Sulejmani po “kalbet” në Idrizovë : Zv/drejtori kërkon ndërprerjen e dënimit (VIDEO)

Sulejmani po “kalbet” në Idrizovë : Zv/drejtori kërkon ndërprerjen e dënimit (VIDEO)

.......

Sami Sulejmani i cili vuan dënimin në Burgun e Idrizovës është në gjendje të rëndë shëndetësore pas një ndërhyrjeje kirurgjike. Autoritetet e burgut kanë konfirmuar gjendjen e tij të rënduar shëndetësore por ende nuk ka një vendim për lirimin e tij.

Që në mëngjes Shefqet Sulejmani po bredh nëpër barnatoret e qytetit, duke kërkuar ilaçin që sadopak da ia lehtësojë dhimbjen kushëririt të tij, i cili po vuan dënimin në Burgun e Idrizovës.
Samiu, po vuan dënimin që nga 2016-ta. Muajin e kaluar është operuar.

Mjekët ia kanë hapur pothuajse të gjithë stomakun, e vetëm disa ditë pasi i është nënshtruar ndërhyrjes kirurgjike është kthyer në Idrizovë. Mungesa e higjienës dhe e mjekimit adekuat, kanë ndikuar që varra ti infektohet.

Sëmundjet e shpeshta kanë ndikuar që edhe gjendja e tij psikike të përkeqësohet, thotë kushëriri Shefqeti.

Kontaktuam edhe me zëvendës-drejtorin e burgut, Femi Jonuzin. Ai na tha që personalisht e ka vizituar Samiun, dhe e konfirmoi gjendjen e rëndë shëndetësore. Ka kërkuar nga Drejtoria për Ekzekutimin e Sanksioneve që të ndërpritet vuajtja e dënimit para 3 ditëve, por prej atje përgjigje nuk ka.

Edhe pse e informuam se gjendja shëndetësore e Samiut po përkeqësohet, drejtori, Jovica Stojanovic, shkurtë na tha se është në takim në Shtip, dhe se do të na kërkojë më vonë, por kjo nuk ndodhi. /Furkan Saliu – Klan Macedonia