Njihuni me bosin e drogës Pashk Rrapi, Evropa e dënoi për trafiqe, në Shqipëri merr tendera dhe koncesione me emrin Anton Gjinaj. SPAK, zgjohu!

Pashku është arrestuar dhe dënuar për trafik droge në Itali dhe Spanjë, akte dhune ndaj zyrtarëve publikë, shfrytëzim dhe njihet si një prej ish-bosëve të krimit në Milano. Megjithatë, faktet konfirmojnë se rekordet e zeza kriminale nuk e kanë penguar Pashkun për të marrë tendera nga kryebashkiakët dhe drejtorët e Edi Ramës, madje tendera në mënyrë të dyshimtë, ku oferta fituese është gati sa fondi limit.

Çuditërisht, këto ditë po flitet për anëtarët dhe sekserët e grupi mafioz ‘Ndrangheta’, të cilët në bazë të një dosje përgjimesh të anti-mafias italiane, flasin për lehtësinë e korruptimit të pushtetarëve shqiptarë, për të pastruar paratë e pista në ndërtim.

Edi Rama ka nisur të mburret se mafia nuk ka arritur të realizojnë planet e saj në Tiranë, përveç ngritjes së një dyqani.

Sot po sjellim një rast konkret, ku jo vetëm është realizuar dhe vazhdon edhe në këto momente pastrimi i parave në ndërtim, por drejtorët dhe kryebashkiakët e Edi Ramës janë vënë në rresht, duke i dhënë tendera një personazhi të krimit në Itali, duke u bërë kështu pjesë e një skeme pastrimi parash. Skema është e zakonshme. Me paratë e trafiqeve ka ardhur në Shqipëri, ku fillimisht ka ndryshuar emrin nga Pashk Rrapi duke e bërë Anton Gjinajn. Më pas, me emrin Anton, ka krijuar disa kompani përmes të cilave, pastron dhe kamuflon paratë e pista. Mes kompanive ka krijuar edhe Alesio-2014, në 8 maj 2014, me veprimtari në fushën e ndërtimit.

Përmes kësaj kompanie, Pashk Rrapi ose Anton Gjinaj ka nisur të marrë tendera nga kryebashkiakët Artur Bushi, Erion Veliaj dhe Vangjush Dako. Për më tepër lexoni (https://pamfleti.net/anton-gjinaj-i-alesio-2014-perlan-parate-e-krujes-me-trafikantin-artur-bushi-shtrin-fijet-tek-erion-veliaj-dhe-merr-dy-llokma-te-medha/) dhe (https://pamfleti.net/7-pyetje-per-anton-gjinajn-qe-duhet-te-ngrene-ne-kembe-shtetin-e-kaluara-e-zeze-dhe-lidhjet-me-tre-aligatore-tenderash-te-edi-rames/).

Vetëm nga Veliaj ka marrë dy tendera me vlerë rreth 7 miliardë lekë, me ofertë gati sa fondi limit.

Ligji për prokurimin publik parashikon qartë përjashtimin nga tenderat dhe kontratat publike të personazheve që janë dënuar për veprimtari në fushën e narkotikëve, shfrytëzim etj. Operatorët ekonimikë duhet të paraqesin dokumentacion se plotësojnë të gjitha kriteret sa i takoj të shkuarës së tyre, parashikuar në ligjin për tenderat.

Në këtë rast, Pashk Rrapi ka dërguar dokumente të falsifikuara në bashkitë dhe drejtoritë e Edi Ramës.

Këta të fundit, edhe pse kanë qenë në dijeni, kanë “mbyllur sytë” dhe i kanë pranuar dokumentet, duke ndarë paratë publike. Kur të thirren nga SPAK do të thonë se nuk kanë ditur gjë, ashtu siç tha Damian Gjiknuri për çunakun e Bashkim Ulajt, përmes të cilës vodhën rreth 36 milionë euro taksa publike.

Në vijim detaje rreth veprimtarisë së Pashk Rrapit, i njohur si Anton Gjinaj, në Itali dhe Spanjë, ndryshimit të emrit, falsifikimit të dokumenteve dhe pastrimit të parave në fushën e ndërtimit. Do publikojmë edhe detaje se çfarë masash ka marrë Drejtoria për Parandalimin e Pastrimit të Parave, nëse po zbaton ligjin pas këtij sinjalizimi apo është kthyer në një lavatriçe e pastrimit të fondeve të mafies.

“Pamfleti” ka të dhëna rreth veprimtarisë së dyshimtë të kreut të DPPPD në raport me kokat e pastrimit të parave të pista në Shqipëri, të dhëna të cilat do t’ua paraqesë ambasadave.

Raportet e fundit ndërkombëtare flasin se Shqipëria po kthehet në një oaz për pastrimin e parave, sidomos në ndërtim. Disa muaj më parë Shqipëria doli nga zona e sigurisë, duke u përfshirë në zonën e rrezikut. Dje u publikua raporti i fundit nga Transparency International, në të cilin thuhet se Shqipëria ka bërë zero progres në luftën kundër korrupsionit dhe krimit.

Pronari i kompanisë ‘Alesio-2014’ pastron paratë e pista në ndërtim, bos droge në Itali dhe Spanjë, i arrestuar në Milano dhe më pas i dënuar, ndryshoi emrin dhe tani po merr tendera nga drejtorët dhe kryebashkiakët e korruptuar të Edi Ramës. A e ka korruptuar edhe Drejtorinë për Parandalimin e Pastrimit të Parave?! Së shpejti dosja e plotë!

Në letra figuron si Anton Gjinaj, por emri i tij i vërtetë është Pashk Rrapi. Kështu njihet edhe në rrethin e trafikantëve dhe sekserëve që pastrojnë paratë e pista në Tiranë, nën hundën e SPAK, Pastrimit të Parave, shërbimeve informative dhe përfaqësuesve të SHBA-BE që vëzhdojnë zhvillimet në Shqipëri.

Më herët, Moneyval (një mekanizëm i Komisionit Europian që bën vlerësimin e riskut të pastrimit të parave), ka dhënë alarmin për pastrimin e parave në Shqipëri nga krimi në bashkëpunim me pushtetarët dhe oligarkët. Në një tjetër raport të Këshillit të Evropës thuhet se “Rreziku nga pastrimi mbetet i lartë në Shqipëri”. Pas çdo kulle që po ngrihet në Tiranë, fshihet një skemë e pastrimit të parave. Dhe pastrimi i parave ka emra konkretë, të cilët janë një sfidë për organet ligjzbatuese, ndryshe dyert e integrimit do të vijojnë të qëndrojnë mbyllur./Pamfleti

---

Jeta Xharra thotë se këto janë 4 rrenat e kulluara në intervistën e Grenellit me Buzhalën

Ambasadori Richard Grenell ka dhënë një intervistë në njërën nga televizionet tona nacionale, përkatësisht në emisonin Pressing ku foli për disa nga çështjet në raportet Kosovë – SHBA, raporton Gazeta Online Veriu.info.

Kjo intervistë ka ngjallur reagime të shumta në Kosovë e më gjerë.

Gazetarja Jeta Xharra ka reaguar ndaj kësaj interviste duke kujtuar sipas saj 4 gënjeshtra të kulluara.

Sipas Xharrës pse je amerikan e i fortë, nuk do të thotë që nuk të rrok krypometri – sipas saj e vërteta është më e fortë se të fortit.

Ky është postimi i plotë i Xharrës në facebook:

Fact check 1: Ekonomia e Kosoves, vendet e punes dje ikja e rinise nga Kosova nuk jane tu vujt prej qe u qit tarifa por per shkak te korrupcionit e padrejtesise qe ka mbizoteru ne Kosove deri tash. Verdikti: RRENE E KULLUAR

Factcheck 2: Kalimi i kerreve rentacar mes kosoves e serbise nuk jane tu pas problem per shkak te tarifes, por per shkak te pengesave ne tabela qe i ban Serbia, pra argument pa lidhje qr mbeti i pasfidum. Verdikti: RRENE E KULLUAR

Factcheck 3: Po VV e ka premtu qe ka me hjek tarifen PRESJE, DHE KA ME ZEVENDESU ME RECIPROCITET. Pra nuk o e vertete qe kur ka thane qe ka me hjek, ka rrejt – pe hjek edhe ka nis me hjek edhe per kete po urohet prej shume shteteve. Verdikti: RRENE

Factcheck 4: Grenell tha qe s’ka pa marreveshje per shkembim territoresh, por nuk tha qe kjo nuk egziston. Pra, kjo nuk e mohon informaten per te cilem Judah, Server, Joseph dhe Burns na kane kallxu! Verdikti: ME KOS

Pse je amerikan e i forte, nuk domethane qe nuk t’rrok #krypometri – e verteta o ma e forte se te fortit!

Xhelal Mziu nuk humbet kohë, takime çdo ditë pas marrjes së frerëve të PD Dibër

Drejtuesi politik i zyrtarizuar tashmë nga Partia Demokratike për Qarkun Dibër, Xhelal Mziu ka nisur takimet me bazën e kësaj force politike. Pas prezantimeve me degët lokale të PD, Mziu po vijon fushatën elektorale, edhe pse ajo s’ka nisur zyrtarisht, në çdo cep të Qarkut Dibër, duke mos anashkaluar as fshatin më të thellë.

Nga një vëzhgim bie në sy pjesëmarrja masive në takimet e Mziut, jo vetëm nga radhët e anëtarësisë apo votuesve tradicionalë demokratë, por edhe të qytetarëve pa anësi të mirëfilltë politike, e thënë ndryshe “elektorati gri”.

Takimi në degën e PD Peshkopi

Postimi i mëposhtëm i Mziut, i përket takimit me strukturat e PD në grupseksionin e fshatit Sllovë të Dibrës. Në dëborë dhe temperatura nën zero, numri i njerëzve është i konsiderueshëm. Të pranishëm nuk janë vetëm drejtuesit apo anëtarët e PD, por edhe banorë të thjeshtë të zonës.

E njëjtë atmosferë edhe në grupseksionin Sohodoll, Bashkia Dibër, sikundër edhe problemet e ngritura dhe të trajtuara gjatë bashkëbisedimit, mbeten si kudo, largimi i të rinjve, mungesa e infrastrukturës rrugore, nuk ka qendra shëndetësore, nuk ka shkolla e kopshte, mungojnë investimet në bujqësi dhe subvencionet për fermerët.

Edhe komentete e ndjekësve pas çdo postimi tregojnë mirëpritjen e Mziut nga anëtarësia dhe votuesit.

Në të gjitha takimet, bie në sy kthjelltësia e Mziut për problemet e çdo fshati, duke qenë i familjarizuar me shqetësimet e banorëve, pavarësisht nga shkëputja prej më shumë se dy dekadash tashmë me vendlindjen e tij. Një rikthim, që siç duket, është përqafuar nga dibranët, ndryshe nga skepticizmi i shprehur fillimisht qoftë nga media apo edhe nga zyrtarë lokalë të PD

Takimi me strukturën e PD në Fushë Alia, Dibër

Takimi në Luzni, Bashkia Dibër

Takimi i Mziut në Sllovë, Bashkia Dibër

Takimet e hapura dhe bashkëbisedimet e kësaj natyre si formë e komunikimit politik, qasja dhe koherenca me problematikën e çdo zone, mbeten garanci dhe avantazh për Mziun si drejtues politik i PD në Qarkun e Dibrës, për të rikthyer epërsinë e demokratëve  në bastionin e tyre deri pak vite më parë.

***

Ish-kryebashkiaku i Kamzës i cili ka fituar çdo betejë elektorale përballë të majtës, është shprehur se me angazhimin e tij dhe strukturave të PD në këtë Qark, PS nuk do të ketë asnjë shans në zgjedhjet e 25 prillit për tjetërsimin e votës apo vullnetit qytetar.

SHKRUAN - MT TV! 

Mziu insiston gjithashtu se PD dhe koalicioni opozitar do të marrin 4 mandate, nga 5 që ka i gjithë Qarku. Përballë tij si kryesuese e listës do të jetë Olta Xhaçka, ministre për Europën dhe Punët e Jashtme. Gara duket interesante, me demokratët që e nisin nga “hiri” (pa pasur asnjë pushtet pas dorëzimit të mandateve dhe lënies së bashkive) dhe socialistëve që kontrollojnë jo vetëm pushtetin qendror por edhe atë lokal, në të treja bashkitë e Qarkut Dibër.

Drejtësi dhe liri për Monstrën! Protestuesit kërkojnë dorëheqjen e prokurores Fetai

 Drejtësi dhe liri për Monstrën! Protestuesit kërkojnë dorëheqjen e prokurores Fetai

U mblodhën në Parkun e Çairit në orën 13 për të protestuar për rastin gjyqësor “Monstra”.

Me flamuj kombëtarë shqiptarë dhe me slloganin “Drejtësi dhe Liri” qindra qytetarë marshuan deri të Prokuroria Themelore Publike. Forca të shtuara policore në çdo cep ku ishte e paraparë që të kalonin protestuesit. Policia i shoqëroi në këmbë e me automjete.

“Zonja prokurore mendon se Fejzi Aziri pse ka qenë ushtar i UÇK-së duhet të përgjigjet përpara ligjit si pjesëtar i ndonjë organizate terroriste, sepse nuk rezulton si pjestar i ndonjë bande kriminale, por këtë e thotë në mënyrë perfide për ta manipuluar opinionin dhe për tu dukur para mediave dhe para popullit se ky paska mund të jetë pjestar i ndonjë organizate terroriste, e nuk e thotë se çka”, tha Bedri Ajdari nga Këshilli Organizativ.

Mes tjerash u kërkua edhe shkarkimi i prokurores Fatime Fetai, duke deklaruar se do të kërkojnë ndihmë nga ndërkombëtarët, nga BE dhe nga SHBA.

“Kërkojmë të shkarkohet prokurorja publike Fatime Fetai e cila ka realizuar urdhërin e qarqeve politike dhe dorës së zezë që operon nën hijë nëpër institucionet relevante në RMV. Ajo u desht që gjetjen e provave eventuale për hetimin e rastit ta bëjë me të dhëna të argumentuara e jo me aosicacione”, shtoi Ajdari.

Sapo u shpall e përfunduar protesta, situata eskaloi. Disa nga protestuesit nuk iu bindën organizatorëve për të mbajtur qetësi dhe filluan të gjuanin shok bomba.

Situatën po mundohej ta qetësonte Zejd Rexhepi, deputeti i Altërnativës. Ai bashkë me disa deputetë të tjerë të koalicionit “Alternativa-Ash” i ishin bashkangjitur protestës.

Protesta përfundoi pas një orë e gjysmë e nga incidenti ngeli e krisur dera e Ministrisë së Punëve të Jashtme. Kordoni i policor u shpërbë gjysmë ore pasi u shpërndanë protestuesit.

Përndryshe marshi është rezultat i pakënaqësisë së qytetarëve siç u shprehën ndaj drejtësisë, konkretisht ndaj rastit Monstra, për të cilin pretendojnë se është rast i montuar politik dhe i është bërë padrejtësi të të akuzuarve.

Përpara një jave prokurorja Fetai shqiptoi fjalët përfundimtare për rastin në fjalë. Ajo mbetet në qëndrimin se vepra penale është “terrorizëm” dhe se vrasjen e pesëfishtë e kanë kryer 3 të akuzuarit Alil Demiri, Afrim Ismailoviq dhe Agim Ismailoviq, për të cilët kërkoi dënim të përjetshëm. Ndërkaq  për Haki Azirin dhe Fejzi Azirin kërkoi që të dënohen njëri me 9 dhe tjetri me 15 vite burg si ndihmës në veprën penale.

Më 3 shkurt mbrojtja do të mbajë fjalë përfundimtare, ndërkaq më pas Gjykata duhet të caktojë një termin tjetër për ta shqiptuar aktgjykimin.

U infektua pasi bëri vaksinën, doktor Pipero bën deklaratën e papritur

 Reagimi i Pëllumb Pipero

Me ndodhi dhe mua!

Nga dje ne mesdite edhe une si mjaft kolege te mi rezultova pozitiv me Sars Cov 2 (Covid 19), dhe tani ndodhem ne kushte shtepie me trajtim mbeshtetes. Per shkak te situates shendetesore, edhe pse me simptoma te lehta, por edhe te ngarkeses psikologjike normale ne kete situate, e kam pasur te pa mundur te ndjek njoftimet e mediave, te cilat i falenderoj pa perjashtim, duke ju kerkuar ndjese pa fund qe nuk e kam pasur te mundur ti pergjigjem interesimit te tyre shume profesional dhe njerezor. Jam i sigurt qe kam mirekuptimin e tyre ne kete situate.

Falenderoj dhjetra miq, nuk e dija qe kisha kaq shume, qytetare, kolege dhe politikane qe me kane telefonuar e uruar sherim te shpejte, duke me ofruar dhe ndihme te pa kursyer nese situata shendetesore do e kerkoje. Nje mik gazetar e kishte krahasuar Covid 19 me nje “rulete ruse”, dhe eshte krahasim i gjetur, po kaq e vertete eshte edhe perpjekja mbinjerezore e bluzave te bardha kudo ne bote, edhe ne Shqiperi, qe jeten e pacienteve te semure me Covid 19 te mos e leme ne “dore te fatit rulet ruse”, por ti mjekojme e sherojme.

Une kam mjekuar me qindra qytetare deri tani, por tashme jam pacient, dhe nje pacient i veçante, i veçante per faktin se une jam infektuar pasi jam vaksinuar. Dhe ky fakt shtron mjaft pikpyetje, nje pjese e te cilave me ndihmen e kolegeve ka mare pergjigje qe sot, nje pjese presin pergjigje, ndaj se bashku me koleget e Institutit te Shendetit Publik po punojme per investigimin e rastit tim me te gjitha aspektet dhe se shpejti besoj do kemi nje pergjigje te plote.

Rasti im nuk eshte dhe nuk do te jete i vetmi, por ne vendin tone ndoshta eshte i pari, pasi raste te tilla jane raportuar ne shume vende te botes, vecanerisht me Izrael, ku eshte vaksinuar me shume se 30% e popullsise, dhe kjo ndodh e mund te ndodhe mbas marjes se dozes se pare te vaksines, pasi duhen se paku 2 jave te filloje prodhimi i antitrupave,(per hir te se vertetes analizat serologjike te bera ne disa laboratore, perfshire dhe Laboratorin Virologjik te ISHP konfirmojne IgG pozitive ne rastin tim) dhe ne fund te javes se trete niveli i imunitetit arrin 70-80%, e nje jave pas dozes se dyte mbrojtja eshte e sigurte dhe maksimale.

Ndaj eshte shume e nevojshme qe pas dozes se pare te vaksines te vazhdojme te kemi te njejtin kujdes si cdo person i pa vaksinuar. Kjo keshille vlen per te gjithe, sot per bluzat e bardha ne proces vaksinimi, dhe neser edhe per qytataret deri ne marjen e dozes se dyte te vaksines. Duke ju falenderuar te gjitheve, shpresoj dhe lutem ta kaloj sa me lehte kete sprove te veshtire, dhe besoj fort se do kem dhe mbeshtetjen dhe lutjet tuaja! Falemnderit

Rama po levizi guret ne Amrike duke kerkuar vaksinen

Kryeministri Edi Rama ka njoftuar pak minuta më parë se është nisur drejt SHBA-së për të siguruar vaksinën anti-COVID. 

Sigurimi i vaksinës sa më parë është një prioritet i luftës sonë kundër Armikut të Padukshëm dhe s'do lemë gur pa luajtur që vaksina të fillojë të vijë sa më parë në Shqipëri!Kontakti sy më sy me prodhuesit e vaksinës i shërben këtij qëllimi. Rrugës për në Shtetet e Bashkuara’-shkruan Rama.

Ad by Valueimpression

Skënderbeu në Prizren, si Getoari në refren.

Skënderbeu në Prizren, si Getoari në refren. 

Nga Alban Tufa!

Skënderbeu në Prizren, si Getoari në refren

Vepra, qoftë kjo skulpturë, pikturë, muzikë apo tekst letrar, mund të analizohet në disa këndvështrime. Po i përmendim shkurt:

1. Imagjinata. Pra, a ka autori një imagjinatë, a na sjell diçka të re? Kjo imagjinatë e tij a na nxit edhe neve si dekodues të veprës njëfarë imagjinate të re atë ngjashme? Në qasjen Aristoteljane, a krijon ajo një vijë paralele me realitetin, apo sipas Platonit veç e imiton atë, dhe kështu është një kopje e shëmtuar? Edhe pse imagjinatës sot i referohen me një fjalë të nderë: risi. Nëse ka imagjinatë, krijuesi është vizionar, sjell diç të re, nxitëse dhe padyshim që e bukura buron nga imagjinata. Nëse nuk ka imagjinatë, është kopje.

2. Koherenca. Pra, kjo vepër a i flet kohës? Nëse i flet, si e bën? Duke i kundërvënë të shkuarën, duke i imagjinuar të adhmen, apo duke ngelur tek e tashmja të cilën të gjithë në një mënyrë a në një tjetër e jetojmë. Kjo qasje pritet me qenë komerciale, për një audiencë që nuk do imagjinatë, veçse të gjejë në vepër ngushëllimin e ditëve të veta. Si me thënë të bësh çfarë kërkohet. Ose vetëm për faktin se kërkohet. Në këtë sens vepra merr fund me atë brez që e ka lexuar dhe që e ka pëlqyer. 

3. Forma. Nga buron forma e veprës, në vazhdën e kujt autorëve është. Po qe se nuk mundemi të gjejmë të ngjashëm, vepra është krijuar nga një gjeni, i cili nëse është i tillë e ardhmja do ta vërtetojë. Veçse nëse këtë ai e ka bërë me vetëdije, është zotësi e tij, nëse jo, është zotësi e Diçkaje më të madhe se ai vetë. 

4. Stili. Me çfarë mjetesh tenton të suprizojë vepra? Me formën? Me përmbajtjen? Me detajin? Me kundërvënien? Cila është maniera që krijuesi përzgjedh? Me ç'gjuhë rreh të na flasë? Me gjuhën tonë a me të vetën? I intereson kuptimi, apo i intereson ndijimi? I interesojnë të dyja njëkohësisht apo asnjëra? 

Me këto katër elementë edhe një gazetar shumë i dobët kulture mund të kishte bërë një analizë të ftohtë të shtatores së Skënderbeut në Prizren. 

Të gjithë pa përjashtim, njerëz të artit dhe të facebookut u morën me trupin dhe shpatullat e Skënderbeut. Pse i ka të vogla? Pse nuk është vigan? Pse nuk është i madh dhe pse e ka shpatën aq të hollë? E dimë tashmë, shqiptarëve po i preke mitin sikur i ke ngrënë bukën. Lexojeni pak Roland Bartes-in (Mitologjitë) dhe do acaroheni jo vetëm për mitin por edhe për shijen estetike që e ka marrë tatëpjeta. 

Unë nuk shoh ndonjë të keqe te trupi, te madhësia dhe te fiziku i Skënderbeut. Nuk ka kurrfarë të keqje të mos jesh aq sa të imagjinojnë të tjerët. Nuk kemi parë akoma një shqiptar aq sa Skënderbeu në libra dhe në Qendër, as Turk nuk kemi parë. Madje edhe aktori rus që luan në film është pak a shumë sa shtatorja në Prizren, veçse me ca kile më tepër. 

Edhe përtej kësaj ajo shatore e vendosur së fundmi në Prizren mbetet një vepër skandaloze. Skulptura duket sikur është krijuar nga berberi i Baba Stars-ve, i Capital T-së apo i çdo rreperi që ka mjekër. Hiqja përkrenaren e shpatën dhe Skënderbe mund të ishte cilido. Sikur Skënderbeu e rruante (ose më saktë e qethte) mjekrën me një makinë rroje me numra të ndryshëm, duke i lënë atë majë si pykë. Fill pas kësaj sikur bëhej gati për videoklipin e rradhës me shampanjë që derdhet. Veç syzet i mungojnë.

Për këtë duhet të çmendeni, madje ta shkulni atë shtatore prej aty. Ta shkulni sepse po na pordhosen shijet estetike.  E mandej t'ia bëni çopash atë mjekër shëmtaqe. 

Kjo pra tregon mungesë imagjinate; një koherencë bajate me relalitetin; një formë të dobët dhe një stil të vjedhur të mjekrave që janë në modë nga këtu e deri në Amerikë, kuruar nga berberë skematikë. 

Kjo tregon se si youtube dhe instagram ndikojnë në shijet tona artistike. Sesi krijuesit tanë janë shndërruar në anekse instagram-i dhe youtube-i. Se si po formatohet në mënyrë të shëmtuar bukuria. Sesi një mjekër e paqethur merret e shëmtuar dhe një e qethur e bukur, se si buzë të holla dhe asimetrike merren si të shëmtuar, etj. 

Nëse ecim kështu, mos u habisni kur të kemi një Shote Galicë me buzë si Zajmina, Kida, Elvana, ose të gjitha të tjerat, sepse tek e fundit të gjitha, kokë-e-këmbë janë copy/paste.