Antibiotiku i rrezikshëm në farmaci. Ka efekte anësore të pariparueshme

Shtypnews.al 

Janë publikuar antibiotikët që nuk duhen rekomanduar nga mjekët ose duhen dhënë në mënyrë të kufizuar.

Këtë u ka kërkuar Agjensia e Barnave të gjithë mjekëve tanë që në recetat e tyre të mos përshkruajnë antibiotikë të klasave kinolone dhe fluor kinolone pasi Agjensia Europiane e barnave njofton për efekte anësore të parikuperueshme. Në fakt, në farmaci thonë se këto lloj antibiotikësh janë shumë të përdorur.

Të dy llojet e antibiotikëve kanë përdorim me spektër të gjerë, si në traktin gastrointestinal, por edhe për probleme të veshkave.

Për pacientët që duhet domosdoshmërisht t’i përdorin, ata duhet të jenë të kujdesshëm në shfaqjen e simptomave që ditën e parë, pasi kanë efekte anësore që lidhen me depresionin apo vështirësi në ecje, si dhe prekin shikimin dhe dëgjimin.

Nga ana tjetër, Agjensia e Barnave kërkon që pacientët të japin informacion agjensisë për efektet anësore të çdo lloj medikamneti.

http://top-channel.tv/video/antibiotiku-i-rrezikshem-ne-farmaci-ka-efekte-anesore-te-pariparueshme/

Surprizat e motit. Ja çfarë ndodh me temperaturat nesër -...

Shtypnews.al

Duke filluar nga dita e nesërme në të gjithë territorin do të kemi një ngritje të temperaturave. Banorët e kryeqytetit dhe në vendet e ulta dhe bregdetare, temperaturat e ulta do të shënojnë për herë të parë pas 3 javësh mbi zero gradë celcius.

Ndërkohë që meteorologët parashikojnë temperatura normale për stinën edh gjatë javës së ardhshme, të shoqëruara me reshje shiu dhe dëbore.

Ja si parashikohet moti për ditën e nesërme:

Nënshtetësi për refugjatët. Ndryshimet e ligjit do të shkojnë në Parlament

E drejta për të fituar shtetësinë shqiptare do t’u njihet edhe refugjatëve e personave në mbrojtje plotësuese.

Shtypnews.al

Kushti kryesor është qëndrimi në mënyrë të ligjshme dhe banimi në mënyrë të vazhdueshme në Republikën e Shqipërisë, për një periudhë prej jo më pak se 10 vite nga dita e komunikimit të statusit.

Ministria e Brendshme ka hartuar disa ndryshime në “ligjin për shtetësinë”, në të cilin përcaktohen parimet dhe rregullat për fitimin, rifitimin dhe heqjen dorë nga shtetësia shqiptare.

Top Channel disponon projektligjin që do t’i kalojë për shqyrtim Parlamentit, në relacionin e të cilit theksohet se, kjo nismë vjen si rezultat i nevojës së zgjidhjeve të disa problematikave të hasura në praktikë.

Projektligji i propozuar ka zgjeruar mënyrat e fitimit të shtetësisë, duke parashikuar edhe fitimin e saj me origjinë.

Gjithashtu, risi është edhe forcimi i kritereve për dhënien e shtetësisë me natyralizim për të huajt, kur Republika e Shqipërisë ka një interes ekonomik të paraqitur në formën e një investimi, duke pasur qëllim filtrimin dhe verifikimin e burimeve financiare.

Ndryshimet e reja ligjore pritet të shoqërohen me ndikime sociale në dy aspekte:

“Regjistrimi i personave, të cilët kanë fituar shtetësinë shqiptare me dekret presidencial, por që nuk janë regjistruar në zyrat e Gjendjes Civile përkatëse, si dhe regjistrimi i personave që kanë mbushur moshën 18 vjeç, të lindur jashtë territorit shqiptar qoftë edhe me njërin prind më shtetësi shqiptare, do të sjellë rritje të numrit të popullsisë shqiptare. Por, nga ana tjetër, edhe fitimi i shtetësisë shqiptare për të huajt që kryejnë një investim në sektorë strategjikë me interes publik, sipas legjislacionit përkatës në fuqi shoqërohet me efekte ekonomike pozitive”, thuhet në relacionin e projektligjit.

/Top Channel/ & /Shtypnews.al/

Ju s`mund ta arrestoni Balilin, dosja e tij është më e pastër se e juaja!

Ju s`mund ta arrestoni Balilin, dosja e tij është më e pastër se e juaja!

Nikoleta Kovaci

-Kushdo që e ka njohur sado pak Klement Balilin dhe historinë e tij, e ka ditur që në krye të herës se policia nuk mund ta arrestonte. Nuk kishte se si asnjë lloj efektivi policie që të shkonte në shtëpinë e Klementit, mikut të të gjithë të fortëve të qeverisë e t`i thoshte; ka një urdhër-arrest për ty!
Kushdo që është marrë sado pak me çeshtjen e “Balilit” këto dy vitet e kërkimit fals policor, e di që në krye të herës, që Klement Balili asnjëherë nuk është larguar nga shtëpia, miqtë dhe nga jeta normale që mund të bëjë një person, përveçse nuk ka qenë në administratë si drejtues drejtorie. Madje ai mund të ketë marrë edhe rrogën në atë post, pasi këtu nuk është e thënë se të merret gjë vesh në lidhje me të punësuarit në mbi gjashtë apo shtatë vende pune.
Kushdo që ka qenë në brendësi të dosjes së Balilit, bëmave të tij dhe influencës që ai ka patur viteve të fundit jo vetëm në vendlindjen e tij që shtrihet që nga Vlora e deri në Sarandë, por deri në kupolën e qeverisë, e ka ditur që në krye të herës, se operacionet e organizuara nga policia e Saimirit të përfolur për trafikun e drogës, e Fatmirit nostalgjik dhe inekzistent dhe e Sandrit që më shumë i ngjan kukullës, ishin serioze dhe profesioniste. Ani pse ato operacione nuk mund të konkludonin në arrestimin e ‘përbindëshit’ Klement Balili, mikut të të gjithëve, baronit të drogës që dilte nga deti në Greqi dhe nga ajri nëpër vendet e Perëndimit, por që Santa Quarantën e linte në dispozicionin e miqve të pushtetit, të atyre që ishin e të atyre që do vinin.
Kushdo e ka ditur, vetëm sadopak të marrë vesh nga çfarë ndodh në këtë vend, se operacionet për vënien nën sekuestro të ndërtetës luksoze, ishin false dhe një zhurmues për të mbajtur nën kontroll zukatjet e ndonjë ‘kazani’ apo ndonjë zëri opozitar që mbytej brenda pak orësh.
Klement Balili ka udhëtuar ku ka dashur këto kohët e ‘arratisë’ dhe shteti që përbëhet nga miqtë e tij nuk kishin mundësi t`i afroheshin, jo më t`i prishnin ditët dhe netët e qetësisë së tij. Fundja Balili, edhe pse konsiderohej si baroni i drogës gjithnjë i kishte mbajtur afër njerëzit e politikës! Sepse Balili e dinte se mund t`i blinte, mund t`i përdorte dhe në fund, edhe mund t`i hidhte. Ai ka parë me qindra raste. Edhe të njerëzve më me pak fuqi se sa e tija, edhe me kriminelë që kanë bërë batërdi ekzekutimesh e shfarosjesh, edhe me hajdutë ordinerë që e kanë nisur duke vjedhur pulat e fqinjit, ose fiqtë e komshijes për t`i shitur si të vetët, të cilët e kanë blerë shtetin e mandej kanë ble atë qyqe drejtësie. Balili, gjithnjë e ka ditur se ai është më i zoti se ata, më i predispozuar për të qenë në krah të ligjit më shumë se sa qeveritarët, drejtuesit e policisë, prokurorisë, gjykatave, e të gjithë atyre që iu digjet shpirti për këtë vend.
Por kushdo që e njeh historinë e Balilit dhe historinë e krimit në këtë vend, asnjëherë nuk do ta çonte afër mendsh faktin që Klement Balilin do ta shoqëronte që në krye të herës kryepolici i vendit. Ka ndodhur edhe herë të tjera që drejtues policie të ‘flirtojnë’ me vrasës, me trafikantë, me shkelës ligji të frikshëm, por asnjëherë nuk është lejuar publikisht që një drejtues policie të niset që nga Tirana për të marrë në mjetin e tij një të shumëkërkuar. Madje ta presë të përqafohet edhe me familjarët e tij, pasi ndoshta s`do kjetë mundësi t`i takojë për pak ditë. Po ashtu, Balili, si një njeri i mirë dhe i zoti, ai duhet të jetë përshëndetur edhe me të gjithë njerëzit e zonës, katundeve dhe me miqtë, e kryepolici i vendit, ka qëndruar në mjetin e tij duke e pritur siç mund të presë një shofer besnik apo truprojë të fortësh.
Por kushdo që ka menduar të gjykojë mbi këtë akt të ditës së sotme, si për keq ashtu edhe për mirë, meqë ende ka njerëz që besojnë se është akt i përgjegjshëm i qeverisë, asnjëherë nuk mund ta besoj që ka menduar se ministri i brendshëm do dilte e do të fliste për këtë arritje. Në fakt, për këtë turp institucional. Kurrë më parë nuk është shënuar një precedent i tillë në këtë formë, por që sigurisht s`mund të ndodhte ndryshe. Përbaltja dhe përçmimi i gjithçkaje me vlerë në këtë vend paska çmim e këtë çmim më mirë se sa Balili kush mund ta njihte? Ministri i brendshëm e konsideroi aktin si një kapërcim të dimensionit të policisë, e në fakt kishte të drejtë; Policia as kur ngarkonte skafet me hashash, apo gomonet dhe maunet me bimë narkotike nuk ka qenë më e poshtëruar se sa sot. Megjithatë ministri i brendshëm tha: “Policia sot kaloi në një dimension të ri!”  Dhëntë Zoti e ky dimension u shkatërroftë deri nesër, ani pse është shoqëruar Balili. S`ka asgjë, fundja dosja e tij është shumë herë më e pastër se e të gjithë miqve të vet politik. Edhe ai e di. Madje kjo ‘dosje’ do ta mbrojë më mirë se ish-kryeprokurori-avokat!
 NGA - Nikoleta Kovaci/

Shtypnews.al

Bullgarët propozojnë ndarjen e Maqedonisë mes Shqipërisë dhe Bullgarisë?!

Një gazetë e disasporës bullgare ka botuar tekst, ku propozohet ndarja e Maqedonisë mes Shqipërisë dhe Bullgarisë, transmeton Gazeta Lajm.
“Të gjithë bëhen budallenj dhe nuk e dinë se luftërat tona në të kaluarën kanë qenë për bashkimin e Maqedonisë dhe Thrakisë së Odrit me nënën Bullgari? Tani pas gjitha deklaratave të Zoran Zaevit, nuk na mbetet asgjë tjetër përveç se t’i rifillojmë negociatat mes shqiptarët për ndarjen e Maqedonisë së Vardarit mes Shqipërisë dhe Bullgarisë. Të gjithë që shkruajnë për Maqedoninë e dinë që ajo do të ndahet mes Shqipërisë dhe Bullgarisë, por të gjithë shtiren sikur nuk janë të njohur me problemin dhe presin dikush tjetër ta zgjidhë”, shkruan kjo gazetë.

Me një pasaportë shqiptare, ju mund të udhëtoni pa viza në 115 vende

Shtypnews.al 

Shqipëria renditet në vendin e 50-të në listën e vendeve, pasaportat e të cilëve e bëjnë më të lehtë udhëtimin, sipas renditjes së Indeksit të Pasaportave Henley për 2019.

Me një pasaportë të  Shqipërisë, ju mund të udhëtoni pa viza në 115 vende.

Nga vendet në rajon, pasaporta më e vlefshme është ajo e Greqisë, e cila është në vendin e shtatë, Sllovenia në vendin e 11, Bullgaria është në vendin 19, Kroacia në vendin e 20, e ndjekur nga Serbia në 40, Maqedonia në vendin e 43, Mali i Zi në vendin e  45, Bosnja dhe Hercegovina në vendin e 49, Shqipëria në 50, dhe renditjen më të keqe e ka Kosova në vendin e 90-të.

Japonia ka pasaportën më të fuqishme, e ndjekur nga Singapori, Koreja e Jugut, Franca dhe Gjermania.

Në fund të listës së 190 vendeve të renditura janë Pakistani, Somalia, Siria, Afganistani dhe

Iraku.

Arrestohet personi që u dërgonte mesazhe kërcënuese deputetëve: Tradhtarë do të ekzekutoheni!

Arrestohet personi që u dërgonte mesazhe kërcënuese deputetëve: Tradhtarë do të ekzekutoheni!

Një 62-vjeçar, i cili u arrestua të hënën natën vonë me dyshimin se dërgonte mesazhe kërcënuese për deputetët, të cilët kanë thënë se do të mbështesin marrëveshjen e Prespes, u paraqit para një prokurori të martën ku u përball me akuzat për tentativë të dhunës kundër një organi politik, qeverisë apo anëtarëve të saj dhe nxitjen për të kryer një krim. 

I dyshuari, një ish-oficer i Marinës, shprehu pikëpamjet ekstremiste dhe nacionaliste, sipas burimeve të policisë të cituara nga agjencia shtetërore e lajmeve ANA-MPA, por ai pretendoi se nuk është anëtar i ndonjë partie politike. Sipas të njëjta burimeve, burri i tha policisë se vendosi të dërgojë mesazhet pas një postimi që ai pa në mediat sociale nga një zyrtar i “Demokracisë së Re”,  i cili u kërkoi qytetarëve të ushtrojnë presion mbi ligjvënësit që planifikojnë të mbështesin marrëveshjen e emrit, të nënshkruar me ish-Republikën Jugosllave të Maqedonisë. 

I dyshuari thuhet se i ka thënë policisë se u ka dërguar mesazhe të shumta deputetëve, por akuzat janë bazuar kryesisht në një mesazh të dërguar më 13 janar në të cilin ai i quan ligjvënësit që mbështesin marrëveshjen e emrit "tradhtarë që do të ekzekutohen nëse ata e votojnë marrëveshjen". 

Ai u arrestua në rrethin qendror athinas të Pangratit dhe u dërgua në selinë e Policisë së Sigurisë së Attikës për t'u marrë në pyetje. Deputeti i “Grekëve të Pavarur”, Thanassis Papachristopoulos i tha të shtunën të shtunën medies news737.gr se ai kishte fshirë "më shumë se 200 mesazhe" në telefonin e tij celular dhe kishte marrë telefonata nga dikush që i kishte thënë se "koka e tij do të gjendet në një hendek", nëse ai do votonte marrëveshjen e emrit në Parlament. 

Ligjvënësit e tjerë kishin marrë mesazhe të ngjashme.

Ndalimi i Balilit, reagon Rama: Vetëdorëzimi, rezultat i operacioneve policore

Ndalimi i Balilit, reagon Rama: Vetëdorëzimi, rezultat i operacioneve policore

Veç ministrit të Brendshëm, Sandër Lleshaj që deklaroi se policia arrestoi të shumëkërkuarin Klement Balili, ka reaguar edhe kryeministri Edi Rama. Në dy postime në rrjetin social Twitter, Rama shkruan se vetëdorëzimi i Klement Balilit është rezultat i operacioneve të sofistikuara të policisë. “Hahaha çfarë kazani që zien për vetëdorëzim, duke e nxjerrë sikur KB u ndal tek dera e policisë pas një shëtitje në pedonalen e Delvinës. 

Ky është një nga operacionet më të sofistikuara policore që ka vazhduar muaj të tërë. 

Vetëdorëzimi është thjesht realizimi me sukses i tij”, shkruan Rama. Ndërsa në një postim të mëparshëm kreu u qeverisë uroi ministrin Lleshaj lidhur me Balilin. “Klement Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara. Urime për këtë rezultat Ministrit Lleshi, Policisë së Shtetit dhe SHISH”, shkroi Rama. 

Ndërkaq, ndalimi i Klement Balilit duket se do të nxisë debat. Kjo pasi, ish-kryeministri Sali Berisha, i cili ishte i pari që bëri të ditur ndalimin e Balilit, tha se ai u vetëdorëzua. Ndërsa nga ana tjetër ministri i Brendshëm, Sandër Lleshaj, i cili doli në një konferencë të posaçme, tha se Klement Balili është arrestuar nga policia. 

Ndërsa kryeministri Rama shprehet se për Balilin janë zhvilluar operacione policore, e si pasojë të kësaj ka ardhur dhe vetëdorëzimi i të shumëkërkuarit Klement Balili.

Dy vite në arrati, dorëzohet Klement Balili, Lleshaj: Kemi në duar njeriun më të kërkuar

Shtypnews.al 

I shumëkërkuari, i ashtuquajturi “Escobar i Ballkanit’ Klement Balili zyrtarisht është në duart e Policisë së Shtetit. 

Lajmi është konfirmuar nga ministri i Brendshëm Sandër Lleshaj i cili në një deklaratë për mediat u shpreh se Klement Balili i akuzuar për trafik ndërkombëtar të lëndëve narkotike është dorëzuar në Polici.

‘Policia shqiptare ka finalizuar sot një operacion të gjatë, të ndërlikuar dhe shumë të rëndësishëm për dorëzimin e Balilit në bashkëpunim me partnerët dhe shërbimin sekret pas një procesi gjurmues. Nga sot policia shqiptare merr në duart e saj një prej personave më të kërkuar në Shqipëri dhe përtej saj, ndërsa partnerët tanë marrin një lajm të rëndësishëm dhe mesazh të qartë për Shqipërinë që duam. Nga sot drejtësia shqiptare merr në duar të shumëkërkuarin Klement Balili. Arrestimi është provë e qartë se Policia e Shtetit është në nivel të lartë gatishmërisë në luftën kundër krimit të organizuar. Një tjetër rrugë më të mirë për ta nuk ka dhe nuk do të ketë, të gjithë jemi të motivuar për të vijuar luftën kundër krimit të organizuar dhe korrupsionit. Procesi është rezultat i një operacioni të gjerë që kanë mundësuar që personi në fjalë të vetë dorëzohet në policinë e shtetit” tha ai.

Prej dy vitesh Balili ishte në kërkim nga policia shqiptare dhe jo vetëm.

Balili u vetëdorëzua, Lleshi e shet si sukses policor

 Shtypnews.al

Edhe pse Klement Balili, një nga njerëzit më të kërkuar në vend u vetëdorëzua, për ministrin Sandër Lleshaj ky është një sukses i policisë.

Lleshaj tha se në operacionin që çoi në vetëdorëzimin e Balilit kanë marrë pjesë dhe partnerët ndërkombëtarë, ndërsa refuzoi që të fliste lidhur me detajet operacionale të aksionit.

Ja deklrate e Lleshajt

Policia Shqiptare ka konkluduar një operacion për vetëdorëzimin e Klement Balilit. Nga sot policia merr në duart e saj një nga njerëzit më të kërkuar në Shqipëri dhe përtej saj, ndërsa qyetarët marrin një mesazh të qartë për Shqipërinë që duam.

Arrestimi i sotëm është një rezultat se Policia e Shtetit është në një nivel të lartë gatishmërie për të kaluar në një fazë të re.  Operacioni vazhdon dhe se forca e ligjit do të shënojë një intesitet të ri, dhe të tjerë persona do të përfundojnë prapa hekurave.  

Pyetur nga gazetarët për kushtet që ka vënë Balili për t’u dorëzuar, Lleshaj tha se ai ka kërkuar garantimin e një procesi të drejtë ligjor. Kujtojmë se për Balilin janë organizuar rreth 15 operacione poolicore, që kanë qenë të dështuara.

Parashikime të frikshme, Shqipëria mund të dështojë në pagimin e borxhit

Parashikime të frikshme, Shqipëria mund të dështojë në pagimin e borxhit

Publikuar nga / A Cara/

Shqipëria vlerësohet me shkallë të lartë rreziku në lidhje me pagimin e borxhit publik. Në këtë konkluzion kanë arritur menaxherët e Eurobondit.

Një raport prej 159 faqesh, i cili u publikua nga Banka Qendrore e Irlandës lajmëroi investitorët se Shqipëria mund të dështojë të shlyejë detyrimet e saj të borxhit.
Me argumentin se një investim në një vend në zhvillim, si Shqipëria, i nënshtrohet rreziqeve shumë më të mëdha sesa një investim në një shtet më të zhvilluar dhe me sisteme më “të shëndosha” politike dhe ligjore.

Rreziqe përfshijnë paqëndrueshmërinë ekonomike të shkaktuar nga faktorë si: Baza e ngushtë e eksporteve, importet e larta të energjisë, defiçitet e larta fiskale dhe të llogarisë rrjedhëse, varësia nga Investimet e Huaja Direkte, papunësia e lartë, mjedisi i tensionuar politik, ekonomik, shoqëror, ligjor dhe rregullator.

Menaxherët këshillojnë investitorët e huaj se ata rrezikohen në Shqipëri, edhe në rast të ndryshimit të qeverisë, pasi zakonisht,qeveritë e reja në Shqipëri sfidojnë politikat e qeverisë paraardhëse.
“Investitorët duhet të kenë kujdes të veçantë në vlerësimin e rreziqeve dhe duhet të vendosin bazuar në këto rreziqe, një investim është i përshtatshëm për ta” thuhet në raportin e menaxherëve të Eurobondit.

Investimet në vendet në zhvillim, aty ku bën pjesë edhe Shqipëria, janë të përshtatshme vetëm për investitorë të sofistikuar, të cilët janë të aftë të vlerësojnë saktë efektin e këtyre rreziqeve, Intv & Shtypnews.al /...!

“Ju lutem 1 thes miell t’u bëj bukë fëmijëve”, nëna shpërthen në lot.

“Ju lutem 1 thes miell t’u bëj bukë fëmijëve”, nëna shpërthen në lot.

Entela Buzi, nënë e dy fëmijëve nga fshati Kallm i Fierit, të këput shpirtin ndërsa mes lotësh përpara mikrofonit të News24 kërkonte bukë, ndonjë thes miell apo ndonjë bidon vaj.

Veç duke qarë ajo tha se ka tentuar të mbytet dy herë, por kanë qenë fëmijët që e kanë kthyer nga rruga.

Me një varfëri ekstreme, në mes të Shqipërisë, në Fier, nuk ka gjetur mbështetje as nga Bashkia.

Nuk mundet të punojë pasi është sëmurë.

Djali 16 vjeç del e lyp ndonjë copë bukë te komshinjtë, vajza 14 vjeç thotë se shkon mirë në shkollë, por nuk ka parë ndonjëherë ndonjë ditë të bardhë.

“Jemi pa bukë, kalamajtë shkojnë në shkollë pa lekë dhe pa bukë. Ikin pa ngrënë. Nuk kemi as bukë asgjë, vijnë pas shkolle më kërkonin bukë, nuk kam u thashë. Djali shkoi të gjente ndonjë gjë nga lagjia. Ju lutem më dërgoni të paktën ndonjë thes miell, ndonjë makaronë apo vaj. Ju lutem një thes miell kërkoj tu gatuaj fëmijëve”, qan Entela Buzi përballë kamerave.

Rast emergjent që duhet ndihmuar në këto ditë të ftohta dimri.

Numri i familjes Buzi është 069 88 79 151 dhe kushdo që ka mundësi, duhet t’u vijë në ndihmë.  

Dhe stafi Shtypnews.al ju lutet ta Shpërndani këtë Link...

‘Luftë’ me armë në Vlorë, një i plagosur

Në tjetër ngjarje e rëndë ka ndodhur sonte në Shqipëri. Këtë herë gjeografia e ngjarjeve të rënda, zgjerohet me Vlorën.

Të shtëna armësh janë regjistruar pasditen e sotme në rrugën "Gjergj Araniti" në Vlorë.

Nga të shtënat raportohet se ka mbetur i plagosur një person, i cili ndodhet në sallën e operacionit në spitalin rajonal të Vlorës.

Policia e mbërritur në vendngjarje ka nisur hetimet.

Shqiptarët me “metodë” të re për të emigruar, kështu e gjejnë partnerin me letra

Shtypnewsal 

Dekada më parë, veç njohjeveve në shkollë, lagje apo ambiente pune një nga format e lidhjeve dhe kurorëzimit me martesë ishte mblesëria.

Por sot kjo traditë është zbehur dhe është zëvendësuar me një formë moderne. Veç faqeve online, janë krijuar edhe agjenci që bëjnë rolin e “shkuesit” të dikurshëm që prezanton të rinjtë, që kanë të përbashkta dhe mund të jenë një çift në të ardhmen.

Sipas agjencive martesore që funksionojnë në Shqipëri, më së shumti aplikojnë femrat mbi 30-vjeç, ndërsa periudha me fluksin më të madh të aplikantëve është kur emigrantët rikthehen në vend.

Margarita Kola, drejtuese e një prej agjencive në një intervistë për Report Tv tregon se vihet re edhe një fenomen, që femrat mbi 30 vjeç kërkojnë lidhje me të huaj.

“Ka pasur një periudhë dy vitet e fundit që kërkesat kanë qenë kryesisht për lidhje me të huaj, sepse mënyra si funksionon agjencia është e tillë që personat që vijnë të regjistrohen, si për shërbimin online, ashtu dhe për shërbimin portofol, që është shërbimi që mund ta bësh regjistrimin në agjenci,dhe janë punonjëset e agjencisë që bëjnë përshtatjen sipas kërkesave që ka individi dhe kontigjentin që kemi. Në këto dy vitet e fundit është rritur, numri i kërkesave që duan lidhje me jashtë”, tha Margarita Kola, Drejtuese e një Agjencie Martesore.

Dikur shkuesit i blihej kostum ose këpucë, kjo sipas mundësisë së familjeve, ndërsa sot këto agjenci kërkojnë pagesë cash. Për të pritur në radhë për të njohur partnerin që do të kalosh jetën duhet të paguash deri në 60 euro për një abonim vjetor dhe nëse je me fat mund të gjesh partner edhe me një abonim 6 mujor që kushton 30 euro.

Sipas sociologut Gëzim Tushi, përhapja e këtij fenomeni ka lidhje sa me stilin e ri të jetesës por edhe me zhvillimin social të shoqërisë.

“Unë besoj se insituticoni i martesës ka pësuar ndryshimet e veta. Unë mendoj se tani jemi në një periudhë postmoderne të zhvillimit të shoqërisë dhe mesa duket forma tradicionale, klasike, romantike që kanë qenë të bazuara vetëm në njohje reciproke vazhdon të ekzistojë, por ka filluar të ketë dhe forma të tjera alternative të cilat po shtohen vazhdimisht, që tregojnë se martesa, e tipit klasik, ka probleme brenda saj, shqetësime. Nga një institucion i ngrohtë është bërë një institucion që ka probleme me mërzinë, me divorcin, të cilat e kanë nxjerrë në dukje skarcitetin e martesës klasike dhe kjo ka bërë të zhvillohen forma të tjera të partneritetit martesor, sic ëstë bashkëjetesa apo gjetja e partnerit nëpërmjet agjencive martesore”, shprehet Gëzim Tushi.

Por sa e shohin si mundësi të rinjtë shqiptarë të gjejnë partnerin nëpërmjet agjencive martesore.”Nuk kemi besim te agjencitë e tilla. Kemi dëgjuar raste që kanë funksionuar por personalisht nuk do ta provonim”, janë shprehur disa prej tyre.

Teksa të rinjtë nuk e shohin si mundësi për të njohur njeriun e jetës në një agjenci martesore, të tjerë e shohin si mundësi të artë, për të gjetur partnerin sipas preferencave. 

/Shtypnews.al/

REPORTAZH/ Dubai, mes zakoneve të pasanikëve dhe shqiptarëve që punojnë aty

Nila

Rezarta Delisula 
Nuk di se nga t’ia nis për të përshkruar Dubain, jetën, zhvillimin, zakonet e vendësve dhe shpresën e emigrantëve për të gjetur aty një jetë më të mirë, mes të cilëve së fundmi edhe shumë shqiptarë. Rruga nuk është shumë e afërt, sidomos për ata që janë aerofobikë, dy orë Tiranë-Stamboll dhe 4.5 të tjera Stamboll-Dubai. Kontrollorët e vizave mbajnë veshur rrobën e gjatë e të bardhë e në kokë shamitë me kuadrate ose të bardha që fiksohen nga një rreth i zi. Më erdhi të qesh me veten, pasi mu kujtua që dikur, kur shihnim ndonjë me veshjen tipike islamike, pra me këtë rrobën e bardhë deri në fund të këmbëve e quanim sheik, ndërkaq që në Arabi, në dukje, si i pasuri, zyrtari, punëtori i krahut… s’kanë ndryshim. Orët e mëdha të vendosura në aeroport janë “Rolex”. Dubai ndahet në tri zona të mëdha. Në atë të vjetrën, afër portit Rashid, Derira nga njëra anë e Bur Dubai në tjetrën. Në zonën e re Downtown ku ngrihet Burj Khalifa, ndërtesa më e lartë në botë, bursa e qendrat financiare dhe Dubai i së ardhmes ku është Palma e ndërtuar në det (Palm Jumeirah) e një zonë e gjerë ku ngrihen qiellgërvishtëse e vazhdohet t’i merret territor shkretëtirës për të urbanizuar qytetin turistik të Emirateve Arabe. Është koha perfekte për të shkuar në Dubai, pasi në fund të prillit rriten temperaturat në 50 gradë dhe është e pamundur lëvizja në mes të asaj vape.
Jeta dhe kodi i veshjes

Zhvillimi i bën njerëzit tolerantë në respektimin e lirisë së tjetrit e në fakt këtë hasim në Dubai, ku një femër europiane me pantallona të shkurtër ose fustan të lehtë nuk është fare pjesë e vështrimeve të etura apo paragjykuese. Çiftet ecin rrugës të kapur përdore, madje edhe ata vendës, por sjellje më intime mes një çifti nuk hasa. Vajzat nga Dubai mbajnë vetëm shami në kokë, ndërsa ato që vinin nga më thellë Arabisë veshin burga. Si europian duhet të harrosh drekimin ose darkën e zakonshme tonën me ushqim të mirë dhe verë. Alkooli është si uji në shkretëtirë. Restorantet servirnin vetëm pije joalkoolike. Në supermarket as nuk bëhet fjalë të gjesh ndonjë birrë dhe licencë për tregtim alkooli kanë vetëm disa lokale e hotele. Tarraca në katin e 43-të “Sheratonit” ishte një vend që ia vlen të kalosh një mbrëmje. Pamje mahnitëse 360 gradë e qytetit, një kokteil i mirë, rini dhe muzikë bashkëkohore. Rreth 1 kilometër më tej ishte klubi i Cavalit, ndërsa në ndërtesën më të lartë në botë është restoranti i Armanit, super luks. Ndërkaq, në “Dubai Creek Golf Club” mund të hash një darkë të shkëlqyer, shoqëruar edhe me verë sigurisht. Jeta e natës mbyllet në 3 të mëngjesit e ky është urdhër për çdo lokal, ndërsa patrulla policie janë rrugëve për të monitoruar shoferët dhe qarkullimin e automjeteve.
Ushqimi dhe çmimet
Mendoja se kishim të përbashkëta në kulinari ne dhe arabët, por në fakt them se më shumë jemi afër turqve. Ushqimi arab është i shijshëm, por me shumë erëza, jo tipike për midenë tonë. Era e zaferanos më “mbyti” e kur drekon në shtëpitë e të pasurve aq më shumë e ndjen arin e erëzave, i cili kushton mesatarisht 7 mijë euro kilogrami. Nëse qëndroni gjatë dhe ju merr malli për shijen tonë, në shëtitoren ‘Jumeira Beach’, në Dubain e së ardhmes, dallohet qartazi një restorant grek. “Haet super”, por pa uzo sigurisht. Po të drekosh ose darkosh jashtë kushton relativisht shtrenjtë 70-150 euro për dy vetë, përfshi edhe ndonjë birrë aty ku lejohet që kushton 15 euro. Por a ka alternativa? Sigurisht që ka, pasi në çdo cep sheh ‘fast-food’-e që bëjnë pite arabe me mish pule e salca të cilat kushtojnë lirë. Ujin kur futesh për të blerë në dyqane ta japin falas dhe nga produktet ushqimore, frutat janë ato që kushtojnë më tepër, pasi vijnë nga jashtë. Në Dubai ia vlen të blini shalle me përqindje të lartë Kashmiri, pasi ato të vërtetët nisin nga 1500 euro dhe të gjitha qëndismat i kanë me punë dore.
Shqiptarët në Dubai

E quaj veten me fat që udhërrëfyese në Dubai mu bë një mikeshë shqiptare, e cila jeton aty që prej 27 vitesh. Mira më tha se janë të shumtë shqiptarët që punësohen në Arabi e në fakt nuk gjen zor t’i takosh. Në shumicën e dyqaneve në “Dubai Mall” has vajza shqiptare. “Erdha në Dubai pasi në Shqipëri nuk gjeja punë dhe pavarësisht që nuk jam në profilin tim, paga që marr e justifikon qëndrimin. Ne shqiptarët paguhemi më mirë se emigrantët e tjerë, sepse na konsiderojnë evropianë”, na thotë Anxhela, e cila kishte një vit që punon në Dubai. Sipas saj, sapo të mbaronte kontratën dyvjeçare me firmën do kërkonte një punë si ekonomiste, pasi atë shkollë kish mbaruar dhe ka mundësi punësimi. Për të shkuar në Emirate, shqiptarët i paguajnë kompanisë që u siguron punë 300-500 euro. Mira dhe bashkëshorti i saj janë të parët shqiptarë që mbërritën në Dubai, e sot kanë 27 vjet që jetojnë aty. “Vendësit janë njerëz tejet pozitivë e të dashur. I ndihmojnë të gjithë ata tek të cilët kanë besim e kurrë nuk i flakin njerëzit në rrugë. Padyshim që më shumë se gjysma e jetës sime lidhet me këtë vend dhe e dua”, – na thotë Mira, e cila drejton një hotel të familjes “Alserkal” në pazarin e qytetit, paratë e së cilës shkojnë për bamirësi. Sipas statistikave, në Emirate jetojnë rreth 4.2 milionë banorë prej të cilëve vetëm 5 për qind janë vendës. Edhe Dubai ashtu si Abu Dabi është i mbushur nga të huajt që jetojnë e punojnë aty. Ndryshe nga vendet e tjera, në Emirate viza e qëndrimit është dyvjeçare me të drejtë rinovimi dhe nuk jepen leje të përhershme rezidenciale. Të gjithë të huajt duhet të kthehen në vendet e tyre kur mbushin moshën e pensionit, pasi në Emirate marrin para në dorë për vitet e punës (një-dy rroga për çdo vit pune) dhe nuk u lidhet pension i përhershëm.
Zakone pasanikësh

Në Deira në katrorin e krijuar nga rruga “Al Rasheed”, “Abu Baker”, “Hot Al Anz” dhe Rrugës 22 është një lagje e tërë me vila tre-katër katëshe, ku banojnë njerëzit më të pasur të Dubait. Jam e ftuar në familjen e Eisa Bin Naser Alserkal për të shijuar një drekë me zakone e ushqime karakteristike. Ai posedon “Alserkal Avenue”, ka përfaqësimin e “Bridgestone” në Emirate, ku mbulon 30 për qind të tregut dhe një kompani të fuqishme shitblerje pronash… Në oborrin e shtëpisë së tij janë 4 vila. Një e çiftit, një e djalit dhe dy të tjera pritjeje për burra dhe gra, veç e veç. Dera e familjes Alserkal hapet rreth orës 1 në mesditë, çdo ditë të vitit, e përveç mysafirëve, të shumtë janë ata që vijnë nga rruga bashkë me fëmijët për të ngrënë drekën falas. I zoti i shtëpisë ulet në odën e burrave, ndërsa e zonja, Shamsa, me gratë. Gjëja që më bën më shumë përshtypje është se si unë, e ftuara, si një e varfër, u ulëm në një tavolinë me të zonjën e shtëpisë. Kjo ndodh edhe tek burrat. Buka nuk përdoret në drekat e tyre, por zëvendësohet nga orizi që e gatuajnë me shumë shafran, si birian por dhe kabuni. Mishi i qengjit, pula e peshku ishin prezente në të tria drekat ku unë isha e ftuar nga kjo familje. Kafja arabe është e tmerrshme për shijen time, pikante dhe pa lidhje me atë që përdorim ne, por digestive e shkëlqyer. Zonja e shtëpisë, Shamsa, më tregon se arabët nuk e përdorin shumë mishin e lopës, preferojnë bagëtitë e imta, ndërsa për festa të mëdha, dasma e synetllëk, përdorin mish deveje. Sipas saj, është i shijshëm dhe pa kolesterol. Qumështin dhe çokollatat me qumësht deveje i provova. Mishin s’pata rast.
Çfarë duhet parë
Po shkove në Dubai e nuk hipe në katin e 154 të Bujr Kalifas, zëre sikur s’ke qenë. Mirë është që biletën ta blesh paraprakisht online, sepse kushton më lirë se sa blesh në moment. Bileta kushton nga 350 derham (paraja vendase) në 500 derham në oraret pa rënë muzgu, mesatarisht 50-70 euro. Kursi i këmbimit është 1 euro-3.9 derham. Ashensori ngjitet për disa sekonda në majë të kullës dhe kamerierë ofrojnë lëngje frutash të freskëta e ëmbëlsira. Pamja është e mrekullueshme, plus që ke bërë një nga 100 gjërat që duhet të bësh para se të vdesësh, e kjo është të hipësh në kullën më të lartë në botë. Shatërvanin para Bujr Kalifas duhet ta shijosh pasditeve, pasi uji vallëzon me muzikën në një sintoni perfekte. Shfaqja fillon rreth orës 18.00 dhe çdo 20 minuta përsëritet. Kafenetë në katin e dytë të qendrës tregtare “Dubai Mall” janë vendi ideal për ta parë. Palma e ndërtuar në det për mua ishte një kuriozitet i paparë, por në fakt ti nuk e kupton që je duke ecur mbi të. Vetëm GPS në telefon ma tregon se arrita në hotel “Atlantis” në cepin fundor të Palmës. Sigurisht ky hotel duhet vizituar, pasi është i jashtëzakonshëm. Jo shumë larg prej aty gjendet kopshti botanik i Dubait, një nga ambiciet më të paimagjinueshme të arabëve, kopsht lulesh në shkretëtirë. Ngjitur me të është kopshti i fluturave, një tjetër vend interesant dhe muzeu i shkencës. Biletat kushtojnë 40 dhe 50 derham ose 10-15 euro. Kjo zonë, thuajse shkretëtirë në 2020 do të jetë totalisht ndryshe, pasi Dubai ka fituar të drejtën e “Ekspo 2020”, që herën e fundit u zhvillu në Milano. Për të mësuar për historinë e Dubait mos lini pa parë dhe muzeun e qytetit, që ndodhet gati në fund të kanalit që futet në mes të qytetit, pranë pazarit të vjetër në rrugën “Al Faidi”. Po shkuat deri aty, vizitoni pazarin e vjetër “Old Souk” dhe me afërsisht 50 cent, 2 derham hipni në varkat taksi që ju çojnë në anën tjetër të Dubait në Deira. Sapo të zbrisni do të shihni pazarin e erëzave, që është fantastik e ka që nga lloje të ndryshme rozmarinash, te shafrani e deri te viagrat natyrale… Pak metra më tej është “Gold Souk”, pazari i floririt, qindra dyqane floriri e brilantesh, ku personalisht e arta mi mori sytë. Në këtë pazar individë do ju ofrojnë dhe ‘Armani’, ‘Fendi’, ‘Gabana’… false, që në fakt janë me cilësi shumë më të mirë se ato kineze. Të shohësh perëndimin e diellit nga dunat duket si mirazh shkretëtire, e mrekullueshme, dhe është një tjetër aktivitet që s’duhet lënë pa bërë nëse shkon në Emirate. Bileta kushton nga 50-100 euro varet nga agjencitë. Ata vijnë të marrin në hotel rreth orës 3 pasdite dhe të kthejnë sërish rreth orës 9 të darkës. Në çmim përveç shëtitjes në shkretëtirë, është e përshirë edhe darka në një çadër beduinësh. Safari është interesant, por s’do ua këshilloja njerëzve mbi të 60-at pasi përplasjet e makinës në rërë të trondisin fort. Kjo në shkuarje, sepse në kthim përdoret rruga e asfaltuar. Qyteti i dritave dhe bota në miniaturë janë dy vende të tjera ku mund të kalohet pasditja.
‘Arsekal Avenue’
Kjo qendër magazinash të mëdha të kthyera në galeri të artit modern duket si një lagje e madhe bashkëveprimi kulturor. Tomoko Hayashi është japoneze. Ajo ka sjellë në një prej galerive bizhuteri me lot njeriu. Janë fantastike me ngjyra të ndryshme. Kjo na kujton se në Muzeun Kombëtar të Shqipërisë ruhen shishe të vogla që shërbenin për mbledhjen e lotëve nëpër vdekje. Pak më tej është autori Nedim Kufi nga Bagdati me serinë e verave të tij të titulluara “Absence” (Mungesë). Ai sjell foto të familjes së tij një herë të gjithë bashkë, një herë duke hequr veten si për të treguar se dramën në Lindjen e Mesme, sot je, nesër jo. Më tej një libanez i quajtur Mohamad Said Baalbaki paraqet përmes pikturave horrorin që pëson një fëmijë në luftë e sjellë kjo përmes serisë “Heap” (Grumbull). Në këtë qendër të madhe përplasjesh krijuese ka edhe galeri makinash luksoze, kinema, apo minifabrikë për prodhimin e çokollatave artizanale “Mirzam”, ku një e madhe kushton deri 350 euro. Në Arskal çdo gjë është ndryshe, që nga pamja moderne e meshkujve dhe femrave deri te detajet e lokaleve luksoze. Kjo lagje e madhe e shkëmbimeve kulturore është kthyer në vendin më atraktiv për shumë artistë e njerëz artdashës nga e gjithë bota, sepse këtu gjen gjithçka.
Kontrast
“Ke shumë të drejtë ka kontrast, nuk e gjeta ashtu siç e kisha parë në foto”, na thotë një djalë nga Shqipëria i cili punon në Dubai. Në Deira është pazari i madh dhe porti i anijeve që ngarkojnë mallra për t’i shpërndarë në qytete të tjera arabike. Punëtorët e krahut janë kryesisht indianë, të thatë e të kërrusur nga lodhja, por që për ta Dubai është një shans, sepse me paratë që fitojnë mbajnë familjet e tyre të mëdha. Sheiku i Dubait ka në projekt ndryshimin e kësaj zone përmes investimeve pikërisht për shkak të kontrastit që krijohet. Fundjava në Emirate nis të premten. Thuajse asnjë dyqan nuk është hapur deri pasdite pas faljes të së premtes. Dhe e shtuna është pushim, ndërsa java nis të dielën kur të gjithë punojnë. Dy sheikët Mohammed bin Zayed bin Sultan Al-Nahya i Abu Dabit dhe Mohammed bin Rashid Al Maktoum i Dubait i kanë premtuar popullit se Emiratet do të kthehen pas pak vitesh në qendrën më të madhe të turizmit botëror. E në atë javë qëndrimi në Dubai, pashë shkretëtirën që humbiste çdo ditë poshtë qiellgërvishtësve, pashë ambicien njerëzore për zhvillim. 
Për -/Shtypnews.al/ Nila 

Qeveria vendos t’ju kthejë lekët pas studentëve. Mësojeni për çfarë bëhet fjalë

Shtypnews.al 

Ministri në detyrë i Financave, Arbën ka shpjeguar skemën e financimit të përgjysmimit të tarifave të studimit. Në një dalje për mediat ai tha se nga këto masa të marrë përfitojnë 6235 studentë ekselentë dhe mbi 70 mijë studentë të tjerë, me mesatare nga 5 deri në 9.

Arben Ahmetaj: 

“Reduktimi i tarifave të studimit bachelor, studentët me mesatare 9-10 kanë një përjashtim 100% nga tarifa e shkollimit. Përfitojnë 6235 studentë. Efekti financiar në buxhetin e shtetit 201 mln lekë. Studentët me mesatare 5-9 përfitojnë përjashtim 50% nga tarifa e shkollimit. Përfitojnë rreth 70 mijë studentët, i bëhet tarifa 9700 lekë në vit. Efekti financiar 1 miliarde lekë”.
Edhe për ciklin mastër, ministri i Financave, Arben Ahmetaj tha se studentët përfitojnë nga ulja e tarifës. Sipas tij ata me mesatare 9-10 do të përfitojnë 50% ulje të tarifës.
Ndërsa studentët që kanë paguar tarifën e plotë, gjysma e parave do tu kthehet.
Arben Ahmetaj:
“Studentët që kanë paguar tarifën e plotë, do tu kthehet 50% e shumës së paguar”.
Ndërsa në lidhje me bursat, Ahmetai bëri thirrje që në këtë çështje nuk duhet të përfshihen më këshillat bashkiakë, pasi kjo nuk është më punë e tyre.
Ahmetaj kërkoi nga bordet e universiteteve që të punojnë për të dhënë informacione për studentët.
Arben Ahmetaj:
“Bordet e Universiteteve të punojnë 24 orë, të sjellin të dhëna për studentët që të fillojnë përftimin nga ulja dhe bursat. Sillni detajet për çdo student që të bëhet përfitimi”. Për Shtypnews.al /F. C INtv /

Korçë, doli të merrte ushqim për familjen e gjejnë të ngrirë në borë

Kishte shkuar të merrte ushqime për familjen por nuk ka mundur të kthehet më.  

Gazetarja e Ora News në Korçë, Lediona Dervishaj informon se 53 vjeçari Ajet Zikollari është gjetur i ngrirë nga familjarët e tij dje në zonën e Proptishtit në Korçë.

Burri nga fshati Selcë e Sipërme kishte shkuar me gomar të merrte ushqime në Proptisht dy ditë më parë por nuk është kthyer më në banesë. Banorët kanë treguar se gomari kishte arritur në banesë pa të zotin dhe menjëherë familjarët ishin vënë në kërkim dhe e kanë gjetur të ngrire.  

Prej ditësh kjo zonë ndodhet e izoluar dhe banorët kanë bërë apel për ti ndihmuar me ushqime e ilace, por ata thonë se askush nuk ka marrë masa dhe të ndërhyrë për zhbllokimin e zonës.

Ngjarja është konfirmuar nga administratori i njësisë Trebinjë, Safet Doce ndërsa policia nuk ka dalë ende me deklaratë.

“Ngjarja merr përmasat më të rënda pasi familjarët e kanë të pamundur të kryejnë ceremoninë mortore.Nuk kane mundesi as të marrin arkivol në fshatin ku ndodhet viktima” raporton gazetarja e Ora News Lediona Dervishaj.

Dënohet me burg administratori i koncesionarit të Rrugës së Kombit si përgjegjës për vdekjen e 40 personave

Nicola Spadavecchia, administratori i shoqërisë që zbaton koncesionin e Rrugës së Kombit, u dënua sot me 6 vjet burg nga Gjykata e Avenilos në Itali.

Zoti Spadavecchia u shpall fajtor për “shpërdorim detyre”, pasi gjatë kohës që ka punuar si inxhinier për kompaninë Autostrade per Italia, nuk ka kryer kontrollet dhe mirëmbajtjen e nevojshme të urës Acqualonga, urë në të cilën humbën jetën 40 besimtarëve në vitin 2013, të cilët udhëtonin në një autobus që doli nga ura për shkak të mbrojtësve të dëmtuara.

Nicola Spadavecchia u emërua administrator i vetëm i shoqërisë së krijuar nga konsorciumi Kastrati-Salillari, Albanian Highway Concession shpk, në fund të tetorit 2017, edhe pse ishte 67 vjeç, i dalë në pension dhe nën hetim për aksidentin tragjik.

Ende dhe sot, Zoti Spadavecchia vazhdon të jetë administrator—mandati i tij përfundon në vitin 2022

Shtypnews.al

Exit.al denoncoi që në prill 2018 faktin se inxhinjeri Spadavecchia ishte nën hetim për vdekjen e 40 personave, duke akuzuar koncesionarin për mungesë përgjegjësie për këtë zgjedhje.

Menjëherë pas artikullit tonë, në redaksi erdhi një përgjigje nga zyra e Drejtorit të Përgjithshëm të Grupit Kastrati, me anë të së cilës kompania Kastrati paraqiste kundërshtitë e saj për hetimin e zotit Spadavecchia. Letra e Kastratit, që mund ta lexoni ketu miratoi dhe konfirmoi të gjithë faktet që ne kishim bërë publike më parë, sikurse ne jemi shprehur në pergjigjen tone ndaj saj.

Aksidenti për të cilën u dënua Nicola Spadavecchia

Më 28 korrik 2013, një autobus me 49 pelegrinë që ktheheshin nga vendi i shenjtë i Padre Pios, i mbetur pa frena, ra në humnerë duke marrë me vete 14 bordura anësore të sigurisë, të bëra me çimento të tipit “Neë Jersey” (si ato të autostradës Tiranë-Durrës) që sipas ekspertizës gjyqësore nuk ishin kontrolluar dhe mirëmbajtur siç duhej dhe si pasojë ato nuk siguruan mbrojtjen e nevojshme për të ndaluar daljen e autobusit nga ura.

Në atë aksident humbën jetën 40 persona, që shokuan dhe prekën gjithë Italinë.

Hetimi i mëpasshëm i Autoritetit Kombëtar Antikorrupsion të Italisë, i drejtuar nga gjykatësi antikorrupsion Raffaele Cantone, arriti në konkluzionin se në vitin 2009, në një tender të rëndësishëm për rindërtimin e barrierave anësore në atë pjesë të autostradës, e cila administrohej nga Spadavecchia, nuk u përfshi zëvendësimi i barrierave të vjetra, të cilat as nuk ishin kontrolluar, pavarësisht se ishin të gërryera në pjesën e lidhjes me asfaltin.

Shkaku kryesor i aksidentit tragjik ishte mungesa e mirëmbajtjes së autobusit, i cili kishte dokumente fallco kolaudimi. Në një moment, autobusit i ishte prishur sistemi i transmetimit duke e bërë të pamundur uljen e shpejtësisë, ndërsa frenimi nuk kishte arritur ta mbante brenda urës. Autobusi u përplas me barrierën anësore të sigurisë, të cilat janë shkëputur menjëherë pasi ishin tërësisht të gërryera, duke mos ndaluar dot daljen e autobusit nga ura. Gjykara arriti në përfundimin se, pavarësisht se shkaku i aksidentit ishte defekti i autobusit, barrierat e pamirëmbajtura ishin faktor vendimtar në tragjedi. Për këtë arësye, gjykata ka dënuar administratorin e kompanisë që duhet të bënte mirëmbajtjen.

Burimi exit.al & Shtypnews.al

Shpërndaje!!

Dikur kur ishte Tetova nën Mbretërinë Shqiptare (Dokument zyrtar)

Shtypnews.alShtypnews.al

Dikur kur ishte Tetova nën Mbretërinë Shqiptare.

Dokument zyrtar i siguruar nga INA, shihet se si në Mbretêrinê shqiptare ishte ministria e arsimit, inspektoria e arsimit në Tetovë, si dhe perfektura e Tetovës kishte lëshuar këtë dokument viti 1914.

Ja edhe dokumenti plotë: /Shtypnews.al/