"Dielli duhet të jetojë", familja shqiptare kërkon azil në Suedi

Dielli është vetëm 1 vjeç por në vend të lodrave dhomën e tij e ka plot me aparatura që e mbajnë gjallë.

 Familja nga Istogu i Kosovës ka emigruar në Suedi dhe 4 muaj më parë aplikuan për të marrë azil.

Prindërit thonë se në Kosovë djali i tyre nuk mund të marrë mjekimin e duhur. Doktorët hoqën dorë nga ai dhe prindërit e dëshpëruar u detyruan të largoheshin

"U larguam dhe erdhëm në Suedi sepse nuk kemi asnjë zgjidhje tjetër" thotë i ati Armend Istogu.

Vendet e Ballkanit konsiderohen si vende të sigurta prandaj dhe është shumë e vështirë që të ardhurit nga këta shtete të fitojnë azil.

Historia e Diellit të vogël është trajtuar në mediat suedeze pasi të martën (3 shtator) 8 parti parlamentare u takuan për të diskutuar azilin humanitar.  Gjysma e tyre pajtohen  se në raste në të tilla si e diellit familja duhet të marrë azl.

Prej 2016 Suedia sa vjen e ka shtrënguar dhënien e azilit. 

Qysh se familja e Istogut ka mbërritur në Suedi pjesën më të madhe të kohës e kalojnë në spital. Prindërit thonë se nëse do të kishin jetuar në Kosovë, djali i tyre nuk do të ishte më në këtë jetë.

Shtypnews.al 

Protestat vazhdojnë, Basha: Zotimi kryesor i opozitës- |Shtypnews.al|

Kryetari i Partisë Demokratike, Lulzim Basha, sot u shprehë se protestat do të bëhen gjithmonë e më të fuqishme sepse me Edi Ramën nuk ka dhe nuk do të ketë as zhvillim, as mirëqenie, as punësim, por do të ketë vetëm vjedhje dhe grabitje.

“Ka disa çështje të mprehta që dua t’i sjell në vëmendjen tuaj. Skandali që ka plasur me dy koncesionet e hajdutërisë të ashtuquajtura PPP të Milot – Balldre dhe Vlorë – Orikum, kërkon vëmendjen maksimale të mundshme edhe nga ju si gazetarë. Bëhet fjalë për një aferë të tmerrshme korruptive. Tek Milot – Balldre duan të bëjnë shqiptarët të paguajnë një çmim deri në 5 herë më të lartë se çmimi real. Të vjedhin me një të rënë të lapsit, me një firmë, 200 milionë euro nga taksapaguesit shqiptarë. Një shumë jo e vogël planifikohet të vidhet me Vlorë – Orikum,” tha Lulzim Basha pas takimit me lideren e partise aleate LSI, Monika Kryemadhi, duke e bërë të ditur dhe njërin nga zotimet kryesore të opozitës dhe Partisë Demokratike:

“Anulimi i çdo pseudo PPP-je dhe koncesioni korruptiv, ndjekja e parave të shqiptarëve kudo ku ti kenë marrë dhe kudo ku ti kenë çuar, qofshin oligarkët që kanë përfituar këto PPP, qofshin politikanë të korruptuar që ia kanë dhënë, konfiskimin i tyre dhe rikthimi i tyre tek qytetarët shqiptarë.”

Në fund, Kryetari i Partisë Demokratike, Lulzim Basha, e bëri të qartë se sa më shpejt ta largojnë këtë Kryeministër hajdut, aq më shpejt do ta nxjerrin vendin nga kriza e thellë ekonomike që ka pllakosur vendin për shkak të vjedhjes nga kjo qeveri.

“Me Edi Ramën nuk ka dhe nuk do të ketë as zhvillim, as mirëqenie, as punësim, por do të ketë vetëm vjedhje dhe grabitje. Ndaj sa më shpejt ta largojmë këtë qeveri dhe këtë kryeministër hajdut, që përdor atë që duhet të ishte institucioni kryesor i përfaqësimit të njerëzve thjesht si një noter i hajdutërie, aq më mirë do të jetë për njerëzit, aq më shpejt mund t’i kthejmë këto para në investime që hapin vende pune, që ndihmojnë të varfrit, të pamundurit dhe që nxjerrin vendin nga kriza e thellë ekonomike që ka pllakosur vetëm dhe vetëm për shkak të grabitjes dhe vjedhjes nga kjo qeveri.”

Deklaratë

Pyetje: Kur do të nisin protestat?

Lulzim Basha: Protestat do të bëhen gjithmonë e më të fuqishme. Ka disa çështje të mprehta që dua t’i sjell në vëmendjen tuaj.

Skandali që ka plasur me dy koncesionet e hajdutërisë të ashtuquajtura PPP të Milot – Balldre dhe Vlorë – Orikum, kërkon vëmendjen maksimale të mundshme edhe nga ju si gazetarë. Bëhet fjalë për një aferë të tmerrshme korruptive. Tek Milot – Balldre duan të bëjnë shqiptarët të paguajnë një çmim deri në 5 herë më të lartë se çmimi real. Të vjedhin me një të rënë të lapsit, me një firmë, 200 milionë euro nga taksapaguesit shqiptarë. Një shumë jo e vogël planifikohet të vidhet me Vlorë – Orikum.

Ka një analizë të plotë të dëmit ekonomik që i sjell buxhetit të shtetit, pra, parave të shqiptarëve dhe në momentin që është bërë kjo analizë, siç e keni e parë është përshpejtuar procesi i rrëzimit të dekreteve të Presidentit Meta dhe futja e përshpejtuar e këtyre dy koncesione për t’i rimiratuar në atë që tashmë është fare e qartë, noteri i hajdutërisë, Landfilli i Republikës. Ky nuk heq dorë nga grabitja dhe vjedhja, nuk ka plan tjetër, as ky njeri, as kupola e tij, përveç vjedhjes dhe grabitjes së shqiptarëve.

S’ka asnjë politikë, nuk ofron asgjë tjetër përveçse të vjedhë sa të mundet, deri në çastin e fundit që është aty. E dyta, që është fare e qartë, është se kjo ndërtesa që ndodhet prapa selisë tonë, që duhet të ishte vendi ku kontrollohet, frenohet dhe kufizohet pushteti, është kthyer në një noter të hajdutërisë.

Kësaj shqiptarët i thonë me një metaforë “vjedhje me ligj”, ligji po bëhet për të vjedhur, po bëhet që ata që kanë firmosur këtë vjedhje të mos shkojnë para drejtësisë, të mos shkojnë në burg. Siç do të shkonin në çdo vend tjetër normal.

Kjo vërteton atë që kemi thënë prej kohësh që me Edi Ramën nuk ka dhe nuk do të ketë as zhvillim, as mirëqenie, as punësim, por do të ketë vetëm vjedhje dhe grabitje.

Ndaj sa më shpejt ta largojmë këtë qeveri dhe këtë kryeministër hajdut, që përdor atë që duhet të ishte institucioni kryesor i përfaqësimit të njerëzve thjesht si një noter i hajdutërie, aq më mirë do të jetë për njerëzit, aq më shpejt mund t’i kthejmë këto para në investime që hapin vende pune, që ndihmojnë të varfrit, të pamundurit dhe që nxjerrin vendin nga kriza e thellë ekonomike që ka pllakosur vetëm dhe vetëm për shkak të grabitjes dhe vjedhjes nga kjo qeveri. Ky është një nga shqetësimet kryesore të kësaj jave.

Natyrisht nuk është asgjë e re por jemi të vendosur ta denoncojmë deri në fund këtë aferë. Sikundër të mbajmë shënim këdo që bëhet pjesë e kësaj skeme pandëshkueshmërie dhe vjedhje, qofshin këta pseudodeputetë, qofshin prokurorë apo punonjës të drejtësisë.

Një gjë është e sigurt, nuk kanë për t’i marrë dot këto para të shqiptarëve, nuk kanë për t’i gëzuar dot qindra milionë vjedhje.

Sepse një nga zotimet kryesore të opozitës, të Partisë Demokratike dhe të miat personalisht është anulimi i çdo pseudo PPP-je dhe koncesioni korruptiv, ndjekja e parave të shqiptarëve kudo ku ti kenë marrë dhe kudo ku ti kenë çuar, qofshin oligarkët që kanë përfituar këto PPP, qofshin politikanë të korruptuar që ia kanë dhënë, konfiskimin i tyre dhe rikthimi i tyre tek qytetarët shqiptarë.

Faleminderit!

Per / Shtypnews.al / A Cara.

3 vite qe djalin e kam te pa regjistruar ne gjendje civile as ne kopesht nuk ma marrin

Mirmengjes un qe po ju qoj ket mesazh jam nje zonj nga Lezha.Dhe arsyeja pse po ju shkruaj esht, se mua para tre viteve me ka lindur nje djal ne gjermani por,gjermania na ktheu me polici pa na lajmeruar,dhe nuk na kan dhen qertifikaten e lindjes djalit dhe me 21 shtator tani mbush 3 vite qe djalin e kam te pa regjistruar ne gjendje civile as ne kopesht nuk ma marrin se me kerkojn qertifikaten e lindjes djalit,dhe per kte arsye as mundesi te punoj nuk kam ,se djalin skam ku e lej  ju lutem me ndihmoni jeni shpresa ime fundit,nuk dua te shkoj neper tv 📺 se me duket vetja e bajatshme dhe munsit financiare nuk I kam dhe kam dhe dy femi te tjer per te rritur me ndihmojn te afermit ju betohem.Djali quhet Niklas Jakaj .
Kush mund ta ndihmoje zonjen? SHQIPERIA IME

Cila është ajo substancë që i tjetërsoi shqiptarët në vrasës të pashpirtë

 Nga - Erl Kodra/ Përbindëshat

Çka jemi dhe pse po zhytemi çdo ditë e më shumë në vorbullën e zezë të imoralitetit njerëzor, ku veset e përziera me instinkte dominojnë, ndërsa po shkojmë triumfalisht drejt degradimit?

Çfarë e ktheu një pjesë të shoqërisë në hajdut dhe mashtrues, në trafikant dhe mafioz? Cila është ajo substancë që i tjetërsoi shqiptarët në vrasës të pashpirtë, të paaftë të ndjejnë ndonjë drithërimë ndërgjegjeje, ndërsa marrin jetën e shoshoqit?

Labirinthet e një shoqërie me nivel të ulët zhvillimi nuk përmbajnë shpjegime të arsyeshme sipas përvojave të moralit njerëzor, ato përkthehen lehtë në nevoja parësore të ekzistencës fizike, që nuk ndjejnë keqardhje humane kur krimi kthehet në mënyrë jetese. Shqiptarët nuk kanë patur mundësi që të sigurojnë jetesën me mjete normale, njësoj si shoqëritë e tjera; ata kanë lindur në varfëri ekstreme dhe janë rritur si të tillë. Në kohën e maturimit, pikërisht atëherë kur synon të përmbushësh vetveten dhe qëllimin, kur gjendesh para murit të pamundësisë absolute, gjithkush do kërkojë t'i mbijetojë sfidave të ekzistencës. Këtu duhet kërkuar çelësi që shpjegon në mënyrë të arsyeshme shkaqet e degradimit tonë të thellë.

Ky arsyetim të kthen tek përgjegjshmëria e politikës, si shprehja e vullnetit të një shoqërie për t'u qeverisur. Por çfarë tjetër është politika, përpos përzgjedhjes nëpërmjet një sistemi të gjithpranuar të atyre individëve, që me gjasë kanë ide dhe programe të mira, moral të lartë dhe vullnet për të ushtruar me ndershmëri qeverisjen? A është i njëmendtë ky përcaktim, domethënë, çfarë janë individët që gjenden në krye të punëve, të ngarkuar për të qeverisur me rregulla të qarta procedure, mënyrën tonë të jetesës?

Pyetje të tilla të dekurarojnë dëshirën të vazhdosh më tej me sfidën e mendimit. Sepse, parimisht ne kemi rënë dakort të jetojmë në Shqipëri, e kemi pranuar idenë të kemi një shtet shqiptar, një Kushtetutë dhe një Parlament,  ndërsa Qeveria të zgjidhet njëherë në katër vjet, me votë të fshehtë, të lirë dhe të ndershme. Të gjitha këto dakortësi janë thellësisht parimore dhe të gjithpranuara nga të gjithë shqiptarët.

Por përpara se të shohim se çfarë ndodhë realisht me politikën, është e nevojshme të shohim alkiminë e moralit shoqëror; domethënë, të moralit atyre individëve që përkufizojnë, ose që mëtojnë të përkufizojnë rregullat e procedurave sipas të cilave ndahet e mira nga e keqja.

Awdhesh Singh, një shkrimtar bashkëkohorë indian, në librin e tij "Mitet janë reale, realiteti është mit", thotë:
"Ndërsa burrat e mençur krijojnë ide të ndryshme për një shoqëri ideale, të njëjtat ide degjenerojnë kur njerëzit e "zgjuar" mësojnë se si t'i manipulojnë ato".

Ne shqiptarët vertetë kemi rënë dakort të kemi një Kushtetutë, një Parlament dhe një Qeveri; kemi rënë dakort të kemi një sistem gjyqësor të pavarur, një Prokurori të pavarur, institucione të pavarura që mbrojnë sigurinë publike, ekonomi të lirë tregu dhe një Buxhet Shteti nëpërmjet të cilit përfiton e gjithë shoqëria.

Përgjithësisht ne shqiptarët kemi ligje shumë të mira.

Përfundimisht, korpusi ligjor i Republikës së Shqipërisë mund të përkufizohet si një IDE shumë e mirë shtetformuese, por që fatkeqësisht, këto ide kanë degjeneruar, ekzaktësisht siç thotë Awdhesh Singh; nga njerëzit "e zgjuar".

Aty ku ndahet e mira nga e keqja ndodhet një zonë gri, që mbulon pjesën më të madhe të shoqërisë. Pamja është pak a shumë e tillë; në njërin krah është e keqja e tmerrshme, në mes zona gri dhe në anën tjetër e mira. Nuk është e lehtë të shpjegosh me fjalë një fotografi si kjo, ku e keqja dukshëm dominon mbi të mirën, ndërsa zona gri noton në një lloj indiference cinike, herë herë duke u përzier me pjesën e zezë, por asnjëherë duke mos dalë në anë të së mirës.

Arsyetimi në fakt është më i thjeshtë nga ç'duket, sepse e keqja, domethënë, duke përfshirë hajdutët dhe mashtruesit publik, mafiozët dhe kriminelët kanë pushtuar qeverisjen e vendit. Në këto rrethana të pazakonta për një shoqëri njerëzore, është pothuaj e pamundur të zbatohen rregullat e procedurës, domemthënë Kushtetuta dhe Ligjet. Përbindëshat nuk ndjejnë keqardhje kur gllabërojnë, ata thjesht marrin gjithçka u del përpara.

Shtresat e së keqes kanë zënë njëra tjetrën palë-palë, për të krijuar një mjedis të pashpresë, toksik dhe të pamundur për njerëzit normal, i padeportueshëm me mjete të zakonshme. Ne shesim çdo gjë, përfshirë edhe gjërat më të thjeshta në botë. Gjithçka shkëmbehet, shitet, blihet, jepet me fajde, merret peng, hipotekohet, trafikohet për t'u rihedhur në një treg gjigand pa asnjë fije morali. Me gjasë, ndonjë ditë mund kemi Tregtarët e Ajrit që do të shesin frymën tonë.
Do jetë biznes i fortë, me siguri!

***
Në vend të mbylljes
Në një analizë elementare për numrin e personave në kërkim ndërkombëtar nga Interpol (Red Notices) del se Shqipëria zë vendin e parë në botë në raport me numrin e popullsisë, madje ia kalojmë edhe Kinës! Të dhënat e mëposhtme janë të frikshme, ato janë turpi ynë kombëtar.

Interpol
Numri total i personave në kërkim (Red Notices) 7052
USA 138
UK 15
Gjermani 15
Itali   10
Greqi   15
Franë   28
Serbi    25
Shqipëri   115
Kina     68

Unë do t'u kursej nga komentet e mia mbi këto shifra.

/Shtypnews.al /

Mashtrimi me taksat, BE: Shqipëria në zonën gri, fondet në rrezik!

Jeni ju ata qe e beni Lajmin tone me serjoz duke e shpernda e qe te informohen dhe te tjeret qe ende nuk jan antar me ne 💼 Eshte e rendesishme qe te lexoni ketu ne Shtypnews.al💎 Nese doni dini te vertetat vetem ketu mund ti gjeni miq.  Faleminderit!  Shtypnews.al

Shtypnews.al

Shqipëria u përfshinë në listën gri bashkë me 36 vende të tjera për rrezikun që mbart për mashtrimet me taksat dhe evazionin.

Bashkimi Evropian po punon për të përmirësuar qeverisjen e mirë të taksave në nivel global me qëllim që të maksimizojë përpjekjet për taksimin e drejtë. Për këtë qëllim në dhjetor të vitit 2017, Komisioni vendosi të publikojë një listë të shteteve që nuk ishin bashkëpunuese në këtë iniciativë.

Lista përditësohet herë pas herë, ndërsa në qershor të këtij viti 11 shtete janë në listën e zezë dhe 36 të tjera ku përfshihet edhe Shqipëria janë në listën gri.

Lista e zezë përmban vendet që nuk janë bashkëpunuese dhe nuk aplikojnë rregulla për taksim të drejtë, ndërsa në listën gri janë të përfshira vendet që kanë probleme me taksimin e drejtë, kanë pranuar të bashkëpunojnë, por nuk kanë rezultat. Nëse Shqipëria nuk merr në konsideratë rekomandimet rrezikon të hyrë në listën e zezë në vitin në vijim.

BE njofton se Shtetet Anëtare kanë rënë dakord për një seri masash kundër vendeve të listuara, të cilat përfshijnë monitorime dhe kontrolle të thelluara. Gjithashtu Komisioni do të vazhdojë të mbështesë punën e Shteteve Anëtare për të zhvilluar një qasje më të koordinuar ndaj sanksioneve për listën e vitit 2019, ku është edhe Shqipëria. Një nga masat është edhe ndalimi i fondeve nga agjencitë e BE -se në këto vende.

Komisioni bën me dije se do të vazhdojë të monitorojë nga afër Shqipërinë, Anguilla, Antigua dhe Barbuda, Armeninë, Australinë, Bahamasin, Bosnjen, Botswanan, ishujt e Virgjër Britanik, Cabo Verde, Kosta Rika, Curacao, ishujt Kajman, ishujt Cook, Esëatini, Jordan, Maldive, Mauritius, etj. Maroku, Mongolia, Mali i Zi, Namibia, Maqedonia e Veriut, Nauru, Niue, Palau, Saint Kitts dhe Nevis, Shën Lucia, Serbia, Seychelles, Zvicra, Tajlanda, Turqia dhe Vietnami.

Pas angazhimeve në vitin 2017, shumë vende dolën nga lista si:Andorra, Bahreini, ishujt Faroe, Greenland, Grenada, Guernsey, Hong Kong, isle of Njeriu, Xhamajka, Jersey, Korea, Lihtenshtajni, Macao SAR, Malajzia, Montserrat, Kaledonia e Re, Panama, Peru, Katari, San Marino, Shën Vincenti dhe Grenadinet, Tajvani, Tunizia, Turqit dhe Caicos, dhe Uruguai.

Lista e shteteve jo-bashkëpunuese të BE-së është e përbërë nga vende që ose nuk arritën të përmbushnin angazhimet e tyre për të përmbushur kriteret e kërkuara të qeverisjes së mirë, ose nuk u zotuan të marrin këtë angazhim.

Konkurrenca e Drejtë e Taksave nënkupton që vendet nuk duhet të kenë regjime tatimore të dëmshme, të cilat shkojnë kundër parimeve të Kodit të Sjelljes të BE-së ose Forumit të OECD-së mbi Praktikat e Dëmshme të Taksave./Monitor, & Shtypnews.al/

Këndi i humorit: Një bionde kthehet në mëngjes në shtëpi dhe e ëma i thotë

Një bionde kthehet në mëngjes në shtëpi dhe e ëma i thotë:
-Është koha të gjesh një burrë, bija ime!
Biondja i përgjigjet:
-Do të doja edhe unë të gjeja një burrë… por, më thuaj, mami, burrin e kujt te gjej??

Parashikimi i motit për datën 3 Shtator, ja çfarë pritet

Parashikimi i motit për datën 3 Shtator:

Sot priten reshje të dobëta në qarqet Dibër, Elbasan, Korçë, Gjirokastër, Berat dhe Vlorë, ndërsa në qarqet e tjera priten reshje lokalisht të dobëta, kryesisht në zonat malore dhe ato pranë tyre.

Era pritet të fryjë e lehtë deri mesatare.

Temperaturat minimale dhe maksimale

Në bregdet: 22 / 30 °C

Në vendet e ulëta: 20 / 28 °C

Në vendet malore: 14 / 26 °C.