Huatë me probleme rriten, sistemit i shtohen 22 milionë euro kredi të këqija - |Shtypnews.al|

Kreditë që nuk kthehen në afat në banka kanë shënuar rritje për të dytin muaj radhazi, pas rënies së fortë të fundit të vitit të kaluar. Sipas statistikave të Bankës së Shqipërisë, treguesi i huave me probleme u rrit në 11.41% në shkurt, nga 11.34 që ishte në janar dhe 11.08% që u ul në dhjetor, në nivelin më të ulët që nga 2011-a.

Në vlerë absolute, në shkurt huatë e pakthyera në afat ishin gati 62 miliardë lekë, nga 59 miliardë lekë në dhjetor 2018, duke u rritur me 2.7 miliardë lekë, apo gati 22 milionë euro.

Tradicionalisht, në fund të vitit niveli i kredive me probleme ulet për shkak se bankat fshijnë nga bilancet huatë që kanë më shumë se tre vjet që nuk kthehen, ndërsa tendenca nuk u arrit që të ruhej të fillimin e 2019-s.

Banka e Shqipërisë ka pohuar në raportin vjetor 2018, se rreziku i kredisë vijon të përfaqësojë rrezikun kryesor të aktivitetit të sektorit bankar dhe financiar në tërësi, por ky rrezik ka ardhur duke u zbutur gjatë vitit 2018, si pasojë e masave të marra nga bankat për të fshirë dhe ristrukturuar kreditë me probleme dhe si rezultat i forcimit të monitorimit të rrezikut për kreditimin e bizneseve gjatë viteve të fundit. Mbulimi i kredive me probleme me fonde rezervë dhe kapital dhe i tepricës së kredisë me kolateral ka vijuar të jetë në nivele të përshtatshme.

Në fund të vitit 2018 raporti i kredive me probleme (RKP) shënonte 11.1% nga 13.2% një vit më parë, ndërkohë që teprica e kredive me probleme u zvogëlua me 20%. Përmirësimi më i madh në cilësinë e kredisë është regjistruar në kredinë në lekë, kredinë për bizneset, kredinë afatgjatë dhe kredinë për sektorin e tregtisë. Kredia për bizneset dhe kredia në valutë vijojnë të kenë cilësi më të dobët në krahasim me përkatësisht kredinë për individët dhe kredinë në monedhën vendase. Sektori i bujqësisë ka RKP më të ulët, ndërsa ai i industrisë RKP më të lartë.

Pesha e kredisë së pambrojtur në valutë ndaj kredisë në valutë dhe totalit të kredisë ka mbetur pothuajse e pandryshuar, por cilësia e kësaj kredie është përmirësuar ndjeshëm gjatë vitit 2018. Ky përmirësim ka ardhur për shkak të fshirjeve dhe ristrukturimeve, ndërkohë që forcimi i monedhës vendase mund të ketë dhënë ndikim pozitiv në aftësinë paguese të huamarrësve në valutë me të ardhura në lekë./Monitor/&/Shtypnews.al /

Protesta e Opozitës, të rinjtë e FRPD përplasen me policinë | Shtypnews.al |



/Shtypnews.al /- Duke e bazuar në vendimin e Kolegjit të Kryetarëve dhe Kryesisë së PD, edhe sot Opozita e Bashkuar zhvillon protesta në kohën kur po zhvillohet seanca plenare e Parlamentit të Shqipërisë.

Proetsta udhëhiqet nga të rinjtë e FRPD, të cilët që në fillimin e protestës, që ishte menduar në mënyrë simbolike të filloj para Ministrisë së Brendshme hasi në arrogancën e policisë së Ish-Gjeneral Sandër Lleshajt dhe përfundoi me përplasje.

Masat e policisë

Ndëonëse në mëngjes nuk kishte forca të maëdha policore, sapo morën informacionin për protesta që do të zhvillohen nën kryesimin e FRPD, numri i efektivëve të policisë ndonëse më i ulët se zakonisht, ai u përforcua rreth orës 10:00.

Qendra Toptan, me urdhër të policisë së Ish-Gjeneral Sandër Lleshajt është mbyllur, por meqë aksionerët janë pjesë e tepsisë së Edi Ramës, nuk japin kurrfarë informacioni për Marrëveshjen që kanë arritur për t’iu përulur këtij urdhëri absurd dhe mbylljen e qindëra bizneseve deri sa të zgjas protesta.

Shtypnews.al

Revista botërore me artikull të veçantë për vizitën e Rita Orës në Kosovë

Revista botërore me artikull të veçantë për vizitën e Rita Orës në Kosovë -Shtypnews.al

Shtypnews.al

 Ne foto Rita Ora

Rita vlerësohet për bamirësi Këngëtarja e njohur shqiptare me famë botërore, Rita Ora ka vizituar shtetin e Kosovës në kuadër të një misioni bamirësie në bashkëpunim me Fondin e Kombeve të Bashkuara për Fëmijë (UNICEF).

28-vjeçarja Kosovën e ka vizituar së bashku me nënën e saj, Vera Orën. Vizitës së saj në Kosovë, revista botërore DailyMail i ka kushtuar një artikull të veçantë. Ata, Ritës i janë drejtuar si artistja e cila ka fituar shumë çmimeve.

Në këtë artikull shkruhet se si Rita në moshën një vjeçare është larguar nga Kosova dhe tani është kthyer në Kosovën e saj për bamirësi. Sipas tyre, Rita me bamirësi merret që nga viti 2013, dhe tani ajo ka befasuar më shumë se 400 fëmijë në ngjarjen vjetore të UNICEF-it “Activate Talks” në Prishtinë/ 

Shtypnews.al

Një shpërthim me tritol ka tronditur qytetin e Vlorës në orët e para të mëngjesit.

Sipas policisë, ngjarja ka ndodhur rreth orës 03:35, në lagjen “Rilindja”, në afërsi të lokalit me pronar S.Z.:

Më datë 11.04.2019, rreth orës03:35, në lagjen “Rilindja”, në afërsi të lokalit me pronar S.Z., dyshohet se ka shpërthyer një sasi e vogël lëndë plasëse. Si pasojë e shpërthimit nuk ka dëme në njerëz por vetëm dëme materiale,” theksohet në njoftimin e policisë.

Po punohet intensivisht për identifikimin dhe kapjen e autorit/ëve si dhe për zbardhjen e plotë të ngjarjes.

Tronditet Vlora, shpërthim tritoli në mes të qytetit Shtypnews.al

Shtypnews.al

ICTS Albania, 2.5 milionë euro në vit për sigurinë e Rinasit | Shtypnews.al |

 Shtypnews.al

Grabitja e dytë e parave që transportonin bankat me avion jashtë vendit ka hapur debate për sigurinë e aeroportit të vetëm në vend, atij të Rinasit.

ICTS Albania, kompania që është e kontraktuar nga Tirana International Airport (TIA) për sigurinë, ka realizuar një qarkullim vjetor prej 309 milionë lekësh, rreth 2.5 milionë euro në vitin 2017, sipas të dhënave zyrtare të bilancit, një shumë kjo që është arkëtuar me qëllim që firma të garantojë sigurinë në aeroport, për të cilin ka të angazhuar 152 punonjës.

Në krahasim me një vit më parë, të ardhurat janë rritur me pothuajse 20%. Fitimi para taksave ishte rreth 37.5 milionë lekë, me një normë fitimi prej 12%.

Ndërsa në raport me vitin 2014, të ardhurat e kompanitë janë rritur me 30%.

Sipas përshkrimit në bilanc, ICTS Albania ushtron aktivitetin e sigurisë në aeroportin ndërkombëtar “Nënë Tereza” në Rinas dhe ofron shërbime konsulence sigurie.

ICTS Albania është krijuar në vitin 2005 dhe është 100% në pronësi të ICTS Europe dhe ka si objektiv ofrimin e shërbimeve të sigurimit të aviacionit, detar etj.

Ndonëse i ka rritur të ardhurat vit pas viti, për të dytën herë, kompania përgjegjëse për sigurinë në Rinas ka dështuar të ndalojë vjedhjen brenda ambienteve të aeroportit. Në 30 qershor 2016 u grabit një makinë e blinduar që transportonte paratë drejt avionit, ndërsa dy ditë më parë, grabitësit arritën të futeshin deri në barkun e avionit.

Shtypnews.al

Shtypnews.al

Ndërkohë shoqëria që menaxhon me koncesion aeroportin e Rinasit, Tirana International Airport, në tetor të vitit 2016, sipas njoftimit zyrtar të saj u morr 100% në zotërim nga China Everbright Limited, një kompani ndërkombëtare investimesh dhe menaxhimi të aseteve e vendosur në Hong Kong.

Por, ndërkohë, zyrtarisht, sipas regjistrimit në Qendrën Kombëtare të Biznesit,  aksioneri i vetëm i Aeroportit Ndërkombëtar në vend, që prej 11 nëntorit 2016 është Real Fortress Private Limited. Kompania është e krijuar dhe rregullohet nga ligjet e Singaporit dhe sipas të dhënave në internet është krijuar në 22 qershor 2016 dhe e ka adresën në 2 SHENTON WAY #18-01 SGX CENTRE i SINGAPORE 068804, duke qenë një kompani offshore, e cilatashmë menaxhon koncesionin e aeroportit të vetëm ndërkombëtar në vend!/Monitor/ 

Shtypnews.al

Parashikimi i motit për datën 11 Prill, ja çfarë pritet…

Shtypnews.al

Parashikimi i motit për datën 11 Prill 2019:

Sot priten reshje të dobëta deri lokalisht mesatare, në të gjithë qarqet.

Vetëm në zona shumë të kufizuara të qarqeve, nuk përjashtohet mundësia që të ketë ndonjë reshje në formë shtrëngate me kohëzgjatje të shkurtër, më e mundshme në terrenet malore, kryesisht gjatë pasditeve.

Era pritet të fryjë e lehtë deri mesatare, në disa raste deri e fortë, kryesisht në bregdet dhe zonat malore të territorit

Temperaturat minimale dhe maksimale

Në bregdet: 10 / 18 °C

Në vendet e ulëta: 10 /17 °C

Në vendet malore: 3 / 13 °C

Grabitja në Aeroportin e Rinasit, ja pse bankat i transportojnë paratë jashtë…

Sistemi bankar funksionon duke mbledhur para nga kursimtarët, kundrejt një përqindje të caktuar interesi. Njëlloj si me tregtinë, këto para, banka duhet t’i investojë me interesa më të larta dhe diferenca i mundëson bankës të mbulojë shpenzimet e veta dhe të nxjerrë një fitim të caktuar.

Paratë e depozituesve, në euro ose valutë, bankat, një pjesë e mbajnë si rezervë të detyrueshme, një pjesë e investojnë kryesisht për të dhënë kredi. Duke qenë se bankat kanë qenë të kujdesshme me kredidhënien, huadhënia për ekonominë ka qenë e vakët vitet e fundit. Tepricën në lekë, bankat e investojnë duke blerë letra me vlerë të qeverisë shqiptare. Ndërsa tepricën në valutë bankat e vendosin në institucione financiare jashtë dhe për këtë arsye u duhet ta transferojnë, ndonëse së fundi bankat kanë preferuar ta mbajnë valutën edhe pranë Bankës së Shqipërisë .

Ky transferim kryhet fizikisht dhe kjo është një marrëdhënie që bankat e zgjidhin me shoqëritë private të sigurisë fizike.

Transporti bëhet me Cargo Ajrore, që është shërbim që e ofrojnë kompanitë ajrore e quhet “High Value Cargo Service”. Ky është një shërbim i shtrenjtë, si rrjedhojë transaksioni i këmbimit bëhet me vlera të mëdha që të jetë i leverdishëm dhe për këtë arsye, disa banka bëhen bashkë për të rritur vlerën.

Sipas të dhënave zyrtare të Bankës, në zërin “Marrëdhënie me bankat, institucionet e kreditit dhe institucionet e tjera financiare”, që janë vendosjet jashtë, bankat kishin 237 miliardë lekë, ose gati 1.8 miliardë euro në fund të 2018-s.

Ndryshe nga vitet e kaluar, bankat nuk kanë preferuar t’i vendosin paratë jashtë, pas kufizimeve të vendosura nga Banka e Shqipërisë. Zëri “Marrëdhënie me bankat, institucionet e kreditit dhe institucionet e tjera financiare” shënoi për herë të parë një rënie vjetore me 5%, pas rritjes së vazhdueshme që kishte shuar dekadën e fundit.

Bankat tregtare kanë rritur mbajtjen e likuiditeteve te Banka e Shqipërisë sidomos në valutë, edhe pse interesi i ofruar është negativ. Ekspertët e bankave shpjeguan se shkak për këtë rritje është bërë efekti i masave makroprudenciale që rrjedhin nga një rregullore e Bankës Qendrore që penalizonte bankat për mbajtjen e fondeve të tepërta jashtë vendit, pasi konsiderohen si 100% me risk.

Shqipëria është një vend me nivel të lartë euroizimi, ku 53% e depozitave në fund të 2018-s ishin në valutë./Monitor/