Prindërit në Shqipëri, trafikojnë djemtë e tyre adoleshentë në Mbretërinë e Bashkuar për t’u bashkuar me bandat e krimit të organizuar që kontrollojnë pjesë të mëdha të tregut të kokainës në Britani, shkruan gazeta “Telegraph”.
Sipas gazetës, numri i të rinjve shqiptarë
që po trafikohen në mënyrë të paligjshme në Britani të Madhe me premtimin për të fituar mijëra paund nga shitja e drogës nga bandat është në rritje.
Procesverbali i gjykatave tregon se shqiptarët adoleshentë që hynë kryesisht në Mbretërinë e Bashkuar të fshehur në kamionë janë ndjekur penalisht në qytete në të gjithë vendin, nga Selkirk deri në Bath, Dewsbury deri në Shrewsbury, nga Londra në Glasgow, pasi u kapën me drogë me vlerë sa 200,000 £.
Sipas Agjencisë Kombëtare të Krimit (NCA), Shqipëria është burimi i vetëm më i madh i huaj i trafikimit të njerëzve në Mbretërinë e Bashkuar me 947 raste në 2018, një rritje më shumë se 50 për qind që nga 2015.
“Shumica e djemve dhe të rinjve shqiptarë trafikohen me shoqërimin e prindërve të tyre dhe premtimin për shpërblim financiar nga trafikantët”, tha Steve Harvey, specialist ndërkombëtar i zbatimit të ligjit, i cili ka paraqitur provat e tij në një hetim të Zyrës së Brendshme në lidhje me problemin.
“Trafikantët dhe shfrytëzuesit u premtojnë atyre para, shumë para, dhe ata u premtojnë atyre një punë ose kur djemtë janë të mitur, ata u premtojnë atyre akomodim, ose rroba”, tha një burim anonim Nga Home Office.
“Në disa raste anëtarët e familjes ishin drejtpërdrejt përgjegjës për rekrutimin dhe shfrytëzimin e viktimave të trafikimit të meshkujve”
Gangsterët – veçanërisht banda e djemve shqiptarë të rrugës në jug të Londrës si “Hellbanianz”-promovojnë stilin e jetës së tyre tek adoleshentët në vendlindje përmes mediave sociale.
Stephanie Schwandner-Sievers, një specialist shqiptar në Universitetin Bournemouth, tha se ata dërgojnë “dërgojnë mesazhe të suksesit tek të rinjtë në Shqipëri, duke ekspozuar me bollëk para, makina të shpejta, gra, varëse floriri dhe orë Rolex”.
Sidoqoftë, ajo vuri në dukje se kishte edhe fëmijë të dërguar nga familjet e tyre për të pasur një shans për një arsimim dhe të ardhme më të mirë.
“Trafikantët gjithmonë kanë rekrutë të gatshëm sepse prindërit kanë dëshirë që fëmijët e tyre të shkojnë jashtë vendit dhe t’i dërgojnë ata më të rinj,” tha një raport i Home Office gjatë një misioni për gjetjen e fakteve në Shqipëri.Panorama/
Problemet me të cilët shqiptarët pëballen çdo ditë tashmë janë të paraqitura edhe në raporte. Të gjithë jemi të vetëdijshëm mbi largimin e madh të të rinjve, cilësinë e dobët të arsimit dhe papunësinë me të cilën përballen ata, por kur e sheh ‘e zeza mbi të bardhë’ gjithçka bëhet edhe më shqetësuese.
Shqipëria vazhdon të mbetet ndër vendet e para në Europë për papunësinë e të rinjve, vrasjen e vajzave dhe varfërinë studentore, thuhet në raportin e 2-të Kombëtar “Rinia në Shqipëri 2019” hartuar nga CRCA/ECPAT, Rrjeti Kombëtar për të Rinjtë në Shqipëri me mbështetjen e Koalicionit për Arsimin në Shqipëri.
Raporti tregon që rreth 73 % e të rinjve shqiptarë e shohin problemin e punësimit si më shqetësuesin për ta. Arsimi është një tjetër problem pasi 35% e tyre nuk janë të kënaqur me arsimin dhe kërkojnë të shkojnë studime jashtë. Niveli ekonomik i familjeve është po ashtu shqetësim dhe kjo bën që 79 përqind e tyre të shprehin dëshirën për të ikur nga vendi. Organizatat që hartuan raportin kanë për pushtetin qendror dhe atë lokal disa rekomandime për ndryshimin e situatës.
Raporti kërkon të informojë në mënyrë të posaçme politikë-bërësit, institucionet shtetërore dhe vetë të rinjtë mbi situatën e rinisë në Shqipëri, problemet e identifikuara si dhe të rekomandojë zgjidhje për institucionet përkatëse.
Rezultatet e raportit:
Sipas Anketës Kombëtare “Rinia në Shqipëri 2019”, 73% e të rinjve të intervistuar e kanë adresuar papunësinë si problemin e tyre më shqetësues.
“Ikja e trurit të të rinjve” e rendit Shqipërinë në vendin e parë në Europë për dëshirën e të rinjve për të ikur dhe studiuar jashtë vendit. 35% e studentëve me një diplomë Bachelor dhe rreth 30% të studentëve në përgjithësi synojnë të studiojnë jashtë vendit, ndërsa niveli i gjendjes ekonomike të studentëve shqiptarë është sërish në përmasa alarmante, krahasuar me vendet e tjera. Largimi i të rinjve nga vendi kap shifra deri në 79% sipas Gallup, duke e vendosur Shqipërinë në krye të listës së vendeve nga ku largohen të rinjtë.
Shqipëria renditet ndër vendet e para në Europë për vrasjet e vajzave dhe grave, ku situata e dhunës me bazë gjinore është më alarmante. Të dhënat e organizatave të ndryshme kombëtare dhe ndërkombëtare tregojnë se 88.8% e grave dhe vajzave në Shqipëri janë të dhunuara nga të gjitha format e dhunës dhe 65% e tyre e kanë përjetuar dhunën në familje ose nga partneri. Nëse do t’i referohemi dy viteve të fundit numri i vajzave (grupmosha 15-29 vjeç) të vrara nga partnerët e tyre shkon në 7 vajza. Sidoqoftë, vlen për tu theksuar fakti pozitiv, se ka një rritje të ndjeshme të numrit të vajzave që janë ndërgjegjësuar dhe kanë marrë guximin të denoncojnë dhunën ndaj tyre pranë Policisë së Shtetit, dhe kjo shifër arrin në rreth 8000 raste që kanë marrë urdhër-mbrojtjeje në vit, duke u rritur me mbi 200 raste të reja, vajza që arrijnë të denoncojnë dhunën nga viti 2018 në vitin 2019.
Kushtet social-ekonomike në të cilat jetojnë të rinjtë në Shqipëri, kanë sjellë rritje të kriminalitetit rinor. Të dhënat e vitit 2018 tregojnë se 38% e dënimeve penale të formës së prerë janë dhënë ndaj të rinjve, situatë kjo që kërkon ndërhyrje të menjëhershme.
Varfëria dhe papunësia tek të rinjtë shërbejnë si një terren që gjeneron ndër të tjera edhe ekstremizmin e dhunshëm dhe radikalizimin. Raporti i Komisionit Europian i vitit 2018 thekson se nga 144 shtetas shqiptarë që shkuan në Siri dhe Irak për luftuar në konfliktet e armatosura. 73 vetë (përfshirë 18 luftëtarë dhe 55 anëtarë të familjeve), mes tyre fëmijë, të rinj e të reja që gjenden ende në zonat e luftës. Ndërsa Raporti më i fundit i vitit 2019, sheh shqetësues rritjen në Shqipëri të radikalizmit fetar online.
Në nivel kombëtar, 62% e të rinjve nuk kanë besim te partitë politike shqiptare, ndërsa rreth 57% e tyre vlerësojnë me zero pikë punën e pushtetit vendor dhe sektorëve të rinisë. Rritja e mosbesimit ndaj politikës dhe konfliktualitetit që ushtroi ngërçi parlamentar e politik, krijuan terrenin e mos-ushtrimit të së drejtës së votës për të rinjtë. Në zgjedhjet e fundit vendore mbi 50% e të rinjve nuk kishin dëshirë të votonin.👍💌 @shtypnews_al🇦🇱
Sot priten reshje intensive në qarqet Shkodër, Lezhë, Durrës, Tiranë, Fier, Vlorë dhe Gjirokastër por mesatare në qarqet e tjera.
Intensiteti i reshjeve do të vijë duke u zvogëluar gjatë fundit të ditës së sotme.
Reshjet do të shoqërohen me shtrëngata.
Rreziku nga Përmbytjet
Nga llogaritjet hidrologjike të IGJEUM-it, rezulton se rreziku nga përmbytjet do të zvogëlohet ndjeshëm. Në pjesën e basenit Drin-Buna dhe Liqeni i Shkodrës ka patur reshje të dobëta dhe shumë më të ulëta se ato të parashikuara. Në të gjithë territorin, lumenjtë kryesorë do të kenë prurje të larta, por nuk ka rrezik nga përmbytjet ose dalje të lumenjve nga shtrati.
Një lajm i mirë vjen nga balerina e njohur shqiptare Klaudia Pepa.
Ka qenë vetë bukuroshja që ka zbuluar se do të bëhet pjesë e një programi të veçantë në Canale 5.
Përmes një foto të publikuar në Instagram, baleria tregon se muaji nëntor është muaji i zjarrit për të.
‘Muaji nëntor është muaji i zjarrit për mua, së shpejti do ju tregoj se në cilin program televiziv do më shihni’, ka shkruar Pepa.
Ajo që vihet re është Klaudia shfaqet më në formë se kurrë me një fustan në ngjyrë gold ndërsa qëndron para disa flakëve me një makiazh tepër modern. Per shtypnews.al /t, c/nga /sh, i/
Ndërsa Edi Rama ka lëshuar propagandën në sulm për të përfituar politikisht nga lirimi i Alvin Berishës, e vërteta e këtij operacioni është zbardhur nga mediat italiane.
Corriere della Sera shkruan se i gjithë operacioni që ka më shumë se 2 javë që ka nisur është planifikuar, organizuar dhe realizuar nga skuadra speciale e policisë italiane, Ros e Milanos.
‘Një operacion aspak i lehtë. Kjo në shumë aspekte. Për të tërhequr këtë fëmijë (Alvin Berishën) është krijuar një korridor special humanitar, në territorin kurd, atë sirian, më pas fëmija është dërguar në Liban dhe do të sillet në Itali, gjatë një periudhe me vështirësi të mëdha në të gjithë zonën.
Fëmijë në këtë kamp, (që mikëpret 70 mijë njerëz) janë diçka më shumë se 40 mijë. Dhe mes tyre ishte edhe Alvin, djali i një luftëtareje, i konsideruar edhe si ‘fëmija’ i ISIS. Edhe për këto arsye, ka pasur frikë deri në fund, se ndonjëri nga korridoret e krijuara për kalimin e tij, mund të mos shkonte siç ishte parashikuar. Operacioni është ideuar dhe zhvilluar në terren nga një skuadër speciale e Ros të Milanos. Alvin Berisha, pas pak ditësh do të dëgjohet në një seancë speciale të mbyllur, për të parë nëse do të ofrojë ndonjë informacion në lidhje me aktivitetin e terroristëgve në Siri dhe vdekjen e nënës së tij.
Edhe pse Alvini është qytetar shqiptar, gjithçka është planifikuar dhe zhvilluar nga autoritetet italiane për arsyen se, ai është rrëmbyer nga nëna e tij në terroritorin italian, duke përfshirë edhe faktin se ai është lindur dhe rritur po në Itali.
Për të gjitha fazat e këtij operacioni të fshehtë të tërheqjes së Alvin Berishës, mësohet se drejtuesit italian kanë mbajtur të informuar kryeministrin e tyre, Giusepre Konte dhe autoritetet shqiptare’, shkruan ndër të tjera gazeta e njohur italiane, Corriere Della Sera, bën të ditur SYRI.net.& -@shtypnews_alshtypnews.blogspot.com =