Spiropali: Do lindë opozitë e re, kjo do degdiset në kosh

Në kulmin e protestave jashtë parlamentit të mbështetesve të opozitës, ministrja Elisa Spiropali nuk i kurseu akuzat ndaj opozitës. Spiropali e konsideroi opozitën një “plaçkë” e cila duhet hedhur sipas saj, në koshin e historisë nga ana e shqiptarëve.“Dua t’iu kujtoj një shprehje të Cerciz Topullit. Kush lufton për plaçkë, plaçkë është edhe vetë. Shqiptarët do ta degdisin në koshin e historisë këtë opozitë të vjetër për të sjellë në jetë një opozitë të re, nga shqiptarët dhe për shqiptarët”Herë pas herë Elisa Spiropali gjatë ditëve të fundit ka sulmuar sjelljen e opozitës, e cila vendosi të djege mandatet.

Kurse Ermonela Felaj tha nga foltorja e kuvendit se mazhoranca nuk ka aspak frikë nga huliganet dhe rrugacet e opozitës.

“Kuvendi do të vijojë punën rregullisht. Nuk kemi asnjë frikë nga huliganet që ka lëshuar në rrugë dhe kundër policisë PD dhe LSI. Pamjet që janë duke u transmetuar e turpërojnë Shqipërinë. Kuvendi nuk është gjahu i huliganëve dhe rrugaçëve që PD dhe LSI-ja kanë lëshuar në rrugë”.

Opozita proteston para Parlamentit, reagon Braçe: Popull doni, popull do keni!

Zv.kryeministri Erjon Brace ka reaguar në lidhje me protestën e opozitës para Parlamentit, e cila është shoqëruar me tensione dhe përplasje mes policisë dhe protestuesve.

Përmes një postimi në Facebook, Erjon Brace ka publikuar fotografitë e aktivitetit të Lushnjës, teksa i ka bërë thirrje opozitës se nëse “Popull doni, popull do keni” duke nënkuptuar pjesëmarrjen e madhe sipas tij në aktivitetin ku ishte i pranishëm edhe kryeministri Edi Rama.

“POPULL DONI, POPULL DO KENI! #LUSHNJASOT #Respekt pafund për çdo lushnjar te thjeshte, punëtor dhe i ndershëm që refuzon dhunën dhe destabilitetin. Paqe, Besim, Pune e Mirëqenie për çdokënd ne ketë vend!”- ka shkruar Brace.

Berisha nuk pyet për gazin lotsjellës: Jam në gjendje të shkëlqyer, po përdorin armë toksike (Video)

Gazetarja e Tirana Today i ka marrë një prononcim të shkurtër Berishës, i cili ka komentuar përdorimin e gazit nga policia. Ai është shprehur se qeveria Rama ka përdorur mjetet e fundit si të parat për të ndaluar protestën.

“Kjo është një armë toksike, me një shkallë të caktuar që përdoret pasi dështojnë mjetet tjerat. Por këta e përdorin të parë, por edhe ne do t’iu kthejmë. Edhe demonstruesit janë të përgatitur. E kanë betejë të humbur, nuk mbrohen me tym e me gaz”, tha Berisha.

Si është gjendja juaj shëndetësore?

Berisha: Gjendja ime shëndetësore është e shkëlqyer.

TIRANA TODAY

E fundit / Protesta e opozitës ‘merr flakë’, sulmohet deputeti dhe ministri i qeverisë

Ndërsa protestues të shumtë janë mbledhur para parlamentit një situatë e tensionuar është krijuar në rrugën ku hyjnë deputetët.

Gazetarja pohoi për “BalkanWeb” se në momentin që ka qenë duke hyrë në parlament ministri Blendi Klosi protestuesit kanë tentuar ta qëllojnë me sende të forta.

Por e menjëhershme ka qenë ndërhyrja e Gardës dhe fatmirësisht asnjë nga sendet e hedhura nuk e ka kapur Klosin. Po kështu edhe kur ka hyrë ministri i Brendshëm Sandër Lleshaj janë hedhur mjete piroteknike nga protestuesit./Balkanweb

E FUNDIT/ Pëson infrakt papritur në zyrën e tij, ndërron jetë pedagogu dhe zyrtari i Hipotekës (Emri+Foto)

Ndërron jetë papritur Drejtori i Hipotekës së Sarandës, Armand Hysi. Mësohet se Hysi, 44 vjeç ka qenë në zyrë kur dyshohet se ka pësuar një infarkt, çka ka sjellë dhe vdekjen e menjëhershme të tij.Përveç detyrës si drejtor i Hipotekës, Hysi ishte pedagog në Universitetin “Eqrem Çabej” në Gjirokastër dhe anëtar i Këshillit Bashkiak të Sarandës. 

Arrestohen 8 serbë në Brezovicë, dyshohen se janë pjesëtarë të Inteligjencës serbe

ROSU mbrëmë ka arrestuar tetë serbë, të cilët dyshohet se janë pjesëtarë të strukturave të inteligjencës serbe.

Burime të Ballkani.info brenda PK bëjnë të ditur se arrestimi i tetë serbëve është bërë në Brezovicë.
Ata ishin të kamufluar si shpëtimtarë.
| Shtypnews.al |

“Këta tetë persona kanë hyrë në Kosovë të enjten. Qëllimi i tyre ishte vëzhgimi dhe mbajtja nën kontroll e qendrës së skijimit me rekomandim të shtetit serb”, thotë burimet.

Ballkani.info po ashtu i ka siguruar edhe emrat e këtyre pjesëtarëve, të gjithë serbë nga Serbia, si dhe fotografinë e tyre dje në Brezovicë, pak para largimit nga aty.

Udhëheqës i këtij grupi është Bogiq Bogdanoviq.

Bogdanoviq është pjesëtarë i formacionit SAJ (Njësia Speciale antiterror e Serbisë).

Arrestimin e tetë serbëve e ka konfirmuar edhe e ashtuquajtura Zyre për Kosovën në Qeverinë e Serbisë. 

Ndja dhe ne të Shtypnews.al ju ftojm që ta shpërndani këtë, Faleminnderit.!

Për - Shtypnews.al  (A. Cara)

Antibiotiku i rrezikshëm në farmaci. Ka efekte anësore të pariparueshme

Shtypnews.al 

Janë publikuar antibiotikët që nuk duhen rekomanduar nga mjekët ose duhen dhënë në mënyrë të kufizuar.

Këtë u ka kërkuar Agjensia e Barnave të gjithë mjekëve tanë që në recetat e tyre të mos përshkruajnë antibiotikë të klasave kinolone dhe fluor kinolone pasi Agjensia Europiane e barnave njofton për efekte anësore të parikuperueshme. Në fakt, në farmaci thonë se këto lloj antibiotikësh janë shumë të përdorur.

Të dy llojet e antibiotikëve kanë përdorim me spektër të gjerë, si në traktin gastrointestinal, por edhe për probleme të veshkave.

Për pacientët që duhet domosdoshmërisht t’i përdorin, ata duhet të jenë të kujdesshëm në shfaqjen e simptomave që ditën e parë, pasi kanë efekte anësore që lidhen me depresionin apo vështirësi në ecje, si dhe prekin shikimin dhe dëgjimin.

Nga ana tjetër, Agjensia e Barnave kërkon që pacientët të japin informacion agjensisë për efektet anësore të çdo lloj medikamneti.

http://top-channel.tv/video/antibiotiku-i-rrezikshem-ne-farmaci-ka-efekte-anesore-te-pariparueshme/