Berisha-Meta-Rama; mbyllin me Alaudin Malajn dosjen CEZ të vjedhjes së 900 milionë eurove, gjyqtari ikën me turp nga drejtësia

Berisha-Meta-Rama; mbyllin me Alaudin Malajn dosjen CEZ të vjedhjes së 900 milionë eurove, gjyqtari ikën me turp nga drejtësia

(TANI) 

Alaudin Malaj mbyll me turp karrierën e zezë në drejtësi, vendos për pushimin e çështjes së vjedhjes së 400 milionë eurove të shqiptarëve nga Berisha, Shkëlzeni, Nuel Kalaj dhe banda e ministrave dhe drejtorëve në bashkëpunim me CEZ, dosja e dytë e vjedhjes së 500 milionë eurove nga Rama, Gjiknuri dhe Ahmetaj, u mbyll në heshtje, shpëtoi edhe Meta që vodhi me Kastriot Ismailajn miliona euro

TANI

Dosja CEZ përfaqëson vjedhjen më të madhe në historinë e pluralizmit shqiptar. Kupola politike shqiptare, në bashkëpunim me disa sekserë dhe kompaninë çeke CEZ, u kanë vjedhur shqiptarëve rreth 900 milionë euro. Dosja CEZ ndahet nga dy pjesë. Pjesa e parë përfshin shitjen e 75 % të aksioneve të OSSH tek kompania çeke CEZ në mënyrë korruptive, favorizimin më pas të CEZ me njohjen e borxhit të keq, çmimin e energjisë elektrike, vjedhjen me fatura fiktive etj. Vjedhja në fazën e parë është mbi 400 milionë euro. Për këtë vjedhje, janë kallëzuar penalisht Sali Berisha si koka e aferës, Nuel Kalaj si sekser kryesor, Shkëlzen Berisha si sekser i dytë, Genc Ruli, Ridvan Bode dhe një bandë drejtorësh dhe zëvendësministrash që kanë bërë letrat e vjedhjeve.

Vjedhja në fazën e dytë është sipas Kontrollit të Lartë të Shtetit 479 milionë euro. Vjedhjen e dytë, më e madhe se sa të parën, e kanë bërë Edi Rama, Arben Ahmetaj dhe Damian Gjiknuri, të cilët firmosën një marrëveshje me CEZ në dëm të Shqipërisë. CEZ na detyrohej me dokumente rreth 400 milionë euro, ndërsa Rama me Gjiknurin dhe Ahmetajn, i dhanë edhe 95 milionë euro të tjera CEZ nga paratë e shqiptarëve. Berisha me grupin e tij dhe Gjiknuri, janë kallëzuar penalisht për këtë vjedhje. Madje Berisha është kallëzuar tre herë, ndërsa për Damian Gjiknurin, dosjen në prokurori e dërgoi Kontrolli i Lartë i Shtetit.

Të dy grupet nisën një lojë politike duke akuzuar njëri-tjetrin se cili ka vjedhur më shumë. Por, në të njëjtën kohë, bënë një pakt që dosjet të mbylleshin pa kaluar në gjykim, që loja të mos bëhej e rrezikshme. Dosja e Gjiknurit u mbyll pa zhurmë. Dosja e Berishës me shokë, po mbyllet me debate false nga qeveria Rama, për të krijuar idenë se po kërkon të luftojë korrupsionin. Fillimisht të gjithë prokurorët kërkuan mbylljen e dosjes. Më pas ishte gjyqtari Lazër Sallaku i shkallës së parë që mbylli dosjen. Dje, një trupë gjykuese e Apelit në Tiranë, me në krye Alaudin Malajn, la në fuqi vendimin e Lazër Sallakut, duke vulosur mbylljen e dosjes CEZ, për fazën e parë të vjedhjes nga Berisha me shokë.

Me këtë vendim, Alaudin Malaj e ka mbyllur me turp karrierën e tij të zezë në drejtësi, duke i bërë shërbimin e fundit kupolës politike të korruptuar të Tiranës. Malaj nuk u ngrit kurrë në nivelin e një gjyqtari, që mbron interesin publik dhe pasurinë e shqiptarëve, por e përdori çekiçin e drejtësisë për t’u pasuruar. Kjo është arsyeja se pse Vetingu e ka shkarkuar nga detyra si të korruptuar, por Malaj po merr vendimet e fundit, deri kur t’i komunikohet shkarkimi.

Historisë së vjedhjes me CEZ, nuk mund t’i mungonte kurrsesi Ilir Meta, i cili fshihej pas një kompanie që vidhte paratë e shqiptarëve bashkë me CEZ. CEZ bënte fatura vjedhjeje, kompania DIA me Kastriot Ismailajn mblidhte paratë, duke i ndarë më pas. Kompania e tij DIA, kryente mbledhje fiktive të borxheve, ndërsa nga buxheti i shtetit rimbursoheshin paratë e presupozuara si të arkëtuara. Pas kësaj skeme fshihej Ilir Meta. Vetëm me një SMS të zbuluar, Ilir Meta i kërkonte Ismailajt 200 mijë euro me një dorë. Ismailaj u dënua me 11 vite burg dhe iu sekuestruan 4 milionë euro. Ilir Meta i shpëtoi edhe këtë herë ndëshkimit. / Pamfleti

Xhoi Jakaj: Sa e dhimbshme për Shqiptarët kur nê vitet 2020 kanë më shumë se kurrë nevojë për Shtetarë të nivelit lartë dhe Politikane që mendojnë ndonjëherē edhe për popullin e tyre.

Xhoi Jakaj

Sa e dhimbshme për Shqiptarët kur nê vitet 2020 kanë më shumë se kurrë nevojë për Shtetarë të nivelit lartë dhe Politikane që mendojnë ndonjëherē edhe për popullin e tyre.

Politika botërore ka ndryshuar qasjen e saj ndaj vendeve të ballkanit dhe mençuria e diplomacia e politikës ka marrë tjetêr udhë,sot kërkohet drejtësi, urtësi e ndershmëri në vendimarrje e jo luftë kodoshësh, e kam unë e ke ti ?

Po të endesh ndër vite me memorien tënde  të gjesh një Politikan të ndershëm që nuk është i përfshirë korrrupsion, marrëveshje të pista e i kthyer në multimilirader për shkak të abuzimit me pushtetin zor se e gjen?!

Nese në ditët e sotme thua Politikan, kjo fjalë ka marrë dy kuptime, ose hajdut klasi ose idiot i shitur , e i padobishëm për askend që shkon pas erës së pushtetit për dy perfitime personale!

Sa keq që klasa politike në Shqipëri e Kosovë termin Politikan e bënë fjalë të pështirë të papelqyeshme dhe me një korrotacion negativ, kur duhet të jetë krejt e kundërta, një Politikan pikësëpari në parimet e tij të ketë mbrojtjen e kombit,shtetit,territoreve dhe popullit që të ka besuar ta drejtosh!

Pêr aq kohë sa nga njeri normal si të gjithë,pas 4 -vitesh si Deputet, si Minister, Bashkiak,Drejtues i një dikasteri ke bërë milirada dhe familja jote jeton në luks të shfrenuar, kurse ish komshiu yt vuan për bukën e fëmijeve, nuk blen dot medikamentet nëse është i sëmurë, nuk bën lekët e muajit për të paguar taksat se ja ke vënë ti litarin në fyt me politikat e tua antisociale për t'u pasuruar vetë dhe soji yt, nuk do mend as kalem thotë populli për të mos besuar te asnjë nga ky soj e sorollop politikani...

Por populli vazhdon varfërohet për ditë e më shumë, kurse politika zhvat ngahera më shumë

Ah popull o popull kur do ngrihesh i zhveshur nga idealizmi i tepruar dhe ti rrëzosh të gjithë përdhe ,që të mos ngrihen kurrë,pasi Politikani Shqiptar është pa fe,pa ide, pa atdhe deri sa nuk la det, mal,truall ,monumente kulture, as histori kombi ,pa e privatizuar.

Parashikimi i motit për datën 25 Qershor, ja çfarë pritet

Parashikimi i motit për datën 25 Qershor: 

 TANI

Sot priten reshje të dobëta në të gjitha qarqet.

Në qarqet Dibër, Elbasan, Berat, Vlorë, Korçë dhe Gjirokastër ato priten deri lokalisht mesatare.
Reshjet mund të shoqërohen
edhe me rrufe, sidomos në qarqet Lindore dhe Jugore të vendit. Era pritet të fryjë e lehtë deri në mesatare, sidomos në bregdet dhe në terrenet malore.

Temperaturat minimale dhe maksimale:

Në bregdet: 20 / 27°C;

Në vendet e ulëta: 18 / 28°C;

Në vendet malore: 12 / 23°C

TANI

E Fundit: Propozohet ndihmë me nga 100€ për secilin qytetar

Deputeti i Aleancës për Ardhmërinë e Kosovës Gazmend Syla, ka bërë një propozim për rimëkëmbjen e gastronomisë. Syla tha se shteti duhet të shqyrtojë mundësinë për lëshimin e triskave për qytetarët në vlerë prej 100 eurosh.

Sipas tij këto të përdoren vetëm në sektorin e gastronomisë.
Francezet po humbin deri -24 kg në muaj me këtë mënyrë! Të vetmen shpresë tonën, si burim ekzistence, diasporën, si duket nuk do e kemi këtë vit për shkak të mbylljes së kufijve.

Shteti duhet të shqyrtojë mundësinë që të gjej një zgjidhje, e një prej masave do ishte lëshimi i triskave, deri në 100 euro për familje, me mundësinë që ato të përdoren vetëm në gastronomi, me qëllim të ringjalljes së këtij sektori që punëson dhjetëra mijëra qytetarë, shumica e të cilëve në mosha të reja dhe me paga minimale.
A. Cara

Gazetari Berat Buzhala ínfektohet me korónavirus, tregon shenjat e sémundjes dhe bën thirrjen për publikun

Gazetari Berat Buzhala ka rezultuar pozitiv me korónavirus. E ka pranuar vetë ai në një postim në rrjetet sociale. Ai thotë se ka pak shenja dhe se kolegu i tij Leonard Kerquki me të cilin rri “non stop” është negativ.

“Megjithate kjo dite nuk paska qene e duhur per presidentet. Sot e kam kry nje test ne QKUK dhe kam dale pozitiv, pra e kam vírusin e njohur si Cóvid 19. Ne anen tjeter Leonard Kerquki qe rri non stop bashke me te ka dale negativ. Po du me thane qe algoritmi i ketij vírusi qenka interesant. Qekaq.

Ka mundesi qe krejt kemi me kalu kah ky viran. E di qe ju intereson: temperature dje kam pas ma shume, edhe ethe. Sot ma pak temperature e ma pak ethe. Nyjet nuk po me dhamin, ererat po i ni hala etj. etj. Megjithate e ftoj publikun qe te mos e zhvendose vemendjen prej ngjarjeve politike”, shkruan Buzhala në Facebook.(A.M/Faxweb.al)&TANI/

Shkoi si refugjate në Britani, tani është në frontin e parë në luftën kundër COVID-19

Anxhela është një nga shumë refugjatet që kanë shkuar në Britani për një jetesë më të mirë. Tashmë ajo është një doktoreshë e re në Shërbimin Shëndetësor Kombëtar të Mbretërisë së Bashkuar dhe është bërë shumë e domosdoshme në spitalet britanike.

Ajo ndodhet në frontin e parë të luftës kundër pandemisë së koronavirusit. “Më parë kisha turp, por tani kur i them njerëzve që vij në këtë vend si refugjate, e them me krenari”, shprehet Anxhela.

Ajo është një doktoreshë e re e cila punon në departamentin e kujdesit intensiv në Londër.

https://shqipnews.net/nis-faza-e-dyte-per-fituesit-e-kredise-se-bute-per-shtepi-ja-dokumentet-qe-duhet-te-dorezoni/

Korona ringjall aksin franko-gjerman? Merkel dhe Macron, plan të përbashkët rimëkëmbjeje!

Presidenti i Francës, Emmanuel Macron dhe kancelarja gjermane, Angela Merkel pritet të dalin me një plan të përbashkët të vendeve të tyre, për rimëkëmbjen e BE-së nga kriza e pandemisë së koronavirusit.

“Plani ka të bëjë me fushat e shëndetësisë, rimëkëmbjen ekonomike, tranzicionin mjedisor dhe digjital dhe sovranitetin industrial”, tha presidenca franceze përmes një deklarate. Ende nuk dihen detaje tjera të këtij plani, por ato pritet të shpalosen gjatë një konference të përbashkët për media, të cilën Macron dhe Merkel, do ta mbajnë më 18 maj.

Europa sapo ka filluar të dalë nga masat e izolimit të vendosura për të parandaluar përhapjen e koronavirusit të ri. Masat që u vendosën në mars e kanë ndaluar përhapjen e virusit, por edhe kanë shkaktuar dëme ekonomike për vendet e BE-së. Gjermania, si ekonomia më e madhe e BE-së, tashmë ka hyrë në recesion. Blloku europian është zotuar të ndajë 500 miliardë euro fonde emergjente për të përballuar krizën.

Ekonomia e eurozonës në përgjithësi parashikohet të tkurret në 7.7 për qind këtë vit, por dëmi mund të jetë më i keq në Itali dhe Greqi. Ekonomitë e këtyre vendeve, sipas AFP-së, mund të tkurren me gati 10 për qind.