Anumi Travel njofton te gjith te afermit e pasagjerve qe jan nisur mbrem nga Tirana me kontrata te rregullta. Autobuzi sapo kaloj kan kaluar te gjith pa probleme ne Europe pasagjeret qe disponojn nje kontrat me vule te njome dhe kontrat te rregullt mund te paraqiten prane zyrave tona.
Opozita nuk duhet te mburret me listat e hapura, sepse merita eshte e qeverise,
e cila nuk duhet tja lere kete kredo opozites....dhe fare mire mund te beje nje reklame dhe performanse te madhe ne ndertesen e saj, nepermjet nje porte gjigande te hapur, qe tregon konsensusin e saj per hapjen e listave....dhe ne sfondin e portes, fare mire mund te vihet nje foto e ujerave kristaline te Syrit te Kaltert per te treguar transparencen e saj.
Një studente shqiptare në Londër nxiti një betejë virtuale mes ballkanasve për të njohur kufijtë e Kosovës, që arriti të tërheqë vëmendjen e disave nga mediat më të mëdha në botë.
Megi Cara, 20 vjeçe, nisi një peticion online, ku i kërkon kompanisë Apple ta paraqesë Kosovën si shtet më vete, pasi vërejti se ajo nuk ndahej nga Serbia me kufij ndërkombëtarë në aplikacionin Apple Maps. Peticioni u bë lajm në disa media lokale në shqip dhe në anglisht, derisa mbërriti edhe si një mesazh çasti nga Dua Lipa për ndjekësit e saj.
Dua Lipa mori komente raciste, kërcënuese dhe fyese, kryesisht nga serbë dhe simpatizantë të Serbisë. Reagimi i saj i mëpasmë ndezi përfundimisht betejën virtuale: ajo postoi në Twitter të njëjtën hartë të trojeve autoktone shqiptare, e cila u shpalos mbi stadiumin në Beograd nga Ismail Morina – Ballisti, në ndeshjen Serbia – Shqipëri gjashte vite më parë.
Exit News bisedoi me nismëtaren e peticionit, Megin Carën, për të kuptuar më mirë se si flamuri i autoktonisë na solli sërish në një gjendje të ndezur mes shqiptarëve dhe serbëve, për fat të mirë vetëm virtualisht, përcjellë KultPlus.
Megi është me origjinë nga Mamurrasi dhe prej afro 2 vitesh është në Londër.
Megi në intervistë tregoi se ajo nuk e ka hartuar dhe aq rastësisht peticionin.
Ajo ndër të tjera potencon se duke u rritur në Shqipëri, si fëmijë dhe adoleshente ka qenë më e hapur se bashkëmoshatarët e saj në perëndim ndaj ngjarjeve të potikës së përditshme. Përballja me realitetin e vështirë në Shqipëri dhe karakteri i saj e kanë shtyrë të mendojë për mënyra se si të përmirësojë gjendjen. Kjo e ka sjellë natyrshëm dhe gradualisht te vendimi për të studiuar polikën dhe ekonominë.
“Kjo ka qenë pikërisht ëndrra ime, të studioja ekonomi dhe politikë, dhe të studioja në Angli”, thotë Megi për Exit News.
Nuk të qëllon shpesh që një 20-vjeçare të të thotë se është konservatore dhe se ka pikë referimi Margaret Theçerin, si politikane dhe si grua.
“Unë besoj te barazia e mundësive në një demokraci, ndër parimet bazë të konservatorizmit. Kjo i dha mundësinë Margaret Theçerit të bëhej e para grua kryeministre në Mbretërinë e Bashkuar, ndërkohë që vinte nga një familje modeste. Megjithatë arriti të drejtonte vendin e saj dhe ta quanin “zonjë e hekurt.”
Duke mbetur te barazia e mundësive, Megi kujton se para pak ditësh kishin biseduar në një grup në internet rreth shpopullimit të shqiptarëve në trojet etnike në Serbi. Qeveria serbe në Luginën e Preshevës po heq nga regjistri civil shqiptarët që ata nuk i gjejnë në adresat e banimit.
Me patosit e rritur nga kjo bisedë, në grup ishte ngritur pyetja se “përse askush nuk flet për faktin se Kosova nuk është në hartë?”
Kjo pyetje e shtyu Megin të hartojë një peticion të shkurtër, me mendimin se ajo duhet të bënte atë që kishte në dorë, sado pak qoftë kjo.
Në këtë pikë ajo ndalet te bashkëpunimi i munguar midis qeverive të Shqipërisë dhe Kosovës që pas pavarësisë së kësaj të fundit.
Megi u kërkoi miqve ta shpërndajnë peticionin në median sociale. Ajo i shkruaji direkt edhe disa faqeve që postojnë për çështje të Ballkanit.
Në pak orë e kuptoi se mbështetja po rritej në përmasa që ajo nuk i kishte pritur. Dhjetëra, qindra, mijëra firmosësit e parë të peticionit, pastaj një media e më vonë të tjera nisën të shrkuajnë për të.
Megi kujton ngazëllimin nga mesazhet mbështetëse nga Kosova, Mali i Zi, Maqedonia, Shqipëra e diaspora. “Larg atdheut të qan zemra më shumë”, thotë ajo.
Me rritjen e firmave, peticioni gjeti rrugën deri te disa persona të famshëm, të cilën e postuan atë në mediat sociale: Dua Lipa, Dafina Zeqiri, Era Istrefi, Rita Ora, Sidrit Bejleri, Kapital T, Don Phenom, Enisa, Selma Kasimovic, Elvana Gjata….
Ajo tregon edhe për mesazhe të tmerrshme kërcënuese por na siguron se nuk ka frikë.
Megi thotë se më e mira që ajo pret është që peticioni të detyrojë kompaninë Apple ta shtrojë për diskutim çështjen e kufijve të Kosovës dhe, idealisht, të vendosin ta paraqesin si shtet më vete.
Ajo e shtrin më tej ëndrrën e saj: që ky peticion t’u tregojë qeverive të Shqipërisë dhe të Kosovës se shqiptarët duan të bashkohen, se ata i duan qeveritë e të dyja vendeve të bashkëpunojnë për t’u afruar, deri në heqjen e kufirit mes dy vendeve.
“As vetë nuk e prisja këtë mbështetje dhe qava kur pashë dhjetëra mijëra firmat që kishte mbledhur peticioni” – thotë Megi a mallëngjyer.
Kryedemokrati tha se vendimi i opozitës së bashkuar është që të hapen listat 100%, por i vuri një kusht palëve të tjera politike që në ndryshimet kushtetuese të mos futet heqja e koalicioneve dhe përllogaritja e mandateve të vazhdojë siç është.
“Së pari dua të shpreh fare qartë qëndrimin e Opozitës së Bashkuar se marrëveshja e 5 qershorit e cila më në fund u votua dje në Kuvendin e Shqipërisë është një bazë për garantimin e zgjedhjeve normale. Nuk është ajo që dëshironim ne por një marrëveshje politike e arritur me ndihmën e partnerëve ndërkombëtarë të cilëve dua t’iu shpreh mirënjohjen. Përshëndes dhe qëndrimin e djeshëm të tyre.
Opozita e Bashkuar do mbështesë hapjen 100% të listave me kushtin që koalicionet të vazhdojnë siç janë sot dhe përllogaritja e mandateve siç është sot. Ky propozim është i drejtë. Nuk mund të thuash që hapim listat, por deputetët kryesorë i zgjedh partia”, tha Basha.
Telegrafi mëson se nesër në Prishtinë, do të organizohet një aktivitet simbolik në përkrahje të Dua Lipës, pas sulmeve që i janë bërë asaj nga mediumet serbo-ruse.
Në këtë aktivitet do të marrin pjesë edhe personalitete kosovare nga bota e artit dhe publicistikës, me moton “Save Dua!”. Madje, është hapur edhe një faqe e facebookut për këtë!
Për shkak të postimit të saj në Twitter, këngëtarja e famshme shqiptare e muzikës pop, Dua Lipa është vënë në thumb të sulmeve mediatike kryesisht nga Serbia dhe Rusia.
Thirrje të sponsorizuara nga ekstremistëve serbë kanë nisur fushatë për ta zvogëluar numrin e fansave të Dua Lipës në Twitter. Këto po mbështeten nga mediume të fuqishme ruse, veçmas nga Russia Today.
Regjisori serb, i cili ka ndikim të madh në mediumet serbe, Boris Malagurski, ka krijuar hashtagun “canceldualipa”, kurse Russia Today ka thënë se “Fansat nuk e dinë nëse duhet ta anulojnë #dualipa, pasi ajo dërgoi një cicërimë misterioze nacionaliste”.
Vargut të atyre që kanë sulmuar Dua Lipën publikisht është këngëtarja serbe, e njohur si Ceca, përkatësisht e veja e kriminelit Arkan.
Qëllimi i tyre nga ekspertët e luftës propagandistike vlerësojnë se, ky sulm hibrid ka për qëllim dobësimin e personaliteteve të suksesshme shqiptare në botë. Kështu ka deklaruar Agim Musliu, i cili ka shtuar se: “Ky sulm është drejtuar drejt Dua Lipës, kurse dëmi do t’i shkaktohet tërë shqiptarëve”.
“Këngëtaret tona si Rita Ora e Dua Lipa janë storia më e madhe e suksesit e Kosovës. Ironia është se ato janë krijuar si artiste me famë botërore në Britaninë e Madhe, familjet e të cilave dolën atje nga represioni serb. Tash, mu këta, serbët, të nxitur nga Kremlini duan ta dëmtojnë ende popullin shqiptar, duke ua dëmtuar këtyre ikonave personalitetet”, ka thënë Musliu.
“Kosova duhet të tregojë se i mbron vlerat e veta, pavarësisht nga kush sulmohen këto vlera”, ka përfunduar Musliu.
Një vajzë adoleshente afgane është përshëndetur në mediat sociale për “heroizmin” e saj pasi luftoi javën e kaluar kundër militantëve talebanë që vranë prindërit e saj. Vajza mori pushkën e familjes AK-47, pushkatoi dy prej militantëve dhe plagosi disa të tjerë, thanë zyrtarët lokalë në provincën Ghor.
Talibanët erdhën në shtëpi sepse babai i vajzës ishte një përkrahës i qeverisë, shtuan ata. Ndërkohë bëhet e ditur se një foto e vajzës që mban armën është bërë virale ditët e fundit. Por më vonë, më shumë militantë erdhën për të sulmuar shtëpinë, në fshatin Griwa, por “u mundën” nga fshatarët dhe milicitë pro-qeveritare.
Zyrtarët thanë se vajza, që besohet të ishte e moshës midis 14 dhe 16 vjeç, dhe vëllai i saj i vogël ishte dërguar në një vend më të sigurt.
“Ne e dimë se prindërit janë të pazëvendësueshëm, por hakmarrja juaj do t’ju japë paqe relative”, ka shkruar Mohamed Saleh në Facebook. Sipas mediave lokale, Ghor është një nga provincat perëndimore më të pazhvilluara të Afganistanit dhe incidencat e dhunës ndaj grave janë të larta. Talibanët nënshkruan një marrëveshje paqeje me SHBA në shkurt, por shumë prej anëtarëve të saj vazhdojnë të kërkojnë rrëzimin e qeverisë dhe kushtetutës aktuale në Afganistan.
Këngëtarja e famshme shqiptare Dua Lipa publikoi pak ditë më parë në rrjetet sociale flamurin e fashmë të ngritur 6 vite më parë në Beograd, si përgjigje ndaj komentuesve racistë serbë.
Postimi i Dua Lipës shkaktoi reagime të shumta, e ndjekur nga mbi 48 milion fansa, flamuri që paraqet trojet e banuara historikisht me shqiptarë, nuk kishte se si të kalonte pa komente.
Së fundmi ka reaguar edhe këngëtarja e njohur greke Keti Garbi. Përmes një postimi në Twitter, Garbi ironizon Dua Lipën, duke zëvendësuar fjalën “Autokton” me “Johistorike” të cilës i jep edhe kuptimin, raporton newsbomb.al.
“Johistorike – Jo në përputhje me historinë ose me analizën historike”, shkruan këngëtarja greke duke nënkuptuar se pretendimi për autoktonizëm i shqiptarëve është fals.
