Kam nigju për ty Kosovë

që kur isha fmijë kopshti

4-5 vjeçare

Kur e kishin akuzu babën tim

poetin Vehbi Skënderi

si bashkëpunëtor të armikut të klasës

e kishin pyt edhe për ty

Kosovën e kam në zemër

asht përgjigj im atë

E atëher e kishin akuzu edhe si nacionalist

Unë fmija që nigjojsha

gjithë sy e veshë

prej atij çasti nisa me e

përfytyru Kosovën

si diçka shumë të jashtëzakonshme

që Baba im e mbante përherë me vete në zemër

Ai në zemrën e tij më mbante mua

Dmth Kosova ishte diçka si unë

një fmijë,

pyesja unë fmija veten

Po pse unë nuk e njoh

Pse im atë nuk na e ka sjellë në shtëpi

Por ajo që kuptova prej asaj dite

ishte se Baba im e donte fort Kosovën

dhe unë po prej asaj dite kam fillu me e dasht

Kosovën

me e mbajt fort në zemër

pa e ditë se çka asht!

Sikur Baba im

poeti Vehbi Skënderi

të du Kosovë!