Gjithmonë me mall për familjen, vetëm për sigurinë e qytetarëve të mi. Prandaj mos me sulmoni duke me parë si objekt pa ndjenja

Kur ju jeni në pizhame, unë jam në uniformë, me revole në brez, i gatshëm për t’jua siguruar gjumin e qetë. Ftohtë, borë, akull e shi, unë jam në detyrë, herë-herë edhe pa ngrenë e pa pirë.
Në çdo mëngjes i them lamtumirë gruas dhe fëmijëve të mi. Çdoherë i përqafoj për herë të fundit, ua dhuroj puthjen e amshimit.
E sa herë kthehem në shtëpi, i ledhatoj fort e fort. Çdo natë jam i ringjalluri i tyre. Minutat e vonesës sime për familjen janë shekuj e shekuj.
Qytetarët e vendit tim janë të shenjtë për mua, edhe pse shpesh me shohin si tepricë kur i gjobis apo kur i qortoj për veprimet e tyre të paligjshme.
Mos më shikoni gjithmonë brenda uniformës, edhe unë jam sikurse ju, jam njëri prej jush, i cili kujdeset për sigurinë tuaj.
Më dhuroni lule për së gjalli, si shenjë respekti për punën dhe sakrificën time, e mos ma mbuloni varrin me kurora lulesh.
Pozita ime mund të duket privilegj, por është me rrezikshmëri të lartë. Paramendojeni veten për disa çaste në pozitën time, ku në çdo moment mund të ballafaqoheni me një padrejtësi, të përballeni me breshëri plumbash që shkrepen drejt trupit tuaj.
Nëse nuk me çmoni, të paktën mos me nënçmoni.
Kur jam në detyrë, harroj se jam prind dhe burrë i një gruaje, të cilët me presin me padurim t’ju shkoj i gjallë në shtëpi. Çdo natë! Harroj se jam djalë i një babai e një nëne, të cilët me rritën me aq mundim.
Asnjëherë nuk ngopem me ta! Sa nisëm për punë, them të kthehem e t’u marrë erë fëmijëve e gruas, ndoshta për herë të fundit; ta lus Zotin që t’i bekojë e të kujdeset për ta edhe nëse nuk do të kthehem sonte në shtëpi.
Sa darkat janë ftohur në sofër derisa familja më priste mua t’u bashkohem! Sa drekat e përbashkëta me familjen me mbetën në fyt kur shteti kërkonte t’u shërbeja qytetarëve.
Hezitoj t’u bërtas fëmijëve kur bëjnë sherre. Them se nesër mund të mos i shoh më dhe u mbetet shije e keqe e një prindi i cili ishte polic.
Gjithmonë me mall për familjen, vetëm për sigurinë e qytetarëve të mi.
Prandaj mos me sulmoni duke me parë si objekt pa ndjenja

. Edhe unë jam prej mishi e gjaku, sikurse ju! Të mos i bëjmë nënat tona të lotojnë, gratë tona të vuajnë dhe ta kalojnë jetën në zi,por të jemi bashkë!

UNË POLICI YT!

Flamuri shqiptar mbetet i ndaluar në Mal të Zi

Kuvendi i Malit të Zi nuk e miratoi ndryshim e Ligjit për rendin dhe qetësinë publike, i cili e ndalon përdorimin e Flamurit shqiptar.

Propozimin për ndryshimin e Ligjit e kishte dorëzuar deputeti shqiptar Genci Nimanbegu, por në votimin e djeshëm ky propozim nuk mori shumicën e votave në Kuvend.

Në fakt, ky Ligj parasheh gjobë për përdorimin e cilit do flamur përveç atij të Malit të Zi, por që deri me sot nuk është shënuar ndonjë rast tjetër, përveç kur ishte fjala në përdorimin e flamurit shqiptar.

Dy rastet e fundit para pak javësh janë shënuar në Ulqin dhe në Malësi, me çrast një qytetar në Ulqin është dënuar për shkak se në makinën e tij kishte dy flamuj të vegjël shqiptar, ndërsa në Malësi për shkak se kishte vendosur flamurin shqiptar në shtëpinë e tij private.

Edhe pse në takimet e larta në mes të zyrtarëve shqiptar dhe malazez shpesh dëgjojmë se shqiptarët në Mal të Zi janë shembull për respektim e të drejtave dhe lirive, kjo edhe një herë e dëshmon të kundërtën.

"Universitetet janë mbushur me prostitucion, vajzat shesin trupin për shpenzimet e studimeve”

Gazeta The Independent shkruan se shumë studente britanike kanë zgjedhur të bëhen punonjëse seksi për të paguar tarifat e studimit. Sipas gazetës, ka një numër në rritje të të rinjve që zgjedhin prostitucionin.

Një alarm ngrihet nga britanikja The Independent se universitetet janë mbushur me prostitucion, pasi vajzat e reja po shesin trupin për të përballuar shpenzimet e studimeve. Gazeta zbulon se ka një rritje të numrit të të rinjve që kanë vendosur të marrin këtë drejtim për të gjetur para, dhe se vetë universitetet nuk kanë bërë asgjë për t’a trajtuar fenomenin.

English Collective of Prostitues, një organizatë që lufton prostitucionin, raporton se shumica e vajzave kthehen në prostitucion për të mbuluar nevojat e thjeshta ditore, siç janë e-mailet dhe faturat. Shumë prej tyre janë edhe të rinjtë që nuk kanë para të mjaftueshme për tarifat e tyre të shkollimit.

Për The Independent ka folur edhe një vajzë e cila ka dashur të mbetet anonime, dhe thotë se studia studentore nuk i dilte për të paguar qiranë. Vajza, sot 22 vjeçe, shet turpin e saj online, pasi thotë se nuk ka rrugë tjetër. E reja, sqaron se ka në plan të vazhdojë edhe doktoraturën.

Haradinaj: Jam ushtar i Adem Jasharit dhe Ibrahim Rugovës

Kryeministri i Kosovës Ramush Haradinaj, ka bërë thirrje para veteranëve të luftës në një takim, se shpejtë Kosova do të përballet, me Gjykatën Speciale. Ai ka kërkuar lojalitet dhe durim nga veteranët e UÇK’së, gjatë kësaj përballje.

Dita e Veteranëve u shënua sot me 30 dhjetor, në Prishtinë, shumë pjestarë të Ushtrisë Çlirimtare të Kosovës (UÇK) ishin mbledhur në një organizim për të shënuar këtë ditë, ku i pranishëm ishte edhe Kryeministri i Kosovës Ramush Haradinaj.

Ai ka kërkuar që veteranët, të mos ndejnë kërcënim nga Gjykata Speciale. Ai ka pranuar se të gjithë çlirimtarët në një mënyrë do të përballen me këtë proces. Por kërkoi, diciplinë, lojalitet dhe besim nga veteranët për çdo rast që vjen nga kjo përballje.

“Mos lejoni që të çnderohet Ushtria Çlirimtare e Kosovës (UÇK). Nëse e thërrasin dikë në këtë sallë, mos ikni, mos u frikësoni sepse nuk jeni, dhe nuk do të jeni vetun. Andaj edhe prej prej jush të mos na e ktheni shpinën, por të rrini me ne, në këtë përballje”, ka thënë Kryeministri Haradinaj.

Ai ka uruar të pranishmit, për ushtrinë dhe për ditën e veteranëve, kontribuesit e çlirimit të Kosovës. Përpos Kryeministrit Haradinaj, i pranishëm ishte edhe akademiku Nexhat Dacin, Ndërsa, munguan pjestarë të tjerë nga institucionet e Kosovës.

 /Orba/

Shkoi për ta vizituar "Ishullin e ndaluar", 27-vjeçarin e vrasin me shigjetë

Ajo dukej e pakonceptueshme, mbi të gjitha, banorët e ishullit Sentinelese kishin mbijetuar. 

Kjo është fotoja që i tregoi botës së ishulli Sentinelese, mbijetoi nga cunami në vitin 2004.

Megjithatë, kur një helikopter fluturoi mbi këtë ishull, njëri nga banorët e Sentinelese nxituan jashtë për në plazh, duke drejtuar shigjetat e tyre drejt pilotit. Ata duan të ia bënin të qartë se nuk e duan aty. Nga dhjetëra miliona njerëz që u prekën nga cunami, Sentinelese ishte e vetmja që nuk kishte nevojë për ndihmën e askujt.

Nuk besoj se ka njerëz të tjerë në Tokë, që janë kaq te izoluar siç është populli i Santinelese.

Populli i tyre thuhet se kanë ardhur nga Afrika, por besohet se kanë jetuar më shumë se 60 mijë vjet në ishujt Andaman të Indisë. Fakti që gjuha e tyre është ndryshe nga ishujt tjerë Andaman, tregon se ata kanë pasur pak kontakte me njerëz për mijëra vjet.

Gjithashtu, ata jetojnë ashtu siç kanë jetuar para 60 mijë viteve. E për ta përshkruar me një fjalë, i përkasin “Epokës së Gurit”. Jetesën e tyre ata e bëjnë më mjete dhe armë nga metali, të cilat ata i morën nga anijet e mbytura në shkëmbinjtë nënujorë të ishullit.

Ashtu siç ekzistojnë edhe fise të tjera në izolim dhe me një reputacion të frikshëm, Santinelese shpesh përshkruhet si vend i egër. Armiqësia e tyre për të ardhurit (te huajt), megjithatë, është e kuptueshme, sepse bota e jashtme u ka sjell pak atyre.

Në vitin 1879 dy persona i vranë në këtë ishull, dhe u morën disa fëmijë, por më pastaj ata u liruan dhe u dërguan në shtëpitë e tyre. Por, gjenerali i qytetit kryesorë të ishujve Andaman, Port Blair, edhe pse ishte përgjegjës për vrasjet e dy personave, ai nuk shprehu keqardhje, por thjeshtë tha se populli i ishullit Sentinelese, kanë shprehje të çuditshme të fytyrave, dhe kanë një sjellje jo të mirë.

Diku rreth 200 turistë deri më tani, raportohet se kanë vizituar vendin, por nuk janë kthyer më.

Në ishullin Sentinelese gëzojnë një shëndet të shkëlqyer, ndryshe nga ato fiset e ishujve Andamans, tokat e të cilëve janë shkatërruar.

Sa është ky realitet, larg nga e vërteta, mund të gjykohet lehtë nga një video e ishullit Santinelese e bërë në plazh, gjatë vitit 1990.

Presione te shumta nga organizata të ndryshme, kanë çuar qeverinë indiane të ndryshojë politikën e saj ndaj ishullit Sentinelese, duke pranuar se ata kanë të drejtë të vendosin për vetën e tyre dhe mënyrën e jetesës

, shkruan Survival International.

FOTO/ Ja çfarë ndodh me motin në natën e Vitit të ri

Mot i thatë dhe pa reshje, por me temperatura të ulëta.

Ky është parashikimi i motit për pasditen e sotme dhe ditën e nesërme.

Në natën e Vitit të ri duket se nuk ka reshje.

Më poshtë është parashikimi i motit i bërë nga Instituti i Gjeoshkencave, Energjisë, Ujit dhe Mjedisit.

Reshjet

Sot pasdite dhe nesër nuk priten reshje (siç tregohet në tabelë, respektivisht për secilin qark).

Tradita e bakllavasë, të presësh Vitin e Ri me ëmbëlsi

E ëmbël dhe shije plotë, me sherbet e arra , bakllavaja pa dyshim është lezeti i tryezës shqiptare të Vitit të Ri.

Një traditë e trashëguar brez pas brezi nga nënat e gjyshet shqiptare, kjo ëmbëlsirë vijon të mbetet edhe sot më e preferuara e shqiptarëve dhe sigurisht nuk mungon në asnjë tryezë kur bëhet fjala për darkën e shumëpritur të ndërrimit të viteve.

Deri në shekullin e nëntëmbëdhjetë bakllavaja u konsiderua si një gatim për njerëzit e pasur, ndaj edhe konsumohej në ceremoni të veçanta.

Ishin Otomanët ata që e sollën bakllavanë në trojet e Ballkanit. Kjo ëmbëlsirë ishte një ndër gatimet më të preferuara në Pallatin e Sulltanit.

Në ditët e sotme, Bakllavaja është shndërruar në një traditë mesdhetare, përgatitja e së cilës kulmon në festat e fundvitit, ku padyshim pjesë e kësaj tradite është edhe Shqipëria.

Përgatitja e Bakllavasë në Shtëpi  

Përbërësit

1 kg miell

4 të verdha vezësh

1 vezë e plotë

Një gotë ujë vaj ulliri

2 filxhanë çaj gjalpë i tretur

1.5 kg arra,

3 gota uji me sheqer për shurupin

2 filxhanë çaji niseshte

Përgatitja

Sitim miellin në një tepsi.

Hapim një gropë në mes. Hedhim pak kripë, të verdhat e vezëve dhe ujin.

Nisim të punojmë brumin me dorë derisa të bëhet një masë kompakte dhe homogjene.

E ndajmë në kuleçë të vegjël dhe e lëmë të pushojë përreth një orë.

Më pas, nisim të hapim petat një e nga një duke përdorur niseshte në hapjen e shpejtë të tyre.

Petët mund t’i hapim një e nga një por edhe 2 ose 3 bashkë, duke hapur pak në fillim kuleçët e duke i vendosur një mbi një e më pas i hapim përmes petësit.

Pasi i hapim petët, i lëmë  që të thahen pak e më pas i shtrojmë në tepsi.

Pasi kemi shtruar gjysmat e petëve hedhim në mes arrat e qërrura e të thërrmuara dhe sipër vendosim sërisht gjysmat e tjerave të petave.

Në vijim, mbledhim anët e të dyjavë shtresave të petëve rreth e rrotull tepsisë.

Bëjmë prerjen tipike të bakllavasë në formën e rombave, sipër hedhim gjalpin e tretur në mënyrë të njëtrajtshme.

E fusim në furrën e parangrohur dhe e pjekim derisa bakllavaja të ketë marrë ngjyrë të kuqërremtë.

Më pas përgatisim, sherbetin, i cili duhet të hidhet i nxehtë ndërsa bakllavaja e ftohtë.

Për përgatitjen e sherbetit përdorim 3 gota me sheqer dhe një gotë ujë.

Jan dhe miqt ata që na inkurajojnë që të kemi me patjetër bakllavan në tryezë për festa, dhe për Vitin e Ri... Pastaj, kur miqt na përgjigjen në komente me fotot si këto më poshtë

është vërtet një kënaqësi që nuk pëshkruhet...! Pra, dhe një herë miq Ju Urojë Gëzuar  nga -/ M R/🙋

GËZUAR...!