Hamdi Skeja është person i ashpër me potikën por i butë me gjininë femrore, për vajzat e gratë të cilat i përkedhel me poezi të embla!

Një ndër personazhet që Gong e boton shpesh për sqimën e tij të hollë është autori i disa librave Hamdi Skeja

Sot Hamdiu vjen ndryshe.

Në një intervistë të gjatë, për librin, jetën, muzat e tij, rrefyer për gazetarët tanë, me emocione shpirti siç ai shkruan ai jo pak herë, 

Hamdi Skeja është person i ashpër me politikën por i butë me gjininë femrore, për vajzat e gratë të cilat i përkedhel me poezi të embla!

Më poshtë intervista e plotë:

Përshëndetje zoti Hamdi , cili është  impresioni i parë pas botimit të librit tënd të katërt?

-Ju falenderoj si fillim për interesimin e librit si staf i portalit, kjo më gëzon dhe më jep një shpresë bardhoshe për të sotmën dhe të nesermën! 

Janë emocionet e para, e si natyrë jam shumë “melankolik “ dhe i provoj emocionet shpesh edhe me lot! 

Kush është muza e poezive të tua?

Ka shumë, por nese flasim për vëllimin e parë dhe të dytin, kryesisht muza ime ka qënë: vetmia e një emigranti, humbja apo fitues i një dashurie, rrebelim ndaj pushtetëve, vargje te dedikuara me “personalizim “ etj. 

Por keto dy të fundit flasin për dashurinë, për vajzën, për vajzat, për sharmin, për sytë e tyre magjik. Magjia e femres është më e madhe sesa një perëndim dielli. E kur në vendin tonë i torturojmë, i keqperdorim, i ofendojmë, i godasim apo edhe i vrasim femrat, unë i shoh me një sy shpresë për jeten, për bukurinë, për buzeqeshjen, për jeten që falin, ndaj edhe kam vendosur të sjell në një model si një dashuri e madhe për femren. 

Ndaj, nuk është e nevojshme ti dashurojmë të gjitha femrat, mund edhe ti admirojmë duke i kthyer në himn poezie . 

Kujt ia dedikoni këtë libër dhe cilat janë emocionet qe ju ka dhënë secili libër ?

 -e thashë pak më siper; ja dedikoj femres që ka jetë, që mbjell dhe korrë jetë, që na dhuron jetë. Ajo që është e gjithë nektari i kesaj bote. 

Shpesh shkrimtarët thonë që librat janë si fëmijet, a mendoni edhe ju si kolegët tuaj ?

-Po, unë kam dy djem dhe kater vellime, bëjnë gjashtë. Natyrisht plus një do thoja; që është bashkëshortja ime! 

Çfarë opinioni keni për autorët e librave ne Shqipëri, a mos vallë ne si komb prodhojmë në çdo famije një shkrimtar ose një këngëtar?

-Ah, qenkeni spec djegës edhe ju. 

Në fakt ndjek në rrjete sociale plotë figura të njohura që ju bëjnë përmbledhje libri, apo tekse këngësh, llojë-llojë! 

Gjithsesi, padashur të zgjatëm, koha do ti jap gjithkujt atë që ka gatuar. 

(Unë përshembull kam gatuar dy vellime për femrat, e tani do të shtohen. Në fakt, kam plotë femra që më duan dhe më vleresojnë. Kam më të mirat e Shqiperisë). 

A mendoni që nuk vjen asgjë e keqe edhe nga prodhimi i librave edhe kur nuk janë cilësore apo e kunderta?

-Asgjë e keqe? Ka edhe kjo një te keqe, bëjnë shumë zhurmë neper katundin e madh të Facebook-it dhe neper media. 

Një nder keto zhurmues e kam lexuar dhe kam mbetur i tmerruar. Ishin 10 poezi me të njejten tematikë! 

Cila është  marrëdhenia juaj me bashkëshorten dhe familjen? A ka në librin tuaj poezi të dedikuar atyre?

-Kaq shumë kërkim për zonjën time, por nuk e kam ndarë mendjen për ti shkelur fjalen e saj ☺️ nuk është publike dhe se dëshiron të jetë larg rrjeteve sociale, te te them diçka që akoma nuk e kam thënë kurrë?! -Një nder arsyet që Bashkëshortja ime është e fshehur është edhe se unë merrem paksa me politiken. 

Marrëdhënia jonë është si çdo çift; është një femër që dhuron çdo ditë jetë. 

Po, në dy librat e pare kam, po unë shpesh nuk vë emërtim dedikimi, pasi poezi pastaj behet e personalizuar. Gjithsesi, në vellimin e pestë, do të keni disa poezi për bashkëshorten time! 

Çfarë mesazhi përcjell ky libër dhe pse duhet ta ketë lexuar lexuesi? 

-Mesazhet kryesore është se ky vellim është i gjithi mjaltë. Nuk rekomandohet vetëm për njerezit që nuk dashurojnë dhe që nuk duan femren. 

A kushton shumë prodhimi i nje libri dhe a mundet që një autor me ekonomi të thjeshtë të botojë libra?

-Eh, kjo është dhimbje tjetër që e shoqëron njē autor/e, pasi mund të ketë material shumë të mirë, por mundesiat I ka zero. Ekonomia në Shqipëri është mjerim. Kurse ministria e Kultures herë na e mbyt Bibliotekën me ujë e herë na e djeg me zjarr. 

Pastaj, krijon një grup që i lëpihen pushtetit-pushtetëve dhe japin leksione apo çmime vetëm për ata që u fërkojnë shpatullat. 

Unë s’kam bërë pjese kurrë në rrethin e tyre. Lexuesit e poezive mia më japin plotë mbeshtetje dhe kjo me mjafton. 

Kurse ne librat e mi shpesh kanë dal miq e mikesha që kanë kontribuar për librat e mi, dhe gjej rastin t’ju shpreh mirënjohjet e mia të përzemrta. 

Çfarë përshtypjesh keni për Gong News ? Ne si staf të urojmë suksese! 

-Si portal bëni ndryshimin, nuk merreni me antivlerat. Pavarësisht se nuk ju njoh nga afër, keni bërë dallimin prej kur jeni pranë nesh. 

Ju falenderoj dhe ju uroj vërtetë shumë suksese!

Hamdi Skeja.

Kërkohet një President/e! Shkruan Skeja-

 Kërkohet një President/e! 

Nga Hamdi Skeja!

Kur lexoj këto njoftimet më kujtojnë rubrikën në gazetat Rozë, me titull “djemtë kërkojnë vajza, vajzat kërkojnë djem”. 

Kjo rubrikë fillonte me jam e/i bukur, kaq e kaq gjatësi, kaq e kaq kg, tregonin flokët, profesionet dhe pasionet, tregonin madje edhe sesi kërkonin lidhjet! 

E njejta gjë më ngjan edhe me Presidencën!

Këto kohë kam lexuar propozime të çuditshme, por edhe kam lexuar propozime pellazgësh fejskujane! 

Këto vetdeklarimet e vlerave duke i nxjerr në katundin e madh të facebook-ut, duke tundur dhe shkundur zbulimet dhe ç’virgjerimet e mendjeve të kamura për famë, më ngjajnë me ato premtimet e lidhjeve martesore që pas betimit që, “do jem përgjithmonë me ty” vjen edhe ndarja pastaj. E premtimet përfundojnë në koshin e mbeturinave. 

Në një faqe portali mes shumë llumëve ishin edhe dy gra që sipas meje janë të larta. Gjithsesi unë e dhashë mendimin tim, të drejtë! 

Por nuk tolerohen këto vetdeklarimet e vlerave pasi duhet pritur që dikush tjetër të na zbuloj vlerat (nëse kemi gjithmonë). 

Kërkohet një President/e nuk po kërkohet një lopë në pazar, nuk po kërkohet një çift kau për njërin krahë që të lëroj tokën, po kërkohet një President. 

Mund të lind pyetja se çfarë mendimi kam unë?! 

-Jam për një Presidente Femër, jam për një Kryeministre Femër, ama të jenë të pastra, të jenë persona që kanë kontribuar për këtë popull, në një mënyrë, ose në një tjetër. 

Presidenca duhet të mos anoj nga krahët politik dhe të jetë i pavarur. 

E kur them mos të ketë varësi as nga e majta, as nga e djathta dhe të mbroj interesat e popullit, të respektoj kushtetutën, të drejtën dhe njerëzoren. 

Aq më tepër mos të ketë ngjashmëri me këtë kancerozin që kemi, dhe mos dali si Kim-kinezja një ditë në mal, një ditë në fushë, një natë muzikë tallavaje, e një natë muzikë popullore. 

Presedenca mos të kthehet në një lokal rrugeçërisht që pijnë alkool e kokainë duke kërcyer me Mandi Nishtullën! 

Presidenca duhet mbajtur në lartësinë që meriton e jo me pellazgët fejzukjan! 

Presidenca nuk duhet të kthehet në rubrikën e gazetave rozë ku “djemt dhe vajzat kërkojnë”. 

Kaq për sot! 

Hamdi Skeja!

Në pamundësi për të vënë në punë trurin, mbyll gojën Balluku!

Nga Elona Caslli 

 Në pamundësi për të vënë në punë trurin, mbyll gojën Balluku!

Balluku makina nuk është veçse mjet lëvizës për t'u zhvendosur nga një pikë në një tjetrën për një qëllim të caktuar, fjala bie për të blerë cigare. Jo Balluku! Është përtej kësaj. Makina është edhe mjet pune për shumë shqiptarë Balluku.

A e di domethënien e fjalës " punë"  Balluku?!  Kur them " punë", nuk nënkuptoj xhirot mbi borëpastruese dhe videot në fejsbuk Balluku. 

Nënkuptoj një njeri që ngrihet  pa u gdhirë ende dhe atë makinën e përdor për të furnizuar marketin modest që ka në një lagje. E përdor për të blerë frutat apo perimet diku gjetkë dhe i sjell në market për banorët e zonës. Me një llogari të thjeshtë Balluku, nëse nafta rritet, do të rriten edhe çmimet në atë market ndërkohë që rrogat janë po ato.  Ky shembull kaq i thjeshtë do të mjaftonte për të ta mbyllur gojën Balluku. 

A e di çfarë do të thotë fjala " rrogë" Balluku?!  Kur them rrogë nuk nënkuptoj bakshishet e majme që kabineti rilindas i njeh mirë. Nënkuptoj atë shumë parash të dukshme për të cilat firmos në bankë kur i tërheq.

A e njeh rëndesën e faturave në fund të muajit Balluku për çdo familje shqiptare?! A e di raportin e faturave me rrogën?! Çmimet Balluku jane evropiane, por rrogat janë shqiptare.

A e di Balluku se sipas të dhënave të fundit një pjesë e mirë e familjeve shqiptare nuk kanë mundësi t'u mundësojnë fëmijëve pushime verore?!

Ti nuk di asgjë  Balluku, pasi jeton në një dimension paralel mes paditurisë dhe papërgjegjshmërisë, mes Dubait dhe dalldisjes së një ministreje që fyen dhe poshtëron një popull të tērë me deklaratën; Mos e përdorni makinën për të blerë cigare.

Në një vend normal pas kësaj deklarate duhet të kishe fluturuar nga ai post, por duke qenë se jetojmë në një vend anormal ti vazhdon të jesh ministre dhe në pamundësi për të vënë në lëvizje trurin, hap gojën kur të mundesh e si të mundesh duke poshtëruar dhe shkelur shqiptarët me çdo fjalë që nxjerr nga goja. 

Balluku në pamundësi për t'u ngritur deri në nivelin e mendimit, zbrit në nivelin e heshtjes dhe mbyll gojën!

Post Scriptum- Meqënëse deklaratën e bëre në 8 mars Balluku, në një ditë që është e shënuar për çdo grua gjej rastin të të rikujtoj një shprehje të Kunderës- Jo çdo grua meriton të quhet grua. 

Elona Caslli

Gruaja e Zelensky përshkruan situatën në Ukrainë: Kjo javë ishte e tmerrshme

Gruaja e presidentit të Ukrainës, Olena Zelensky, ka bërë një postim të gjatë në Instagram. Ajo përshkroi disa momente të tmerrit që po përjetojnë qytetarët e Ukrainës.

Postimin u kujdes ta bëj në tri gjuhë, ukrainase, gjermane dhe atë angleze, në mënyrë që të kuptohet nga e gjithë bota shkrimi i saj.

Gjatë kësaj jave ajo pati kërkesa nga përfaqësues të mediave nga e mbarë bota për intervistë. Dhe përmes këtij postimi ajo vendosi të jap dëshminë e saj nga Ukraina.

“Ishte e pamundur të besohej ajo që ndodhi një javë më parë. Vendi im ishte i qetë dhe qytetet, qytezat dhe fshatrat ishin plot me jetë.

Më 24 shkurt u zgjuam duke u paralajmëruar fillimi i luftës. Tanke kaluan kufirin ukrainas, avionët hynë në hapësirën tonë. Qytetet u rrethuan nga raketat.

Unë dëshmoj: pavarësisht garancive të propaganduesve të Kremlinit, të cilët e quajnë këtë pushtim “operacion special”, është vrasja e civilëve!

Gjëja më e keqe është të lexosh për fëmijët viktima. Duke nisur nga tetëvjeçarja Alice, e cila vdiq në rrugën Okhtyrka – gjyshi i saj u përpoq ta mbulonte me trupin e tij. Ose për Polinën nga Kievi, e cila vdiq nga granatimet së bashku me prindërit e saj. 4-vjeçari Arseniy … Në periferi dikur afër kryeqytetit, një një djal u godit në kokë dhe ambulanca nuk munden të arrinin ta shpëtojnë.

Kur Rusia të thotë përsëri se “nuk po bën luftë kundër civilëve”, unë do të jem e pari që do t’i kundështoj ata.

Unë dëshmoj se gratë dhe fëmijët tanë tani jetojnë në strehimore dhe bodrume me bomba. Me siguri i keni parë këto foto nga metroja e Kievit dhe Kharkiv, ku njerëzit shtrihen me të vegjlit e tyre dhe kafshët shtëpiake. Për ukrainasit për një javë – ky është një realitet i tmerrshëm.

Ka qytete ku familjet nuk mund të largohen nga strehimoret për disa ditë.

Fëmijët tanë japin mësime në bodrume. Fëmija i parë i luftës, i cili pa qiellin e qetë, por tavanin prej betoni të bodrumit, lindi në ditën e parë të pushtimit. Tani ka disa fëmijë që nuk e kanë njohur kurrë paqen në jetën e tyre.

Dëshmoj se kjo luftë po bëhet kundër popullatës civile jo vetëm me granatime: njerëzit që varen nga trajtimi dhe kujdesi i vazhdueshëm nuk mund ta marrin atë në mënyrë cilësore.

Me sa vite burg mund të dënohen dy kosovarët që shkuan të luftojnë në Ukrainë?

Me sa vite burg mund të dënohen dy kosovarët që shkuan të luftojnë në Ukrainë?

Sot u raportua se dy kosovarë nga Komuna e Suharekës kanë tentuar të kalojnë kufirin në Ukrainë, për të luftuar përkrah luftëtarëve ukrainas kundër atyre rusë.

Por, pjesëmarrja në luftime të huaja jashtë shtetit të Republikës së Kosovës është i dënueshëm me Ligjin që ka hyrë në fuqi në mars të vitit 2015, i cili parasheh që shkelësit e këtij Ligji të dënohen me 3-15 vite burgim.

Në anën tjetër, organizimi apo udhëheqja e grupeve për dërgim me qëllim lufte ne shtetet tjera dënohet me 5-15 vite burg efektiv.

Në një prononcim të mëhershëm të avokatit Asdren Hoxha për Albnews, i njëjti kishte konfirmuar se pjesëmarrja në luftëra të huaja është në kundërshtim me Ligjet në fuqi në Republikën e Kosovës.

“Pjesëmarrja e qytetarëve të Kosovës në lufta të huaja jashtë vendit, sipas Ligjit 05/L-002, organizimi dhe udhëheqja janë të dënueshme nga 5-15 vite burgim. Ndërkaq, pjesëmarrja e thjeshtë dënohet nga 3-15 vite burgim”, kishte deklaruar ai.

Për interesimin e kosovarëve që të marrin pjesë në luftën Ukrainë-Rusi, ishte deklaruar më parë edhe ambasadori i Ukrainës në Shqipëri, i cili kishte thënë se disa qytetarë nga Kosova i kanë kërkuar atij mënyra se si të shkohet në Ukrainë.

Ministri i Punëve të Jashtme të Rusisë, Sergei Lavrov, gjithashtu kishte deklaruar se Kosova dhe vendet e rajonit po rekrutojnë militantë për në Ukrainë, por kjo deklaratë ishte përgënjeshtruar nga shefi i Kabinetit të Presidencës së Kosovës, Blerim Vela.

“Akuza e rreme e Ministrit të Punëve të Jashtme të Rusisë, Lavrov, se #Kosova po dërgon mercenarë në Donbass, është pjesë përbërëse e fushatës dezinformuese që kërkon të justifikojë agresionin ushtarak kundër #Ukrainës. Kosova përkrah aleatët e saj dhe Ukrainën në mbrojtjen e lirisë dhe demokracisë”, kishte deklaruar Vela në Twitter.

Për deklaratat e Lavrov kishin reaguar edhe përfaqësues nga shtetet e tjera të rajonit, ku disa nga ta edhe ishin tallur me pretendimet e tij.

Ende nuk dihet nëse dy kosovarët nga Suhareka që u deklaruan për media sot në afërsi të kufirit me Ukrainën do të arrijnë të futen në territorin ukrainas, ose nëse të njëjtit janë në dijeni se janë duke bërë shkelje të Ligjit.

Mendojeni mirë! Nga Hamdi Skeja

 Mendojeni mirë! Nga Hamdi Skeja 

Nesër është thirrur  protestë përpara Kryeministrisë, për çmimin e lartë të Karburatit, por kam disa gjëra për të thënë, pastaj bëni si të doni e çfarë të doni! 

Lexova se nesër janë thirrur për protestë, shumë mirë. Ama protestë paqësore! 

Të dalësh dhe të kërkosh uljen e çmimëve me paqe, të dalësh për fermerët me paqe, të dalësh për jetën me paqe, ku është parë kjo?! 

Pse në Shqipëri nuk organizohen protesta si në gjithë botën? 

Ku ekziston kjo llojë proteste me paqe?! 

E dini ku ka paqe?! Vetëm një lypsarë që del për të lypur një 10 lekëshe vetëm aty ka paqe! 

Për të kërkuar llogari nga një shtet bushtër me paqe pse të ka vjedhur, është 5 me zero për shtetin. 

Ndaj, mendojeni mirë. Duhet protestë dhe jo dasëm, duhet rebelim dhe jo përqafime, duhen luajtur themelet e shtetit e jo ledhatim për to. 

Ndryshe është e humbur beteja! 

Kërkesa që nuk do realizohen! 

Ju kujtohen besoj, naftëtarët? Atë do bëj edhe me këtë. 

Shteti në një vend normal duhet të trembet nga populli, e jo e kundërta! 

E kemi provuar me protesta paqesore, ndaj duhet të bëhemi si të gjithë europa, në këtë aspekt qytetarie, pastaj edhe politike! 

Hamdi Skeja !

Për Dibrën që rivulosi mjerimin!

 Për Dibrën që rivulosi mjerimin!

Nga Hamdi Skeja 

Pavarësisht se historia e tregon krejt ndryshe dibrën heroike, historike, bujare, dibra dje rivulosi mjerimin e saj, rivulosi mjerimin dibranë. 

Vota është një proçes shuplake, ku në vënd që t’ja jepnin qeverisë së llumtë, ja dhanë vetës atë shuplakë. 

Në këto vite kam ulëritur fort, kam denoncuar çdo padrejtësi, po siç duket, siç edhe u faktua se paskëm fol kot! 

Votuan edhe njëherë për shtypjen, për vjedhjen, për arrogancën, për llumin, për kryetar kukulla, për kryetar të drejtuar turpshëm nga klika e turpit. 

Madje kur Rama ishte në Dibër u shpreh para dibranëve të mi se, nëse nuk do votonin PS-n, rruga e Arbërit nuk do bëhej. E nga ana tjetër pashë të rinj e të reja që qeshnin, që pajtoheshin dhe duartokisnin nipin e Spiro Kolekës! 

Kjo nuk është dibra që ka folur historia. 

Rinia nuk është ajo rinia dibrane që ka lënë gjurmë suksesesh kudo. 

Partia kanceroze e drejtuar nga Ulsi Manja &co edhe këtë herë e mori dibrën. 

Turp! 

E mori duke përdorur çdo mjet antidemokratik, duke fikur rrymën elektrike, duke kërcitur druri, duke thyer kuti votimi, apo edhe duke mbrojtur njerëz që dibra i njeh mirë. Por u faktua se dibrës i pëlqen ta “rrahësh” ta vjedhësh, ta lësh në mjerim, në varfëri, në skamje. 

Kurse nga ana tjetër, nuk ishte fare e nevojshme për të bërë garë mes dy demokratëve, ishte për të garuar me kompaninë e krimit, me grupimin e llumit, me sektin mavi. Por zgjodhën luftën mes vetës. 

Tani është e qartë se ju pëlqen shtypja, vjedhja, dhe harbutëria e rilindjes kanceroze! 

Dje keni vulosur dhe rivulosur mjerimin në dibër dhe koha ka për t’ju dënuar!

Ju vazhdoni të gëzoni mjerimin rilindas, kurse unë kam rrugë akoma, se më duhet të jem i vetëm kundra kancerit rilindas për të denoncuar çdo aferë korruptive që bëhet ndaj jush, e ju që e votuat! 

Hamdi Skeja!