Pa fjalë! Mesazh dedikuar gazetares britanike që u dëbua nga Edi Rama, nuk duhet humbur (Foto)

Rrjeti ka shpërthyer në zemëratë pas vendimit të qeverisë shqiptare të Edi Ramës për të dëbuar gazetaren britanike, Alice Taylot, duke mos i rinovuar asaj lejen e qëndrimit në Shqipëri.

Mes reagimeve të shumta ka spokatur ai i piktorit Avni Delvina 
 , i cili përmes një fotoje përcjell një mesazh shumë të fortë.

“Grafike nga cikli “KUJDES SPIUNET”. Titulli i kesaj grafike eshte huazuar nga statuset ne fb te juristit Fatmir B. Merkoci.. Kjo grafike i dedikohet largimit nga Shqiperia te gazetares Alice Elizabeth Taylor, e cila eshte edhe ne pritje te nje femije! “,shkruan Delvina.

Ajo që e bën të veçantë grafikën e tij është avioni Air Albania që shfaqet pas fotos së Alice, një linjë kjo që përveç propagrandës qeveritare, derimë tani nuk është ngritur ende në fluturim. Po ashtu spikat flamuri kuqezi në barkun e gazetares, e cila pret një fëmijë me gjak shqiptar, në muajin e gjashtë të shtatzënisë.

Alice është akuzuar nga mediat e majta në vendin tonë se është një agjente ruse, pretendime të cilat u hodhën me forcë poshtë nga ana e gazetares. Per Shtypnews.al (mmc)-Nga Avni Delvina 

Shtypnews.al

Një i vdekur dhe dhjetëra të lënduar nga aksidenti në Gjilan ((Foto Video))

Një i vdekur dhe dhjetëra të lënduar nga aksidenti në Gjilan (Foto)

Kryeprokurori i Prokurorisë Themelore të Gjilanit, Jetish Maloku, në një prononcim për Telegrafin ka thënë se nga aksidenti i rëndë në Gjilan, një person ka ndërruar jetë.

Sipas tij, gjithashtu dhjetëra të tjerë kanë marr lëndime të rënda dhe të lehta trupore.

Siç ka bërë të ditur Maloku, të lënduarit janë dërguar në spitalin rajonal të Gjilanit, ndërsa ende nuk dihet numri i saktë i tyre.

Hashani po ashtu tregoi se shkak i këtij aksidenti supozohet të jetë prishja teknike e një kamioni i cili shkaktoi këtë aksident zinxhiror në mes të disa automjeteve.

“Jemi në vend të ngjarjes. E konfirmojmë që ka qenë një aksident me pasoja fatale ku për fat të keq një person ka humbur jetën. Ka me dhjetëra e dhjetëra të lënduar, janë në spital të Gjilanit për momentin. Për momentin janë trajtim dhe spitali është mobilizuar dhe gjendja është e jashtëzakonshme. Aksidenti ka ndodhur për shkak të një automjeti transportues. Dyshohet se ka dështuar diçka teknikisht dhe ka humbur drejtimin mbi 300-400 metra duke u përplasur me automjete të ndryshme. Drejtuesi i kamionit nuk ka pësuar lëndime dhe për momentin është duke u mbajtur në stacionin policor”, ka thënë Maloku.

Ndërsa Begush Canaj nga Emergjenca ka thënë për rajonipress se në aksidentin e rëndë që ka ndodhur në qendër të Gjilanit një person ka ardhur pa shenja jete dhe janë duke u trajtuar dhjetëra të lënduar.

Begush Canaj tha se i tërë stafi mjekësor, me motra e mjek jemi në shërbim të të lënduarve.

“Deri tani dihet se një person ka ardhur pa shenja jete në Emergjencë ndërkohë jemi duke trajtuar dhjetarë të lënduar nga aksidenti i tmerrshëm”, ka thënë Canaj.

Video 

Mbështetje gjermane për policinë shqiptare të kufirit

Mbështetje gjermane për policinë shqiptare të kufirit 

Ambasadorja Schütz i ka dorëzuar sot Policisë Shqiptare të Kufirit në praninë e Ministrit të Brendshëm Lleshaj pajisje në vlerën e 300.000 eurove. Kjo ndihmë në pajisje, e cila përfshin 10 automjete të tipit fuoristradë, aparatura teknike të një cilësie të lartë, ndër të tjera kamera termike dhe aparate të shikimit natën, është pjesë e një angazhimi gjithëpërfshirës të Gjermanisë në Shqipëri në fushën e sigurisë së brendshme. Krahas konsolidimit operativ e strategjik të Policisë së Kufirit ne bashkëpunojmë ngushtë me partnerët shqiptarë në luftën kundër krimeve të rënda dhe krimit të organizuar.

Ambasadorja Schütz theksoi me këtë rast: „Pas dorëzimit të 35 automjeteve në vlerën e mbi 500.000 eurove dy vitet e fundit qeveria federale jep me ndihmën e sotme në pajisje një kontribut të mëtejshëm mjaft të rëndësishëm në konsolidimin e kontrollit të kufirit përmes poliicisë shqiptare të kufirit. Ky është njëkohësisht edhe një kontribut domethënës për sigurinë e kufijve në Evropë duke qenë kështu në interesin e përbashkët shqiptar, gjerman dhe evropian.“

E RËNDË, GJENDET NJË TRUP I PAJETË NË LUMIN SHKUMBIN

Një ngjarje e rëndë ka ndodhur pak momente më parë në Elbasan.

Një trup i pajetë është gjetur në lumin Shkumbin, pranë fshatit Muriqan.

Ende nuk dihet identiteti i viktimës, ndërkohë dyshohet se ka qenë i humbur që prej një muaji.

Sipas informacioneve paraprake, mësohet se trupi i përket një personi të seksit mashkull rreth 40-45 vjeç.

Raportohet se policia ka mbërritur menjëherë në vendngjarje dhe po punon për nxjerrjen e trupit nga rrjedha e lumit dhe për zbardhjen e plotë të shkaqeve.

Hipotekimi i tokave të ndara me ligjin 7501, ja si do të zhbllokohen

Zbardhet projektvendimi i Këshillit të Ministrave që synon të zgjidhë problemet e procesit të njohjes së pronësisë mbi tokën. Si do të veprohet në rastet e problematikave me dokumentacionet. 

Në vijim të përpjekjeve për përfundimin e procesit të njohjes së pronësisë mbi tokën, dy ministri - e Drejtësisë dhe e Bujqësisë – kanë ndërmarrë nismën për të bërë ndryshime në një VKM, të miratuar në dhjetor të vitit 2015, i cili vendos rregullat për regjistrimin e marrjes së tokës bujqësore në pronësi, kur kjo pronësi është fituar me ligjin 7501. Duke qenë se në terren, për vite të tëra, shumë qytetarë po sorollaten me letrat e marrjes së tokës në pronësi, por Hipotekat nuk ua pranojnë, ministritë i propozojnë qeverisë që të lehtësojë dhe qartësojë procedurat, të cilat lidhen me procesin e regjistrimit të titujve të pronësisë mbi tokën bujqësore, në aktin e marrjes së tokës në pronësi (AMTP), të nxjerrë në zbatim të ligjit 7501, datë 19 korrik 1991, nga organet e pushtetit vendor, në bashkëpunim me Hipotekat.

Dokumenta me ndërhyrje

Drafti i ri konstaton se në shumë raste, mbi AMTP-të e dorëzuara nga qytetarët përfitues të tokës ka shënime me shkrim dore, ku është hequr një vizë fjalët e parapërgatitura në shkresë “në përdorim” dhe sipër tyre është shkruar “në pronësi”. Kjo ka krijuar mjaft probleme, duke qenë se Hipotekat e quajnë një gjë të tillë si korrigjim mbi një dokument shumë të rëndësishëm, mbi bazën e të cilit jepet e drejta e pronësisë mbi tokën dhe nuk e pranojnë si original këtë dokument. Sipas ministrive, një situatë e tillë është krijuar ngaqë komisionet e ndarjes së tokave gjatë punës së tyre jo rrallë janë hasur me fenomenin e mungesës së formularëve dhe korrigjimet bëheshin në mënyrë jo të rregullt. Fjala është për ngjarje që kanë ndodhur në vitet e para pas demokracisë, ku mungesa të tilla ishin të zakonshme. Kjo situatë shkaktonte atë që qytetarët, ndonëse ishin përfitues sipas ligjit 7501 të tokave të ish-kooperativave bujqësore, nuk mund të regjistronin pronat, ngaqë Hipotekat refuzonin t’i pranonin sit ë ligjshme këto dokumente. Me ndryshimin e propozuar tani, mendohet që të mos konsiderohen më si mangësi të AMTP-ve të lëshuara në territoret e ish-kooperativave ato raste kur është bërë një shënim i tillë sipër tyre. Në këtë mënyrë, duke qenë se kjo tani rregullohet me VKM, pra me vendim qeverie, Hipotekat do të detyrohen të pranojnë si të rregullta edhe dokumenta të këtij lloji dhe personi mund të regjistrojë tokën rregullisht.

Hipoteka do t’i kërkojë bashkisë që të verifikojë nëse janë shprehur apo jo me shkrim anëtarët e komisioneve, duke pranuar faktin se mungonin formularët ndaj veprimet i kanë bërë me shkrim dore, për të shmangur mundësinë e ndërhyrjeve më të vonshme në kohë.

Por drafti i propozuar mendon që të lihet në fuqi një ndalim i caktuar: sa më sipër mund të pranohet vetëm në rastin e dokumentave të lëshuara në territoret e ish-kooperativave, ku edhe njihet fakti që mangësitë në kancelari ishin të theksuara në vitet kur është kryer ndarja e tokës. Ndërkohë, nuk do të pranohen dokumenta të korrigjuara në këtë formë, pra që korrigjojnë faktin nëse toka është dhënë në përdorim apo në pronësi, kur komisionet kanë ndarë tokat e ish-ndërmarrjeve bujqësore, të cilat kryesisht ishin krijuar në qytete, ku dokumentacioni vështirë se mungonte. Pra, në këto raste, nuk do të pranohen për regjistrim në Hipoteka dokumente të marrjes së tokës në pronësi kur është korrigjuar me dorë “në përdorim” me “në pronësi, si dhe kur ka korigjime të tjera po me shkrim dore nga anëtarët e komisioneve të ndarjes së tokës tek numri i ngastrës, ose tek sasia e sipërfaqes së përfituar, ose tek emërtimi i kategorisë së ngastrës. 

Familjet bujqësore

Një situatë tjetër e konstatuar është ajo, kur në të njejtin titull pronësie janë përfshirë dikur dy certifikata familjare dhe nga ana e komisioneve të ndarjes së tokave ky bashkim është bërë duke i konsideruar këto dy certifikata si bashkim të një familjeje të vetme bujqësore. Raste të tilla, gjithashtu, janë konstatuar në shumë bashki në territorin e Republikës së Shqipërisë. Në rast se qeveria miraton ndryshimet e propozuara në këtë draft, atëhere një veprim i tillë nuk do të konsiderohet më i papranueshëm për efekt regjistrimit të titullit të pronësisë, duke hapur kështu rrugën për njohjen dhe regjistrimin e tyre nga Hipotekat. Por vendoset një kusht: përfituesit në këtë rast duhet të sjellin deklarata noteriale ku të thuhet me përgjegjësi ligjore se ata nuk janë trajtuar me asnjë AMTP tjetër. Në të kundërt, Akti do të quhet i pavlefshëm dhe nuk mund të regjistrohet titulli i pronësisë. Dhe, AMTP-të duhet të jenë të lëshuara para 15 gushtit 2008. Njëkohësisht, bashkitë duhet të bëjnë edhe një verifikim të numrit të pjesëtarëve të familjeve deri në datën 1 tetor 1992, si dhe të verifikojnë faktikisht tokën bujqësore që familja ka aktualisht në dispozicion. 

Djegia e arkivave

Një shqetësim tjetër, që ka penguar në raste të përsëritura procesin e regjistrimit të tokave bujqësore, të ndara sipas ligjit 7501, ka qenë edhe ai i krijuar si pasojë e djegies të dokumentave të regjistrimit në fshatra të ndryshme gjatë trazirave të vitit 1997. Sikurse dihet, shumë zyra të Hipotekave, Gjykatave, Gjendeve Civile, Arkivave, janë djegur me qëllim nga përfitues të rremë të pronësive, që kanë eliminuar në këtë mënyrë dokumenta origjinalë që ruheshin nga shteti, për t’i zëvendësuar me dokumenta të falsifikuara. Më pas, dokumentat e rreme fitonin “të drejtën e qytetarisë” në sajë të korrupsionit tek gjyqtarët. Raste të tilla kanë qenë të përhapura në zonat bujqësore si Fier apo Lushnje. Këto shqetësime janë ngritur vazhdimisht nga bashkitë, të cilat nuk i pajisin me AMTP qytetarët e interesuar, pasi rezulton nëpër regjistra që ata e kanë marrë një herë këtë shërbim dhe aim und të jepet vetëm një herë. Me ndryshimet e propozuara, bashkitë mund të lëshojnë dublikata të Aktit të Marrjes së Tokës në Pronësi.

Mungesa e firmave

Drafti propozon që, edhe në ato raste kur regjistrimi i titujve të pronësisë mbi tokën bujqësore është bllokuar për shkak se Hipoteka ka konstatuar mungesë në AMTP të firmës së kryetarit të komisionit të ndarjes së tokave në fshat konform ligjit 7501, kjo mund të kapërcehet. Kështu, do të kërkohet verifikimi i dokumentit pranë organit më të lartë të këtyre komisioneve. Madje, do të mjaftojë fakti që shumica e anëtarëve të komisionit kanë vendosur nënshkrimet e tyre, për ta bërë të ligjshëm këtë dokument dhe, si pasojë, të pranueshëm nga ana e Hipotekës.               

Media serbe në ‘qiell të shtatë’: Putin ka dërguar “luanët” të mbrojnë Serbinë, CIA në panik!

“Shefi i Kremlinit ka dërguar në Beograd specialistin e tij që të përcjell situatën e sigurisë. Kjo ngritje në nivel më të lartë vjen pas kërcënimeve nga Prishtina”.

Këto janë rreshtat e parë të një artikulli të gjatë që e përditshmja serbe “Kurir” ka botuar ditën e sotme. Sipas tyre presidenti i Rusisë Vladimir Putin ka dërguar në Serbi një njeri të besuar, pjesë e Gardës Kombëtare, e njohur si “Luanët e Putinit”.

“Kurir” thekson se ai ka kompetenca që operativët e vetë t’i konfrontoj me veprimet e shërbimeve amerikane, angleze dhe gjermane (CIA, MI6 dhe BND) kundër interesave të Serbisë dhe popullit serb, ndaj shërbimeve inteligjente të Perëndimit u është futur frika.

Sipas gazetës, njeriu i Putinit në secilin moment mund të tërheq dhjetëra operativ tjerë.

“Në radhët e CIA, MI6 dhe BND është një hutim i përgjithshëm, tentojnë pa sukses të zbulojnë identitetin e njeriut të Putinit. CIA me seli në Budapest në Evropë pas një pune operative erdhi deri tek të dhënat se për cilin person bëhet fjalë, që është pjesëtar i Gardës Kombëtare (që quhen “luajt e Putinit”)”, thotë një burim i “Kurir”.

Sipas këtij burimi “në kohën kur kryeministri i Kosovës Ramush Haradinaj zakonisht vringëllon me armë edhe kërcënime për ndërhyrje në veri, ku jetojnë me shumicë serbët, Putin ka vendosur të dërgoj njeriun e besueshëm të vërej situatën”.

Rama flet për 20.000 italianë që jetojnë në Shqipëri, media italiane zbulon statistikat e vërteta

Albanian Prime Minister Edi Rama speaks during an interview in Tirana on June 28, 2016. When Albanian Prime Minister Edi Rama wrote to the London Times about the risk of Brexit, his message was clear -- and echoed other Balkan nations desperate to join the European Union. / AFP / DIMITAR DILKOFF (Photo credit should read DIMITAR DILKOFF/AFP/Getty Images)

Media italiane për vite të tëra përsërit se 19.000 italianë jetojnë dhe punojnë në Shqipëri, shkruan OBC (Osservatorio Balcani e Caucaso Transeuropa).

Ndërsa sipas Ministrisë së Brendshme të Shqipërisë janë më pak se 2000 shtetas italianë.

Si shpjegohet një diferencë e tillë e shifrave?

Cili është burimi i tyre? Kush e ka verifikuar ndonjëherë?

Artikulli i parë lidhur me këtë fenomen daton në tetor të vitit 2014 nga “Corriere della Sera”.

Burimi për shifrën e italianëve që jetojnë në Shqipëri ka qenë Erion Veliaj, në kohën që ishte ministër i Mirqënies Sociale dhe Rinisë.

“Në vendin tonë jetojnë dhe punojnë 19.000 italianë”- u shpreh Erion Veliaj asokohe

Shifrat, duke llogaritur sipërmarrësit, përfaqësuesit diplomatik dhe studentët e regjistruar në kurse mjekësore në Universitetin Katolik “Zoja e Këshillit të Mirë”, tregojnë rreth 15-16 mijë persona me një kontratë pune.

Krahasimi i të dhënave për prezencën e italianëve në Shqipëri gjatë vitit 2017

Një Italian që të qëndrojë në Shqipëri për një periudhë më të gjatë se 3 muaj duhet të kërkojë leje qëndrimi për arsye pune, studimi ose bashkimi familjar.

Përveç diplomatëve, një italian që kërkon të punojë ose studiojë në Shqipëri duhet të dëshmojë se i përmbush kriteret e vendosura me ligj.

Që 19.000 italianë të jetojnë në Shqipëri, duhet që ata të kenë aplikuar dhe të kenë marrë leje qëndrimi.

Prej raportit të lëshuar nga Ministria e Punëve të Brendshme në bashkëpunim me Ministrinë e Mirqënies në vitin 2016, rezulton se ka patur 8692 leje qëndrimi të dhëna për shtetas të huaj, nga të cilat 1694 kanë qenë italianë. Në raportin e 1 janarit të vitit 2017 thuhet se ka patur rreth 12,519 shtetas të huaj, që i bie rreth 0.4% e të gjithë popullsisë. Midis tyre 1854 italianë, shumë më pak se ç’shkruhet në gazetat e vendit tonë.

Shifrat zyrtare të shtetasve të huaj me leje qëndrimi në Shqipëri për vitin 2017

Lajmi i rremë (Fake News)

Nëse nuk duam të vëmë në dyshim informacionin që Ministria e Brendshme shqiptare jep për numrin e qytetarëve italianë me leje qëndrimi në Shqipëri dhe as të besojmë se rreth 17.000 italianë jetojnë pa dokumenta dhe në mënyrë të paligjshme në shtetin fqinj, si alternativë mbetet vetëm një përfundim: Erion Veliaj ka deklaruar një shifër të ekzagjeruar, të cilën gazeta të rëndësishme italiane e kanë publikuar pa e verifikuar.

Qëllimet e Veliajt janë të kuptueshme. Në maj të vitit 2014 ai ishte në Romë për të takuar homologun e tij Poletti. Qëllimi i tij ishte arritja e një negociate për njohjen reciproke të pensioneve. Kjo për shkak se, nëse një shtetas shqiptar lë Italinë para se të ketë mbushur moshën në të cilën duhet të përfitojë pensionin, ai humbet automatikisht të gjithë kontributet që ka dhënë (deri sot një marrëveshje e tillë mes qeverive ende nuk është arritur).

Duke patur parasysh emigrimin e lartë të shqiptarëve, në mënyrë që të arrinte një negociatë të suksesshme dhe për të patur një argument bindës lidhur me përfitimin e ndërsjelltë, Veliaj rriti të dhënat e shtetasve italianë.

Rezistenca e kësaj gënjeshtre në kohë ka të bëjë me një qëllim më të thellë. Lidhet me propagandën e kryeministrit Edi Rama për të krijuar idenë e një Shqipërie të re, të lakmuar dhe dëshiruar, duke u përpjekur të përmisojë ndërkombëtarisht imazhin e Shqipërisë.

Burimi: Lapsi.al