Deputeti i ri betohet me foton e veçantë: Babai i Kombit tim, beteja jonë …

Deputeti i ri i Parlamentit të Shqipërisë Artur Roshi, me anë të një postimi në Facebook ka deklaruar se do të punoj me përkushtim dhe të lartësoj emrin e forcës së cilës përfaqëson në sallën e seancave plenare.

Me anë të një foto ku z.Roshi shfaqet mbi eshtrat e Mid’hat Frashërit, shkruan:

..Beteja jonë vazhdon… Tani e tutje ndëron vetëm mënyra por jo përmbajtja.

Nëpërmjet seancave parlamentare do të rris komunikimin me publikun për të paraqitur para tij rrymën tonë politike të Filozofisë Konservatore Moderne Europiane të ideuar në vendin tonë nga Mid’hat Frashëri dhe të aplikuara sot në botë nga presidenti Trump,kryeminstria May,etj.

Njerëzit tanë jo vetëm që do të dëgjojnë idetë e Mid’hat Frashërit,por do të ndihen krenarë për to.
Mid’hati është me NE dhe jo vetëm moralisht, Mid’hati u kthye në shtëpinë e tij jo si një grusht kockash të plakura , por si simboli më i thellë dhe më gjithpërfshirës i shqiptarëve.

U kthye në shtepinë e tij shtëpi që e ndërtoi vetë, mbuluar me flamurin që vetë i dha jetë dhe mundësi valvitje në viset e shqiptarëve, erdhi i përcjellë nga nderimet e kombit më të madh dhe më demokratik të botës por edhe kombit më dashamirës ndaj Shqiperisë,kombit Amerikan,dashamirësi që e fituam po fal Mid’hatit.

Baba i Kombit tim, përulem para teje dhe ideve te tua që koha nuk i zbeu por i forcoi,
BETOHEM se do punoj çdo ditë të jetës sime për të ndihmuar në vënien në vend të historisë politike dhe të emrit të Ballit Kombëtar Demokrat.

Kam me vete në këtë mision shumë miq… dhe perëndia na ndihmoftë.

Parashikimi i motit për datën 25 Prill, ja çfarë pritet…

Parashikimi i motit për datën 25 Prill 2019:

Sot nuk priten reshje.

Në zona të kufizuara të qarqeve Dibër, Elbasan, Berat, Korçë dhe Gjirokastër priten reshje lokale të dobëta, më të mundshme në terrenet malore.

Era pritet të fryjë e lehtë deri mesatare

Temperaturat minimale dhe maksimale

Në bregdet: 14 / 25 °C

Në vendet e ulëta: 13 /29 °C

Në vendet malore: 9 / 22 °C

Kancer, diabet, autizëm.../ Po blemë vdekjen me duart tona, ja çfarë konsumojmë! Ska nevoje per Foto

Jo vetëm çmime të larta dhe të papërballueshme për shumicën e shqiptarëve, por edhe cilësi dhe abuzim kriminal.

Kjo mund të thuhet sa i përket situatës me fruta perimet në vend.

Nga njër anë janë fermerët e ndershëm që nuk gjejnë dot treg për produktet e tyre dhe detyrohen ti hedhin në rrugë, ndërsa nga ana tjetër fermerë matrapazë që kërkojnë të pasurohen në kurriz të shëndetit të shqiptarëve.

Dje, në një prej emisioneve investigative në vend, u denoncuan raste konkrete se si ndërhyhej me pesticide dhe hormone për të përshpejtuar rritjen e frutave dhe perimeve, ndërsa vetë fermerët pranonin se produktet e tyre nuk ia japin kurrë fëmijëve të tyre, sot Jeta Osh Qef ka publikuar disa foto të tjera.

Kanë qenë vetë qytetarët, që përmes tyre, tregojnë se çfarë po hamë realisht...

Ndërkohë, Autoriteti Kombëtar i Ushqimit, i ngarkuar ligjërisht për kontrollin dhe cilësinë e ushqimeve në vend, si gjithmonë bën një sy qorr e një vesh shurdh, shkruan Syri.net.

Pa harruar që këto janë vetëm një pjesë, pasi nuk duhen harruar dhe produktet që futen nga jashtë...

Por cilat janë dëmet shëndetësore që shkaktojnë pesticidet?

Shkencëtarët kanë zbuluar që pesticidet mund të shkaktojnë një varg të problemeve shëndetësore dhe të rrezikojnë jetën. Por më poshtë kemi zgjedhur të sjellim ato që deri sot janë provuar shkencërisht...

Diabeti

Me vite është studiuar lidhja në mes diabetit dhe pesticideve. Dëshmitë e fundit sugjerojnë që pesticidet krijojnë rezistencë të trupit ndaj insulinës. Shkencëtarët po ashtu kanë dëshmuar qe njerëzit e trashë që kanë nivel më të lartë të komponimeve të organoklorizuara në trup kanë rrezik më të lartë për të krijuar diabet të tipit 2. Përveç pesticideve, të dëmshme janë dëshmuar edhe freskuesit kimik të ajrit prandaj shmangni tërësisht.

Kanceri

Më shumës e 260 hulumtime kanë vërtetuar që pesticidet mund të shkaktojnë lloje të ndryshme të kancerit, duke përfshirë limfomat, leukeminë, kancerin e trurit, gjirit, prostatës, zorrës së trashë, mëlçisë dhe mushkërive. Shmangni enët plastike, ndërsa ushqimet që kanë më së shumti pesticide (mollët, pjeshkat, sallatën e gjelbër, rrushin) blini në tregjet e produkteve organike.

Autizmi

Hulumtuesit më të mëdhenj botërorë të autizmit besojnë që autizmi krijohet me kombinimin e gjenit tek ndotësit në të cilët kanë qenë të ekspozuar prindërit para dhe gjatë ngjizjes së fëmijës. Shumë pesticide i vrasin dëmtuesit ashtu që së pari ua shkatërrojnë veprimin neurologjik, ndërsa duket që të njëjtën gjë ia bëjnë edhe fëmijëve të palindur.

Trashja

Disa pesticide pengojnë baraspeshën hormonale në trup. Mund të pengojnë veprimin e hormoneve dhe lirimin tyre. Shkencëtarët kanë zbuluar më shumë se 50 pesticide që ndikojnë negativisht në ekuilibrin hormonal në trup, ndërsa disa prej tyre shkaktojnë çrregullime metabolike dhe trashje.

Steriliteti

Mjekët dhe shkencëtarët pohojnë që pesticidet mund të shkaktojnë sterilitet te meshkujt dhe femrat, por edhe abort. Hulumtimet kanë treguar që meshkujve u bie niveli i testosteronit kur konsumojnë ushqim, veçanërisht molla që janë të rritura organikisht. Shmangni pemët dhe perimet që kanë nivel më të lartë të pesticideve (mollët, pjeshkët, sallatën e gjelbër, rrushin, dredhëzat, kumbullat). Këto ushqime blini në tregjet e produkteve organike.

Të metat e lindura

Fëmijët të cilët janë ngjizur gjatë pranverës dhe verës kanë rrezik më të lartë nga çrregullimet e lindura. Gjatë kohës së pranverës dhe verës ekspozimi ndaj ushqimit të pasur me pesticide është i larti. Spina bifida dhe sindroma e Down janë disa nga të metat e lindura që shfaqen më së shpeshti te fëmijët e ngjizur në kohën e pranverës dhe verës. Në këtë kohë sasi e madhe e pesticideve gjendet edhe në ujë. Pini ujë të filtruar dhe hani ushqim të rritur organikisht nëse planifikoni ngjizjen, dhe në veçanti nëse jeni shtatzënë. 

Një njeri kur arriti moshën e pleqërisë i mblodhi djemtë e tij dhe u tha:

Një njeri kur arriti moshën e pleqërisë i mblodhi djemtë e tij dhe u tha:

-Tri porosit e plakut..
- O djemtë e mi! Unë arrita pleqërinë dhe nga gjithë këto vite kam nxjerrë shumë mësime, prandaj o djemtë e mi, para se të vdes, dëshiroj t’ju këshilloj.

- Djemtë e mi! Kjo botë është kalimtare dhe njeriu është vetëm mysafir ne te. Ju këshilloj, kur te jeni në mesin e njerëzve mbani gjithmonë tri gjëra me vete: Një metër, një gurë kandari dhe një gjilpërë.

Djemtë u çuditën me këshillën e babait dhe filluan ta pyesnin.

- Përse ta mbajmë metrin? Pyeti djali i madh.

- Që me te ta matni vendin ku do të rrini në mesin e të tjerëve, tha plaku.

- Po përse gurin e kandarit? Pyeti djali tjetër.

- Ta peshoni me te fjalën para se ta flitni, tha plaku.

- Po gjilpërën? Pyeti djali i vogël.

- Që me te ta thumboni vetën, para se ta thumboni tjetrin, tha plaku dhe nuk foli më.

Frrok Bardhi: Një pjesë jo e vogël e sistemit Shëndesor në vend drejtohet nga partiak,militant,të paaftë dhe që nuk kanë asnjë lidhje me shëndetin e qytetarve Shqiptar.

Një pjesë jo e vogël e sistemit Shëndesor në vend drejtohet nga partiak,militant,të paaftë dhe që nuk kanë asnjë lidhje me shëndetin e qytetarve Shqiptar.
Janë prishur ballancat pacient dhe familjarë me bluzat e bardha.
Dicka ka ndodhur!!
Disa nga drejtuesit e shendëtsis mbajne afer servilet,injorantët dhe mbajtësit e uturakeve të tyre,ndërkohë që pjesa tjeter integrale e Bluzave te bardha kan zgjedhur,heshtjen dhe ikjen drejt vendeve perendimore,pasi nuk janë të vlersuar,përkundrazi janë nën thundrën e disa injorantve dhe të rrethit të ngusht të drejtuesve.
Zhballancimi,zhvlersimi dhe fasadat sjellin një deformim të sherbimeve dhe sistemit Shëndetsor në vend.
Gazetar atdhetar të vendit tim.Investigoni,në sistemin shëndetror,pasi ai është vetëm një fasadë.
Qytetar nga cdo cep i Shqipërise denonconi cdo padrejtesi që vini re,dhe sistemi Shëndetsor të marrë frymë lirisht.
Bluza të Bardha denonconi mospasjen e medikamenteve të aparaturave mjeksore,mos mbroni eprorët partiak dhe militant,të familjarizuar me disa bishta injorantësh që padrejtësisht kanë deformuar sistemin Shëndetsor në Shqipëri. 

Frrok Bardhi

Shtypnews.al 

Një pjesë jo e vogël e sistemit Shëndesor në vend drejtohet nga partiak,militant,të paaftë dhe që nuk kanë asnjë lidhje me shëndetin e qytetarve Shqiptar. 

“Çmenduri”, në Shqipëri skuqet shalqiri për 10 orë.Çfarë thotë fermeri në Lushnje për procedurën

Gjatë bisedës me një punonjës sere në Lushnje, “Fiks Fare” zbuloi se bima e shalqirit mund të vilej brenda 10 orëve me anë të ndërthurjeve të disa hormoneve bashkë.

Fillimisht, punonjësi tregoi se hormonet vinin nga Greqia dhe ato i sillte një tregtar grek, i cili komunikonte vetëm më agronomin e serës ose pronarin.

 Çdo gjë mbahej në fshehtësi të plotë dhe punonjësit vetëm bënin përzierjet e rekomanduara nga agronomi. Madje punonjësi, i pyetur nga gazetari i “Fiksit” se çfarë hormonesh ishin, ai nuk di ta thotë emrin.

Ajo që i kishte bërë përshtypje ishte se, pas çdo thesi me hormone që përdorej, agronomi i mblidhte ambalazhet dhe i digjte, duke mos lënë asnjë gjurmë. Ai tregon se brenda ditës kanë bërë përzierjen e tri lloj hormoneve, duke e hedhur në depozitën e ujit, e cila më pas furnizon bimët e shalqirit dhe ditën tjetër në orën 06:00 të mëngjesit, shalqiri ishte bërë për t’u vjelur.

Në ujin vaditës ishin përzier hormon për rritje, hormon për pjekje dhe një hormon për zbukurim. Gjatë natës, në ujë ishte shtuar edhe hormoni për mosprishjen e kokrrës gjatë transportit. Tregu ishte i siguruar dhe eksportohej drejt Rumanisë.

Punonjësi tregon se brenda 10 orëve nga pjekja e shalqirit, për një ditë u bënë 23 tonë shalqi. Kur gazetari e pyet nëse edhe shijen e kishte si një frutë normal i shalqirit, që piqet në kushte normale pa hormone, punonjësi i serës shprehet se vetëm shije që nuk ka.

“Është diçka e rritur me stimulues, piqen nga jashtë, brenda janë…”, shprehet ai. Ajo çka të bën përshtypje në bisedën e tij është përdorimi pa kriter i hormoneve, “sa edhe bima vetë po ta këpusësh nxjerrë lëng të kuq si gjak”, pohon punonjësi i fermës në Lushnje.

Blerim Latifi: Mbulimi i fytyrës mund të jetë gjithçka, veç traditë shqiptare s’është

Filozofi kosovar dhe këshilltari i kreut të Kuvendit, Blerim Latifi, thotë se mbulimi i fytyrës në asnjë mënyrë nuk mund të jetë traditë e shqiptarëve.

Kjo pasi sipas tij, koncepti themelor i moralit tek shqiptarët ndërlidhet me konceptin e fytyrës, si në aspektin pozitiv po ashtu edhe në atë negativ.

“Secili popull i ka traditat e tij morale, konceptet themelore përmes të cilave e bën dallimin midis së mirës deh të keqes. Tek shqiptarët koncepti themelor i moralit është KONCEPTI I FTYRËS. Trajtat foljore të këtij koncepti janë : “me pasë ftyrë”, “me mbajtë ftyrën çelë”, “me qenë faqebardhë”, “me kqyrë tjetrin në sy”’, ka shkruar ai në profilin e tij në ‘facebook’.

Prandaj sipas tij mbulimi i plotë i ftyrës, mund të jetë gjithçka tjetër, veç traditë e shqiptarëve jo.

“Prandaj, mbulimi i ftyrës, zezimi i ftyrës, mund të jetë gjithçka, veç traditë shqiptare jo. Antishqiptare, 100 përqind! “, ka përfunduar ai.

Ky reagim i Latifit vjen në kohën kur nga Siria janë kthyer një numër i madh i grave kosovare të cilat kanë qenë atje bashkë me burrat e tyre, disa prej të cilëve edhe kanë luftuar krah organizatës terroriste të ISIS-it.

Mbulimi i plotë i trupit, bashkë me fytyrën dhe sytë është traditë e Lindjes së Mesme, dhe në gjuhë arabe njihet si ‘Burka’.

Burka është një veshje e gjatë dhe e lirshme që mbulon tërë trupin nga koka në këmbë, e veshur në publik nga shumë gra muslimane.