“Qeveria realizoi vetëm 64 % të planit vjetor”

“Qeveria realizoi vetëm 64 % të planit vjetor”

Lëvizja FOL ka publikuar gjetjet e monitorimit të planit vjetor të punës së Qeverisë për vitin që lamë pas, ku del se ka pasur nivel të ulët të realizimit të këtij plani.
Mexhide Demolli-Nimani nga FOL, gjatë një konference për media, ka thënë se sipas rezultateve qeveria ka arritur një përqindje të ultë të realizimit të planit vjetor për vitin që lamë pas.

“FOL ka bërë monitorimin e planit vjetor të 21 ministrive dhe zyrës së kryeministrit, të cilët në bazë të realizimit të planit tregojnë se ka pasur nivel të ulët të realizimit të cilin e kishin paraparë që të përfundonte në fund të vitit 2018. Nga ky monitorim del se 921 aktivitete të parapara në planin vjetor të punës së qeverisë, vetëm 594 apo shprehur në përqindje rreth 64 përqind janë realizuar, ndërkaq, 237 aktivitete apo 26 përqind kanë mbetur të pa përfunduara sipas afatit të përcaktuar kohor”, tha ajo.

Ajo ka paraqitur realizimin e planit vjetor për të gjitha ministritë veç e veç, duke thënë se një pjesë të aktiviteteve i kanë bartur për këtë vit.
“Zyra e kryeministrit në kuadër të 11 objektivave të parapara ka pas 170 aktivitete në kuadër të planit vjetor, nga të cilat 75 janë realizuar, ndërkaq 34 kanë mbetur të pa realizuara që shprehur në përqindje del se ka realizuar vetëm 53 përqind të planit vjetor të punës”, tha ajo...
|Shtypnews.al|(ac)

“Hodhët fall me jetën time dhe më thatë që kisha thjesht një fibroadenomë”, letra prekëse e 32-vjeçares drejtuar mjekëve. | Shtypnews.al |

Pershendetje dr.Karaj, dr. Bodeci e dr. Shahin Kadare !

Une jam Anjeza HALLVAXHIU (nuk e di nese emri im ju thote dicka). Jam pacientja juaj dhe dua t’ju marr pak kohe, sepse kam dicka shume serioze per t’ju thene.

Jam jashte Shqiperise per momentin dhe nuk mund te vij t’ju takoj personalisht. Jam operuar ne kliniken tuaj ne 16 Dhjetor 2017 per nje mase qe kisha ne gjoksin e majte. Diagnoza pas biopsise te bere nga doktor Kadare ishte “fibroadenome”.

Ne fund të muajit mars 2018 fillova te kem shqetesime ne sqetull. Kam ardhur ne kliniken tuaj 5 here per konsulte per periudhen 4 prill-24 qershor, here me ju doktor Agimi, here me doktor Artanin dhe here te gjithe bashke me doktoreshen Klaudia. Kam bere edhe eko gjiri me mjekun tuaj ne klinike.

Pergjigjja juaj, doktor Agimi, ne fillim të prillit ishte “Nuk ke asgje, ke dy masa te tjera ne gjoks por jane beninje fibroadenome. Ne sqetull nuk ke asgje, por te duket ty”.

Me pas i thate bashkeshortit tim “u dhemin grave noi here keto gjera, sic na dhemin ne burrave gjona te tjera”.

Shqetesimet e mia vazhdonin per 3 muaj dhe ju, te bazuar tek biopsia, me dhate antibiotik dhe ne fund doktor Artani me tha se duhet te operohem, te heq masat ne gjoks dhe ne sqetull, te cilat ishin nga 3 cm, dhe te bejme nje biopsi ne vend dhe nese del malinje do vazhdojme te nderhyjme. Une u konsultova me mjeke te tjere ne Shqiperi, nje nga te cilet dyshoi direkt tek biopsia, kontaktoi doktor Kadarene dhe i kerkoi te rishikonte biopsine dhe i tha se dyshonte per neoplazi.

Doktor Kadare, i shqetesuar, me thirri ne zyren e tij pas 3-4 oresh nga kerkesa per rishikim (e premte, date 23 qershor). Ai me tha, i ulur perballe meje shume i shqetesuar, duke me pare ne sy, se ai e ka ripare xhamin e biopsise dhe se ka gabuar me biopsine, nuk e ka vleresuar sic duhej duke u nisur nga mosha ime e re, 32 vjec.

Me tha: “Jam njeri dhe nuk jam i pagabueshem!”. Ai me tha se tashme ai shikon disa karcinoma ne masen e hequr nga ju ne dhjetor 2017, 6 muaj pas nderhyrjes. Kam takuar doktoreshen Klaudia te shtunen, ne date 24 qershor, ne pamundesi per t’ju takuar ju ose doktor Artanin, dhe ia kam treguar “leximin” e dyte te biopsise nga Kadare, qe patjeter jua ka bere me dije.

Te henen, ne date 26 qershor 2018, une jam larguar jashte Shqiperise, kam bere biopsi (pa kirurgji) ne gjendrat e reja ne gjoks dhe biopsi ne gjendrat ne sqetull dhe pergjigjia ishte “triple negative breast can.cer” e llojit metaplastatic.

Skaneri tregoi metastaza ne mushkeri dhe ju e dini me mire se une se c’do te thote kjo. Mjeket ketu ku jam me thane se absolutisht nuk duhet nderhyre por duhet te filloj kimioterapi dhe me pas mund te operohem. Historia dhe peripecite e mia vazhdojne akoma, por nuk po ju lodh me.

Doktor, une erdha tek ju dhe ju besova jeten time 100%, te ardhmen e familjes sime, te ardhmen e femijeve te mi, qe jane akoma bebe dhe nuk e di ne qofte se kur te rriten do te mund te me mbajne mend!

Si mund te tregoni kaq shume neglizhence karshi jetes se nje njeriu? Doktor Agimi, ju mendoni se une lija 1001 detyrimet e mia per te ardhur tek ju kot? Ju me trajtuat me nje neglizhence shume te madhe nuk me moret seriozisht, ne Prill qe une u riktheva tek ju me shqetesime ju duhet te kishit investiguar, qofte biopsine e pare, qofte nje biopsi te re.

Ju nuk mund te hidhni fall me jeten time, te cilen une jua besova ju. Nuk po flas per gabimin e Kadarese sepse fjalet jane te teperta, por JU duhet te me shpetonit kur une u riktheva tek ju, ju nuk me moret seriozisht qe ne Prill, nese do e benit mbase do kishte akoma kohe per shpetimin tim.

Doktor, tani qe e moret vesh se une kisha kan.cer qe ne momentin kur ju me operuat dhe kisha kan.cer sa here ju me thonit nuk ke gje se biopsia ka dale beninje, pa bere asnje analize te re, me thoni ju lutem nese ndjeni sadopak pergjegjesi morale, si njeri ne radhe te pare, per fatin tim?

Jo per semundjen time, sepse ate nuk e shkaktuat ju, por ajo nuk u kap ne kohe per shkakun e neglizhences tuaj, te te gjitheve bashke. Perse duhet te dyshonte nje mjeke qe une e takoja per here te pare, perse duhet te me hapte syte ajo dhe jo ju, mjeku im qe ju besova jeten?!

Ne fakt, qellimi i kesaj letre eshte qe ju te jeni te informuar dhe te vetedijshem se sa shume keni gabuar me mua dhe cfare me keni shkaktuar dhe deshiroj shume qe kjo pervoje t’ju sherbeje per grate e tjera qe do t’ju besojne jeten, ashtu sic bera une.

Ju lutem, merreni seriozisht cdonjeren prej tyre, tani qe me e keqja me ndodhi mua. Te pakten te shpetojne te tjerat pas meje.

Me respekt Anjeza Hallvaxhiu

Kjo letër është postuar në portalin Dritare &/Shtypnews.al/

Kërkesa për vizë dhe vizë pune : /SHTYPNEWS.AL/

Kërkesa për vizë dhe vizë pune

Shtypnews.al

Shtetasit e Kosovës për hyrje në Gjermani duhet të kenë vizë turistike. Ndërsa shtetasit e Shqipërisë, Maqedonisë dhe vendeve të tjera të Ballkanit Perëndimor mund të udhëtojnë në Gjermani pa viza. Sa i përket vizave të punës, të gjithë ata që duan të punojnë në Gjermani, duhet të kërkojnë vizë pune, në ambasadët gjermane në Prishtinë, Tiranë, Shkup… 

Ambasada gjermane nuk ka marrëdhënie me asnjë agjensiion apo zyrë. Prandaj nuk është e nevojshme që për vizë pune të ngarkoni ndonjë agjension apo zyrë udhëtimi. Kërkesat për termine janë falas, sikur edhe ndihma për të plotësuar formularët në gjuhën shqipe. Taksa e vetme që duhet paguar është taksa për vizë (75 Euro). Pagesa bëhet në sportelet e zyrës për viza. Taksa të tjera nuk ka.

Në ditën e terminit duhet të paraqiteni me kohë dhe të keni dokumentacionin e plotë, sepse kjo mund të rezultojë me refuzimin e kërkesës:

Dokumentat që kërkohen:

• Pasaporta e vlefshme dhe
  dy kopje të pasaportës. Pasaporta duhet të ketë të paktën dy faqe të zbrazëta
  dhe së paku nëntë muaj vlefshmëri
• 2 formularë të plotësuar dhe të nënshkruar nga ju personalisht. Formularët
  i gjeni në faqen e internetit të Ambasadës. Formularët për vizë duhet të
  plotësohen në gjuhën gjermane, apo angleze
• 3 fotografi aktuale biometrike të formatit të pasaportës me sfond me ngjyrë
  të çelët
• Taksa e vizës në vlerë prej 75 € paguhet me para të gatshme.
• Kontrata e punës, apo
  aftësimit profesional në origjinal me nga dy kopje. Kontrata duhet të jetë e
  nënshkruar nga punëdhënësi dhe punëmarrësi.
• Sigurimi shëndetsor (incoming), i vlefshëm për 6 muaj brenda një viti. Sigurimi duhet të vlejë edhe nëse e zhvendosni vendbanimin nga Kosova jashtë vendit.

Secilit dokument duhet t’i bashkangjisni një përkthim në gjuhën gjermane.

Kujdes:

Në kërkesë duhet të paraqiten të dhënat e vërteta lidhur me
qëndrimet paraprake në Gjermani.

Të gjitha të dhënat mund t’i gjeni edhe në faqen e Ambasadës gjermane.

Ambasada gjermane në Prishtinë:

https://pristina.diplo.de/

Ambasada gjermane në Tiranë:

https://.tirana.diplo.de/  Për  Shtypnews.al (ac)

Rrëfimi i ekspertes angleze: Gjërat që kryen serbët në Kosovë ishin të tmerrshme

Rrëfimi i ekspertes angleze: Gjërat që kryen serbët në Kosovë ishin të tmerrshme

Daily Mirror në një artikull për eksperten angleze të forenzikes, Dame Sue Black ka përmendur krimet e luftës në Kosovë.
Kjo pasi 57-vjeçarja ka publikuar një libër të quajtur “All that Remains” që përkthehet ‘Gjithçka që mbetet’, ka treguar për krimet serbe që ajo i pa në Kosovë pas luftës.
Në këtë artikull thuhet se ajo ka udhëhequr antropologët për punën e Ekipit Britanik të Forenzikës gjatë hetimeve për krimet e luftës në Kosovë, të gjitha këto të cilat i ka përmbledhur në librin e saj.

Ajo ka rrëfyer për krimin barbar në Krushën e Madhe, djegien e burrave e vrasjen e fëmijëve.
“Në qershor të vitit 1999 shkova në Kosovë për të ndihmuar në identifikimin e një numri të madh të trupave dhe për ti vërtetuar deklaratat e dëshmitarëve në mbështetje të krimeve të luftës kundër Sllobodan Millosheviç dhe bashkëpunëtorëve të tij”, ka thënë Sue Black, shkruan Daily Mirror, transmeton Indeksonline.

“Arrita në vendin e parë të akuzës dhe veshja kostumin tim të zakonshëm të bardh, dorezat dhe çizmet e zeza. Me 25 mars policia serbe kishin zbarkuar në fshatin Krusha e Madhe. Burra të armatosur ndanë burrat dhe djemet nga familjet e tyre dhe i futën në shtëpi të braktisur. Një njeri i armatosur me kallashnikov vrau të gjithë dhe pastaj dogji ndërtesën. Dyzet burra dhe djem thuhet se humbjen jetën atë natë. Unë qëndrova në derë dhe shikoja një skenë makthi. Kishte të paktën 30 trupa të grumbulluar në një dhomë, të gjitha të djegur rëndë dhe të dekompozuar”, ka rrëfyer ajo. /Shtypnews.al/ (ac)

«Vajza ime është e bukur, mjaft më kërkuat ta fsheh», mesazhi emocionues i nënës së foshnjes me nishanin gjigant

 /Shtypnews.al/

‘’Kur e shtrëngova për herë të parë në krahët e mi, nuk mund t’u besoja syve. Ishte hera e tretë që sillja në jetë një fëmijë, dhe sigurisht që emocionet e atij momenti janë të papërsëritshme, megjithatë tanimë isha më e përgatitur se ç’duhej të bëja, dhe si duhet të përkujdesesha për të, por me Natalie ishte komplet ndryshe nga të tjerët.

Edhe pse nuk e kisha marrë akoma veten nga lindja me prerje cezariane, doja që ta shihja, ndonëse infermieret më paralajmëruan se nuk ishte akoma momenti.’’

Kështu e nis rrëfimin e saj Lacey Jackson, e cila ka ndarë së fundmi historinë e foshnjes së saj 1-vjeçare, e lindur me një shenjë të zezë që i mbulon thuajse 1/3-ën e fytyrës.

Për mamanë nga Dakota e Jugut, përballja me njollën e madhe në fytyrën e vajzës së saj nuk ishte e lehtë, aq më tepër pasi ajo dyshonte se diçka kishte shkuar keq gjatë shtazënisë. Menjëherë Natalie iu nënshtrua rezonancës magnetike dhe kontrolleve të specializuara të lëkurës, por mjekët i siguruan të dy prindërit që ajo nuk kishte asnjë problem, madje nuk paraqiste asnjë rrezik për të ardhmen.

‘’Kur djemtë, Elliott 7 vjeç dhe Devin 4 vjeç, e panë për herë të parë menduan se ajo ngjante me personazhin vizatomor Batman, dhe në këtë momente Natalie u bë heroina e familjes.

Të shumtë janë ata që e paragjykojnë, madje një mama në grupin e prindërve të Elliott më tha se nuk duhe ta ekspozoja më në rrjete sociale.”-vijon ajo.

”Vajza ime është e bukur ashtu siç është. Është e bukur sepse është ndryshe, nuk ka fëmijë të shëmtuar në këtë botë. Ka thjesht fëmijë që kanë nevojë për dashuri, strehim, të ushqehen shëndetshëm, të rriten larg frymës së ndjerit anormal/anormale, fëmijë që kanë nevojë të edukohen mirë, të jenë socialë dhe të duan e t’i duam. Vajza ime është e bukur dhe këtë nuk e mohon dot njeri.”-përfundon Lacey. //Shtypnews.al//

Ja pse të lindurit në muajin mars, janë të veçantë

Ja pse të lindurit në muajin mars, janë të veçantë.
 //Shtypnews.al//

Muaji i lindjes mund të përcaktojë karakteristikat e një personi dhe sjelljen e tij/saj.
Në artikullin e sotëm do ju tregojmë se çfarë i dallon njerëzit e lindur në mars nga të tjerët:

1. Janë të sinqertë

Të lindurit në mars janë njerëz kurajoz. Ndershmëria është shumë e rëndësishme për ta. Preferojnë të vërtetën e hidhur më mirë se një gënjeshtër të ëmbël.

2. Janë të ndershëm

Dallohen për ndershmërinë e tyre. Ndjekin gjithmonë rregullat e tyre dhe nuk kopjojnë kurrë atë që bëjnë të tjerët. Kjo i bën shumë të veçantë. Janë të sigurtë tek vetja. Ndërkohë, mësojnë nga gabimet dhe eksperiencat e tyre.

3. Janë misteriozë

Atyre nuk u pëlqen të flasin hapur për ndjenjat e tyre. Janë të ndershëm, por jo aq të guximshëm. Ja përse ndonjëherë është e vështirë të kuptosh apo të dish se çfarë mendojnë.

4. Kanë sukses

Të lindurit në muajin mars kanë një imagjinatë të zhvilluar. Kanë shumë ide dhe opinione eksituese. Kanë sukses në thuajse çdo fushë. Edhe pse kjo aftësi nuk do shihet nga lindja

5. Janë unikë

Origjinalitet dhe kreativitet që e kanë që nga lindja. Janë shumë të pavarur. Njerëzit nuk mërziten kurrë me ta. Të gjithëve u pëlqen t’u rrinë pranë e madje, edhe të jenë si ata.

6. Janë besnikë

Janë shumë besnikë, të përkushtuar dhe të devotshëm. Ja përse, shpesh konsiderohen si partner idealë në një marrëdhënie.

7. Janë bujarë

Njerëzit e lindur këtë muaj nuk dinë çfarë është egoizmi. Besojnë se veprimet e njerëzve mund të ndryshojnë botën.

8. Janë të fortë

Janë të fortë emocionalisht. Janë në gjendje të kontrollojnë ndjenjat e tyre, pavarësisht situatës. Njerëzit e lindur në mars janë gjithashtu shumë romantikë.

9. Jetojnë të sotmen

Atyre nuk u pëlqen të nxitohen. Kjo i ndihmon të vlerësojnë se çfarë po ndodh në të tashmen. Analizojnë gjithnjë gjithçka para se të reagojnë apo të marrin vendime

Ky djalë u refuzua nga vajza e një babai të pasur: 10 vjet më vonë, ai e takon atë përsëri…

/ Shtypnews.al /

Çfarë cilësish kërkoni te një partner? Kur isha më e re, preferoja djem të pashëm dhe gazmorë. Por, ndërkohë që koha kalonte, burrat e mençur, më të kuptueshëm dhe ata përgjegjës u bënë më tërheqës për mua.
E zhvillova këtë preferencë, sepse doja një burrë të dashur për mua dhe fëmijët e mi të ardhshëm.

Megjithatë, disa gra i japin përparësi diçkaje tjetër kur kërkojnë një partner ideal .

Ata kërkojnë burra që mund t’u japin atyre çdo gjë dhe gjithçka që duan.

Për shkak të kësaj, ato duan të dinë llogarinë bankare të një burri para se të njohin personalitetin dhe karakterin e tyre.

Për një vajzë të tillë flet edhe historia që supershendeti.com sjell për ju.

Fundi i tregimit është absolutisht i papritur, por do t’ju japë një mësim të vlefshëm për jetën

RREFIMI
Një djalë i varfër ra në dashuri me një vajzë të pasur.

I mbushur plot me emocione dhe me dashuri për vajzën, djali i propozoi asaj.

Por, vajza e pasur nuk e pranoi atë dhe tha:

– Paga jote mujore është e barabartë me shpenzimet e mia të përditshme. Si prisni që unë të martohem me dikë si ju? Unë kurrë nuk mund të të dua, kështu që më harro. Shko dhe gjej një vajzë të nivelit tënd dhe martohu me të.

Pavarësisht se u refuzua kaq keq pa asnjë arsye, djali nuk mundi ta harrojë atë aq lehtë.

Rreth 10 vjet më vonë, ata rastësisht u kryqëzuan me njëri-tjetrin në një qendër tregtare.

Ajo e njohu atë menjëherë dhe i tha:

– Përshëndetje, si jeni? Unë jam martuar me një njeri shumë të zgjuar, dhe paga e tij është 15,700 $ në muaj! A mund ta arrish ti këtë?

Ky njeri, duke dëgjuar ato fjalë të dhimbshme nga gruaja të cilën e kishte dashur dhe ishte kujdesur, mezi mbajti lotët e tij dhe nuk tha asgjë.

Pas pak çastesh burri i gruas u afrua pranë saj.

Por, para se zonja të mund të thoshte një fjalë, burri i saj menjëherë e njohu njeriun me të cilin ajo po fliste dhe i tha:

– Zotëri? Mirdita! Shoh që e paskeni takuar gruan time!

– Mirdita, zoti …?

– Zoti Carter, Zotëri!

Burri pastaj iu kthye gruas së tij dhe i tha:

– E dashur, dua që ti të takosh shefin tim. Ai zotëron projektin prej 100 milionë dollarë për të cilin jam duke punuar!

Gruaja, mbeti e habitur nga këto fjalë dhe nuk ishte në gjendje të thoshte diçka.

Ai buzëqeshi dhe tha:

– Epo, zoti Carter. Duhet të shkoj. Unë kam gjëra të rëndësishme për të bërë. Ishte e mrekullueshme të të shihja. Uroj të kaloni sa më mirë sot!

Për një minutë, çifti mbeti i hutuar duke parë atë ndërsa po largohej.

Ashtu e shokuar, gruaja e pyeti burrin e saj me mosbesim:

– Ky ishte shefi yt?

– Po, e dashur. Ai është një person shumë i përulur, por jeta e tij është një histori mjaft e trishtuar.

Thuhet se dikur ai donte një zonjushë, por ajo e refuzoi atë sepse ai ishte një djalë i varfër në atë kohë.

Për shkak të kësaj, ai ka punuar vërtet shumë. Dhe për shkak se ai është i zgjuar, ai u bë i suksesshëm.

Tani ai është një multimilioner që fiton miliona dollarë në muaj.

Por për fat të keq, zemra e tij u lëndua aq shumë sa ai nuk vazhdoi përpara dhe ka mbetur i pamartuar akoma.

Burri vazhdoi dhe tha:

– Sa me fat do të ishte ajo zonjushë nëse do të ishte martuar me atë?

Zonja kaloi në tronditje totale dhe nuk mundi as të belbëzonte.

Moralet e tregimit:
Jeta është e shkurtër.

Për më tepër, ajo është tamam si një pasqyrë: mund të shihni vetëm aq sa reflekton.

Pra, mos jini shumë arrogantë ose krenarë dhe t’i shikoni me përçmim të tjerët për shkak të situatave të tyre të tanishme.

Gjërat dhe rrethanat mund të ndryshojnë me kalimin e kohës. /Shtypnews.al/  Ti që sapo e Lexove  a ja vlen që ta shpërndani.!?