'Unë nuk jam shqiptar, më saktë nuk dua të jem’.

Unë nuk jam shqiptar, më saktë nuk dua të jem’

Elton Leka
Une nuk jam shqiptar, me sakte nuk dua te jem shqiptar!
Madje as vete Ismail Qemali nuk do te donte te ishte shqiptar, se si jemi katandisur ne sot!
Nje zhgenjim i madh, vuajtje, stermundime, llum, varferi, mediokritet, injorance, prapambetje, kafene, llafe, pertaci, dallavere, te shitur, te blere, te korruptueshem, morale te pamoralshem, njerez pa identitet vetjak dhe kombetar.
Shqiptar do te thote prapambetje, prapa +mbetje, mbetje te lena pas.
Keshtu kemi perfunduar.
E perse duhet me qene shqiptar?!
Sot te gjithe duan t’ia mbathin, per nje jete me te mire, te vjeter e te rinj, te pasur dhe varfer, “patriote” dhe pseudopatriote.

Une nuk jam shqiptar, nuk dua te jem shqiptar!
As sot, as neser, as mot!
Ne vendin tuaj, ne vendin tone, ne vendin tim nuk ka kush te me garantoje se e ardhmja do jete ndryshe, dhe krimi me i madh eshte qe shpresa ka vdekur!
Te gjithe duan te ikin!
Te gjithe!

Boll bete shqiponjen me duar, boll , e di sa patriote qe jemi , aq sa te zhdukemi te gjithe nga ky vend.
Boll genjyet, u shtiret, u hoqet!
Boll edhe ju qe jeni jashte qe e quani veten atdhedashes vetem sot me 28 nentor!
Boll se eshte groteske, e dhimbshme dhe qesharake!
Ç’keni bere ju per vendin tuaj?!
Nje m…!
Une nuk dua te jem shqiptar!
Dua te jem gjerman, amerikan,anglez.
Dua te kem dinjitet, mireqenie, ekonomi! Dua te jetoj dhe mbi te gjitha te shpresoj per nje te ardhme!

Ju m’i keni vrare shpresat!
Une nuk dua te jem shqiptar!
Une nuk jam shqiptar!
Une nuk dua te trajtohem si nje mbetje!
Dua te jem qytetar, krenar per vendin qe i ofron nje jete me te mire, te qete!
Sot, neser dhe ne ditet ne vijim une nuk jam shqiptar!
Pres diten qe t’ia mbath!
E urrej veten time, si thura shpresa ne kete vend! Si!
Ne djall vafshin te gjithe!
Une nuk jam shqiptar!
Nuk jam, dhe pike!

Aksion i jashtëzakonshëm policor, Basha niset me urgjencë drejt Astirit



Një natë e gjatë pritet të jetë për banorët e Astirit mbrëmja e sotme.

Kjo për shkak të njoftimeve se poli-cia do të tentojë të mësyjë mbi banorët që kundërshtojnë prishjen e banesave të tyre. Në këtë zonë janë grumbulluar forca të shumta poli-cie dhe FNSH-së. Drejt protestës është nisur edhe kreu i PD-së, Lulzim Basha.

Përmes një postimi në Facebook edhe ish-kryeministri Sali Berisha i bën thirrje poli-cisë të ndalë terr-orin mbi banorët, të cilët i quan “heronjtë e Unazës së Re”.

“Ndal terr-orit po-licor, raperzaljeve të na-rkopolicëve të Edvin Kristaq Urrejtjes dhe Vasalit të tij ndaj heronjve të Unazës së Re.Narko policia i ka rrethuar ata. Qënderstarët kanë bllokuar rrugën”, – shkruan Berisha. -->(Shtypnews.al)《

Pëllumbi Armando shitet për shifër rekord në ankand

Një pëllumb kampion është shitur për një shifër rekord prej 1.25 milionë eurosh. Shtëpia e ankandeve Pipa, e ka quajtur Armando, pëllumbin më të mirë belg të distancave të largëta, gjatë të gjithë kohërave, ndërsa të tjerë e quajnë atë edhe Lewis Hamiltonin e pëllumbave.

Para kësaj shitjeje, rekordi ishte 376 mijë euro. Pëllumbi kampion, që mbush pesë vjeç, tani po i gëzohet pensionit dhe është po ashtu baba i një numri fëmijësh.

“Ishte jo reale, dukej si diçka nga përtej kësaj bote”, tha Nikolas Gyselbreht, drejtues i Pipa-s, duke rrëfyer momentin kur erdhi oferta prej mbi 1 milionë eurosh.

“As në ëndrra nuk e kishim parë një çmim të tillë” – shton ai, duke saktësuar se ishte parashikuar një çmim prej rreth 400 apo 500 mijë eurosh. Dy blerës nga Kina u angazhuan në një betejë të vërtetë ofertash, që u rritën nga 532 mijë euro deri në 1.25 milionë, në vetëm një orë.

Dhe për të qartësuar gjithçka, sipas vetë ekspertëve, çmimi i zakonshëm për një pëllumb garash, është rreth 2500 euro. Por Armando nuk është një pëllumb i zakonshëm. Tani atë e pret një jetë e qetë, larg garave, por pronarët e rinj do të stërvitin trashëgimtarët e tij.

FOTO/ Ekzekutohet në mes të Tiranës, Jurgen Kurti, /Shtypnews.al/

Të shtëna armësh tronditën zonën e Tiranës së Re, në rrugën “Zef Jubani:”, mbrëmjen e së hënës. Viktima është Jurgen Kurti, 26 vjeç,  një emër i njohur për drejtësinë. Ai njihet në media, për shkak se u dyshua se qëlloi për vdekje babanë e tij, në tentativë për të mbrojtur nënën. Megjithatë, Kurti u lirua sepse daja i tij mori përsipër krimin. Më pas ai u përshi edhe në një vrasje në Durrës, por edhe këtu u lirua për të njëjtën arsye.

Mësohet se Kurti është ekzekutuar përballë shtëpisë së tij, në momentin që po kthehej nga palestra. Autorët kanë qenë në një makinë, tip “Benz E-Class” dhe kanë qëlluar me breshëri,  ndërkohë që makina ka qenë në lëvizje.

Policia e Shtetit ka reaguar lidhur me ngjarjen dhe bën me dije se grupi hetimor po punon për zbardhjen e rrethanave. Në vendngjarje ka vajtur edhe drejtori i policisë .
Policia ka vendosur pika kontrolli, për të ndaluar arratisjen e autorëve.

“Rreth orës 22:20, në rrugën “Zef Jubani”, në rrethana ende të paqarta është vrarë me armë zjarri shtetasi J. K., rreth 26 vjeç.

Grupi hetimor po punon për zbardhjen e rrethanave të ngjarjes, identifikimin dhe kapjen e autorit/ve.

Sherbimet e Policisë po krehin zonën si dhe janë ngritur pika kontrolli për kapjen e autorit/eve”, thuhet në njoftimin paraprak të policisë.

Kujtojmë se kjo është vrasje e dytë që ndodh në qendër të Tiranës, brenda 72 orëve. |Shtypnews.al |

Ambasada gjermane e para që nuk e kritikon opozitën: Respektojmë vendimin e djegies së mandateve

Ambasada gjermane me seli në Tiranë përmes një deklarate për mediat shprehet për gjendjen aktuale politike në vendin tonë. Ambasadorja Susanne Schütz thotë se reformat politike aktuale duhet të vazhdojnë më tej. Ambasadorja e Gjermanisë Schütz deklaron se mbështet reformën në drejtësi dhe procese të tjera me rëndësi për të ardhmen e Shqipërisë. Ajo po ashtu thotë se respekton vendimini e opozitës për lënien e mandateve, si dhe marrjen e tyre nga deputetët e rinj, megjithëse shton se vendi ku duhet zhvilluar debati politik është Parlamenti. Keqardhje Schütz shpreh edhe për mosmiratimin e reformës zgjedhore.

Deklaratë e ambasadores së Gjermanisë Schütz:

Shqipëria gjendet përpara vendimmarrjes të rëndësishme të Bashkimit Evropian lidhur me nisjen e bisedimeve të anëtarësimit. Ndaj tani nuk duhet humbur kohë, në mënyrë që reformat e nisura të vijojnë më tej dhe të arrihen rezultate të tjera konkrete në pesë prioritetet kyç. Përshëndes faktin që – edhe pse ngadalë – reforma në drejtësi po ecën përpara në mënyrë të pandërprerë. Ajo është një sukses; ndaj procesit të reformave nuk ka alternativë, ai është i pakthyeshëm dhe unik në rajon. E rëndësishme është që edhe Gjykata Kushtetuese dhe Gjykata e Lartë, si instrumenta të rëndësishëm korrektivë të shtetit ligjor, të mund të jenë së shpejti sërish funksionale. Në këtë kontekst përpara duhet të çohet edhe ngritja e strukturës së SPAK-ut. Ne presim hapa të tjerë përpara edhe në luftën kundër krimit të organizuar dhe korrupsionit. Të gjitha këto përpjekje janë të rëndësishme për të bindur shqiptaret dhe shqiptarët, por edhe investitorët e huaj, që drejtësia shqiptare garanton siguri ligjore.

Ne respektojmë vendimin e secilit deputet dhe të pasuesve të tyre në lista për dorëzimin, pranimin apo refuzimin e mandateve. Njëkohshëm theksoj, se në demokraci parlamenti është vendi kryesor për zhvillimin e debatit politik mes partive politike. Qeveria Federale do të vazhdojë të bashkëpunojë edhe në të ardhmen me qeverinë aktuale të legjitimuar në mënyrë demokratike si dhe mbajtësit e mandateve në Kuvend.

Shprehim keqardhjen e madhe, që megjithë bashkëpunimin fillimisht të mirë mes shumicës dhe opozitës, reforma zgjedhore deri më tani nuk është miratuar. Zbatimi i rekomandimeve të OSBE/ODIHR-it mbetet një komponent i rëndësishëm në ndërtimin e një sistemi zgjedhor solid në Shqipëri, i cili do mund të gëzojë besimin e qytetarëve.

“Luli më doli shok i keq, kurse Ramën…”, Majlinda Bregu befason me deklaratën

Ish-ministrja e Integrimit dhe ish-deputetja e PD Majlinda Bregu e ftuar në emisionin “Në Kurthin e Pitër Panit”, foli rreth marrëdhënieve me Edi Ramën dhe Lulzim Bashën.

Bregu u pyet nga fëmijët se cilin ka më shumë shok Bashën apo Ramën, Bregu fillimisht ka tentuar ti bej bisht pyetjes. Por pas këmbënguljes së fëmijëve, Bregu ka thënë se Lulzim Basha i ka dal shok i keq, kurse për Kryeministrin Rama ajo tha se nuk e ka patur asnjëherë shok.

“Luli me doli shok i keq, kurse Ramën nuk e kam pas asnjëherë shok”, tha Bregu duken qeshur.

Pyetjes a të ka marrë malli për Parlamentin? “Për këtë Parlamentin sot? Asnjë çik fare”, tha Bregu.

E RRALLË/ I RIU NGA TIRANA NA FTON NË SFIDË: NË LAGJEN TIME KA 8 THASË ME PAK PLEHRA



Një ndër nismat më të famshme të momentit në të gjithë botën, 'Trash Tag' sapo ka mbërritur edhe në vendin tonë.

Që prej fillimit të muajit mars, qindra dhe mijëra njerëz nga e gjithë bota kanë renduar me qese të zeza në rrugë, plazhe, pyje duke mbledhur mbeturinat, teksa ka qenë Robert Delija, një i ri që jeton në Tiranë ai që e ka hapur sfidën në Shqipëri.

21 vjeçari ka vendosur që pasditen e djeshme të mos e kalonte në lokalet e Tiranës, por së bashku me miqtë e tij, i janë drejtuar një zone të ndotur me plehra në Paskuqan dhe e kanë pastruar atë, duke mbledhur të gjitha mbeturinat e dorë. Pasi ka pastruar gjithçka vetëm me ndihmën e një palë dorezave dhe disa thasëve, ai e ka postuar foton në 'Facebook' duke nominuar dhe dy shokët e tij.

Kujtojmë që Roberti nuk është  i panjohur për publikun, sepse pak kohë më parë solli gjithashtu në Shqipëri nismën “Dhuro një xhup”, apo edhe Vlog-et e tij së bashku me miqtë e tij Frenkli Prengaj, Fatjon Zeqiri dhe Diogjen Kolici, nën emrin Djemtë e Aventurave, reklamuan zonat më të padëgjuara të Shqipërisë, ku mund të bëhej turizëm i bukur me pak para.

I riu nga Tirana shpreson që nisma e tij të bëjë bujë të madhe, duke menduar që qytetarët të sensibilizohen dhe të mbajnë pastër ambientet përreth tyre.

Por çfarë është kjo nismë dhe nga ku nisi?

 'Trash Tag' nisni në Arizona të SHBA-ve, ku një burrë hodhi një foto të një vendi para dhe pasi ai e kishte pastruar nga plehrat, teksa kishte nominuar të bënin të njëjtën gjë një ekologjist dhe një aktivist. Të dy të nominuarit e pranuan sfidën me kënaqësi, duke bërë pjesë të kësaj lëvizje kryesisht adoleshentët.