Për Dibrën që rivulosi mjerimin!

 Për Dibrën që rivulosi mjerimin!

Nga Hamdi Skeja 

Pavarësisht se historia e tregon krejt ndryshe dibrën heroike, historike, bujare, dibra dje rivulosi mjerimin e saj, rivulosi mjerimin dibranë. 

Vota është një proçes shuplake, ku në vënd që t’ja jepnin qeverisë së llumtë, ja dhanë vetës atë shuplakë. 

Në këto vite kam ulëritur fort, kam denoncuar çdo padrejtësi, po siç duket, siç edhe u faktua se paskëm fol kot! 

Votuan edhe njëherë për shtypjen, për vjedhjen, për arrogancën, për llumin, për kryetar kukulla, për kryetar të drejtuar turpshëm nga klika e turpit. 

Madje kur Rama ishte në Dibër u shpreh para dibranëve të mi se, nëse nuk do votonin PS-n, rruga e Arbërit nuk do bëhej. E nga ana tjetër pashë të rinj e të reja që qeshnin, që pajtoheshin dhe duartokisnin nipin e Spiro Kolekës! 

Kjo nuk është dibra që ka folur historia. 

Rinia nuk është ajo rinia dibrane që ka lënë gjurmë suksesesh kudo. 

Partia kanceroze e drejtuar nga Ulsi Manja &co edhe këtë herë e mori dibrën. 

Turp! 

E mori duke përdorur çdo mjet antidemokratik, duke fikur rrymën elektrike, duke kërcitur druri, duke thyer kuti votimi, apo edhe duke mbrojtur njerëz që dibra i njeh mirë. Por u faktua se dibrës i pëlqen ta “rrahësh” ta vjedhësh, ta lësh në mjerim, në varfëri, në skamje. 

Kurse nga ana tjetër, nuk ishte fare e nevojshme për të bërë garë mes dy demokratëve, ishte për të garuar me kompaninë e krimit, me grupimin e llumit, me sektin mavi. Por zgjodhën luftën mes vetës. 

Tani është e qartë se ju pëlqen shtypja, vjedhja, dhe harbutëria e rilindjes kanceroze! 

Dje keni vulosur dhe rivulosur mjerimin në dibër dhe koha ka për t’ju dënuar!

Ju vazhdoni të gëzoni mjerimin rilindas, kurse unë kam rrugë akoma, se më duhet të jem i vetëm kundra kancerit rilindas për të denoncuar çdo aferë korruptive që bëhet ndaj jush, e ju që e votuat! 

Hamdi Skeja!

Mihail Shishkin (shkrimtar rus që jeton në Zvicër):

 

Mihail Shishkin (shkrimtar rus që jeton në Zvicër):

"Kjo luftë nuk filloi tash, po në vitin 2014. Bota perëndimore nuk donte ta kuptonte, por shtirej se nuk po ndodhte asgjë tmerruese. Gjithë këta vite u mundova, në paraqitjet dhe publikimet e mija, t’ua shpjegoj njerëzve se kush është Putini, por n

uk arrita. E qe, tash ai vet tregoi se kush është.

Unë jam rus. Putini përbindshëm po kryen krime në emër të kombit tim, të shtetit tim, dhe në emër tim personal. Putini nuk e pëfaqëson Rusinë. Rusia po ndjen dhembje dhe turp. Në emër të Rusisë sime dhe të kombit tim, kërkoj falje nga ukrainasit. Dhe e kam të qartë se ajo që po bëhet atje nuk mund të ketë të falur.

Pas çdo botimi të artikujve të mij në shtypin zviceran, në redaksi vinin, nga ambasada e Rusisë në Bern, letra plot pezëm. Tani ka heshtje. Ndoshta atje po i bëjnë gati valixhet ose po përpilojnë kërkesa për azil politik.

Un dëshiroj të kthehem në Rusi. Por në cilën Rusi? Kthimi në Rusi të Putinit nuk është i mundur, për shkak të kutërbimit tepër të fortë të çizmes policore. Do t’isha kthyer në vendin tim të cilin e pëshkrova në letrën time të hapur kur refuzova ta përfaqësoj Rusinë e Putinit nëpër panaire ndërkombëtarë të librit, qysh në vitin 2013, pra para aneksimit të Kërëmit dhe para fillimit të kësaj lufte kundër Ukrainës:

«Un dua, dhe do ta përfaqësoj një Rusi tjetër, një vend të çliruar nga njerëzit e vetshpallur, me strukturë shtetërore që e mbron, jo të drejtën për korrupt, po të drejtën e individit, në një vend me mjete të lirë të informimit të masave, zgjedhje të lira, njerëz të lirë».

Hapësira e të shprehurit të lirë në Rusi qysh me heret ishte cunguar gjer në suaza të internetit por tani atje vepron cenzura ushtarake. Qeveria njohton se çdo prononcim kritik që i drejtohet Rusisë dhe ushtrisë së saj do të konsiderohet tradhëti dhe do të gjykohet sipas ligjeve të gjendjes së luftës.

Ç’mund të bëjë shkrimtari? Vetëm atë që di ta bëjë: të flasë qartë. Heshtja paraqet përkrahje të agresorit. Në shekullin e XIX, kryengritësit polakë u ngritën kundër carizmit me parullën «për lirinë tonë dhe tuaj». E tash ukrainasit po i kundërvehen armatës së Putinit për liri tuaj dhe tonë. Ata s’po e mbrojnë vetëm dignitetin e tyre njerëzor, po të njerëzimit të tërë. Ukraina tani po na i mbron lirinë dhe dignitetin. Ne duhet t’i ndihmojmë aq sa të jetë e mundur.

Krimi i regjimit qëndron edhe në ate që hija e keqe po i bie tërë shtetit. Tash Rusia nuk i sjellë më ndërmend letërsinë e muzikën, po bombat që u hedhen fëmijve. Krimi i Putinit qëndron në helmimin e njerëzve me urrejtje. Putini do të zhduket por dhembja dhe urrejtja do të rëndojnë shpirtëra për një kohë shum të gjatë. Dhe vetëm arti, letërsia, e kultura mund të ndihmojnë që të përballohet kjo traumë. Jetës së poshtër e të pavlerë të diktatorit, heret ose vonë i vjen fundi, kurse kultura vazhdon — kështu ka qenë gjithmonë, dhe kështu do të jetë edhe pas Putinit. Letërsia s’e ka për detyrë të bëjë gjë me Putinin, letërsia s’e ka për detyrë ta shpjegojë luftën. Nuk  është e mundur të shpjegohet lufta: përse i japin njerëzit urdhër një populli për ta vrarë tjetrin? Letërsia është ajo që i kundërvehet luftës. Letërsia e njëmendtë përherë e pasqyron nevojën e njeriut për dashuri, e jo për urrejtje.

Çka po na pret? Në rastin më të mirë, s’do të ketë luftë bërthamore. Shumë do të kisha dëshirë të besoja se nuk i lejojnë të çmendurit qasje të pullës së kuqe, ose që ndonjeri nga të nënshtruarit nuk ia plotëson këtë urdhër përfundimtar. Por kjo është, si duket, gjëja e vetme e mirë ndër ato që na presin. Federata Ruse, si shtet, pushon së ekzistuari në hartë, pas Putinit. Procesi i shpartallimit të perandorisë do të vazhdojë. Shembullin e pavarësimit të Qeqenisë do ta vijojnë edhe kombet e regjnonet tjerë. Do të fillojë lufta për pushtet. Popullit nuk do t’i pëlqejë jeta kaotike — prap do të paraqitet nevoja për grusht të fortë. Madje edhe pas zgjedhjeve të lira — edhe po të ketë të tilla — ndonjë diktator i ri do të vijë në fuqi. E Perëndimi do ta përkrahë, se ky do të premtojë se e mban pullën e kuqe nën kontroll. Dhe, s’i dihet, ndoshta e tëra kjo pastaj edhe përsëritet."

Përkthimi nga rusishtja▪️Florent Rizvanolli: lejohet përhapja, me kusht të rreptë që të mos ndryshohet as edhe një presje.

Rubla e Rusisë bie në një nivel të ri rekord kundrejt dollarit amerian

Rubla ruse ka rënë edhe më tej kundrejt dollarit amerikan, duke arritur nivele të ulëta rekord, teksa bisedimet po shtohen për sanksione të mundshme kundër energjisë ruse.

Dollari amerikan/rubla ruse aktualisht është 155, që do të thotë se 1 dollarë vlen 155 rubla, shkruan CNN.

Përpara se të fillonte konflikti me Ukrainën, ajo ishte midis 70 dhe 80 rubla për dollar. Rubla ruse ka humbur 90% të vlerës së saj kundrejt dollarit amerikan që nga fillimi i vitit.

Rubla ka rënë pasi Perëndimi vendosi sanksione të ashpra ekonomike dhe qeveria ruse vendosi kontrolle të kapitalit në përpjekje për të ndaluar rrjedhën e parave nga Rusia.

Shtyp New! 

Policia e Shtetit hedh poshtë akuzën e Bardhit: Veprimet lidhen me punën hetimore pas protestës

Nga Sadiola Xhelili 

Pas akuzës së Sekretarit të Përgjithshëm të Partisë Demokratike, Gazment Bardhi, se policia ka ndaluar anëtarë të Këshillit Kombëtar të PD-së, Ka reaguar Policia e Shtetit.

Kjo e fundit ka bërë me dije se veprimet e ndërmarra lidhen me punën hetimore të policisë që po kryhet për dokumentimin e shkatërrimit të pronës dhe akteve të dhunës të ndodhura gjatë protestës së sotme në selinë e PD-së.

Ndërkaq, policia ka sqaruar se janë marrë në pyetje vetëm deputetë të partisë kurse të tjerë që janë gjetur në ambjentet e godinës janë shoqëruar për t’u marrë në pyetje.

“Sqarojmë opinionin publik se në vijim të veprimeve procedurale të kryera nën drejtimin e Prokurorisë së Rrethit Gjyqësor Tiranë, në selinë e Partisë Demokratike janë pyetur vetëm deputetët e Partisë Demokratike, ndërsa personat e tjerë që janë konstatuar brenda selisë janë shoqëruar në ambientet e Policisë se Shtetit, për t’u marrë në pyetje”, ka theksuar policia.

Ndërkaq, policia ka treguar se “do të vijojnë me profesionalizëm dhe vendosmëri veprimet ligjore, për të dokumentuar të gjitha veprimet e kundërligjshme gjatë protestës së sotme dhe për të vënë para përgjegjësisë ligjore të gjithë personat përgjegjës”.

Njëkohësisht, Policia e Shtetit ka garantuar qytetarët se shërbimet e Policisë janë në terren dhe janë të angazhuara maksimalisht për të garantuar rendin dhe sigurinë.

 /Albanianpost.com

Protesta e PD/ Regjisori Kastriot Çipi: Katër shtetas kosovarë po mbahen në qeli, s’kanë avokat t’i mbrojë

 Policia ka shoqëruar mbi 50 qytetarë që morën pjesë në protestën e thirrur nga ish-kryeministri Sali Berisha në selinë e PD. Mes të shoqëruarve në komisariat janë edhe katër shtetas kosovarë nga Gjakova. Ky lajm është bërë me dije nga regjisori Kastriot Çipi, i cili me anë të një postimi në "Facebook" njofton se ata pretendojnë se janë marrë me dhunë nga një bar-kafe dhe se nuk kanë avokat që t'i mbrojë. Ata rrezikojnë që të mbeten në qeli deri ditën e hënë kur do të dalin para gjykatës.

Postimi i plotë i Kastriot Çipit:

4 shtetas kosovarë, nga Gjakova, janë të arrestuar në Tiranë, për pjesëmarrje në protestën e sotme. Ata pretendojnë se janë marrë me dhunë nga një bar-kafe dhe nuk kanë avokat që t'i mbrojë. Ata rrezikojnë të mbeten në qeli deri të hënën, kur do të dalin para gjykatës. Mesazhi i regjistruar në sekretarinë telefonike të Ambasadës së Republikës së Kosovës thotë se zyrat janë të hapura nga e hëna, deri të premten, nga ora 9 deri në ora 17. Kush të mundet të njoftojë mediat dhe Ministrinë e Punëve të Jashtme të Republikës së Kosovës.

Qytetarët quhen:

1. Arben Dervishaj (dy vetë me këtë emër e mbiemër)

2. Valdrin Dervishaj

3. Qëndrim Dervishaj

Ju lutem shpërndajeni!

Këto shoqërime janë TË PALIGJSHME! Në bazë të Nenit 109 “Shoqërimi në polici”, të Ligjit Nr. 108/2014 “Për Policinë e Shtetit”, punonjësi i policisë bën shoqërimin e personave në ambientet e Policisë ose institucionin urdhërdhënës në kushtet dhe rastet e mëposhtme:

1. a) kur është dënuar me burgim nga gjykata kompetente;

2. b) për moszbatim të urdhrave të ligjshëm të gjykatës ose ndonjë detyrimi të përcaktuar me ligj;

   c) kur ka dyshime të arsyeshme se ka kryer vepër penale;

   ç) për të parandaluar kryerjen e një vepre penale;

   d) kur është larguar pas kryerjes së një vepre penale;

   dh) për identifikimin e personit ndaj të cilit zhvillohen hetime, sipas kushteve të përcaktuara në Kodin e Procedurës Penale;

   e) për mbikëqyrjen e të miturit për qëllime edukimi ose shoqërimin e tij në organin kompetent;ë) kur personi është përhapës i një sëmundjeje ngjitëse, i paaftë mendërisht dhe i rrezikshëm për shoqërinë;

   1. f) për hyrje të paligjshme në kufirin shtetëror, si dhe në rastet e dëbimit ose ekstradimit.

   Sipas Ligjit Nr. 8773, datë 23.04.2001 “Për Tubimet”, pjesëmarrja në tubime nuk përbën vepër penale, edhe kur tubimet janë të ndaluara ose policia ka kërkuar shpërndarjen e tubimit. Vlen të theksohet se tubimi i sotëm ka qenë me leje dhe policia NUK ka bërë thirrje për shpërndarjen e saj. Të gjitha shkeljet e këtij ligji konsiderohen “kundravajtje penale”. Siç shihet qartë, asnjë klauzolë ligjore nuk e justifikon shoqërimin e qytetarëve në Komisariat, për pjesëmarrje në tubime. E vetmja e drejtë që ka Policia e Shtetit, është të të kërkojë letërnjoftimin, për të të identifikuar për efekt të plotësimit të proces-verbalit të gjobës.

   BURIMI NGA JOQ ALBANIA 

Gaz Bardhi i kërkon llogari policëve që i thirri vetë: Pse po na i ndaloni njerëzit?!

 Shtyp New! 

Gjatë mbrëmjes policia ka shkuar në selinë e PD-së dhe ka shoqëruar disa persona. Ka qenë vetë Sekretari i Përgjithshëmë i PD Gazment Bardhi i cili bashkë me Lul Bashën ka thirrur policinë për shkak se kishin frikë se Berisha do të merrte selinë. Por një ngjarje e rrallë ka ndodhur në oborrin e selisë, pasi Bardhi ka nisur t’u kërkojë llogari policëve se përse po shoqëronin njerëzit.

"Pse po ndaloni dhe shoqëroni? Të lutem a mund të di kush po i shoqëron? Kush po i shoqëron? Detyrën ti nuk e bën dot në shkelje të ligjit. Unë po të kërkoj informacion. Ndalimet jeni duke i kryer ju, a mund të më thoni kush jua ka dhënë urdhrin dhe arsyen pse?- iu është drejtuar Bardhi policëve

Kujtojmë se Basha e lavdëroi punën e policisë të bërë gjatë ditës së sotme, por kur policia nisi nga shoqërimet, Bardhi iu ka kërkuar llogari policisë se përse po i ndalonin njerëzit.

Burri që i bën gratë të qajnë/ Ish-ministrja: “Rama më ka bërë dy herë të qaj. Ky ishte qëllimi i tij”

Milena Harito, ish-ministre e Inovacionit dhe Administratës Publike ka zbuluar si ishte të punonte në një kat me kryeministrin Edi Rama. Në një intervistë në RTSH ajo ka folur për lidhjen farefisnore të largët që ka me kryeministrin Edi Rama, duke theksuar se ata janë kushërinj të tetë. Harito ka deklaruar se në fillimet e punës, Rama e ka bërë dy herë për të qarë.

Zonja Harito mund të më thuash momentin më të vështirë dhe më të mirë që ke kaluar me Edi Ramën në ato katër vjet?

Më të mirë sinqerisht, duket si gjuhë e drunjtë, por kujtimet më të mira janë ato gjëra  që unë doja të bëja. Unë kisha opsione të tjera por doja të bëja disa gjëra këtu.

Doje të ndryshoje Shqipërinë?

Jo. Të ndryshoja Shqipërinë është fjalë shumë e madhe. Shqipërinë e ndryshon ti, unë, të tjerë në me atë që bën. Unë kisha disa ide dhe Edi Rama ishte njeriu u duhur me pushtetin e  duhur dhe vizionin e duhur që ato gjëra të bëheshin. Momentet kur kapërceheshin disa vështirësi dhe gjërat ecnin përpara ishin momente shumë kënaqësie që ia vlenin.

Atë më të rëndësishme. Pra momentin më të vështirë?

Mendova se e harrove. Në ato fillime më ka bërë nja dy herë për të qarë.

Qave shumë?

Jo. Nuk qaj shumë se jam nga Vunoi, por qava.

Dhe Rama u mërzit shumë se qave ti!

Ai ishte qëllimi. Kur e mendoj ato janë momente që kishte të drejtë. Në kuptimin jo të metodës por të thelbit sepse duke të ngacmuar, duke të ngulur thikën në vende ku dhemb aty të bën të avancosh.

A ishte rasti Milena Harito t’i bëhej kjo gjë?

Ai nuk ka nge të merret me ndjenjat e njerit dhe tjetrit. Ka halle të tjera.

Se ju ishit ministre shteti dhe e kishit zyrën afër.

Po në të njëjtin kat.

Më keq nuk kishte domethënë.

Paradhoma e tij ishte më keq.

Si kanë qenë katër vite si ministre? S ishte të punoje me Edi Ramën?

Ishte absolutisht pasiononte. Unë siç duket edhe nga karriera jam njeri që punoj shumë sepse jam njeri që e dua punën. Por, aq sa kam punuar në atë periudhë si ministre në qeverinë Rama nuk kam punuar kurrë në jetën time.

Po e the edhe një herë këtë të bëri Rama përsëri ministre?

Rrini shumë të qetë. Ti edhe Partia Socialiste. Unë e deklaroj që nuk ka për të ndodhur kjo. Unë nuk do jem ministre dhe kjo është gjëja më e sigurt në botë.

Me këto që thatë ndonjë shishe uthull është hapur andej në PS. Mos e thuaj me shaka se Edi Rama çohet në mëngjes dhe thotë Milena Harito do jetë ministre çfarë do ti thuash ti?

Unë do t’i them kam jetën time. Kaq.

Pra si ishin katër vite pune me Edi Ramën?

Superpasionate. Shumë interesante. Mund të them se është shumë e vështirë të punosh me Edi Ramën.

Në kuptimin pozitiv apo negativ?

Pozitiv do të thoja por..

Domethënë në shqip, ta merr shpirtin?

Po. Absolutisht në të gjitha format. Nuk di tha them në frëngjisht. Kur u ktheva në kompaninë “Orange” në Paris që ka një xhiro vjetore 40 miliardë Euro, një nga çuditë e mia ishte se kur do pëlcite bomba dhe bomba nuk pëlciste. Prisja që kur do ndodhte vështirësia por jo. Ndërsa kur isha ministre në Shqipëri puna ishte shumë e ngjeshur dhe me tension.

Po intriga rreth e rrotull kishit?

Më dukej vetja ndonjëherë sikur isha zhytur në një enë me helm dhe unë që ndonjëherë nxirrja kokën për të marrë frymë.

Rudina Seseri ka thënë se Edi Rama nuk është kryeministër perfekt, por edhe Shqipëria është shumë e vështirë për ta naviguar. A jeni dakord me këtë përkufizim?

Po është shumë e saktë.

Zonja Harito, a mund ta shpjegosh konkretisht çfarë kushëriri e kishit dhe e keni Edi Ramën?

Kushëri të tetë.

Si konkrektisht?

Ore a i njeh ti kushërinjtë e tetë?

Rastësisht edhe mund t’i njoh.

Atëherë ka një fakt. Spiro Koleka, anëtari i Byrosë Politike kishte pasion gjenealogjinë dhe meqenëse kishte edhe mundësinë kishte krijuar pemën e familjes dhe ua ka lënë fëmijëve. Trungjet e familjeve tona bashkohen në vitin 1740.

Çfarë ishit në atë vit paraardhësit tuaj?

Motër dhe vëlla, dhe pastaj degët e degëve kanë ardhur deri te mua dhe Rama.

Po Berisha ka thënë se ishit kushërinj?

Ai e bëri këtë dhe e hapi. E tha dhe u bë legjendë. Doktori është i paparë se ai ma ngjiti.

Si e analizoni mënyrën se si bën opozitë Lulzim Basha?

Basha ka probleme shumë serioze. Më kujtohet kur isha ministre që mora një informacion që ai nuk kishte marrë diplomën e universitetit. Shkruajta një status në facebook që Lulzim Basha duhet të bënte publike diplomën. Por më bën blocki direkt. Ky ishte kulmi. Në vend të jesh transparent ti e ngre karrierën mbi bazën e një gënjeshtre.

Çfarë domethënie ka kjo?

Për mua Lulzim Basha është kryeadmiruesi i Edi Ramës. Sa të jetë Lulzim Basha kryetar i PD, Edi Rama do jetë kryeministër.