Parashikimi i motit për datën 4 Maj, ja çfarë pritet | Shtypnews.al |

Parashikimi i motit për datën 4 Maj, ja çfarë pritet

Shtypnews.al

Sot priten reshje, kryesisht pasdite. Ato do të jenë të dobëta në gjithë territorin, por lokalisht mesatare në qarqet Shkodër, Kukës, Berat, Korçë, Vlorë dhe Gjirokastër.

Ekziston mundësia që në zona të kufizuara, reshjet të jenë në formë shtrëngate me kohëzgjatje të shkurtër, më të mundshme në terrenet malore.

Era pritet të fryjë e lehtë deri mesatare, por në zonën bregdetare ajo pritet të forcohet, ku për momente do të fryjë deri e fortë.

Temperaturat minimale dhe maksimale

Në bregdet: 12 / 18 °C

Në vendet e ulëta: 11 / 19 °C

Në vendet malore: 5 / 16 °C ==> Shtypnews.al

Shqipëria, mes vendeve europiane të mbipopulluara | Shtypnews.al |

Shqipëria është një ndër vendet me dendësinë më të madhe në popullsisë së saj në Europë. Me të dhënat e vena në dispozicion nga Index Mundi, Shqipëria rezulton me një dendësi 106 banorë/m2, duke hyrë në hartën e kuqe të dendësisë së lartë, kryesisht në zonën qendrore të saj.

Shtypnews.al 

Kur themi “densitet i lartë” në të gjithë Evropën, është e drejtë të thuhet se Anglia është një vend i dendur dhe tejet i populluar – por ajo ende qëndron prapa Spanjës dhe Holandës në listën e kombeve të mëdha evropiane, dhe nën të dhënat e Monakos, Andorrës dhe Maltës . Shifra e densitetit të jetuar për Holandën është 546 njerëz për km², krahasuar me 531 për Anglinë, 204 për Uellsin, 200 për Skocinë dhe 160 për Irlandën e Veriut.

Vendet me densitetin më të lartë në botë sakaq janë vendet aziatike, si India, Pakistani, Kina dhe Japonia. Dendësi të lartë të popullsisë kanë gjithashtu edhe vendet e Europës Perëndimore. Densiteti i popullsisë së Belgjikës 366 banorë, kurse ai i Holandës 405 banorë për km2. Ndërkohë, edhe vende si Anglia, Gjermania, Zvicra dhe Italia, e kanë dendësinë e popullsisë mbi 200 banorë.

Vendi që kryeson me densitetin më të ulët është Groenlanda, me 0.1 njerëz për km2. Ky shtet-ishull ka rreth 56 mijë banorë, por sipërfaqe 448.3 milje në katror. Edhe Mongolia renditet në vendet me densitet të ulët, sipas të dhënave të Telegraph, 1.9 banorë për km2.

Islanda ka një popullsi prej 330 mijë banorë, pjesa më madhe e përqendruar në Reikjavik. Densiteti i popullsisë në Islandë është 3.3 banorë për km2, shkruan “monitor”.

Në një studim të mëparshëm, të përpiluar nga PopulationPyramid.net parashikohet se ndonëse Shqipëria aktualisht ka dendësi mesatare të popullimit, pas 25 vitesh projeksionet mbi popullsinë tregojnë se do të ketë një ulje të numrit të banorëve në 2.6 milionë apo me rreth 300 mijë banorë, ndërsa dendësia e popullsisë do të jetë 93 banorë/kilometër katror.

Harta është përpiluar nga MapChart me të dhënat e përditësuara të plota të 2018 nga Index Mundi. /express & ==> Shtypnews.al 

Ky djalë u refuzua nga vajza e një babai të pasur: 10 vjet më vonë, ai e takon atë përsëri…

Shtypnews.al

Çfarë cilësish kërkoni te një partner? Kur isha më e re, preferoja djem të pashëm dhe gazmorë. Por, ndërkohë që koha kalonte, burrat e mençur, më të kuptueshëm dhe ata përgjegjës u bënë më tërheqës për mua.

E zhvillova këtë preferencë, sepse doja një burrë të dashur për mua dhe fëmijët e mi të ardhshëm.

Megjithatë, disa gra i japin përparësi diçkaje tjetër kur kërkojnë një partner ideal .

Ata kërkojnë burra që mund t’u japin atyre çdo gjë dhe gjithçka që duan.

Për shkak të kësaj, ato duan të dinë llogarinë bankare të një burri para se të njohin personalitetin dhe karakterin e tyre.

Për një vajzë të tillë flet edhe historia që supershendeti.com sjell për ju.

Fundi i tregimit është absolutisht i papritur, por do t’ju japë një mësim të vlefshëm për jetën

RREFIMI
Një djalë i varfër ra në dashuri me një vajzë të pasur.

I mbushur plot me emocione dhe me dashuri për vajzën, djali i propozoi asaj.

Por, vajza e pasur nuk e pranoi atë dhe tha:

– Paga jote mujore është e barabartë me shpenzimet e mia të përditshme. Si prisni që unë të martohem me dikë si ju? Unë kurrë nuk mund të të dua, kështu që më harro. Shko dhe gjej një vajzë të nivelit tënd dhe martohu me të.

Pavarësisht se u refuzua kaq keq pa asnjë arsye, djali nuk mundi ta harrojë atë aq lehtë.

Rreth 10 vjet më vonë, ata rastësisht u kryqëzuan me njëri-tjetrin në një qendër tregtare.

Ajo e njohu atë menjëherë dhe i tha:

– Përshëndetje, si jeni? Unë jam martuar me një njeri shumë të zgjuar, dhe paga e tij është 15,700 $ në muaj! A mund ta arrish ti këtë?

Ky njeri, duke dëgjuar ato fjalë të dhimbshme nga gruaja të cilën e kishte dashur dhe ishte kujdesur, mezi mbajti lotët e tij dhe nuk tha asgjë.

Pas pak çastesh burri i gruas u afrua pranë saj.

Por, para se zonja të mund të thoshte një fjalë, burri i saj menjëherë e njohu njeriun me të cilin ajo po fliste dhe i tha:

– Zotëri? Mirdita! Shoh që e paskeni takuar gruan time!

– Mirdita, zoti …?

– Zoti Carter, Zotëri!

Burri pastaj iu kthye gruas së tij dhe i tha:

– E dashur, dua që ti të takosh shefin tim. Ai zotëron projektin prej 100 milionë dollarë për të cilin jam duke punuar!

Gruaja, mbeti e habitur nga këto fjalë dhe nuk ishte në gjendje të thoshte diçka.

Ai buzëqeshi dhe tha:

– Epo, zoti Carter. Duhet të shkoj. Unë kam gjëra të rëndësishme për të bërë. Ishte e mrekullueshme të të shihja. Uroj të kaloni sa më mirë sot!

Për një minutë, çifti mbeti i hutuar duke parë atë ndërsa po largohej.

Ashtu e shokuar, gruaja e pyeti burrin e saj me mosbesim:

– Ky ishte shefi yt?

– Po, e dashur. Ai është një person shumë i përulur, por jeta e tij është një histori mjaft e trishtuar.

Thuhet se dikur ai donte një zonjushë, por ajo e refuzoi atë sepse ai ishte një djalë i varfër në atë kohë.

Për shkak të kësaj, ai ka punuar vërtet shumë. Dhe për shkak se ai është i zgjuar, ai u bë i suksesshëm.

Tani ai është një multimilioner që fiton miliona dollarë në muaj.

Por për fat të keq, zemra e tij u lëndua aq shumë sa ai nuk vazhdoi përpara dhe ka mbetur i pamartuar akoma.

Burri vazhdoi dhe tha:

– Sa me fat do të ishte ajo zonjushë nëse do të ishte martuar me atë?

Zonja kaloi në tronditje totale dhe nuk mundi as të belbëzonte.

Moralet e tregimit:
Jeta është e shkurtër.

Për më tepër, ajo është tamam si një pasqyrë: mund të shihni vetëm aq sa reflekton.

Pra, mos jini shumë arrogantë ose krenarë dhe t’i shikoni me përçmim të tjerët për shkak të situatave të tyre të tanishme.

Gjërat dhe rrethanat mund të ndryshojnë me kalimin e kohës. ==> Shtypnews.al /

Parashikimi i motit për datën 3 Maj, ja çfarë pritet…

Parashikimi i motit për datën 3 Maj 2019:

Sot priten reshje të dobëta në të gjitha qarqet.

Ekziston mundësia që në zona të kufizuara, reshjet të jenë në formë shtrëngate me kohëzgjatje të shkurtër, më të mundshme në terrenet malore në Veri dhe Qendër gjatë pasdites së sotme.Shtypnews.al

Era pritet të fryjë e lehtë deri mesatare.

Temperaturat minimale dhe maksimale

Në bregdet: 9 / 18 °C

Në vendet e ulëta: 8 / 19 °C

Në vendet malore: 1 / 15 °C==>Shtypnews.al

Aeroplanmbajtësja amerikane kryen stërvitje në Adriatik

Ministrja e Mbrojtjes, Olta Xhaçka ka parë nga afër aeroplanmbajtësen amerikane “Abraham Lincoln”, e cila vijon stërvitjen prej 10 ditësh në ujërat e detit Adriatik.

Ministrja Xhaçka teksa shprehu përshtypjet e saj për vizitën në aeroplanmbajtësen e SHBA-së, shtoi se marrëdhëniet e Shqipërisë dhe Shteteve të Bashkuara të Amerikës janë të shkëlqyera. Ministrja Olta Xhaçka ishte e shoqëruar edhe nga kreu i shtetit, Ilir Meta.

“Aeroplanmbajtësja amerikane “Abraham Lincoln” prej ditësh po stërvitet në ujërat e detit Adriatik. Një prej 10 aeroplanmbajtësve të SHBA është njëherësh vendkomanda e Grupit të Nëntë Goditës të Forcave Detare amerikane 👏. Vizita në të, ishte jo vetëm një eksperiencë e bukur, por mbi të gjitha, konfirmim i marrëdhënieve të shkëlqyera që vendi ynë ka me aleatin e tij strategjik, Shtetet e Bashkuara të Amerikës ️ në drejtim të mbrojtjes dhe sigurisë.

Faleminderit Ambasadës Amerikanë në Tiranë U.S. Embassy-Tirana për ftesën dhe komandantit të aeroplanmbajtëses, kapiten Brouëne USS Abraham Lincoln MËR për mikpritjen, në stërvitjen më të veçantë pranë brigjeve shqiptare⚓️”- shkruan ajo.

Por çfarë roli ka kjo aeroplanmbajtëse:

USS Abraham Lincoln (CVN-72)  është një nga 10 aeroplanmbajtëset e SHBA aktualisht në shërbim të Forcave Detare të SHBA.  Ajo është e klasit Nimitz me një tonazh rreth 100.000 ton.  Ky klas aeroplanmbajtëse sot është anija ushtarake me e madhe dhe më e fuqishme në bote, si dhe tregues i fuqisë ushtarake të SHBA.

USS Abraham Lincoln (CVN-72) është vendkomanda e Grupit të Nëntë Goditës të Forcave Detare të SHBA.

Së bashku me kryqëzorët me rraketa të drejtuara  dhe nëndetëset, si pjesë përbërëse e grupit, kjo fuqi detare e pakontestueshme i jep mundësinë SHBA të krijojë superioritet detar të mjaftueshëm për të projektuar fuqinë ushtarake të SHBA dhe për të menaxhuar krizat të mbarë globin.

Grupi i Nëntë Goditës të Forcave Detare të SHBA, së bashku me  Aeroplanmbajtësen USS Abraham Lincoln (CVN-72) gjendet prej disa ditësh në Adriatikun Jugor, pranë brigjeve shqiptare, për të zhvilluar një stërvitje të planifikuar përpara ridisllokimit të saj në një rajontjetër operacional.

Bashkimi Europian dhe dëshira e kahershme për integrim!

Nga Xhoi Jakaj/

Shqiptarët vazhdojnë ëndërrojnë pranimin në Bashkimin Europian,me një padurim të madh mes një dashurie për të qënë Evropian dhe për tu ndier të tillë dhe mes një amullie politike dhe pasigurie individuale për shkak të asaj që ne e kemi dashur herët këtë gjë.
Por politika e ka larguar aq shumë këtë moment sa është bërë “molle e ndaluar” për të gjithë ne po ti shtojmë dhe hollandën që ka propozuar edhe nderprejen e levizjes së lirë në një vend me liri të nivelit lartë të BE, përpos këtij fakti a jemi ne gati ,a sillemi në vetvete si evropian, a kemi politikanë të denjë që njëherë të mendojnë në unanimitet të plotë pro vendit tyre e jo individualisht për të ardhmen e tyre politike, pse nuk dalin dot pertej interesave te vogla partiake?
Politikanët tanë të cilët janë përgjegjës për mos integrimin e vendit i shohim të sillen me një lloj njëanshmëria për të pasur punën e tyre në terezi,dhe nuk posedojnë elementet e lidërve evropian. më së shumti janë individualiste dhe të paaftë për të bashkëpunuar me njëri- tjetrin që shqipërinë ta integrojnë në europë të mos ndjehemi përjetësisht inferior…

Po çfarë është në vetvete një vend kandidat dhe një vend që është pjesë në BE?!
Negociatat e pranimit me një vend kandidat nisen vetëm kur qeveritë e BE, të mbledhura në Këshillin e Evropës, kanë rënë dakord njëzëri mbi pranimin.
Negociatat zhvillohen në konferenca ndërqeveritare midis qeverive të vendeve të BE dhe atij të vendit kandidat. Ato i ndihmojnë vendet kandidate për t’u përgatitur për anëtarësim në BE
Kundër nesh gati hapur janë Franca dhe Hollanda e disa shtete të tjera , herë pas here vendosin kushte, këtë e ka bërë edhe fqinji ynë Greqia.

Mogherini do bëjnë një vizitë gjatë 10-ditëshit të parë të këtij muaji për të dhënë një lloj shprese per zgjidhjen e krizës shqiptare dhe politiken e acaruar në vend që zbutja e saj mund të sjellë në vjeshtë hapjen e Negociatave
Në këtë vizitë zyrtare në Shqipëri, Përfaqësuesi i Lartë i BE Federica Mogherini besoj do kërkoi një “përgjegjësi kolektive” nga udhëheqësit dhe institucionet . Komisioni Europian kishte rekomanduar hapjen e negociatave të pranimit në BE me Shqipërinë.Por dhe këtë here fajin e ka politika shqiptare e papjekuar dhe e pamaturuar akoma

Çfarë fiton Shqiperia nga hapja e negociatave?
1. Në planin politik është një arritje e madhe për vendin, pasi rritet besueshmëria jonë kundrejt partnerëve ndërkombëtar si dhe fakti që autoritetet shqiptare do të ftohen në takime të rëndësishme të BE-së me status vëzhguesi. Do të jetë një mënyrë e mirë për të vendosur kontakte por edhe për të parë nga afer modelin Europian të politikëbërjes.

2. Modernizim i mëtejshëm i shtetit.
3. Do të ndihmohet Shqipëria, të vendosë standardet më të larta në fusha si mjedisi, shëndetësia, siguria ushqimore apo punësimi.
4. Më shumë investime të huaja për të nxitur ekonominë dhe për të krijuar vende pune më të shumta dhe më të mira.
5. Rritet aksesi i Shqipërisë në programet europiane ku jo vetëm institucionet shtetërore por dhe organizma privatë mund të përfitojnë. Do të ketë rritje progresive të alokimeve të ndihmës IPA.
BE aktualisht përbëhet nga 28 vende. Pas 6 vendeve të para – Belgjikës, Francës, Gjermanisë, Italisë, Luksemburgut dhe Holandës – 22 vende të tjera janë bashkuar me BE-në:
1973: Danimarka, Irlanda dhe Mbretëria e Bashkuar;
1981: Greqi;
1986: Spanja dhe Portugalia;
1995: Austria, Finlanda dhe Suedia;
2004: Qipro, Republika Çeke, Estonia, Hungaria, Letonia, Lituania, Malta, Polonia, Sllovakia dhe Sllovenia;
2007: Bullgaria dhe Rumania;
2013: Kroacia.
Shqipëria, ish Republika Jugosllave e Maqedonisë, Mali i Zi, Serbia dhe Turqia kanë statusin e vendeve kandidate.
Bisedimet e pranimit me Islandën filluan në korrik të vitit 2010 dhe u vunë në pushtet nga qeveria islandeze në maj 2013. Në mars të vitit 2015, Islanda tërhoqi kërkesën e saj për t’u bashkuar me BE.

Bosnjë-Hercegovina dhe Kosova (siç përcaktohen nga Rezoluta 1244 e Këshillit të Sigurimit të OKB-së) kanë statusin e vendeve kandidate potenciale por nga Samiti Berlinit edhe kosova duhet të gjejë një lloj paqe me Serbinë që të marrë statusin ama ka bërë një hap sepse do vijë shpejt liberalizimi i vizave edhe për Kosoven

NE do jemi pjesë e BE sepse ka qindra vjet që këtë gjë shqiptari e ka kërkuar me këmbëngulje.NE e duam BE.Por a na duan ne ata ,dhe a na presin në gjirin e tyre pas gjithë zalllamahive politke të pa degjuara askund në botë, kjo do shihet në shtator sepse në qershor na la shendenë dhe këtë të keqe të madhe ky popull e ka nga Politika Shqiptare …

Parashikimi i motit për datën 2 Maj, ja çfarë pritet…

Parashikimi i motit për datën 2 Maj 2019:

Sot priten reshje të dobëta në të gjitha qarqet.

Ekziston mundësia që në zona të kufizuara, reshjet të jenë në formë shtrëngate me kohëzgjatje të shkurtër, më të mundshme në terrenet malore në Veri dhe Qendër gjatë pasdites së sotme.

Era pritet të fryjë e lehtë deri mesatare.

Shtypnews.al

Temperaturat minimale dhe maksimale

Në bregdet: 9 / 18 °C

Në vendet e ulëta: 8 / 19 °C

Në vendet malore: 1 / 15 °C ==> Shtypnews.al