Hungari-Serbi, prej sot kontrolli minimal doganor - | Shtypnews.al |

Për shkak të festave të fundvitit, ministritë e Punëve të Brendshme të Hungarisë dhe Serbisë kanë arritë një marrëveshje mbi kontrollin minimal doganor për udhëtarët, duke filluar prej sot deri më 15 Janar. Administratat doganore të dy vendeve gjithashtu kanë ra dakord që qytetarëve tu lehtësohet kalimi i kufirit.

Nd/Komandanti i policisë kufitare në Horgosh, Nenad Zhivkoviç, tha se do të zbatohet kontrolli minimal nëse do të ketë fluks të madh të lëvizjes së njerëzve dhe makinave, fluks i cili, sipas tij, pritet të filloj gjatë javës së ardhshme situatë kjo që zakonisht vazhdon deri në fund të muajit janar.

Edhe doganat kanë mbështetur këtë vendim të dy policive. Doganieri Mirolub Stojkoviç është është shprehur për Televizionin publik të Serbisë, RTS, se kontrolli në vendkalimin Horgosh do të zbatohet në minimumin e tij ligjor.

“Pra, nga 15 dhjetori deri më 15 janar, kotrolli do të jetë minimal,” tha Stojkoviç. Në fund, të dy policitë kufitare si dhe doganat kanë theksuar se kanë numër të mjaftueshëm të njerëzve dhe janë të sigurt se nuk do të ketë probleme.

Shtypnews.al

Njoftim enkas per miqt tane te shtypnews.al -...

Enkas per miqt te Shtypnews.al per shqetsimet tuaje per ti bere publike  mund te dergo i mesezh ketu si ne li kun me posht

https://m.facebook.com/shtyp.new.3?id=100044423971311&changedcover=1

"Pershendetje JOQ! ISHIM MIRË KUR ISHIM KEQ...!!!

Në 2017 Qeveria Shqiptare e vlerësoi qendrën e Permetit si zonë të mbrojtur, për të mbrojtur kryesisht disa objekte fetare. Zona e mbrojtur përfshin lagjet Shenkoll, Varosh(Kinemaja e Vjetër) dhe Teqe por këto lagje në qendër të qytetit janë keqadministruar prej vitesh dhe janë braktisur.
Prej 15 vitesh jetoj në një nga lagjet në qendër të qytetit turistik të Përmetit dhe në këtë lagje nuk kam parë asnjë investim nga bashkitë ndër vite.(lagjia Varosh pas bankës Raiffeisen në qendër të qytetit).
Bashkia Përmet, me fondet dhe të ardhurat e saj po investon për: Rikonstruksionin e brendshëm të kësaj lagjeje njësoj si bashkitë e mëparshme ku bëhej sheshimi i tokës dhe me pas hidhej një shtresë çakull.(më shumë zhurmë sesa punë).
Lagjia në dimër zhytet nga pellgjet me ujrat e shiut dhe në behar bllokohet nga makinat që parkojnë me shumicë."

Modeli i turqise po sillet ne shqiperi me median...

Shumë portale dhe media vijojnë të mbyllen në Shqipëri, gazetarët heshtin.
E turpshme dhe e pafalshme për çdo gazetarë që heshtin, ata gazetarë vërtetë qenkan kazana që shiten dhe blehen lehtësisht.
Duhet të reagojmë sepse po dhunohet fjala e lirë dhe po tentohet tashmë hapur instalimi i diktaturës në Shqipëri.
O sot o kurrë të reagojmë !
Shkruan Media Independent

Ja kush duhet te arrestohet para gazetarëve

Ata që duhen arrestuar para gazetarëve

Nga Klodian Tomorri

Kryeministri ka të drejtë që kërkon nga mediat të mos përhapin panik. Ka të drejtë edhe kur kërcënon me arrestime sepse përhapja e panikut është krim i rëndë. Por, para se të arrestojë gazetarët, duhet t’u hedhë prangat vrasësve. Dhe e ka shumë të lehtë.
Së pari, të fillojë ata që morën paratë publike për godinen e kovaleshencës. Arkitektin që projektoi, ndërtuesin dhe inxhinierin që e ndërtuan. Më tej ta shtrijë zinxhirin e përgjegjësisë te supervizori që e mbikqyri dhe pastaj zyrtari i shtetit që e mori në dorezim dhe e certifikoi. Abuzimet apo neglizhenca e këtyre i morën jetën kryekomisarit.
Pas kovaleshencës, të kërkojë përgjegjësinë te zyrtarët që dhanë leje për ndërtimin e hoteleve mbi rërën e bregdetit. Ndërtuesit që thyen ligjin duke shkelur lejet. Zyrtarët e shtetit që mbyllën sytë dhe ata që amnistuan shkeljen e ligjit. Këta janë vrasësit e dhjetëra njerëzve të pafajshëm.
Në Thumanë të arrestoje ata që duhet të kontrollonin ndërtesat pas tërmetit të shtatorit. Të tjerët që duhet të ndalonin banoret të riktheheshin përsëri aty. Këta janë vrasësit e dhjetëra të pafajshmëve të tjerë.
Zoti kryeministër, pasi të kesh mbaruar me vrasësit, ke gjithë të drejtën të arrestosh cilindo që përhap panik. Sepse të mos nisësh asnjë hetim apo verifikim se kush janë përgjegjësit që vranë 50 njerëz të pafajshëm, ky është krim edhe më i madh se përhapia e panikut.

Deklaratë shtypi e partisë ‘Zgjidhja’ Lironi Xhulian, arrestoni vrasësit e shqiptarëve!

Deklaratë shtypi e partisë ‘Zgjidhja’

Lironi Xhulian, arrestoni vrasësit e shqiptarëve!

Shtypnews.al

Xhulia Aliaj, studente 25-vjeçare në Universitetin e Durrësit, është ndaluar nga Policia e Shtetit mëngjesin e sotëm me akuzën e “Përhapjes së informatave të rreme që ngjallin panik”. Krimi i vetëm i Xhulias ishin dy postime në ‘Facebook’, ku u bënte thirrje bashkëvendasve që të largoheshin nga Porto Romano, aty ku ka edhe shtëpinë e vet, për shkak të frikës së shpërthimit të depozitave të gazit, duke iu referuar medias së Vatikanit ‘L’Avvenire’.
Shokët tregojnë se Xhulia është një vajzë besimtare dhe aktiviste e shoqërisë civile. Ajo ishte në ballë të protestave, nga ajo kundër armëve kimike siriane në vitin 2013, deri te protesta e studentëve e një viti më parë. Pas tërmetit shkatërrues të 26 shtatorit, ishte ndër vullnetaret e para që shkuan në ndihmë të banorëve që u strehuan te stadiumi i Durrësit.

Partia ‘Zgjidhja’ bën thirrje për lirimin urgjent të studentes Xhulia Alia. Ajo nuk ka përhapur informata të rreme, por një link të medias së vendit fqinj që tregonte probleme me depozitat e gazit në zonën e shkatërruar nga tërmeti, me kujdesin për të shpëtuar jetë njerëzish.

Policia e Shtetit duhet ta lirojë menjëherë Xhulian e pafajshme. Prangat nuk u duhen vënë të rinjve kurajozë dhe denoncues, por lukunisë së pushtetarëve vendorë, ministrave, ndërtuesve, inxhinierëve e supervizorëve që lejuan katrahurën e ndërtimeve pa studimeve dhe pa asnjë standard, që u rrënuan si kartonë, duke u marrë jetën 50 shqiptarëve. Çdo minutë vonesë në lirimin e saj, është një akuzë më shumë për këtë qeverisje, që tërmeti e nxorri lakuriq, si të paaftë, të çorganizuar, hajdute edhe të ndihmave humanitare dhe që në ditë fatkeqësie nuk kishte as fonde, as logjistikë dhe as struktura, sepse i ka harxhuar për lukse, korrupsion dhe PPP. Shkruan /Zgjidhja/

Shtypnews.al