mbajtur në vitin 1959 tregoi se buburrecat do të jenë ndër insektet e para që do të vdesin në rast të një katastrofe bërthamore.

Maksimumi i orëve të gjumit nuk duhet të jetë më i madh se 8

Në vitin 2004, profesori Daniel Kripke botoi një artikull në të cilin ai deklaroi se të rriturit që flenë për 8 orë, vdesin më të rinj se ata që flenë 6 ose 7 orë gjatë natës. Studimi i tij zgjati 6 vjet dhe përfshiu 1.1 milion pjesëmarrës. Më shumë njerëz që flinin për më pak se 8 orë, por jo më pak se 4, mbetën të gjallë deri në fund të studimit. Pra, mos marrja e 8 orëve të gjumit nuk është aq e dëmshme sa ishte menduar më parë. Megjithatë, është e rëndësishme të siguroheni që të mos jeni të privuar nga gjumi.

Ftohja nuk është sëmundja më e përhapur

Sipas statistikave, depresioni është një nga sëmundjet më të zakonshme në botë, shumë më e zakonshme se ftohja.

Njerëzit janë të prirur t’i drejtohen një mjeku që në shenjat e para të një të ftohti, por nuk e bëjnë të njëjtën gjë kur i ndjejnë simptomat e para të depresionit. Shumë njerëz që vuajnë nga depresioni mendojnë se trishtimi i tyre është diçka që duhet mbajtur e fshehtë nga të tjerët.

Aeroporti i Kukësit, Rama entuziast: Parashikohen 300 mijë udhëtarë në vit

Aeroporti i Kukësit do i shërbejë 300 mijë udhëtarëve, të cilët çdo vit mund të fluturojnë përmes tij.

Kështu deklaroi këtë të mërkurë nga fshati Shishtavec I Kukësit, kryeministri Edi Rama.

Ai tha, se aeroporti do të nisë punën në terren në fillim të vitit të ardhshëm, sipas standardeve ndërkombëtare, madje, ai theksoi, se aeroporti është rruga për zhvillimin ekonomik të zonës.

“Në fillim të vitit të ardhshëm do të nisë ndërtimi i aeroportit, ekzistuesi do të transformohet në një aeroport të standardeve ndërkombëtare për fluturimet me çmime të ulëta. Unë besoj shumë që në këtë zonë do të shohim zhvillimin pas ndërtimin e aeroportin.

Ai do të shndërrohet në një aeroport me nivele të larta. Në të do të lëvizinin rreth 300 mijë udhëtarë në vit. Imagjinojeni vetë se çdo të ndodhë. Po flisja me Safetin (Gjicin) për këtë dhe ai tha me shaka: 300 mijë kafe më shumë në Kukës.

Aeroporti e bën shumë herë më të thjeshtë dhe më ambicioz investimet për të transformuar Shishtavecin në një destinacion të rëndësishëm për skitë” tha Rama.

Kryeministri Rama ishte sot në Shishtavec, në kuadër të nismës “100 fshatrat”, ku u shpreh se vetmja rrugë për daljen nga varfëria e këtyre zonave është turizmi.

Sipas tij, Shishtaveci është vendi ideal për agroturizmin, transformimin e shtëpive në butina dhe investimet për ndërtimin e një resorti skish.

Haliti: Serbia nuk ka shanse ta sulmojë Kosovën, atë jemi duke e dëmtuar ne

Nënkryetari i Kuvendit të Kosovës nga radhët e PDK-së, Xhavit Haliti ka bërë një përshkrim të zhvillimeve politike në vend, që nga fillimi i luftës, zhvillimi i negociatave në Konferencën e Rambujes dhe gjatë procesit të bërjes së shtetit.

“Nuk frikësohem që ushtria e Serbisë do ta sulmojë Kosovën, as në jug e as në veri. Nuk ka shans Serbia me sulmua Kosovën. Kosovën jemi duke e dëmtuar ne”, ka theksuar Haliti.

Ai ka qenë kritik ndaj të gjithë përfaqësuesve politik të vendit, që nga paslufta, pasi sipas tij mesazhet që Kosova po i dërgon miqve tanë, janë zhgënjyese. Po ashtu ai ka pohuar se në bisedime, janë zotuar që serbët e Kosovës do të trajtohen më mirë se serbët në Serbi, të cilin premtim thotë se nuk e kanë mbajtur.

“Duhet të gjenden rrugë, edhe me presidentin të ulen me partitë politike, dhe ai të sqarojë, jo të gjitha gjerat të thuhen para mediave, por të sqarohen ato, e jo të flitet pa u sqaruar mirë. Hapni kartat dhe t’i gjeni zgjidhjet dhe të premtoni se nuk do të flisni për media në momentin që do të dilni nga aty”, tha Haliti.

Përleshje me armë mes dy grupeve në Kumanovë

Përplasje fizike që ka degjeneruar edhe me armë mes dy grupeve në Kumanovë. 

Alsat mëson se të paktën 1 është i lënduar dhe dërguar në spital ndërsa disa të tjerë janë me plage më të lehta. 
Ende nuk dihet motivi i përplasjes mes dy grupeve dhe policia është në vendngjarje. Dyshimet e para flasin për grupe me veprimtari kriminale dhe dhënie fajdesh.

Kuvendi i Ulqinit, miratoi vendimin për vendsjen e bustit të Skënderbut

Pas një pune maratone dy ditëshe ku para këshilltarëve janë gjetur 19 pika të rendit të ditës, sot në orët e pasditës përfundoi Mbledhja e parë të séances së dytë të rregullt të Kuvendit të Ulqinit. Prej 19 pikave që ishin në rend të dites, 6 pika janë tërhequr sepse kanë pasur mangësi teknike dhe nuk kanë qenë të kompletuara, por do të shqyrtohen në mbledhjen e ardhshme.

Nga rendi i ditës së mbledhjes së parlamentit lokal u tërhoq edhe Vendimi për pajtimin komunal të tokës ndërtimore për objektet e ndërtuara ilegalisht në territorin e Komunës së Ulqinit. Në partitë ne pushtet nuk u arrit konsenzusi për çmimin e legalizimit, e kundër propozimit ishte edhe opozita. Poashtu u tërhoq edhe propozim vendimi për emërimin e Komisionit zgjedhor me mungesë të dokumentacionit, si dhe propozim vendimi për dhënjen e pëlqimit në vendimin e këshillit drejtues për zgjedhjen e drejtorit në Ndërmarjen Publkie Ujësjellës dhe kanalizime.

Kryetari I Kuvendit Komunal dr Ilir Çapuni e vlerësoi pozitivisht punën e Kuvendit duke cekur se shumë lëndë të cilat I ka mbuluar pluhuri janë nxjerrur nga sitarët dhe sot janë votuar në Kuvend.

Një pike që zgjoi një interesim të veçantë në Kuvend ishte Propozimi për vendosjen e bustit të Gjegj Kastriotit Skenderbeut tek rrethrrotullimi, si dhe propozim vendimi për caktimin e kompenzimit për punën e këshilltarëve dhe personave të tjerë të cilët I emëron Kuvendi I Komunës.

Djegia e flamurit kombëtar, Tirana thërret ambasadoren e Greqisë

Ministria për Evropën dhe Punët e Jashtme e ka thirrur sërish ditën e sotme ambasadoren e Greqisë në Tiranë, Eleni Surani pas ngjarjeve të fundit në Athinë.“Ambasadorja e Greqisë në Shqipëri, Eleni Surani u thirr sot në Ministrinë për Evropën dhe Punët e Jashtme, në lidhje me ngjarjet e ndodhura në Greqi, duke nisur nga alarmi për bombë pranë Ambasadës tonë në Athinë, djegia e bizneseve shqiptarë, protesta para ambasadës dhe konsullatës tonë si dhe djegia e flamurit kombëtar”, thuhet në njoftim.MEPJ bën të ditur se ambasadores iu kërkua distancimi dhe në të njëjtën kohë, dënimi nga ana e autoriteteve greke ndaj këtyre akteve të rënda që cenojnë klimën e marrëdhënieve miqësore mes fqinjëve.MEPJ nënvizoi gjithashtu nevojën që autoritetet greke të marrin masat e duhura për të garantuar jetën dhe pronën e shtetasve shqiptarë me banim në Greqi.

Komandant Malisheva:Mbrëmë në Idrizovë do zhvillohej përleshje e madhe

Mbrëmë reth ores 22: 20 forca te veqanta te njesive te panjohura pa emblem, kan hyre ne paviljonin ku jemi te vendosur ne duke provokuar nji konflikt ne baza etnike , ne jemi te vetedijshem dhe te permbajtur por ata me gjith forcat qe kishin tentuan me na e heq flamurin kombtar se kinse kan urdher , flamuri nuk u hoq sepse ne rezistuam deri ne ate pike sa duheshte te derdhej gjaku deri ne fyt. Duhet ta dijn te gjithe se ktu siguri nuk ka duhet ta dijn te gjithe se ktu akoma ska liri te shprehjes dhe nuk lejohet flamuri te perdoret apo te vendoset ne dhoma tona ju bejm me dijn se nese edhe njihere provokojn ne baza etnike apo fetare ne nuk marim pergjegjsi per pasojat,shkruan lajmpress.

Gati 4 vite jemi ne burg nuk kemi bere probleme edhe nuk e duam nji gje te till por nga sote ne nuk do durojm torturen psiqike ktyre ju pengon atedhedashuria ate nuk do munden te naj marin ishim , jemi dhe do te jemi UÇK me zener ju luse te shperndani dhe mediat elektronike ta plasojn kete deklarat nga ne. Komandant Malisheva.   

Përhapeni ose shpërndajeni ju lutemi pasi arrite qe ta lexonit deri këtu...! Me qe e lexuat po ju falenderojm dhe ne të  "Shtypnews.al"...! 

SHARE..!!

Rama: Doni paga të larta? S’kemi shkop … ( Video )

"Shqipëria e Shqiptarve"

Ditën e sotme kryeministri Edi Rama ka vijuar me rubrikën e tij “Përgjigja ime”, nga ku ka shkëputur nga Facebook-u i tij komentin e një qytetari.

Rama e ka shkëputur komentin pikërisht nga videoja ku prezantoi shtëpinë për një familje të varfër, ku qytetari komenton se “ne si shtet nuk kemi mundësi financiare për të ndërtuar shtëpitë e njerëzve në nevojë”.

Më tej, qytetari ka vazhduar komentin e tij duke thënë se shqiptarët janë të aftë të bëjnë çdo lloj pune, por nuk kanë paga të mira.

E pikërisht këtij komenti Rama i është përgjigjur se realiteti nuk ka lidhje fare me teorinë.

Sipas Ramës, nuk ka një shkop magjik për të rritur pagat.

Kreu i Qeverisë shprehet:

S’mund t’i kemi pagat si në BE se nuk e kemi zbuluar një shkop magjik që ta bëjmë të mundur diçka të tillë”
Komenti i qytetarit:

Janë me mijëra Z.Kryetar i Këshillit të Ministrave!

Kjo do politika të mirëfillta sociale(sepse nuk besoj që kemi mundësi financiare si shtet të ndërtojmë shtëpitë e të gjithë këtyre personave fatkeq). Është sfida më e madhe e çdo shoqërie mirëqenia e kësaj shtrese.
Duke u marë me raste sporadike nuk mendoj se po i jepni zgjidhje këtij problemi madhor. Këta njerëz duhen punësuar.Ndaj kam një sugjerim;”shqyeji” të gjitha portat e vendit dhe sill çfarëdolloj biznesi të huaj në mënyrë që ata njerëz të dalin nga mjerimi nëpërmjet punësimit.

Pra nuk është kjo zgjidhja(megjithëse më vjen mirë që ndihmohen edhe këto familje). Nuk ka nevojë për shumë dije ekonomike,thjesht të marim shembull se si janë zhvilluar vendet e tjera.

Se përderisa Shqiptarët janë të aftë të bëjnë çfarëdolloj pune në vendet e BE e mbarë botën,besoj se po të kenë mundësi punësimi dhe paga të mira,mund të punojnë në vendet e veta(dhe dihet që kontribuojnë në ekonomi më shumë se çdo faktor tjetër konsumatorët)”

Video e Ramës:

Llalla: Trupi i pajetë i Kacifas do të të merret nga familjarët, ju tregoj planin e fshehtë… (VIDEO)

Gazetari Arben Llalla në një lidhje direkte, ka folur në studion 360 grade në ora news në lidhje me vrasjen e ekstremistit grek.

Lalla: Trupi i pajetë i Kacifas do të të merret nga familjarët sot, e gjitha skema ishte hedhja e dopio 6 për policinë shqiptare. Kjo ishte pra plani i grekëve që të hidhte hije mbi ne, pasi ata gjithmonë janë përpjekur që të shtrëmbëlojnë gjithmonë të vërtetën./360grade.al/

---

360grade.al

Vasili: Si më arrestuan në Athinë për ditëlindje, minoritarët deklarohen grekë për pension

Regjisori Laert Vasili i ftuar në "360 Gradë" në Ora News, tha se në Athinë nuk mund të imagjinohet të dëgjosh muzikë shqipe, ndërsa kujtoi rastin kur u ndalua nga policia greke për ditëlindje.Vasili: Dil ku të duash në kafeteritë e Tiranës do të dëgjosh gjithandej muzikë greke. Provo në një kafe të Athinës të vësh muzikë shqiptare. Në një ditëlindje time me 3-4 vlonjatë që jam rritur me ta, filluam të këndojmë labçe, erdhi policia dhe na arrestoi. Është një shtet që deklaron se jemi 100% të pastër. Kur ministrja e Jashtme Dora Bakojani deklaroi në Parlamentin Evropian se jemi 100% të pastër, Parlamenti Evropian qeshi. Le të marrim zonën e minoritetit se sa mbiemra janë sllavë dhe sot marrin pension. Në qoftë se Shqipëria do të ishte Zvicër, shumë anëtarë të minoritetit do të deklaroheshin zviceran. Fukarallëku është maskarallëk. 

shkolla e parë e mësimit në gjuhën shqipe, në ceremoni edhe Nikolla

Ripostim ky 18/04/2018

Hapet në Turqi shkolla e parë e mësimit në gjuhën shqipe. Ministrja e Arimit Lindita Nikolla u takua në Izmir të Turqisë me ministrin e Arsimit, Ismet Yilmaz, me të cilin mori pjesë në ceremoninë e fillimit të mësimit të gjuhës shqipe.

Pas takimit në qytezën Kemalpasha të Izmirit, dy ministrat vizituan lagjen Halibeyli, i populluar kryesisht me shqiptarë dhe boshnjakë. Ministri turk Yilmaz theksoi se Shqipëria dhe Turqia kanë të kaluar të përbashkët qindravjeçare dhe janë dy shtete mike dhe vëllazërore.

Sipas tij, edhe pse dy vendet nuk kanë kufi të përbashkët, lidhjet e forta historike bëjnë që dy vendet të ndihen si dy vende të përkushtuara për njëra tjetrën me historinë dhe kulturën e përbashkët.

Yilmaz tha se pas Shqipërisë, Turqia është vendi ku jetojnë më së shumti shqiptarë. Sipas tij nxënësit në këtë shkollë mund të zgjedhin lëndën e gjuhës shqipe dhe shtoi se lidhjet me popullin shqiptar do të forcohen tutje përmes fëmijëve.

"Ne duam të zhvillojmë bashkëpunimin në çdo fushë mes dy shteteve. Distanca mes Shqipërisë dhe Turqisë nuk është pengesë për vëllazërinë mes dy vendeve. Uroj që lënda zgjedhore e gjuhës shqipe të avancojë tutje miqësinë dhe vëllazërinë mes vendeve tona", tha Yilmaz

Nga ana tjetër, ministrja shqiptare Nikolla tha se ndihet e emocionuar me këtë rast.

"Ju falenderoj dhe ju shpreh mirënjohje për këtë mundësi që i keni dhënë mësimit të gjuhës dhe kulturës shqipe", tha Nikolla.

Ajo u shpreh se në të ardhmen do të formohet një komision për krijimin e shkollave të binjakëzuara dhe këmbim informacioni. 

Fotolajm: Pamje të bukura të autostradës që na kushtoi “qimet e kokës”

Në këtë fotografi mund të shihni pamje të bukura të autostradës “Arben Xhaferi”. Urat, për shkak të terrenit pa përshtatem, mbulojnë një pjesë bukur të gjatë të autostradës “Arben Xhaferi”, sidomos në pjesën ndërmjet Kaçanikut dhe Hanit të Elezit, mbi Lumin Lepenc.

Autostrada që do t’i kushtojë rreth 800 milionë euro buxhetit të vendit, përfshirë 53 milionët shtesë që pritet ti paguhen si penallti kompanisë amerikano –turke, pritet të përurohet në fund të vitit. (Foto e realizuar nga Mumin Jashari)

“Çmendet” moti në Itali, disa të vdekur

 

Italia është përfshirë nga furtuna dhe rrebeshe të forta shiu. Era ka patur një shpejtësi që ka arritur deri në 100 kilometra në orë.

Zonat e goditura nga furtuna janë Liguria, Roma, Napoli, Toskana, Emilia Romanja, Venezia, Trentino dhe disa fshatra të veriut të Italisë.

Frika më e madhe gjendet në Venezia, ku batica ka mbërritur në 150 centimetra mbi nivelin e detit, duke shkaktuar përmbytje në 70% të zonave të saj historike.

Ne Crotonese deri tani kanë vdekur 4 njerëz për shkak të rrëshqitjeve të forta të dheut. Fuqia e erës ka arritur të thyejë edhe pemë, mbi të gjitha në zonën e Lazios.

Në Ciociara, një pishë është përplasur mbi një makine duke shkaktuar vdekjen e dy të rinjve. Ndërsa në Napoli, një pemë në rënie e sipër ka vrarë një kalimtar. Për shkak të motit të keq deri tani janë pezulluar të gjitha linjat detare dhe ajrore nga Shqipëria në Itali dhe anasjelltas.

JETOJE JETËN SI TË VIJ..! Mos e kalo pa e lexuar!?

JETOJE  JETËN SI TË VIJ
`

Të ecësh përpara duhet,
Ne udhën e pa lexuar, 
Në ditarin e jetës shkruhet
Ato që koha të ka mësuar.

`
Të kërkosh të pamunduren, 
Eshtë më shumë se çmenduri, 
Përpjekjes për arritje si druhem ,
Kur hapi hedhur ka vendosmëri. 
`
Fjalët ikin s`kthehen prapa 
Prandaj duhet kujdes ,
Jeta s`jetohet ndër ëndërra 
hamendja është thikë me pres.
`
Të jetosh jetën si të vij ,
Do ishte një veper e zgjuar 
Lakmisë duhet ti vëm kufij. 
Vetdijen duke mbajtur zgjuar !

Sabrie Selimaj@    Nga  Mimosa Ruko ka shpërndarë një postim. Ku thotë me dy fjalë Super vargje 👏✍❤

Aeroporti më i madh në botë sot po inaugurohet në “fshatin shqiptar”

Në Stamboll sot hapet një aeroport i ri, për të cilin presidenti turk, Recep Tayyip Erdogan, ka përgatitur hapje solemne. Zona ku po hapet aeroporti i ri i Stambollit quhet “Arnavutkoy”, që në shqip do të thotë “Fshati i shqiptarëve”.

Një aeroport i ri po hapet në “Fshatin e Shqiptarëve” në Stamboll. Në hapjen e tij do të marrë pjesë edhe presidenti i Kosovës, Hashim Thaçi, i cili është ftuar nga Erdogan, transmeton Express.

Pjesë e ceremonisë së hapjes së këtij aeroporti do të jenë krerë shtetesh dhe kryediplomatë nga vende të ndryshme të botës.

Aeroporti i ri i Stambollit po hapet në Ditën e Republikës së Turqisë./Pacensure

Koment: Merkel tregon më në fund lidership të fortë

Pas rezultatit katastrofik të partisë së saj në zgjedhjet e landit të Hessenit, Angela Merkel dëshmon format e përgatit me zgjuarsi largimin e saj, me heqjen dorë nga kandidimi për kryesinë e partisë, thekson Ines Pohl.

Që prej një gjysmë viti qeveris koalicioni i përbërë nga SPD dhe CDU/CSU. Dhe që prej një gjysmë viti Gjermania nuk udhëhiqet, por paralizohet nga një qeveri, e cila në radhë të parë merret me veten e saj. Grindje të brendshme përcaktojnë rendin e ditës, jo çështjet urgjente si nacionalizmi i djathtë që po forcohet, i cili po feston suksese jo vetëm në Gjermani dhe tek fqinjët evropianë, por në të gjithë botën. Ndaj sfidave të migrimit nuk gjenden përgjigje, po kaq pak vërehet një trajtim i reflektuar i rreziqeve dhe shanseve të inteligjencës artificiale. Për të mos folur për ndryshimin e klimës.

Populli gjerman është ngopur me këtë egocentrizëm dhe me këtë vetëshkatërrim.  Zgjedhjet në landin me ekonomi të fortë të Hessenit treguan qartë pikërisht këtë: vendi kërkon ndryshim. Shumica nuk ka më besim që Angela Merkeli pas 13 vitesh në post do të jetë në gjendje ta drejtojë procesin e ripërtëritjes.

Shansi i fundit për Merkelin

Angela Merkeli e di këtë. Ditët e fundit ajo ka folur çuditërisht hapur që sa e vështirë është pas kaq vitesh në post që të rregullosh atë që do të të pasojë. Dhe sot shfrytëzoi shansin e fundit për të luajtur ende një rol aktiv.

                                                          Kryeredaktorja e Deutsche Welle-s, Ines PohlSi traditë, një kancelar nga radhët e CDU-së ka edhe kryesinë e partisë. Këtë nuk e kërkojnë statute të partisë, por aritmetika e pushtetit. Kjo e bën shumë më të lehtë qeverisjen. Merkeli ka bërë të qartë gjithmonë se nuk dëshiron

të heqë dorë nga ky instrument. 

Që ajo shpall tani se nuk do të kandidojë më në dhjetor për kryesinë e partisë tregon se sa serioze është gjendja. Kjo dëshmon që Merkeli po humbet mbështetje edhe në radhët e saj. Kjo tregon se Merkeli nuk e humbet instinktin e mbijetesës edhe në rënie. Në vend që të lejojë që të mos e zgjedhin, ajo heq dorë vetë. Edhe njëherë ajo tregon se është aktorja pragmatike, e cila tregon papritur formën më të mirë, kur vështirësitë janë më të mëdha.

Ndërtimi i pasardhëses së preferuar 

Kjo i jep asaj pak hapësirë. Ajo mund të punojë edhe më tej për ndërtimin e pasardhëses së saj Anngegret Kramp-Karrenbauer. Dhe para së gjithash ajo mund të qëndrojë për njëfarë kohe kancelare.

Në fund ajo do të ndihmojë me këtë jo vetëm veten, por edhe partinë e saj. Tani topi është sërish në fushën e SPD-së, të partneres qeveritare. Me vendimin e Merkelit janë shtuar gjasat që SPD të largohet nga aleanca qeveritare - dhe në këtë mënyrë që barra për këtë dështim të kalojë në supet e SPD-së.

Merkeli i mbetet besnike vetes. Deri në fund të kancelarisë së saj - e cila tani është afruar dukshëm. Shkran
/DW Shqip/ B C.  tashmë dhe në
 /Shtypnews.al/