Pas arrestimit të kushëririt të deputetit socialist, Redjan Rraja, i dyshuar si një nga autorët e atentatit ku mbeti i plagosur prokurori Arjan Ndoja dhe dy të tjerë, shoferi Andi Maloku dhe Landi Muharremi, Kryeministri Edi Rama duke përshëndetur punën e shkëlqyer të Policisë së Shtetit për zbardhjen e ngjarjes kriminale, akuzoi prokurorin Ndoja si të implikuar në ngjarje, tha se do t’i nxjerrin “ujë të zi” foleve të krimit të organizuar.
“Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit.
Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda,” tha Edi Rama duke reaguar përmes rrjetit social Twitter ndërsa paralajmëroi masa speciale kundër KÇK-së:
“Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu.”
Ndryshe, i arrestuari i sotëm nga policia, si një nga autorët e atentatit ndaj prokuorit Arjan Ndoja është kushëriri i deputetit të Partisë Socialiste, Rrahman Rraja.
No comments:
Post a Comment