Berisha nuk pyet për gazin lotsjellës: Jam në gjendje të shkëlqyer, po përdorin armë toksike (Video)

Gazetarja e Tirana Today i ka marrë një prononcim të shkurtër Berishës, i cili ka komentuar përdorimin e gazit nga policia. Ai është shprehur se qeveria Rama ka përdorur mjetet e fundit si të parat për të ndaluar protestën.

“Kjo është një armë toksike, me një shkallë të caktuar që përdoret pasi dështojnë mjetet tjerat. Por këta e përdorin të parë, por edhe ne do t’iu kthejmë. Edhe demonstruesit janë të përgatitur. E kanë betejë të humbur, nuk mbrohen me tym e me gaz”, tha Berisha.

Si është gjendja juaj shëndetësore?

Berisha: Gjendja ime shëndetësore është e shkëlqyer.

TIRANA TODAY

E fundit / Protesta e opozitës ‘merr flakë’, sulmohet deputeti dhe ministri i qeverisë

Ndërsa protestues të shumtë janë mbledhur para parlamentit një situatë e tensionuar është krijuar në rrugën ku hyjnë deputetët.

Gazetarja pohoi për “BalkanWeb” se në momentin që ka qenë duke hyrë në parlament ministri Blendi Klosi protestuesit kanë tentuar ta qëllojnë me sende të forta.

Por e menjëhershme ka qenë ndërhyrja e Gardës dhe fatmirësisht asnjë nga sendet e hedhura nuk e ka kapur Klosin. Po kështu edhe kur ka hyrë ministri i Brendshëm Sandër Lleshaj janë hedhur mjete piroteknike nga protestuesit./Balkanweb

E FUNDIT/ Pëson infrakt papritur në zyrën e tij, ndërron jetë pedagogu dhe zyrtari i Hipotekës (Emri+Foto)

Ndërron jetë papritur Drejtori i Hipotekës së Sarandës, Armand Hysi. Mësohet se Hysi, 44 vjeç ka qenë në zyrë kur dyshohet se ka pësuar një infarkt, çka ka sjellë dhe vdekjen e menjëhershme të tij.Përveç detyrës si drejtor i Hipotekës, Hysi ishte pedagog në Universitetin “Eqrem Çabej” në Gjirokastër dhe anëtar i Këshillit Bashkiak të Sarandës. 

Arrestohen 8 serbë në Brezovicë, dyshohen se janë pjesëtarë të Inteligjencës serbe

ROSU mbrëmë ka arrestuar tetë serbë, të cilët dyshohet se janë pjesëtarë të strukturave të inteligjencës serbe.

Burime të Ballkani.info brenda PK bëjnë të ditur se arrestimi i tetë serbëve është bërë në Brezovicë.
Ata ishin të kamufluar si shpëtimtarë.
| Shtypnews.al |

“Këta tetë persona kanë hyrë në Kosovë të enjten. Qëllimi i tyre ishte vëzhgimi dhe mbajtja nën kontroll e qendrës së skijimit me rekomandim të shtetit serb”, thotë burimet.

Ballkani.info po ashtu i ka siguruar edhe emrat e këtyre pjesëtarëve, të gjithë serbë nga Serbia, si dhe fotografinë e tyre dje në Brezovicë, pak para largimit nga aty.

Udhëheqës i këtij grupi është Bogiq Bogdanoviq.

Bogdanoviq është pjesëtarë i formacionit SAJ (Njësia Speciale antiterror e Serbisë).

Arrestimin e tetë serbëve e ka konfirmuar edhe e ashtuquajtura Zyre për Kosovën në Qeverinë e Serbisë. 

Ndja dhe ne të Shtypnews.al ju ftojm që ta shpërndani këtë, Faleminnderit.!

Për - Shtypnews.al  (A. Cara)

Antibiotiku i rrezikshëm në farmaci. Ka efekte anësore të pariparueshme

Shtypnews.al 

Janë publikuar antibiotikët që nuk duhen rekomanduar nga mjekët ose duhen dhënë në mënyrë të kufizuar.

Këtë u ka kërkuar Agjensia e Barnave të gjithë mjekëve tanë që në recetat e tyre të mos përshkruajnë antibiotikë të klasave kinolone dhe fluor kinolone pasi Agjensia Europiane e barnave njofton për efekte anësore të parikuperueshme. Në fakt, në farmaci thonë se këto lloj antibiotikësh janë shumë të përdorur.

Të dy llojet e antibiotikëve kanë përdorim me spektër të gjerë, si në traktin gastrointestinal, por edhe për probleme të veshkave.

Për pacientët që duhet domosdoshmërisht t’i përdorin, ata duhet të jenë të kujdesshëm në shfaqjen e simptomave që ditën e parë, pasi kanë efekte anësore që lidhen me depresionin apo vështirësi në ecje, si dhe prekin shikimin dhe dëgjimin.

Nga ana tjetër, Agjensia e Barnave kërkon që pacientët të japin informacion agjensisë për efektet anësore të çdo lloj medikamneti.

http://top-channel.tv/video/antibiotiku-i-rrezikshem-ne-farmaci-ka-efekte-anesore-te-pariparueshme/

Surprizat e motit. Ja çfarë ndodh me temperaturat nesër -...

Shtypnews.al

Duke filluar nga dita e nesërme në të gjithë territorin do të kemi një ngritje të temperaturave. Banorët e kryeqytetit dhe në vendet e ulta dhe bregdetare, temperaturat e ulta do të shënojnë për herë të parë pas 3 javësh mbi zero gradë celcius.

Ndërkohë që meteorologët parashikojnë temperatura normale për stinën edh gjatë javës së ardhshme, të shoqëruara me reshje shiu dhe dëbore.

Ja si parashikohet moti për ditën e nesërme:

Nënshtetësi për refugjatët. Ndryshimet e ligjit do të shkojnë në Parlament

E drejta për të fituar shtetësinë shqiptare do t’u njihet edhe refugjatëve e personave në mbrojtje plotësuese.

Shtypnews.al

Kushti kryesor është qëndrimi në mënyrë të ligjshme dhe banimi në mënyrë të vazhdueshme në Republikën e Shqipërisë, për një periudhë prej jo më pak se 10 vite nga dita e komunikimit të statusit.

Ministria e Brendshme ka hartuar disa ndryshime në “ligjin për shtetësinë”, në të cilin përcaktohen parimet dhe rregullat për fitimin, rifitimin dhe heqjen dorë nga shtetësia shqiptare.

Top Channel disponon projektligjin që do t’i kalojë për shqyrtim Parlamentit, në relacionin e të cilit theksohet se, kjo nismë vjen si rezultat i nevojës së zgjidhjeve të disa problematikave të hasura në praktikë.

Projektligji i propozuar ka zgjeruar mënyrat e fitimit të shtetësisë, duke parashikuar edhe fitimin e saj me origjinë.

Gjithashtu, risi është edhe forcimi i kritereve për dhënien e shtetësisë me natyralizim për të huajt, kur Republika e Shqipërisë ka një interes ekonomik të paraqitur në formën e një investimi, duke pasur qëllim filtrimin dhe verifikimin e burimeve financiare.

Ndryshimet e reja ligjore pritet të shoqërohen me ndikime sociale në dy aspekte:

“Regjistrimi i personave, të cilët kanë fituar shtetësinë shqiptare me dekret presidencial, por që nuk janë regjistruar në zyrat e Gjendjes Civile përkatëse, si dhe regjistrimi i personave që kanë mbushur moshën 18 vjeç, të lindur jashtë territorit shqiptar qoftë edhe me njërin prind më shtetësi shqiptare, do të sjellë rritje të numrit të popullsisë shqiptare. Por, nga ana tjetër, edhe fitimi i shtetësisë shqiptare për të huajt që kryejnë një investim në sektorë strategjikë me interes publik, sipas legjislacionit përkatës në fuqi shoqërohet me efekte ekonomike pozitive”, thuhet në relacionin e projektligjit.

/Top Channel/ & /Shtypnews.al/