Deklaratë shtypi e partisë ‘Zgjidhja’ Lironi Xhulian, arrestoni vrasësit e shqiptarëve!

Deklaratë shtypi e partisë ‘Zgjidhja’

Lironi Xhulian, arrestoni vrasësit e shqiptarëve!

Shtypnews.al

Xhulia Aliaj, studente 25-vjeçare në Universitetin e Durrësit, është ndaluar nga Policia e Shtetit mëngjesin e sotëm me akuzën e “Përhapjes së informatave të rreme që ngjallin panik”. Krimi i vetëm i Xhulias ishin dy postime në ‘Facebook’, ku u bënte thirrje bashkëvendasve që të largoheshin nga Porto Romano, aty ku ka edhe shtëpinë e vet, për shkak të frikës së shpërthimit të depozitave të gazit, duke iu referuar medias së Vatikanit ‘L’Avvenire’.
Shokët tregojnë se Xhulia është një vajzë besimtare dhe aktiviste e shoqërisë civile. Ajo ishte në ballë të protestave, nga ajo kundër armëve kimike siriane në vitin 2013, deri te protesta e studentëve e një viti më parë. Pas tërmetit shkatërrues të 26 shtatorit, ishte ndër vullnetaret e para që shkuan në ndihmë të banorëve që u strehuan te stadiumi i Durrësit.

Partia ‘Zgjidhja’ bën thirrje për lirimin urgjent të studentes Xhulia Alia. Ajo nuk ka përhapur informata të rreme, por një link të medias së vendit fqinj që tregonte probleme me depozitat e gazit në zonën e shkatërruar nga tërmeti, me kujdesin për të shpëtuar jetë njerëzish.

Policia e Shtetit duhet ta lirojë menjëherë Xhulian e pafajshme. Prangat nuk u duhen vënë të rinjve kurajozë dhe denoncues, por lukunisë së pushtetarëve vendorë, ministrave, ndërtuesve, inxhinierëve e supervizorëve që lejuan katrahurën e ndërtimeve pa studimeve dhe pa asnjë standard, që u rrënuan si kartonë, duke u marrë jetën 50 shqiptarëve. Çdo minutë vonesë në lirimin e saj, është një akuzë më shumë për këtë qeverisje, që tërmeti e nxorri lakuriq, si të paaftë, të çorganizuar, hajdute edhe të ndihmave humanitare dhe që në ditë fatkeqësie nuk kishte as fonde, as logjistikë dhe as struktura, sepse i ka harxhuar për lukse, korrupsion dhe PPP. Shkruan /Zgjidhja/

Shtypnews.al

Kemi me te vertete nevoje te degjojme lajme te mira, qe te na duket dhe ne vetja si gjithe te tjeret.

Ky eshte ->Shtypnews.al kliko mbi te, dhe pelqeje faqen.

FALEMINDERIT

Shtypnews.al

^^^^^^^^^

Eshte e vertete qe lajmi i keq ben me lajm, por ne kemi nevoje per lajme te mira, se me te tjerat jemi lodh duke i degjuar e perjetuar, prandaj ju lutem shume na tregoni per punen e mire te vullnetareve, qe punuan pa doreza ne pallatet e shembura, per familjet qe u kan hap dyert kush ka ngel pa shtepi. Per restorantet qe afrojne ushqim falas, per ate vlonjatin qe desh vdiq nga lodhja, per policine e shtetit, policine Kosovare, greke, malazeze e serbe.
Per shumen e lekeve dhe te ndihmave ushqimore te dhuruar nga populli perfshire dhe emigrantet.
Etj, etj,etj...
Kemi me te vertete nevoje te degjojme lajme te mira, qe te na duket dhe ne vetja si gjithe te tjeret.
Sigurisht ka dhe do te kete veprime te shemtuara, siç ka kudo, por qe duhen denoncuar ditekt, sot me teper se kurre meqe i kemi dhe mjetet per ta bere.
Na i tregoni dhe me filmime ju lutem , qe ti tregojme femijeve tane dhe botes anen tjeter te mire te Shqiptareve, ane qe per shume kohe ka ngel ne hije.
Ju faleminderit. /Shkruan - Astrit Balla

Video fantastike e mesazh prekës nga Tetova, nxënësit shpalosin flamurin gjigant

Nxënësit e shkollës së mesme të mjekësisë “Mosha Pijade”, në Tetovë, kanë shpalosur sot flamurin gjigant shqiptar në nder të festës së pavarësisë së Shqipërisë, dhe në shenjë solidariteti me viktimat e tragjedisë që goditi vendin tonë, siç raporton Tetova Sot.

Plqejeni faqen ((( Shtypnews.al)))

“Lutu për Shqipërinë” ishin fjalët që nxënësit formuan me koreografinë e tyre, dhe më poshtë do të lexoni vargjet prekëse të shkruar nga nxënësit e kësaj shkolle.

Dita e Flamurit të gjeti të lëkundur mirëpo jo të mposhtur, e jona Shqipëri!
Na bashkoi të gjithë shqipëtarëve anë e mbanë ngaqë dhimbja yte është edhe dhimbja jonë.
Në këtë ditë të errët Nëntori, mes dhimbjesh e lutjesh, ne nxënësit e shkollës së mesme Medicinale bashkëndjejmë dhimbjen me ty!
Mbahu Shqipëri, mbahu, se nuk thyhesh dot Ti!

Biznesmeni malazias jep 2 milionë euro për katastrofën në Shqipëri

Presidenti i klubit basketbollistik Mornar nga Tivari i Malit të Zi, Djordje Paviçeviç, thuhet se ka dhuruar një shifër të majme për viktimat e tërmetit në Shqipëri.

Lëkundjet e tokës në Durrës dhe rrethinë kanë shkaktuar viktima në njerëz dhe dëme të mëdha materiale. Deri më tani raportohet se janë 47 persona të vdekur dhe mbi 650 të lënduar.

Pas kësaj katastrofe vendet fqinje kanë dhuruar ndihma të mëdha.

Nga Mali i Zi raportohet se ka ardhur një donacion i madh prej biznesmenit, Djordje Pavicevic.

Në faqen e Instagramit “Basketboll pa Kufij”, kanë dalur informacione se njeriu i parë i klubit të basketbollit Mornar ka vendosur të dhurojë dy milionë euro për të ndihmuar Republikën e Shqipërisë.

Paviçeviç njihet si filantrop i madh dhe humanist. Muajin e kaluar ai ka ndërtuar një terren sportiv për fëmijë në qytetin e Tivarit në Mal të Zi.

Nata ka rënë mbi Nënën Shqipëri!

Nata  ka rene mbi Nenen Shqiperi. 28 dhe 29 Nentori i sivjetshem i lanë  vendin dhimbjes se madhe.  Ajo ngushellon me heshtjen e saj solemne. Ajo  e di se kemi humbur rrugen dhe se shtepia nuk na mbron me. Por Ajo  eshte aty, e palevizur, me themele te forta nga sakrifica e bijve te saj  me te mire...me zemren e saj bujare do na ndricoje nje rruge te re...

 Ngushellimet me te ndjera per viktimat e tragjedise se 26 Nentorit  2019, nderim per eterit e Pavaresise, respektin me te thelle per kedo qe  ne keto 107 vite beri sakrificen sublime per Shqiperine.

 (Kjo  foto eshte bere ne 15 shtator 2019, ne hene te plote. Ne 28-29 nentor  1944 ka patur gjithashtu hene te plote, sipas MoonGlow)

Skandaloze! Polici shkarkon në shtëpinë e tij ndihmat e mbledhura nga tërmeti

Prej dy ditësh Shqipëria gjendet në një gjendje të jashtëzakonshme pasi tërmeti i dy ditëve më parë shkaktoi dëme të mëdha në njerëz dhe dëme materiale kryesisht në Durrës, Tiranë, Krujë e Lezhë.

Si kurrë më parë shqiptarët u mobilizuan dhe kontribuan me ndihma për të prekurit nga tërmeti. Por ndodhi ajo që s’duhej!

Ditën e sotme në media kanë qarkulluar zëra se ushqimet dhe ndihmat po vidhen nga organizatorët të cilët sipas denoncuesve kanë nisur ti shesin ndihmat.

E tillë është edhe video denoncimi bashkëngjitur lajmit ku sipas denoncuesit një oficer policie po vjedh ndihmat dhe po i dërgon në banesën e tij.

107 vjet, Sot Flamuri Kombëtar i zhytur në gjak, Shqiptarët më të bashkuar se kurrë!

Sot, në 107 vjetorin e Ditës së Pavarësisë dhe Flamurit Kombëtar, dy ditë pas tërmetit tragjik me magnitudë 6.4 të shkallës Rihter dhe 812 pasgoditje, kur u shuan 10 familje shqiptare dhe mbetën të vdekur 40 shqiptarë, Flamuri ynë është i zhytur në gjak por Kombi Shqiptar është më i bashkuar se kurrë.

Pas kësaj tragjedie të madhe që ka goditur Kombin tonë, sot, ndonëse të varfër, me solidaritetin, ndihmën dhe zemrën e madhe që treguam se e kemi si Komb, dëshmuam se Jemi Një.

Sot, dy ditë pas tërmetit tragjik, në këto çaste dhimbje dhe tmerri që po kalojmë nga lëkundjet që nuk po ndalen dhe toka shqiptare nuk po gjen dot qetësi, mund të jemi krenar dhe ta urojmë njëri-tjetrin për Ditën e Flamurit, për të cilin, më shumë se kurrë, sot duhet të jemi krenar.

Zoti i bekoftë SHQIPTARËT!   

Numër i madh i qytetarëve drejt Shqipërisë, krijohen kolona të gjata në kufi

Një numër i madh i qytetarëve nga Kosova kanë marrë rrugën drejt Shqipërisë që nga dita e djeshme.

Kjo a bërë që në kufi të krijohen kolona të gjata në kufi, si pasoj e kësaj drejtuesve të automjeteve po u bie të presin në radhë të kolonës, shkruan Indeksonline.

E gjithë këta vullnetarë janë nisur drejt Shqipërisë për tu ofruar ndihma të ndryshme pas tërmetit të fuqishëm që ka goditur vendin e tyre dje.

Indeksonline ju sjellë një fotografi ku mund të shihni kolonën e krijuar në kufirin Kosovë Shqipëri gjatë orëve të mbrëmjes sot.

Aktualisht atje gjenden shumë kosovar të cilët po soladirizohen me të prekurit nga tërmeti.

Gazetari grek: Sot jemi të gjithë shqiptarë, sepse nuk ka kufi në dhimbje

Gazetari grek Lefteris Charalampopoulos i ka kushtuar një aktikull vendit tonë dhe situatës së vështirë që po kalon. Në këtë artikull shkruhet se Shqipëria ka nevojë për solidaritetin tonë në këtë kohë të vështirë.

Ai u thotë grekëve se kur fqinji ynë po përballet me një tragjedi, atëherë ata kanë nevojë për solidaritetin dhe ndihmën tonë.

Gazetari grek shkruan edhe se kjo që i ndodhi Shqipërisë mund të ndodhë në shtëpinë ngjitur. Po ashtu ai shkruan se grekët u kanë shumë borxhe shqiptarëve dhe nuk duhet të bëjnë sikur i kanë harruar.

Më tej ai shkruan:

Shqipëria është fqinji ynë dhe njerëzit e saj janë të lidhur nga historianët. Dhe këto lidhje u bënë edhe më të forta pasi qindra mijëra shqiptarë erdhën në vendin tonë në kërkim të një të ardhme më të mirë. Ata punuan shumë, shpesh në kushte të mjerueshme, u përballën me një mori problemesh që nga problemet burokratike dhe punëdhënësit cinikë për të kapërcyer racizmin, por ata ia dolën. I kemi borxh atyre shumë, edhe nëse ndonjëherë bëjmë sikur duam ta harrojmë. Shqipëria tani ka nevojë për ne. Po përballet me një katastrofë të madhe. Numëron viktima dhe dëme. E gjithë ndihma dhe mbështetja është e nevojshme. Ne duhet ta japim atë. Qeveria Greke dhe shërbimet publike gjithashtu janë mobilizuar në këtë drejtim. Shoqëria civile duhet të bëjë edhe më shumë.’’

Ekip nga Izraeli për të ndihmuar me situatën pas tërmetit në Shqipëri

Ekipeve nga vendet e Bashkimit Europian dhe ato të rajonit në ndihmë të Shqipërisë pas tërmetit të fuqishëm të mëngjesit të sotëm, i shtohet edhe ai izraelit.

Ministria për Europën dhe Punët e Jashtme njoftoi se një ekip i emergjencave nga Izraeli, Mevoot Hermon Search& Rescue Unit, do të mbërrijë nesër në Shqipëri, për të dhënë ndihmë për të prekurit nga tërmeti.

Ekipet izraelite kanë një përvojë të madhe ndërkombëtare në menaxhimin e situatave të jashtëzakonshme dhe kanë dhënë kontributin e tyre në shumë vende të botës.

Banorët e zonave më të prekura si Durrësi e Thumana do të akomodohen në çadra, ndërsa pritet përfundimi i kërkimeve në rrënoja për të mbijetuar.

Tërmeti me magnitudë 6.3 ballë të shkallës Rihter ra në orën 03.55 të mëngjesit të së martës.

Sipas të dhënave nga Instituti i Gjeoshkencave, Energjisë, Ujit dhe Mjedisit, raportohet se epiqendra e tërmetit ishte 10 kilometra nga Durrësi dhe 31 kilometra nga Tirana./ATSH/

Pas tërmetit, FSK niset drejt zonave të dëmtuara në Shqipëri

Forcat e Sigurisë së Kosovës kanë mbërritur në Thumanë, në ndihmë të autoriteteve shqiptare për vijimin e operacioneve të shpëtimit të personave të mbetur nënë gërmadha, pas shembjes së disa ndërtesave.

Në ndihmë të autoriteteve shqiptare, mbërrijnë Forcat e Sigurisë së KosovësonVidnews.

Deri tani raportohet se kanë humbur jetën 11 persona, ndërsa qindra të tjerë janë lënduar, pas lëkundjeve të fuqishme të tërmetit që goditën vendin mëngjesin e sotme.

Humb jetën mes rrënojave pedagogu dhe efektivi i policisë, Meta: Ra në krye të detyrës/ Emri

Mes viktimave të sotme nga lëkundjet e tërmetit është edhe një pedagog dhe efektiv policie.

Lajmin e bën me dije, Presidenti Ilir Meta, i cili thotë se në Kavaleshencën në Durrës, është nxjerrë i pajetë, Bajram Hajdarmataj.

“Me keqardhje të madhe u shpreha sot përfaqësuesve të Policisë së Shtetit dhe Forcave të Armatosura, nga Kavaleshenca e Ministrisë së Brendshme në Durrës, ngushëllimet më të thella e të sinqerta, për humbjen e jetës në krye të detyrës të kolegut dhe pedagogut të nderuar, Bajram Hajdarmataj. Jam pranë familjarëve, miqve dhe kolegëve të Tij në këto momente tepër të rënda për ta!”, shkruan Meta.

Deri më tani janë konfirmuar 13 viktima, teksa shifrat zyrtare pritet të mësohen në vijim pasi ekziston dyshimi se numri i të ndjerëve mund të ndryshojë.

Krahas viktimave, mbi 600 persona kanë marrë mjekim në spitale.

Shqipëria u godit nga mbi 100 lëkundje tërmeti qysh në orët e para të natës dhe deri gjatë paradites. Më i forti ishte ai i orës 03.54 me magnitudën 6.3 ballë të shkallës Rihter dhe intensitetin 7 ballë.

Thellohet bilanci i viktimave/ 6 të vdekur, mes tyre një 10-vjeçare dhe 325 të plagosur

Thellohet bilanci i viktimave nga tërmeti që goditi vendin. Ministrja e Mbrojtjes konfirmon se 6 persona kanë humbur jetën, ndërkohë që dyshohet se ka ende persona nën rrënoja.


Tragjik rezulton edhe fakti për një vogëlushe 10-vjeçare, e cila ka humbur jetën në banesën e saj në Thumanë, ndërkohë që nëna e saj ndodhet nën rrënoja e plagosur.


Ministria konfirmon se 1 viktimë është në Kurbin, 2 ne Thumanë e 3 në Durrës.

Edhe Ministria e Shëndetësisë informon për personat e lënduar për shkak të lëkundjeve të forta të tërmetit që tronditën sot vendin.  Janë 325 persona të lënduar në total që kanë marrë mjekim në spitalet e Durrësit dhe Tiranës.

Deri tani tek Spitali i Traumës 135 të lënduar kanë marrë trajtim. Në Spitalin e Durrësit janë 130 të lënduar. Në QSUT, 60 raste. Qendra e koordinimit të urgjencës ka pritur 392 thirrje janë realizuar 91 misione në spitale.

Ministrja e Shëndetësisë Manastirliu po ndjek nga afër situatën në qendrën kombëtare të urgjencës mjekësore.

Rama flet për jetë të humbura: Moment dramatik, pika fatale në Durrës e Thumanë

“Goditja e fuqishme e tërmetit ka krijuar pasoja të rënda dhe fatkeqësisht kemi jetë të humbura. Të gjitha strukturat e shtetit janë në këmbë qysh në momentet e para pas goditjes. Po punohet intensivisht për të shpëtuar çdo jetë të mundshme në disa pika fatale në Durrës e Thumanë”.

Kështu shkruan Kryeministri Edi Rama lidhur me tërmetet e orëve të fundit, ku më i fuqishmi ishte me magnitudë 6.4 ballëi flet për një moment dramatik “ku sidoqoftë duhet të ruajmë me çdo kusht qetësinë, të qëndrojmë pranë njëri-tjetrit e ta përballojmë këtë goditje së bashku do të bëjmë gjithçka kemi në dorë dhe me miqtë e mëdhenj në krah do ta kalojmë edhe këtë situatë”.

Rama fton për kurajo, durim  dhe solidaritet. 

Shqiperia ime, si ka mundesi qe vendi eshte ne gjendej emergjence, mund te kete viktima pasi pallate dhe shtepia jane shembur, dhe kryeministri jone as nuk e ve

Shqiperia ime, si ka mundesi qe vendi eshte ne gjendej emergjence, mund te kete viktima pasi pallate dhe shtepia jane shembur, dhe kryeministri jone as nuk e ve ujin ne zjarr te dali drejtperdrejt dhe tiu beje thirrje shqiptarve per qetesi dhe bashkpunim, te shpalli emergjence kombetare sic do ta bente cdo shtet ne bote, pasi kryeqyteti dhe qyteti i dyte me k madh ne vend jane ne nje gjendje kolapsi. Ky pra eshre kryeministri Edi rama dhe politikanet e tjere qe asnjeri nuk ka reaguar deri me tani kur me shume se gjysma e shqiperise eshte ne rruge.

Tërmeti ishte me magnitutë 6.3 dhe epiqendër kishte Detin Adriatik.

Epiqendra e tërmetit ishte 9km në veri të Durrësit dhe 33km në perëndim të Tiranës.

Lëkundjet e forta u ndjenë në disa qytete.

Nuk ka qetësi, një tjetër tërmet shkund vendin tonë

Ironia/ Edi Rama pasi u dha 3 miliardë USD koncesione përmes PPP oligarkëve klientë të tij, nxjerr paketën Anti-KÇK

Ironia/ Edi Rama pasi u dha 3 miliardë USD koncesione përmes PPP oligarkëve klientë të tij, nxjerr paketën Anti-KÇK

Paketa Anti-KÇK e Ramës, përballë koncesioneve të shumta të qeverisë që ka dhënë për oligarkët klientë të tij, është një tallje e madhe për shqiptarët. Skenari i Kryeministrit për të luftuar abuzimin me paratë e qytetarëve po aplikohet pasi ka “dorovitur” me miliona dollarë dhe euro Vilma Nushin, Rrok Gjokën, Ndue Kolën, Klodian Zoton, Bashkim Ulajn, Fushën e Salillarin. Eshtë koha që drejtësia e re të marrë nën hetim kreun e skemës “Kap ç’të Kapësh”, vetë Edi Ramën dhe oligarkët klientë të tij. 

Kryeministri Edi Rama ka dalë ditën e sotme dhe ka prezantuar para socialistëve dhe përballë publikut draftin e Paketës Anti-KÇK

Ndonëse kishte dhe disa pyetje me “spec” të artikuluara nga moderatori i këtij takimi në formë spektakli, ishin pyetje me leje të kuptohemi, Rama në përgjigjen e dhënë për koncesionet e dhëna përmes PPP-ve të famshme është munduar të shmanget, duke argumentuar se shteti s’ka lekë.

Për hir të së vërtetës nuk është shprehur askush kundër koncesioneve, qoftë dhe me PPP, por ato duhet të bëhen me transparencë të plotë dhe me një garë normale, ku të jenë të ftuara kompani vendase dhe të huaja dhe jo të jepen me urdhër për oligarkët klientë të tij shuma miliona dollarë.

Për të qënë korrektë me gazetën dhe qytetarët që na lexojnë, arsyetimin tonë po e mbështesim në një mendim të specializuar, të dhënë përmes ekspertit të ekonomisë, Pano Soko.

Ky arsyetim konsiston në faktin se paketa Anti-KÇK e Ramës, përballë koncesioneve të shumta të qeverisë që ka dhënë për oligarkët klientë të tij, janë mbi 3 miliardë dollarë gjithsej, është një tallje e madhe për shqiptarët.

Kjo masë drastike ligjore e qeverisë ka një ngjashmëri të madhe me aksionin për shkatërrimin e parcelave të drogës në Shqipëri, pikërisht në momentin kur periudha e korrjes së hashashit kishte përfunduar, madje ishte bërë dhe paketimi dhe magazinimi i tij.

Kështu, kryeministri Rama i shpalli luftë KÇK-së me atë spektakël të ditë së sotme, pikërisht pasi ka dhënë konçesionin e check-up me një vlerë prej 90 milionë dollarësh, sterilizimin 160 milionë USD, Dializën 70 milion USD, shërbimin laboratorik 90 milion USD, inceneratorin e Elbasanit 52 milion USD, inceneratorin e Fierit 40 milion USD, inceneratorin e Tiranës 310 milionë USD, rrugët e Devollit 68 milion USD, ndërtimin e shkollave në Tiranë 80 milion USD, rrugën Milot Balldren 300 milionë USD, rrugën Orikum- Llogara 75 milion USD, Traun e Rrugës së Kombit 470 milion USD dhe Rrugën e Arbërit me vlerë 400 milion USD.

Pra janë dhënë gjithsej me koncension për oligarkët klientë të tij plot 2.2 miliardë dollarë.

Ndërkohë që janë në rrugën e “dorovitjes” për oligarkët klientë të tij dhe Spitali i Fierit me vlerë 90 milion USD, rruga Thumanë- Vorë 340 milion USD dhe rruga Kashar-Rrogozhinë me vlerë 410 milion USD. Pra gjithsej janë në dhënie e sipër punë publike, me vlerë 840 milionë USD.

Teksa ka mbërritur shuma në total prej 3.05 miliardë dollarë të dhënë nga buxheti i shtetit për oligarkët klientë të tij, duke filluar nga Vilma Nushi, e vijuar me Rrok Gjokën, Ndue Kolën e përfunduar me Bashkim Ulajn, Klodian Zoton, Fushën e Salillarin, Rama ka vendosur të “zhdukë” KÇK-në.

Për hir të së vërtetë tani nuk ka mbetur asgjë për të grabitur nga buxheti i shtetit, i cili është bosh nga maskarada e kryeministrit dhe oligarkëve klientë të tij, dhe lufta e vërtetë duhet të jetë ajo mes drejtësisë së re dhe Ramës, i cili aplikoi “Kap ç’të Kapësh”. Pjesa tjetër është tallje./Pamfleti

“Me këtë klasë politike jeni të pashpresë”- Presidenti Meta: Shqiptarë, merrni në dorë fatin tuaj!

“Me këtë klasë politike jeni të pashpresë”- Presidenti Meta: Shqiptarë, merrni në dorë fatin tuaj!

Presidenti Ilir Meta thotë se e vetmja rrugë që u mbetur qytetarëve shqiptarë është referendumi.

Gjatë një konference për shtyp, Meta theksoi se shqiptarët janë të pa shpresë me këtë klasë politike dhe se pas disa vitesh, Shqipëria do të mbetet pa shqiptarë.

“Si President i Republikës, kam vendosur pas gjithë përpjekjeve të mia në këtë zyrë për dialog dhe pas gjithë kësaj loje që po i tmerron qytetarët shqiptarë. Dua t’i them qytetarëve shqiptarëve që me këtë klasë politike jeni të pa shpresë. E vetmja rrugë është të ushtroni demokracinë direkte. Për ndryshe pas disa vitesh nuk do të ketë më këtu shqiptarë. Do ketë vetëm emigrantë. Kjo është e vetmja rrugë transparente që pas ca vitesh të mos i ndërrosh emrin Shqipërisë siç ia ndërruan emrin stadiumit “Qemal Stafa” për çështje të globalizimit. Në Shqipëri nuk ka më votime, ka vetëm komandime. Më 8 dhjetor ora 12 në sheshin demokracia në qytetin studenti.

Shqipëria duhet të hyjë në epokën e referendumit. Kjo klasë politike dështoi në mënyrë më të turpshme si asnjëherë më parë. Shikoni ku ka qenë në vitet 200 dhe ku ka përfunduar sot. Partitë kanë dështuar. Më vjen keq ta them, por shikoni parlamentin, shikoni delet në parlament. Nuk vazhdohet më kështu. Të gjithë duhet t’i nënshtrohen vullnetit të popullit duke filluar me mua të parin, si presidenti i tyre.”, tha midis të tjerash.

Meta tha se shqiptarët duhet të japin vendimin e tyre për çdo çështje, qoftë edhe për ndërtimin e hidrocentraleve në lumin Vjosa.

“Duhet të shkatërrohet Vjosa, një nga monumentet natyrore të Evropës, të shkohet në referendum. Ligji duhet të ishte bërë para 20 vjetësh. Është bllokuar qëllimisht që populli shqiptar të mos zgjedhë. Populli shqiptar ka vetëm një detyrë që të mos ikë nga sytë këmbët. Unë e shikoj këtë si një mision që t’i kursejmë këtë tallje klasës politike”, theksoi ai.

Foto histori – Foshnja refugjat sfidon kordonin policor

VOAL – EDIRNE, 19 SHTATOR – Një tjetër foto nga kriza në vazhdim e refugjatëve po qarkullon në internet dhe është përfshirë në faqet e para të të gjitha mediave botërore.

Një foshnjë me pizhame, në Edirne të Turqisë, po qëndron përballë murit policor që kërkon të mos lejojë kalimin e refugjatëve.

Parashikimi i motit për sot datë - (19) - Nëntor, ja çfarë pritet

Parashikimi i motit për sot datë 19 Nëntor:

Sot priten reshje të dobëta në të gjitha qarqet dhe lokalisht deri mesatare priten të jenë për qarqet Shkodër, Kukës, Vlorë dhe Gjirokastër, kryesisht gjatë pasdites.

Era pritet të fryjë e lehtë deri mesatare.

Temperaturat minimale dhe maksimale

Në bregdet: 10 / 17 °C

Në vendet e ulëta: 9 / 16 °C

Në vendet malore: 5 / 11 °C

_____________________________

💌 @shtypnews_al🇦🇱

🙋‍♀️shtypnews.blogspot.com = 🇦🇱💣💥Shtypnews.al. 💋🇦🇱❤️

https://youtu.be/Su17JhTSfJA✨🌟

Bukuroshja Jona Dervishi: Presidenti cek nëse nuk e njeh Kosoven, sonte do t’i njohe mire djemte kosovar ne fushë!

Pragë, 14 nentor -Jona Dervishi, ish-zëdhedhenëse e Kuqezinjve dhe ish-drejtoreshe e informacionit pranë Federatës së Futbollit Shqiptar (FSH) ne Tiranë ka deklaruiar sot për agjencine e lajemeve “Presheva Jonë” se sonte pret shume nga djelmoshat kosovar ne Pragë. 

Ajo eshte optimiste se do te fitojne me rezltat 2:0. Madje ajo eshte lidhur bast me gazetarin nga Gjeneva (i cili aktualisht eshte në “Doosan Arena” të Plzenit, me UEFA-n per te ndjekur ndeshjen)  po ja qelloi e fitoi nje bilete gratis per Zvicer. Kurse, gazetar i Nefail Maliqi  pret rezlutat 2:1 per Kosoven, po ja qelloi, Jona Dervishi da ta ta ftoje mysafire në Tirane gratis, shkruan agencia e lajemeve “Presheva Jonë”

Jona Dervishi bast me gazetarin nderkombetar Nefail Maliqin ne Gjenevë. Ajo thote 2:0 për Kosoven, gazetari 2:1 për Kosovën 

Duke folkur per ndeshjen e sotme mes Kosoves dhe Cekise ne Page bukuroshja shiptare Jona Dervishin ka thenë  se “Patjeter qe Shqiptaret e Kosoves do t’ia dalin me se miri, dite pas dite kombetarja po tregon pjekuri dhe energji te reja njesoj si shteti i pavarur i Kosoves…. Perballe Çekise, do te kemi ne fushe gladiatoret tane , Urojme fitore e suksese dinjitoze! Nje Ekip i forte dhe nje Federate e forte sebashku me Kryetarin Agim Ademi do ta coje kombetaren e Kosoves aty ku e meriton”

“Presidenti cek nese nuk e njeh Kosoven, sonte do t’i njohe mire djemte kosovar ne fushë!.” ka thenë ne fudn buzkuroishja shiptare Jona dervishi për agejncine e lajemeve “Presheva Jonë” dy ore para ndeshjes mes Kosves dhe Cekisë.

@shtypnews_a 

_____________________________

💌 @shtypnews_al🇦🇱

🙋‍♀️shtypnews.blogspot.com = 🇦🇱💣💥Shtypnews.al. 💋🇦🇱❤️

https://youtu.be/Su17JhTSfJA✨🌟

Lajmi i fundit: Serbë dhe shqiptarë për.leshen në Çeki, atmosfera e rënduar

Nuk kanë fund inatet ndërmjet shqiptarëve dhe serbëve. Takimi ndërmjet Kosovës dhe Çekisë ka sjellë tra zira dhe në qytetin çek. Tifozët vendas kanë bindje serbe dhe janë kundër Kosovës.

Situata është përke qësuar në qytet, pasi disa tifozë serbë dhe disa shqiptarë janë përl eshur mes tyre. Gazeta Olle raporton se ka dhe të për gj akur. Situata duket e ashpër kur na ndajnë vetëm 2 orë nga fillimi i ndeshjes.

Gjendja është qetësuar vetëm me ardhjen e Policisë. Tifozët e “Dardanëve” po monitorohen me polici, pasi vendasit nuk janë dhe aq dashamirës.

_____________________________

💌 @shtypnews_al🇦🇱

🙋‍♀️shtypnews.blogspot.com = 🇦🇱💣💥Shtypnews.al. 💋🇦🇱❤️

https://youtu.be/Su17JhTSfJA✨🌟