“Mafia shqiptare”/ Goditja, në arrest vetëm 15 persona. | Shtypnews.al |

Shtypnews.al

Prokuroria belge ka mbajtur në arrest 15 nga 55 personat e ndaluar të premten. Aksioni anti-drogë është përshkruar si goditje “kundër mafies shqiptare në Evropë”.

Në komunikatën e Europolit thuhet se në “aksion kanë marrë pjesë 650 policë në Belgjikë, Holandë, Francë, Itali dhe Mbretëri të Bashkuar, të cilët kanë bastisur disa adresa në koordinim me autoritetet në Serbi”. Në pyetjen nëse aksioni është bërë në koordinim edhe me autoritetet në vendet tjera të Ballkanit, zëdhënësi i Europolit Jan Op Gen Oorth, tha se organizata “ka përkrahur qarkullimin e informacionit në mes të vendeve anëtare të BE-së dhe vendeve të tjera me të cilat rrjeti ka pasur kontakte duke përfshi edhe ato në Ballkanin Perëndimorë”, raporton DW.

Shtypnews.al

Tregu i kanabisit dhe sasitë e kapura

Zëdhënësi ka refuzuar që të zbulojë nacionalitetin e të arrestuarve duke i përmbledhur të gjithë në “mafia shqipfolëse”. Gjithsej janë zbuluar 17 plantazhe të kanabisit dhe policia ka konfiskuar 8.000 rrënjë të bimës, 200 gramë kokainë, kompjuterë, telefon, dokumente, kesh dhe gjashtë vetura luksi. Sipas Qendrës evropiane për monitorim të drogave dhe varësisë nga drogat, në vit bëhen rreth 22 mijë aksione të konfiskimit të rrënjëve të kanabisit me mbi 10 milionë bimë të konfiskuara. Këto rezultate kanë kulmuar në vitin 2015 kur janë konfiskuar 11.5 milionë bimë. Tregu i kanabisit përbënë 38 për qind të tregut të përgjithshëm të drogave të jashtë ligjshme, me vlerë prej rreth 9.3 miliardë Euro. Një pjesë e madhe e këtij kanabisi prodhohet në ambiente të mbyllura brenda BE-së përderisa importet më të mëdha vinë nga Maroku dhe Libia. Një pjesë të kanabisit vjen nga Ballkani Perëndimorë prej vendeve si Serbia, Kosova, dhe Shqipëria. Sa i përket prodhimit brenda BE-së grupet e organizuara kriminele holandeze përbëjnë pjesën më të madhe të prodhimit, thuhet në raport. Krahasuar me të dhënat e përgjithshme sasia e konfiskuar e kanabisit në këtë aksion nga “mafia shqiptare” përbënë më pak se 0.1 për qind të sasisë së përgjithshme të konfiskuar në BE gjatë një viti.

Shtypnews.al

Pse u liruan shumë të arrestuar?

Sa i përket këtij rasti nga 55 arrestimet 15 janë ndaluar në polici për t’u hetuar për qëndrim ilegal në vend, transmetojnë mediat lokale pohimet e prokurorisë belge. Mbetet e paqartë pse shumica e të arrestuarve janë liruar dhe nëse kundër tyre janë ngritur akuza për tu lënë të mbrohen në liri. Europol ka kumtuar se “hetimi ka pasur për cak organizatat kriminele të përfshira në shumë aktivitete, duke përfshi trafikimin e kanabisit në sasi të mëdha, trafikimin e kokainës, prostitucionin, trafikimin me qenia njerzore dhe pastrimin e parave” ka thënë një zëdhënës i prokurorisë për mediat lokale belge.

Prokurori belg Christian Henry nga Tournai-Mons, i ka thënë gazetës lokale De Standaard se grupi ka pasur lidhje me gra bullgare të vendosura në qytetin Einthoven të cilat janë transferuar në plantazhe që të vjelin kanabisin sipas nevojës.

I tërë aksioni është pjesë i një projekti të financuar nga Komisioni Evropian të quajtur: Direzione Investigativa Antimafia Project ONNET, që ka për qëllim ndjekjen e grupeve mafioze në Evropë. Projekti ka filluar në nëntor 2018 dhe përbëhet nga 6 vende anëtare të BE-së, Italisë, Belgjikës, Francës, Gjermanisë, Holandës, Spanjës dhe Europolit. Projekti ONNET i ka cak grupet mafioze si tërësi e jo ndjekjen e tyre për aktivitete të caktuara. Grupet kryesore cak i projektit janë grupet mafioze italiane, rrjetet euro aziatike dhe shqiptare të mafies si dhe bandat jashtëligjore të motoristëve.

Shtypnews.al

Grabitja në Rinas, Bardhi: Policia e angazhuar kundër qytetarëve.

Shtypnews.al

Shtypnews.al Pak pas grabitjes të së paktën 2 milionë eurove në aeroportin e Rinasit, vjen edhe një reagim nga  Sekretari i Pergjithshëm i kësaj force politike, Gazment Bardhi.

Përmes një postimi në rrjetet sociale, Bardhi nuk kursen ironinë ndaj Qeverisë aktuale dhe forcave të rendit, ndërsa shprehet se policia është e angazhuar kundër qytetarëve.

“Kur Policinë e angazhon kundër qytetarëve, që mbrojnë strehën e fëmijëve të tyre apo protestojnë kundër Qeverisë, me vetëdije i hap rrugën grabitjeve me armë në zonën më të sigurt në vend (brenda perimetrit te sigurisë në Aeroportin e Rinasit) apo vrasjeve të tipit mafioz në zonat më të populluara.
Është çështje prioriteti!  Edi Rama ka prioritet luftën me qytetarët dhe jo luftën me krimin.

Me 13 Prill, protestojmë edhe për të kthyer Policinë e Shtetit në krye të detyrës, për t’u shërbyer qytetarëve dhe jo banditëve e grabitësve në pushtet. “-shkruan ai. /Shtypnews.al/

Sali Berisha: Bandat e partise grabisin per se dyti miliona euro ne pisten e avioneve te

Shtypnews.al

Bandat e partise grabisin per se dyti miliona euro ne pisten e avioneve te aeroportit me te pasigurte ne bote, pra te Rinasit.

Grabitesit e armatosur moren te gjitha arkat nga mikrobuzi i blinduar qe do ngarrkoheshin ne avion. Rojet e armatosura private qe shoqeronin mikrobuzin me arka me para dhe rojet e aeroportit ben sehir!

Hajdutet me automjetin me arkat e plaçkitura qe permbanin miliona euro u zhduken ne drejtim te paditur. Nderkohe afer Fushe Krujes policia ekzekutoi besohet njerin nga banditet.

Parate e grabitura, ne traditen e njohur do ti perdorim per fushaten elektorale te ardhshme. sb shkruan Sali Berisha

Shtypnews.al

Shtypnews.al

Në 2018, 32 % e të punësuarve nuk paguan sigurime por edhe-...

Në vitin 2018, gati 32 për qind e të punësuarve nuk paguan sigurime. 

Sipas të dhënave administrative të INSTAT në vitin 2018 numri mesatar i të punësuarve ishte mbi 1.3 milionë persona, por në të njëjtin vitin numri mesatar  që paguan kontribute tek sigurimet për efekt pensioni ishte 778,111 persona.

Nga të dhënat shihet se rreth 360 mijë persona janë numëruar si të punësuar por ato nuk kanë paguar sigurime.

Siç shihet nga të dhënat një pjesë e madhe e të punësuarve në vendin tonë nuk punojnë për një pagë, ato janë të vetëpunësuar pa pagë, janë të punësuar në të zezë ose bëjnë punë të papaguar në bizneset e familjes dhe ne bujqësi.

Burimet nga INSTAT bëjnë me dije se punësimi në të zezë në pjesën më të madhe te tij është i përqendruar në sektorin bujqësor.

Në fund të vitit të kaluar të dhënat nga bilanci i forcave të punës tregojnë se 461,680 numëroheshin të punësuar në bujqësi, por këto vetëm 58 mijë fermerë paguan sigurime gjatë vitit të kaluar.

Sipas raportit të Bankës Botërore Trendet e Punësimit 2019 në Rajon rreth 37% e të punësuarve në Shqipëri janë në të zezë.

Në afat të mesëm, përmirësim i dukshëm ka ndodhur në Shqipëri, veçanërisht që nga fillimi i fushatës kundër informalitetit në shtator 2015, ku pjesa e punësimit informal u tkurr nga 50% me 2014 në 36% në tremujorin e dytë të 2018.

Por megjithatë raporti thekson se, në punësimi informal në Shqipëri qëndron në nivelet më të larta ë rajon.

Në Shqipëri, një në tre persona është duke punuar në të zezë në raport me 1 në 5 persona të Maqedoninë e Veriut dhe në Serbi.

Vetëpunësimi vazhdon të jetë lloji mbizotërues i punësimit informal, ndërsa nuk paguhet puna familjare.

Raporti evidenton se pothuajse gjysma e atyre që punojnë në të zezë janë të vetëpunësuar. Puna në të zezë ka pasoja të prekshme në kohë. Raportimi jo i plotë (ose nën-raportimi) i kontributeve të sigurimeve shoqërore sot nënkupton relativisht mbulim të ulët ose përjashtim nga pensionet./ Monitor /

 tc

Grabitja në Rinas, policia qëlloi me armë zjarri një prej hajdutëve | Shtypnews.al |

Detaje të reja janë zbuluar lidhur me grabtijen e ndodhur mesditën e sotme në Rinas.

Një nga grabitësit e autoblindit që transportonte para në Rinas është qëlluar për vdekje nga Policia e Shtetit.

/Shtypnews.al/

Informacionet paraprake bëjnë me dije se ende nuk është bërë identifikimi i tij.

Kjo për shkak se grabitësi nuk kishte asnjë mjet identifikimi me vete.

Autorët të veshur me rroba ushtarake dhe të maskuar kanë grabitur një makinë blind të transportit të parave.

Dyshohet se janë vjedhur 2 milionë euro.

fotot 

Shtypnews.al

KPK shkarkon kryeprokurorin, ai kërcënon: Po nuk të futa në burg, mbaje mend… | Shtypnews.al |

Shtypnews.al

Komisioni i Pavarur i Kualifikimit, KPK, ka shkarkuar nga detyra drejtuesin e Prokurorisë së Sarandës, Edison Ademit.

Në përfundim të seancës, pas replikave me trupin gjykues, prokurori Edison Ademi edhe ka kërcënuar:

“Kjo nuk mbaron këtu, do përballemi sërish bashkë. Po nuk të futa në burg, mbaje mend”.

Dyshimet për kryeprokurorin

Komisioni i Pavarur i Kualifikimit ngriti dyshime për pasurinë e drejtuesit të Prokurorisë së Sarandës, Edison Ademin, si dhe e akuzoi për deklarim të rremë, në lidhje me njohjen e dy personave me precedentë penal.

Nga ana tjetër, Kryeprokurori mohoi gjetjet e KPK-së, ndërsa e nisi mbrojtjen e tij, duke hedhur dyshime se mund të jenë ndikuar në hetimin e tyre nga një person i dënuar për trafik narkotikësh.

“Kam informacione nga publiku, se një person i dënuar për trafikim të lëndëve narkotike, i cili ka një të afërm në KPK, ka ndikuar në hetim, në mënyrë që të më dëmtojë”, tha Ademi dhe më pas, vazhdoi me kërkesat dhe mbrojtjen e tij. Ndërkohë, KPK, në fillim të seancës, bëri të ditur se hetimi për prokurorin ishte mbyllur vetëm në dy kritere, atë të pasurisë dhe aftësive profesionale.

Në lidhje me kriterin e pasurisë, Inspektorati i Lartë i Deklarimit dhe Kontrollit të Pasurisë dhe Konfliktit të Interesit (ILDKPKI), ka dorëzuar raport negativ për prokurorin, duke konstatuar deklarim të rremë, fshehje të pasurisë dhe gjendje në kushtet e konfliktit të interesit, sa i takon marrjes me qira të një prone për 99 vite. Ndërkohë, nga hetimi i Komisionit, janë konstatuar pasaktësi lidhur me deklarimin për apartamentin me sipërfaqe 130 metra katrorë në Vlorë, të blerë në vitin 2012 në vlerën 45 mijë dollarëve.

Nga hetimi, janë evidentuar paqartësi edhe për një apartament ku ka jetuar në vitin 2003. Sipas komisionit, subjekti e ka porositur verbalisht këtë apartament në vitin 2002 dhe është tërhequr në vitin 2003. Më tej, relatorja tha se prokurori ka deklaruar në deklaratën veting shpenzime në vlerën e 800 mijë lekëve për mobilie, ndërsa në deklarimin e vitit 2005 shuma është deklaruar 500 mijë lekë.

Problem është konstatuar edhe në blerjen e 2 makinave, shpenzimet për të cilat nuk arrinte t’i justifikonte. Sa i përket vlerësimit profesional, është konstatuar se nuk ka problematika me aftësitë profesionale dhe organizative. Por, në lidhje me etikën janë evidentuar dëshmi të rreme për njohjen dhe kontaktin me dy persona të proceduar penalisht.

“Në lidhje me shtetasin F.D., u konstatua se për të në vitin 2011, është regjistruar procedimi penal për armëmbajtje pa leje. Hetimi është marrë nga subjekti dhe nga numri i telefonit të tij, është lënë takim me personin F.D., por nga pyetja që i ka bërë komisioni, subjekti ka mohuar njohjen me të. Kështu, duket se subjekti ka pasur njohje me këtë person dhe pavarësisht kësaj, ka marrë në dorë hetimet e çështjes ndaj tij. Duket se subjekti nuk ka deklaruar fakte të vërteta në lidhje me njohjen”, tha relatorja për njërin nga rastet.

Ndryshe, Edison Ademi e ka filluar karrierën në vitin 1998 si oficer i Policisë Gjyqësore në Prokurorinë e Vlorës. Në vitin 2004 është emëruar prokuror në Prokurorinë e Rrethit Gjyqësor Vlorë ndërsa në vitin 2015 ai është emëruar si drejtues i Prokurorisë së Rrethit Gjyqësor Sarandë.

Shtypnews.al

Kalendari historik: 9 prilli. | Shtypnews.al |

9 Prilli është dita e 99 e këtij viti, deri në fund të tij janë edhe 266 ditë.

193 – Septimius Severus shpallet Perandor romak nga legjionet e tij në Iliri. Në vitin 191, Severus kishte marrë nga perandori Kommodus komandën e legjioneve në Pannonia të Ilirisë. Kur Kommodus u vra më 192, postin e perandorit e mori Pertinaksi, por Garda Pretoriane nuk e deshi dhe e vrau, duke shpallur Severin perandor. Severi rridhte nga familje e pasur me prejardhje romake italiane nga ana e nënës dhe prejardhje fenikase nga i atit.

1241 – Mongolët fillojnë pushtimin e Evropës. Në Liegnitz, ushtria mongole ndeshet me trupat polake dhe gjermane dhe i mposht ata. Fitorja ishte e plotë dhe komandanti  mongol Baidar urdhëroi njerëzit e tij për të filluar mbledhjen e veshëve nga armiqtë e vrarë.

1413 – Henry V, 27 vjeç, kurorëzohet mbret i Anglisë – ai qëndroi mbret deri në vdekje në moshën 35 vjeçare (1422). Legjendat thonë se Henri bëri një jetë të shkujdesur; ai u bë i pavdekshëm nga Shekspiri, dhe pjesërisht për shkak të armiqësive politike. Por dokumentet historike thonë se duke filluar në gusht 1417, Henry V futi përdorimin e gjuhës angleze në qeveri. Ai ishte mbreti i parë britanik që filloi të përdorë anglishten në korrespondencën e tij personale që prej pushtimit Norman 350 vjet të shkuara.

1860 – Francezi Edouard – Leon Scott de Martinville bën regjistrimin më të herëshëm të njohur të zëri të njeriut me aparatin e tij të quajtur fono-autograf. Martinville (1817-1879) ishte librashitës në Paris dhe shpikës amator; ai e kishte regjistruar aparatin në zyrën e patentës në Francë që më 25 mars 1857.

1865 – SHBA, Komandanti i Përgjithshëm i ushtrisë së Konfederatës  me rreth 27 mijë ushtarë i dorëzohet gjeneral-lejtnantit Ulysses S. Grant, të ushtrisë së Unionit, duke i dhënë fund luftë civile amerikane.

1867 – Rezultat tepër i ngushtë; me vetëm një votë më shumë, Senati amerikan ratifikon një marrëveshje me Rusinë për blerjen e Alaskës.

1914 – Filmi i parë i plotë me ngjyra, The World, the Meat and the Devil, shfaqet në Londër.

1927 – Anarkistëve italo – amerikanë Sako dhe Vanzeti u shqiptohet dënimi me vdekje nën akuzat për grabitje me armë dhe vrasje.

1928 – Turqia miraton ndarjen e fesë dhe shtetit.

1939 – Marian Anderson këndoi tek “Memoriali i Linkolnit”, pasi nuk iu lejua të këndonte tek halla “Vajzat e Revolucioneve Amerikane.

1940 – Lufta e dytë botërore: Ushtri gjermane sulmojnë Danimarkën dhe Norvegjinë.

1945 – Në portin Italian të Barit, anija Liberty e ngarkuar me bomba ajrore,  shpërthen duke vrarë 360 vetë.

1945 – U themelua Komisioni i Shteteve të Bashkuara për Energji Atomike.

1948 – Masakra në Deir Yassin.

1953 – Kompania filmike amerikane Warner Brothers e paraqiti filmin e parë 3-D, të quajtur House of Wax

1957 – Kanali i Suezit në Egjipt u pastrua dhe u hap për anijet.

1961 – Në spitalin Foch, Sorensen, Paris, Francë, vdiq mbreti Zog, 65 vjeç – pas shumë vitesh vuajtje nga sëmundja, pa e parë vendin e tij që prej ikjes më 8 prill 1939. Shtypi në Shqipëri heshti plotësisht.

Zogu ishte shtruar në spital më 4 prill, thuajse pa ndjenja nga dhimbjet e forta në stomak. Ai ishte dobësuar jashtzakonisht. Kur u përmend, pa pranë mbretëreshën Geraldinë dhe princ Lekën. Zogu i kërkoi Geradinës t’i silte një revole sepse nëse mjekët do t’i thonin se kishte kancer, ai nuk donte të jetonte më dhe do të vriste veten. E shoqja e kundërshtoi, më kot; pastaj solli armën (pa fishekë) dhe ia la pranë, por mbreti nuk kishte fuqi as për të zgjatur dorën.

Zogu kishte qenë monark absolut, i fortë, efikas dhe, i pamëshirshëm në rast nevoje. “Eshtë kollaj të jesh mbret i 400 milionë skllevërve e robërve, por është tepër e vështirë të jesh mbret i një milion mbretërve, siç jam unë”, ka thënë Zogu në një rast.

Historiani amerikan Raymond Hutchison do ta quante Zogun “personazhin shqiptar më të fuqishëm të shekullit XX ose gjatë shumë shekujve që nga vdekja e Skënderbeut të madh më 17 janar 1468”.  Leksografi i njohur Stuart Edward Mann, hartues i fjalorit historik Albanian-English, shkruante në paraqitjen e gramatikës së tij shqipe (1932), se “ardhja e Zogut në krye të vendit si president dhe pastaj si mbret, ishte një fillim i mbarë”.

Mbreti krijoi administratën dhe makinerinë e një shteti modern shqiptar; gjatë presidencies së tij, kodi i vjetëruar penal Osman u zevendësua me Kodin e Napoelonit; vendi përparoi në çdo fushë të rëndësishme; ai zhduku banditërinë e trashëguar; përkujdesje i kushtoi arsimit publik; qindra të rinj u dërguan me bursa jashtë shtetit në universitete evropiane (ironikisht mes tyre ishte edhe Enver Hoxha), dhe kur diplomoheshin, ata kthehesin në atdhe ku Zogu i vendoste në poste administrative.

Gjithashtu, gjatë mbretërimit të tij, mbreti Zog u rezistoi përpjekjeve nga Italia për vendosjen e fashizmit në Shqipëri, derisa Musolini u detyrua ta pushtonte, si dhe mbajti marrëdhënie të mira me vendet fqinje.

1963 – Winston Churchill bëhet i pari i huaj qytetar nderi i SHBA-së. Shtatë persona të huaj janë nderuar me këtë titull nga Kongresi amerikan; 5 pas vdekjes; dhe dy, Sir Winston Churchill dhe Nënë Tereza, gjatë jetës së tyre.

• 1991 – Gjeorgjia u pavarësua nga Bashkimi Sovjetik.
• 1992 – Ish drejtori në Panama, Manuel Noriega, u dënua me 30 vite burgim.
• 1999 – U vra presidenti i Nigerisë, Ibrahim Baré Maïnassara.
• 2003 – Trupat Amerikane hyjnë në Bagdat.
• 2008 – Parlamenti i Republikës së Kosovës miratoi Kushtetutën.

Lindje

• 1821 – Sharl Bodler, poet simbolist francez
• 1872 – Léon Blum, politikan francez (vdiq më 1950)
• 1877 – Lef Nosi, politikan dhe atdhetar shqiptar
• 1933 – Jean-Paul Belmondo, aktor francez
• 1947 – Isa Kastrati, Dëshmor i Kombit
• 1967 – Sam Harris, autor amerikan

Vdekje

• 1483 – Edward IV, mbret i Anglisë (lindi më 1442)
• 1626 – Francis Bacon, filozof anglez (lindi më 1561)
• 1961 – Ahmet Zogu, politikan shqiptar, kryeministër, president dhe mbreti i parë i Shqipërisë.

Festa dhe përvjetore

• Beteja e Koshares
• Dita e Kushtetutës së Kosovës