LEXO: Mëngjes 3 prill 2019. Zgjohem pak me vonesë dhe bëhem gati shpejtë e

Brryli Broadway

Mëngjes 3 prill 2019. 

Shtypnews.al 

Brryli Broadway

Zgjohem pak me vonesë dhe bëhem gati shpejtë e shpejtë. Shkoj te stacioni autobusit por edhe autobusi po vonohej, diçka do kishte, ndoshta trafik. Ishim 5 veta në stacion dhe fiks pas 12 minutash autobusi vjen, tashmë ishim bërë 80 veta. "Sa mirë qenka firzamonikë diku do futem" mendova me vete. Dhe ashtu bëra, pas disa të shtyme dhe brrylave u futa. Shumë ngelën pa hipur por më shumë ngelen ata të stacioneve që vijnë. Ti i shikon nga xhami fytyrat e tyre që trishtohen kur shikojnë autobusin që është duke shpërthyer. Hapen dyert por as nuk zbresin as nuk hipin. Fatorino drejton njerzit "Ec pak më përpara se mesi është bosh fare." wtf mesi bosh fare??? Ndoshta dy që varen nëpër dyer edhe hipin, më.pëlqejnë janë shumë këmbngulës por na vonojnë mezi mbyllen dyert. Dikush andej nga fundi shtyhet dhe konfliktohet. Pas 2 stacionesh hipën kontrolli dhe plas sherri me dy posagjerë. A keni zot?? Këtu e gjetët?? Një nënë fillon i thërret fatorinos. "O faturino hape çik penxheren se na u muar fyroma", nuk e kuptoj pse dikush tjetër nxehet aty për aty me fatorinon dhe ai i kthehet duke i thënë se po ke ankesa bjeri atij numrit atje dhe ankohu (qr jopo të shkoj në prokurori) Njerëz që kalojnë ngjeshur sa andej këndej, më duket më shumë si një street party. Unë si gjithmon shkoj afër atij që ka ngrën hudhrën që në 5 të mëngjesit. Nuk e di pse më ndodh gjithmonë kshu...tani po më vjen dhe pak si gjum. Ngecim në trafik. Dikush fillon dhe shan qeverinë. "Mosss ka prap protesta sot o të qr... Deri ku shkon ky autobus o fa..." Jam te stacioni parafundit më në fund do zbres...bauuuu pak panik tek femrat "iiiih, uaaa çfarë ndodhi??" Asgjë, u ça goma autobusit 😂 Zbresim të gjithë si shkërdhata...një burr që zihet me fatorinon "më jep lekët e biletës na ktu biletën tani ma preve...o xhaxhi prit autobusin tjetër me këtë bilet hipi...ore më jep lekët ktu po të them 😂😂 shumë interesante por më duhet te iki jam shumë vonë për në punë. Ju hipi këmbëve te mia dhe vrap 500 metrat e fundit.

ps. Historia është totalisht e vërtetë. Më pëlqen shumë ky vend shuuumë. Po të kemi një jetë monotone ndoshta s'kemi çfarë të tregojmë. I love Albania! ❤

Skandali: Qeveria fshin nga Fletorja Zyrtare VKM-në për pronat në bregdet pas presionit të Athinës (dokument) |Shtypnews.al|

Këshilli i Ministrave të Shqipërisë më 27 shkurt të këtij viti vendosi pezullimin e procesit të dhënies së titujve të tokave bujqësore të cilësuara si AMTP në të gjithë vijën bregdetare të Shqipërisë, të cilat njihen si zona që kanë përparësi turizmin.

VKM-ja me numër 172 që mban titullin “Për pezullimin e përkohshëm të procedurave të kalimit në pronësi të përfituesve të tokës bujqësore të ish-ndërmarrjeve bujqësore, në zonat me përparësi zhvillimin e turizmit, në mbështetje të projekteve investuese në turizëm” u miratua, por ndryshe nga gjithë VKM-të e tjera nuk u publikua në faqen kryeministria.al.

Katër ditë më parë ajo u shfaq në Fletoren Zyrtare me numër 43. Pastaj u zhduk.

Po ta klikosh sot, vendimi nuk është më i aksesueshëm.

Ky akt i paprecedentë erdhi menjëherë pas reagimit të ashpër që mbajti kryeministri i Greqisë, Aleksis Tsipras në lidhje me atë që kryeministri grek e quajti “proces i bllokimit të pronave të minoritetit grek në zonën e Himarës”.

Çfarë përmbante VKM e zhdukur

VKM-ja e zhdukur parashikonte pezullimin e përkohshëm të vijimit të procedurave të kalimit në pronësi të përfituesve të tokës bujqësore të ish-ndërmarrjeve bujqësore, në zonat me përparësi zhvillimin e turizmit, në mbështetje të projekteve investuese në turizëm.

Aty shtohej që zbatimi do kryhej: “sipas hartës bashkëlidhur këtij vendimi, publikuar edhe në Gjeoportalin Kombëtar, të administruar nga Autoriteti Shtetëror për Informacionin Gjeo-hapësinor (ASIG), deri në kalimin / regjistrimin e pasurive të paluajtshme shtetërore, në zbatim të nenit 34, të ligjit “Për turizmin”.

“Pasuritë e paluajtshme, në pronësi të shtetit, që ndodhen në zonat me përparësi zhvillimin e turizmit, me përjashtim të zonave të mbrojtura dhe objekteve të trashëgimisë kulturore, me vendim të Këshillit të Ministrave, brenda 2 muajve nga miratimi i zonës, kalojnë në administrim të ministrisë përgjegjëse për turizmin. Pasuritë e paluajtshme, në administrim të njësive të qeverisjes vendore, që ndodhen në zonat me përparësi zhvillimin e turizmit, me vendim të Këshillit të Ministrave, brenda 2 muajve nga miratimi i zonës, kalojnë në administrim të ministrisë përgjegjëse për turizmin. Këshilli i Ministrave, rast pas rasti, miraton me vendim të veçantë transferimin, në favor të shtetit, të pasurive të paluajtshme në pronësi të njësive të qeverisjes vendore, që ndodhen në zonat me përparësi zhvillimin e turizmit”, – shkruhej aty.

Print

Vendimi i Keshllit te Ministrave i botuar ne Fletoren Zyrtare dhe me pas i fshire

Vendimi pezullon dhënien e titujve të pronësisë për ato prona që janë në proces. Ai përfshin komplet vijën bregdetare të Shqipërisë. Në të i kërkohet njësive të vetëqeverisjes vendore, territori administrativ i të cilave përfshihet në hartën shoqëruese të vendimit, të pezullonin procedurat e kalimit në pronësi të tokës së ish-ndërmarrjeve bujqësore, në zonat me përparësi zhvillimin e turizmit, pavarësisht nga faza procedurale, menjëherë me hyrjen në fuqi të këtij vendimi.

“Pasuritë e paluajtshme, që ndodhen në zonat në të cilat nuk ka përfunduar regjistrimi fillestar, regjistrohen në përgjegjësi administrimi të ministrisë përgjegjëse për turizmin, pasi të ketë përfunduar procesi i regjistrimit fillestar”, thuhet në pikën 4 të kësaj VKM-je.

Reagimi i ashpër i Greqisë, Tirana fshin VKM-në

Vendimi solli një reagim të ashpër të kryeministrit të Greqisë Aleksis Tsipras. Në mënyrë të drejtpërdrejtë ai paralajmëroi Shqipërinë se vendimi i marrë për pronat do të ndikojë në procesin e integrimit në BE.

“Për fat të keq, kohët e fundit shohim zhvillime që nuk na kënaqin. Sot mësoj se ka një zhvillim negativ në lidhje me minoritetin grek në Shqipëri. Nëse kjo është e vërtetë, do të jetë një zhvillim shumë negativ dhe është një zhvillim që në këtë moment nuk na jep optimizmin për sa i përket ecurisë kritike europiane të këtij vendi, që përballon sfida të rëndësishme, ndaj të cilave duhet të përgjigjet. Parakushtet për të lëvizur në drejtimin e mbështetjes së kësaj ecurie, nëse informacioni që kemi është real, nuk ekzistojnë. Shpresoj të mos jetë i vërtetë, sepse vullneti ynë është që të gjitha vendet e Ballkanit Perëndimor të ndërmarrim hapa për ta bërë perspektivën europiane një realitet”, tha kryeministri i Greqisë në konferencën për shtyp të dhënë në Bukuresht së bashku me homologen rumune.

Mediat greke raportuan disa ditë më parë se deklarata e Tsipras i referohet një informacioni se konkretisht qeveria shqiptare ka konfiskuar prona të minoritetit grek në Himarë. “Përmes një vendimi të botuar në Fletoren Zyrtare, por ky vendim u fshi nga qeveria shqiptare nga Fletorja Zyrtare pas deklaratës së Cipras” – shkruante agjensia greke e lajmeve. (klikoKËTU)

Mesazhi i DITA për kryeministrinë, pa përgjigje

Një VKM, minimalisht duhet shfuqizuar.  Dita i kërkoi dy ditë më parë reagim drejtorit të Komunikimit në Kryeministri, z.Endri Fuga.

Teksti i nisur nga redaksia për z.Fuga:

“z.Fuga, pak ditë më parë është miratuar një VKM për pezullimin e përkohshëm të vijimit të procedurave të kalimit në pronësi të përfituesve të tokës bujqësore të ish-NB-ve, në zonat me përparësi zhvillimin e turizmit, në mbështetje të projekteve investuese në turizëm. Pasi është botuar në Fletoren Zyrtare, është fshirë prej aty. A është shfuqizuar dhe për çfarë arsye? A ka patur ndonjë takim që ka sjellë ndryshimin e qëndrimit të qeverisë për pronat në jug? A ka lidhje kjo me zhdukjen e VKM online?”

Zyrtari i lartë i Kryeministrisë nuk iu përgjigj këtij mesazhi.

Më 12 qershor në Kosovë pritet të vijë Hillary Clinton | Shtypnews.al|

Më 12 qershor në Kosovë pritet të vijë Hillary Clinton / Shtypnews.al
Kosova më 12 qeshor shënon përvjetorin e 20-të të çlirimit dhe hyrjes së trupave të NATO-s në vendin tonë.Për të nderuar personalitetet kryesore ndërkombëtare që kontribuan në intervenimin dhe çlirimin e Kosovës, tre ish presidentët e Kosovës, Fatmir Sejdiu Behgjet Pacolli, Atifete Jahjaha dhe presidenti aktual, Hashim Thaçi, më 12 qershor do të organizojnë pritje madhështore në Prishtinë.I tërë ky organizim i është besuar ish-presidentes së Kosovës, Atifete Jahjaga. Ajo do të merret me dërgimin e ftesave për këto personalitete.

Në këtë ceremoni, siç mëson Ballkani.info, pritet të marrin pjesë edhe dy ish sekretaret e shtetit amerikan, Madeleine Albright dhe Hillary Clinton.Në kohën e intervenimit dhe të çlirimit të Kosovës, zonja Albright ishte sekretare e shtetit dhe zyrtarja kryesore amerikane që i dha shtytje fillimit të bombardimeve të NATO-s ndaj caqeve serbe.Në anën tjetër, zonja Clinton aso kohe ishte Zonja e Parë e Amerikës, pasi që bashkëshorti i saj, Bill Clinton mbante postin e presidentit. Përveç kësaj, Hillary Clinton edhe në kohën kur ishte sekretare e shtetit, nga 21 janari i vitit 2009 deri në shkurt të vitit 2013, dha kontribut të jashtëzakonshëm për forcimin e pavarësisë dhe shtetësisë së Kosovës në arenën ndërkombëtare.

Se dy ish sekretareve u është dërguar ftesë që të jenë të pranishme më 12 qershor në Kosovë, nuk e ka mohuar zyrja e ish presidentes Jahjaga.

Zyra e Jahjagës ka thënë se ata janë në proces të krijimit të listës së të ftuarve për ngjarjen, gjë kjo e cila sipas tyre do të publikohet me kohë.

“Më 26 mars 2019, Qeveria e Kosovës ka marrë vendim për themelimin e Këshillit Organizativ për shënimin e 20 vjetorit të hyrjes së NATOs në Kosovë. Ky këshill udhëhiqet nga Presidentja Jahjaga. Këshilli Organizativ ka mbajtur takimin e parë dje, dhe është në proces të krijimit të listës së të ftuarve për ngjarjen. Detaje të tjera të ngjarjes do të publikohen me kohë”, thuhet në përgjigjen e zyrës së Jahjagës.Më 12 qershor Kosova shënon 20 vjetorin e çlirimit nga okupatori serb. Kjo datë shënohet edhe zyrtarisht si hyrja dhe marrja nën kontroll e territorit të Kosovës nga forcat e NATO-s / Shtypnews.al /..

Fshati kosovar që ka ujin magjik, shëron edhe shumë sëmundje

Fshati kosovar që ka ujin magjik, shëron edhe shumë sëmundje

Aty ku fillojnë vargmalet e Karadakut, buzë lumit Morava gjendet fshati Nasalë, i cili i tëri fle mbi ujëra minerale.

Ruzhdi Selimi, kryetar i fshatit thotë se ky ujë që gjendet në këtë fshat, dikur kishte shërbyer për shërimin e sëmundjeve të ndryshme.

Ai ka thënë se të shumë janë njerëzit që vijnë edhe prej fshatrave tjera, për të marrë ujë për shërimin e sëmundjeve të ndryshme si: gurët në idhëz, sëmundjet reumatike eti.

‘Fshati Nasalë është në ujërat minerale, me minerale janë edhe kodrat, këtu vijnë prej shumë fshatrave me marrë ujë për sëmundje të ndryshme reumatike, gurëve në idhëz, stomak etj’,raporton tv dukagjini.
Ndërkohë, ky ujë shërues ka lidhjen me banjën e Kllokotit.
Ndryshe, nasalasit, banorë të këtij fshati njihen si njerëz punëtorë dhe me tokë të pëlleshme në fushën e Anomravës dhe ata kryesisht merren me bujqësi dhe blegtori.

11 policë u morën peng nga një bandë. Ata ishin duke patrulluar në rrugë në momentin kur u rrëmbyen

Një ngjarje e pazakontë ka ndodhur në Meksikë ku 11 policë u morën peng nga një bandë. Ata ishin duke patrulluar në rrugë në momentin kur u rrëmbyen nën presionin e anëtarëve të bandës.

Madje policët u detyruan të uleshin edhe në gjunjë. Agjentët e Policisë së shtetit ishin duke patrulluar në qytetin Juan Galindo kur u përballën me të shtëna armësh, ngjarje kjo e ndodhur të shtunën e kaluar.

Sipas raportimeve, policët sapo kishin përfunduar një operacion që kishte parandaluar vjedhjen e një rafinerie nafte.

Policët u lanë të lirë të dielën në mengjes, teksa për ngjarjen nuk asnjë të ndaluar

Alarmante: Kosovarët po vdesin nga Gripi i Derrit, institucionet po i fshehin rastet?

Alarmante: Kosovarët po vdesin nga Gripi i Derrit, institucionet po i fshehin rastet?

Rreth dhjetë persona dyshohet se deri më tani kanë ndërruar jetë në Kosovë si pasojë e prekjes nga gripi, përkatësisht virusi H1N1. Viktima e fundit me grip të derrit dyshohet se u shënua javën që shkoi dhe ishte një 35-vjecare nga një fshat i Gjakovës. Ndërkohë që rajoni më i prekur nga ky virus po del të jetë Gjilani. Aty së fundi kanë vdekur tre persona. Institucionet shëndetësore refuzojnë të deklarohen rreth numrit të të vdekurve në nivel vendi nga ky virus. Ndërkohë që Instituti Kombëtar i Shëndetësisë Publike thonë se nuk kanë të dhëna rreth numrit të personave që kanë ndërruar jetë si pasojë e gripit të derrit.

Në njërin nga spitalet private në Shkup, gjatë javës së kaluar ndërroi jetë 40 vjeçar nga qyteti i Gjilanit, K.J pasi që i njëjti dyshohet të jetë prekur nga virusi H1N1 apo siç njihet ndryshe ‘Gripi Derrit’. Ai fillimisht u trajtua në spitalet kosovare, por që më vonë familja të njëjtin vendosi që ta dërgojë në Shkup, atje edhe ku ndërroi jetë.

Kështu kanë deklaruar për Gazetën Express, në kushte anonimiteti zyrtarë nga spitali i Gjilanit.

“Ai u trajtua këtu. Kishte simptoma të virusit H1N1. Por më pas familja vendosi që ta dërgojë në Shkup për trajtim. Atje ku edhe ndërroi jetë”, kanë deklaruar zyrtarë nga spitali i Gjilanit.

E nga gripi i derrit nga qyteti i Gjilanit, gjatë muajit shkurt të këtij viti kanë ndërruar jetë edhe Ramadan Jashari, nga fshati Pogragjë i kësaj komune i cili kishte punuar si infermier në Gjilan, si dhe një 61 vjeçare nga Pozhorani i Komunës së Vitisë.

Por megjithatë, këto shifra nuk po konsiderohen alarmante nga zyrat që merren me shëndetësi në vend edhe pse javën që shkoi nga Gripi i Derrit dyshohet së ndërroi jetë edhe Dëshira Lleshdedaj në Klinikën Infektive të QKUK’së.

Ajo fillimisht ishte trajtuar në spitalin rajonal të Gjakovës. Aty mjekët kanë konstatuar se Dëshira u prek nga virusi H1N1. Kështu ka thënë për Express, Kirurgu nga Gjakova, Sabaudin Bytyqi.

“Ne e operuam pacienten në fjalë. Nuk kishte simptoma të ndonjë sëmundje tjetër. Dyshimi më i madh është tek gripi i derrit”, ka deklaruar Bytyqi për Express, javën që e lamë pas.

Nga gripi i derrit gjatë fundit të muajit maj të ëktij viti po dyshohet se ka vdekur edhe një grua nga Ferizaj. Ajo fillimisht ishte prekur nga gripi sezonal duke ndërruar jetë më vonë në QKUK me dyshimet se më vonë u prek me grip të derrit.

“Familja e ngushtë po thonë se ajo, u prek nga gripi i derrit. Cike e re, nuk ka qenë sëmurë kurrë nga asnjë sëmundje”, kanë deklaruar familjarë të së ndjerës.

Por, edhe pas gjithë këtyre rasteve të vdekjeve që dyshohet se kanë ardh nga gripi i derrit në Kosovë, institucionet që merren me monitorimin e shëndetit publik, nuk po i shohin rastet si shqetësuese. Deklarojnë që situata nuk e kalon pragun epidemiologjik.

Zyrtarë nga Instituti Kombëtar i Shëndetësisë Publike kanë deklaruar për Express se nga tetori i vitit të kaluar e deri më 29 mars të këtij viti 2019 në IKSHPK janë raportuar gjithsej 54 mijë e 949 raste të dyshimta në grip (ILI), si dhe 6 mijë e 296 raste ARI (Infeksion Respirator Akut). Ndërkohë 107 raste të tjera janë raportuar me SARI (Infeksion i Rëndë Respirator Akut).

Rastet raportohen nga të gjitha komunat e Kosovës. Numër më i madh i rasteve raportohet nga komuna e Prishtinës, Prizrenit, dhe Podujevës.

Tutje sipas Institutit Kombëtarë, gjatë javës së 12-të janë raportuar 3.577 raste ILI, 229 raste ARI dhe 13 raste SARI.

Në këtë institucion theksojnë se në laboratorin e Qendrës kombëtare të gripit-IKSHPK deri sot janë testuar gjithsej 1016 mostra të dyshimta në Influencë dhe prej tyre 422 raste rezultojnë pozitive në Influencën tip A (pozitiviteti 41.5 %).

Sipas subtipit 345 mostra Influencë A e pa- subtipizuar dhe 76 mostra rezultojnë pozitive në sub-tipin AH1pdm09 dhe 1 mostër rezulton pozitive në AH3.

Ndërkohë nga ana e Institutit Kombëtar, refuzojnë të japin detaje rreth numrit të personave të cilët kanë vdekur si pasojë e virusit të derrit. Deklarojnë se për shifrat të dhëna mund të japin zyrtarë nga Klinika Infektive e QKUK’së.

Por në QKUK nuk janë deklaruar për këtë çështje. Asnjë nga zyrtarët e Infektivës nuk i janë përgjigjur pyetjeve të gazetës për këtë cështje.

Kohë më parë, zyrtarë nga Infektiva e QKUK’së, kanë deklaruar se vetëm deri në muajin shkurt 5 persona kanë vdekur nga gripi i derrit. Ndërkohë janë edhe disa pacientë të tjerë që përgjatë këtyre javëve kanë vdekur me dyshimet se janë prekur nga virusi AH1N1.

Ndryshe, gjatë këtij viti në shumë vende të rajonit është shpallur epidemi nga influenca e gripit, pasi shumë njerëz kanë vdekur nga ndërlikimet e shkaktuara nga ky virus. Në Bosnjë dhe Hercegovinë tashmë kanë vdekur 36 persona, në Serbi 19 persona, në Mal të Zi 6, derisa në Maqedoni 2 persona.

Sido që të jetë, në Institutin Kombëtar thonë se po i përcjellin me vëmendje ecuritë epidemiologjike të gripit sezonal në tërë territorin e Republikës së Kosovës duke intensifikuar punën në terren.

Rastet raportohen nga të gjitha komunat e Kosovës, thonë zyrtarë nga ky institut, derisa shtojnë se asnjëra nuk e kalon pragun epidemik. 

Shkruan Gjithqka Interesante FB

Ish-kryeministri i Kosovës propozon krijimin e një “Konfederate Moderne” me 4 shtetet e Ballkanit

Shtypnews.al

Ish-Kryeministri Bajram Kosumi ka propozuar krijimin e një “Konfederate Moderne” të katër shteteve rajonale, Shqipërisë, Kosovës, Malit të Zi e Maqedonisë. Ka thënë se një bashkim i tillë do të mund të ndodhte në fushën e diplomacisë, tregtisë, ushtrisë e lëvizjes së lirë të njerëzve dhe mallrave.

Sipas tij, një ide e tillë do të mund të krijohej edhe për shkak se asnjëri prej këtyre shteteve s’ka pretendime ndaj njëri-tjetrit.

”Pse mund të krijohet një konfederatë moderne kur shqiptarët janë pjesë përbërëse e secilit shtet dhe si komb shumicë? Sepse pikërisht shqiptarët kanë interes strategjik për të ruajtur pavarësinë dhe marrëdhëniet miqësore me Maqedoninë e Veriut dhe Malin e Zi, mu për shkak të faktorit shqiptar në ato shtete dhe për shkak të apetiteve hegjemone të Serbisë dhe politikave ndikuese të të tjerëve”, ka shkruar Kosumi, në një tekst autorial, në konferencën ”Balkans Leadership Conference”, të organizuar nga Universal Peace Federation, Tiranë.

Autori i librit “Koncept për mendimin e ri politik” ka shpjeguar se pse në aspektin ekonomik do të ishte i frytshëm një bashkim i tillë ndërmjet katër shteteve.

“Katër shtetet tona kanë territor të vogël, tregje të vogla, me një ekonomi jo shumë të zhvilluar. Bruto produkti i katër shteteve shkon nga rreth 5 miliardë dollarë sa e ka Mali i Zi, deri në 13 miliardë sa ka Shqipëria. Ekonomia e secilit prej katër shteteve mbetet në mëshirën e cilitdo shtet mesatar europian, apo si e tha kryeministri bullgar në Samitin e BE Sofje në vitin 2018, bruto produkti i të gjitha shteteve të vogla të EJL nuk bën sa ai i Çekisë (215 miliard dollarë)”, ka shtuar ai.

Sipas tij, bashkimi i katër shteteve të vogla do të mund të kursente shumë buxhetet e shteteve në fushën e diplomacisë, duke i përdorur të njëjtat mjete për fusha tjera.

“Me një marrëveshje të mundshme midis katër shteteve të vogla për politikat e jashtme dhe diplomacinë, në vend të 28 ambasadave sa ka Mali i Zi deri në 37 ambasada sa ka Shqipëria (Maqedonia e Veriut dhe Kosova kanë midis këtyre shifrave), mund t’i kishin 126 ambasada, me kusht që një ambasadë të prezantojë katër shtetet. Sa shumëfish do të zvogëloheshin shpenzimet për ambasada dhe sa shumëfish do të mbulohej bota me përfaqësimin e katër shteteve!”.

“Ushtritë e këtyre shteteve të vogla nisin nga 2500 sa ka Kosova dhe po aq Mali i Zi deri në 9000-10000 sa kanë Maqedonia e Veriut dhe Shqipëria. Asnjëra prej ushtrive të vogla të këtyre katër shteteve nuk mund të jetë garanci e sigurisë së vendit nga cilido shtet mesatar rajonal apo europian, natyrisht nëse Tramp hamendet se pse duhet NATO ta mbrojë Malin e Zi”,

“Me një marrëveshje të mundshme midis katër shteteve të vogla për politikat e jashtme dhe diplomacinë, në vend të 28 ambasadave sa ka Mali i Zi deri në 37 ambasada sa ka Shqipëria (Maqedonia e Veriut dhe Kosova kanë midis këtyre shifrave), mund t’i kishin 126 ambasada, me kusht që një ambasadë të prezantojë katër shtetet. Sa shumëfish do të zvogëloheshin shpenzimet për ambasada dhe sa shumëfish do të mbulohej bota me përfaqësimin e katër shteteve!”.

Bajram Kosumi është Rektor i Universitetit “Kadri Zeka” në Gjilan. Është profesor i gazetarisë në Universitetin e Prishtinës. Është autor Kosumi është po ashtu autor i librave: “Zhanret e gazetarisë”, “Tipologji dhe zhanër’, “Koncept për subpolitikën”; “Fjalor i Barbarëve”,”Koncept për mendimin e ri politik”, “Lirika e Fishtës”, “Një vit vendimtar”, “Letërsia nga burgu” dhe “Fishta dhe tradita letrare shqiptare”.

Shtypnews.al