Ne po e postojm per tju informuar, Ndiqeni videon per me sakt

Ndiqe VIDEOn dhe Shperndaje 

Tek njeriu ajo transmetohet nëpërmjet mushkonjave. Veterineri Martin Toro tregon se vetëm brenda dy muajve, brenda klinikës së tij 10 qen janë prekur nga sëmundja: “Kohët e fundit kemi pasur një rritje të kësaj sëmundjeje, 1 në 4 raste kanë qenë të diagnostikuar me leshmania. Kryesisht janë qentë e rrugës, të pambrojtur, pasi nuk kanë masa parandalimi siç është rripi antiparazitar që mban larg mushkonjat”.

Janë mushkonjat ato që transmetojnë sëmundjen e leshmaniozës nga qeni tek njeriu, pavarësisht kësaj, sipas veterinerëve, ka një zgjidhje dhe ajo është vaksinimi në kohë i kafshëve të vogla.

“Në tregun shqiptar ekziston një vaksinë, pothuajse është e domosdoshme të futet në skemën e vaksinimit. Në ditët e sotme ka edhe mjekime që bëhen pasi kafsha jonë është prekur nga kjo sëmundje parazitare. Por kafshët bëhen mbartës gjatë gjithë jetës të këtij paraziti”, shpjegon Toro.

Ndërkohë, sipas mjekut infeksionist pranë pavionit të infektivit në vit paraqiten 30 pacientë të prekur nga leshmanioza, e nëse kurimi i kësaj sëmundjeje nuk bëhet në kohë, atëherë përfundimi është fatal.

Pëllumb Pipero shprehet: “Leshmanioza në rast se nuk mjekohet është sëmundje vdekjeprurëse, ka vdekshmërinë mbi 95% ndryshe nga shumë smëundje të tjera infektive të cilat ne i konsiderojmë të kufizuar apo vetëshëruese”.

Por, si dallohet leishmanioza?

“Përgjithësisht, sëmundja dominohet nga temperatura, rënia në peshë dhe anemia. Shpesh ka dhe rritje të nyjeve limfatike, zmadhim të mëlçisë dhe të shpretkës, për këtë arsye shumë herë kjo sëmundje ngatërrohet me sëmundjet e gjakut”, tregon Pipero.

Ata që preken më lehtë nga sëmundja e leshmaniozës janë fëmijët, edhe pse kjo quhet si sëmundje e së shkuarës duket se ajo vazhdon t’i përkasë të tashmës, pasi pranë infektivit të QSUT-së në çdo vit regjistrohen dhjetra pacientë.

Top Channel

Alarmi nga leishmanioza. Ka prekur qentë e rrugës, por përmes mushkonjave transmetohet te njerëzit

Nëse nuk të punëson partia, rrugëdalja është Gjermania

Rijad Mamuti para ca viteve ka diplomuar në fakultetin juridik pranë Universitetit të Tetovës. Gëzimi i tij ka qenë i madh, kurse pritjet edhe më të mëdha. Duke pritur të futet në një fazë të re jetësore, me përparësitë që sjell fakti se tani është jurist i diplomuar, Rijadi nuk ka mundur as të paramendojë se në fakt po fillon një golgotë e re për të.  Është përballur me realitetin e hidhur. Realitet ku kriteri kryesor në të shumtën e rasteve nuk është niveli i shkollimit të përfunduar, por përkatësia partiake dhe familjarizmi. Realitet ku përparësi kanë militantët e partisë dhe familjarët e funksionarëve, e jo kuadrot e mirëfillta. Ka konkurruar në 10 konkurse, por në të gjithë është refuzuar. Është i bindur se fakti që nuk është militant partiak ose nuk është familjar i ndonjë funksionari është pengesa e kryesore.

Një çikë shpresë qytetarët ka ngjallur Komisioni për antikorrupsion. Përbërja e re e këtij Komisioni ka paralajmëruar luftë të ashpër kundër nepotizmit. Kryetarja e komisionit, Biljana Ivanovska, premton se qasja e nuk do të jetë selektive, kurse në rastet ku do të vërehen parregullsi ose nepotizëm, do të anulohen procedurat e punësimit, kurse funksionarët do të japin përgjegjësi penale. Ivanovska thekson se numër gjithnjë e më i madh i qytetarëve, po i drejtohen komisionit, duke paraqitur raste të reja.

Siç patët rastin të vëreni edhe në seancën tonë, hapim raste nga qytetarët që janë dërguar te institucioni jonë. Dua të theksoj se ne nuk kemi qasje selektive. I shqyrtojmë të gjitha lëndët që i dorëzojnë qytetarët, veprojmë në bazë të tyre, kërkojmë dokumentacion plotësues nëse kemi nevojë. Ka edhe raste që nuk kanë elemente të mjaftueshme dhe të cilat jemi të detyruar t’i mbyllim sepse nuk jan nën kompetenca të punës sonë. Sidoqoftë, çdo lëndë që ka trokitur në derën tonë e përpunojmë në mënyrë të denjë, e shqyrtojmë dhe e procedojmë më tej.
Sipas ligjit, ne kemi të drejtë ta anulojmë procedurën e punësimit dhe të kërkojmë përsëritje të procedurës dhe të kërkojmë nga personat kompetentë të japin përgjegjësi adekuate, respektivisht përgjegjësi penale.
Këtyre ditëve kemi filluar ta pranojmë dokumentacionin nga organet prej ku kemi kërkuar. Në periudhën vijuese do ta shqyrtojmë atë dokumentacion dhe sapo të kemi rezultatet e para, do ta informojmë opinionin.
Gjithnjë e më i madh është numri i qytetarëve që na drejtohen neve. Dëshirojmë t’u ndihmojmë të gjithë qytetarëve që na drejtohen, t’i shqyrtojmë lëndët e tyre. Nuk vijnë vetëm lëndë në formë të shkruar, kemi raste që vijnë qytetarë dhe na drejtohen në mënyrë direkte për këshilla dhe për konsulta. Edhe pse nuk është kompetencë e jona, u ndihmojmë dhe i udhëzojmë atje ku duhet të drejtohen.
Deri sa familjarët e funksionarëve dhe militantët partiakë çdo ditë e më tepër mbushin institucionet, pak më vështirë e kanë të punësohen ata që nuk kanë përkrahje prej partive ose prej familjarëve në funksione. I tillë  është edhe rasti i Erblin Braimit nga Shkupi. Edhe pse i diplomuar me notë mesatare 10 në Fakultetin e sigurisë, ai nuk është pranuar në Ministrinë e punëve të brendshme. Pasi rasti ka bë bujë në opinion, Erblinit i ka ofruar vend pune zëvendës kryeministri për eurointegrime, Bujar Osmani.

Tashmë janë hapur edhe procedura për nepotizmin gjatë punësimeve në pozita shtetërore. Lista e zezë e Antikorrupsionit, tregoi se 29 punësime janë mbështetur nga partia maqedonase në pushtet, LSDM, 15 punësime nga partia maqedonase tash në opozitë, VMRO-DPMNE-ja, dhe 8 punësime nga partia shqiptare në pushtet, BDI.

Më së shumti punësime të të afërmve –katër në numër, ka realizuar deputeti i VMRO-DPMNE-së, Antonio Milloshoski (dajën, rejën, kushëririn dhe kushërirën) dhe ish kryetari i Komunës së Llozovës, Orce Cvetkovski (birin, nipin, mbesën dhe kushëririn).

Nga institucionet, më së shumti punësime familjare ka në ndërmarrjen publike “ELEM”, në Ministrinë e Punëve të Brendshme, në komuna, në shkolla, në Agjencinë për Komunikime Elektronike, në Gjykatën Themelore Shkupi 1, dhe në Drejtorinë për të Ardhura Publike, në Regjistrin Qendror, në “Ujësjellësi dhe Kanalizimi”, në Qeveri, në shtëpitë e shëndetit, në “MEPSO”, më “Telekom” dhe të tjera.

Shkrumbohet nga flakët makina e biznesmenit në Lezhë

Shkrumbohet nga flakët makina e biznesmenit në Lezhë 

Gjatë natës është shkrumbuar nga flakët makina e biznesmenit Arben Fusha në Lezhë. Makina ishte e parkuar pranë shtëpisë së biznesmenit kur është përfshirë nga flakët.

Biznesmeni Arben Fusha

9 Mars, 2019 9:51 Përditësuar: 11:37

Lezhë- Gjatë natës në qytetin e Lezhës është shkrumbuar nga flakët makina e një biznesmeni. 

Burime për Dosja.al bëjnë me dije se  makina tip fuoristradë që është shkrumbuar është në pronësi të biznesmenit Arben Fusha.

Makina ishte e parkuar pranë shtëpisë së biznesmenit kur është përfshirë nga flakët.

Flakët e zjarrit kanë rrezikuar dhe kampingun në pronësi të biznesmenit Fusha. Nuk dihen shkaqet e zjarrit, ndërsa policia ka nisur hetimet për të zbardhur ngjarjen.

(J.V.F.G/Dosja.al)

Ish-ambasadori holandez “godet” sërish Serbinë: Pa i pranuar krimet e luftës, nuk ka kompromis me Kosovën

Ish-ambasadori holandez “godet” sërish Serbinë: Pa i pranuar krimet e luftës, nuk ka kompromis me Kosovën

Ish-ambasadori i Mbretërisë së Holandës në Kosovë Robert Bosch, ka komentuar për draftin e marrëveshjen finale mes Kosovës dhe Serbisë, të publikuar ditë më parë në mediat vendore.

Ai ka thënë se marrëveshja e mundshme lë shumë për të dëshiruar.

Bosch ndër të tjera, ka theksuar se Serbia duhet të pranojë të gjitha krimet e kryera gjatë luftës në Kosovë.

Sipas tij, nëse Serbia nuk e bën këtë gjë, edhe Kosova ka të drejtë të mos merret fare me Serbinë.

Ndërkaq, Rezolutën 1244, ish-ambasadori holandez, e ka quajtur “gabim dhe të padrejtë” që nga fillimi.

“Serbia duhet ta kuptojë se pa i pranuar të gjitha krimet e tyre të viteve të nëntëdhjeta, është e logjikshme që Kosova të mos merret fare me Serbinë. 1244 ishte gabim që nga fillimi, e padrejtë dhe ka treguar mungesë të të kuptuarit të KS të OKB-së”, ka thënë ai.

Sipas Bosch, nuk ka arsye për kompromise të mëtejshme, pasi siç ka thënë ai, Beogradi refuzoi planin e Ahtisarit që u jepte serbëve të drejta të mëdha dhe tani dëshiron edhe më shumë akoma.

Ai ka pyetur se pse Kosova duhet të japë edhe më shumë në këmbim të marrëveshjes.

“Nuk ka arsye për ndonjë kompromis të mëtejshëm. Plani i Ahtisarit ishte larg kompromisit, pasi u jepte serbëve të drejta të mëdha, por Beogradi refuzoi dhe tani dëshiron akoma më shumë, pse duhet të japë edhe më shumë Kosova?”, ka deklaruar Robert Bosch.

Bazuar në dratf marrëveshjen e cila është bërë publike në rrjetet sociale në Kosovë, Mitrovica fiton statusin e një qyteti të lirë, ndërsa kompleksi i minierave të Trepçës, i cili vlerësohet të ketë rreth 500 miliardë euro të burimeve natyrore, fiton një status të veçantë.

Komuna e Preshevës, e cila është në jug të Serbisë, do të bashkohet tërësisht me Kosovën. Komuna e Bujanocit merr statusin e një rrethi të veçantë. Sipas draft marrëveshjes, ky qytet do të ketë një këshill prej 3 anëtarësh dhe një asamble prej 30 anëtarësh. Buxheti i këtij qyteti do të financohet nga Serbia, Kosova dhe BE-ja. Qyteti gjithashtu merr statusin e një zone tatimore të lirë.

Baza ushtarake “JUG” në Cepotine bëhet një bazë amerikane, megjithatë, ajo do të jetë e përzier. Kjo bazë do të ketë 1700 ushtarë. 50% e tyre do të jenë serbë dhe 50% do të jenë shqiptarë që do të kenë statusin këshillues civil. Ky korridor do të mbrohet nga NATO për një periudhë deri në 15 vjet, ndërsa të gjitha palët do të jenë në gjendje të lëvizin lirshëm në të, shkruan Ibna.

75% e rrjetit elektrik do t’i përkasë Kosovës dhe 25% do t’i përkasë Serbisë për shkak të ndërlidhjes. Sektori i energjisë do të administrohet nga SHBA, Austria dhe Gjermania.

Patriarkana e Pejës dhe kishat serbe në Kosovë do të marrin një status ekstra territorial në Kosovë.

Kjo marrëveshje pritet të garantohet nga Këshilli i Sigurimit i OKB, BE dhe NATO. Marrëveshja pritet të përfundojë deri më 15 maj 2019. Marrëveshja përfundimtare pritet të nënshkruhet nga 28 qershori deri më 13 korrik 2019. Deri në tetor 2019, parlamentet e të dy vendeve pritet të ratifikojnë marrëveshjen dhe të ndryshojnë kushtetutat e tyre. Zbatimi i plotë i kësaj marrëveshjeje fillon më 1 nëntor 2019

Gramsh, fëmijët me 10-a në shkollë: Na largojnë shokët se jemi të varfër

Dhoma ku fëmijët jetojnë, flenë e mësojnë është plot lagështirë, pavarësisht skamjes ata nuk e fshehin të vetmen krenari kur thonë se në shkollë marrin dhjeta.

Shtypnews.al

Në shkollë paragjykohem me të drejtë, pse ja veshur kështu më thonë, mos rri me ne, largohu. Ka njerëz që na paragjykojnë. Do doja ti ndryshoja të tëra, do doja të kisha një jetë më të bukur, do doja mos të ndjenim kështu mungesën e gjërave” -shprehet njëri nga fëmijët e familjes Kishta.

“Kur të rritëm dua të kem rroba, dua të kem këpucë, gjëra të reja, nuk kemi blerë kurrë gjëra të reja. Dua të na plotësohen ëndrrat” shprehet një tjetër fëmijë.

“Shpresoj të na realizohen endrrat, dëshiroj të bëhem kirurge, por nuk do kem mundësi ta vazhdoj shkollën e lartë, nuk dua të jetoj kështu, por ne jemi në fshat,vetëm tokën mund të punojmë këtu” thotë vajza.

Sonila, e ëma e fëmijëve përpiqet nga mëngjesi në darkë por nuk ia del dot. Varfëria dhe mjerimi janë ulur këmbëkryq në këtë shtëpi.

“Vajza me vdiq rrugës, vuante nga penumonia, me vdiq rrugës për në spital. Për Vitin e Ri, nuk kisha çfarë t’u shtroja në tavolinë fëmijëve. Vetëm një kulac dhe një bidon me qumësht kisha për ta në tavolinë. Djali i vogël më thoshte, na bë një byrek. Mblodha ca hithra jashtë për të bërë byrek.

Nuk kam bukë për fëmijët, i nis pa bukë në shkollë. Me 60 mijë lekë të vjetra, nuk arrij do ti ushqej. Fëmijët me flenë përtokë. I lutem Zotit të bëjë mrekulli tek fëmijët , këtë i kërkoj shqiptarëve që të më ndihmojnë vetëm fëmijët”- thotë Sonila, nëna e 4 fëmijëve.

Mesazh i fortë nga NATO: Nuk e kemi ndërmend të largohemi nga Kosova

Mesazh i fortë nga NATO: Nuk e kemi ndërmend të largohemi nga Kosova

Gjeneral-lejtnant Christian Juneau, zëvendëskomandant i Komandës së Forcave të Bashkuara në Napoli, Shtabi i NATO-s, fton të gjithë në Kosovë të përmbahen nga veprimet provokative, si fjalët, demonstratat e dhuna, ngase siç thotë ai, Kosova është në një udhëkryq.
Gjenerali kanadez tregon se nuk ekziston ndonjë plan për reduktimin e trupave të KFOR-it që janë në terren ngase kjo bazohet nga kushtet, por nëse është e domosdoshme, thotë se do e rrisin numrin e trupave, që aktualisht nuk ka nevojë.
Ai flet për shndërrimin e FSK-së në Ushtri, ku e përsërit se kjo nuk po ndodh në kohën dhe mënyrën që NATO, e dëshiron dhe se po e rivlerësojnë përkrahjen që i ofrojnë FSK-së.
Zëvendëskomandant i Komandës së Forcave të Bashkuara në Napoli, Shtabi i NATO-së, i cili është përgjegjës për operacionet në Ballkan, teksa flet për KosovaPress, thotë se vendosja e taksës për mallrat që hyjnë nga Serbia nuk ndikon asgjë në prezencën e tyre në Kosovë, por që për anëtarësimin në aleancën më të fuqishme ushtarake në botë, duhet normalizimi i marrëdhënieve me Serbinë.
Ndërkohë, tregon se FSK-ja nuk mund të zbarkojë në veri të Kosovës, përveç rasteve kur ka pëlqim nga komandanti i KFOR-it dhe se kjo leje nuk ka gjasa të mira që të hiqet.
Juneau thotë se siguria aktuale në Kosovë është stabile, por që kërkon nga të gjithë të përmbahen nga fjalët apo veprimet provokative.
“Situata aktuale është stabile, por në këtë pikë mendoj se është e rëndësishme që të përmbahemi nga fjalët apo veprimet provokative sepse kjo mund të çojë drejt incidenteve të cilat mund të përshkallëzojnë tensionet dhe të krijojnë një situatë në të cilën nuk dëshirojmë të kthehemi…”, thotë ai, për KosovaPress.
Gjenerali thotë se reduktimi i trupave të KFOR-it në Kosovë bazohet nga kushtet, e që për momentin nuk ekziston ndonjë plan për këtë.
Nëse reduktimi ndodh, duhet të diskutohet me Shtabin e Përgjithshëm të NATO-s, në Bruksel dhe atje merret vendimi.
Ndërsa thotë se numri i tyre mund të shtohet nëse është e domosdoshme.
Sipas tij, prania aktuale e KFOR-it është e mjaftueshme për t’iu përgjigjur çfarëdo situate që do të kërkonte ndërhyrje nga trupat dhe asetet e KFOR-it.
Flet edhe për Kampin Bondsteel.
“Kampi Bondsteel menaxhohet nga Shtetet e Bashkuara të Amerikës. Prandaj pyetjen që po e shtroni është pyetje që duhet t’i bëhet dikujt nga SHBA-ja që është në pozitën e duhur për t’ju dhënë përgjigje. Por, çfarë mund t’ju them është se të gjitha shtetet të cilat tani marrin pjesë në mision me KFOR-in janë të përkushtuara pranë këtij misioni… Nuk kam asnjë informacion nga SHBA-të. Edhe njëherë ju them se nuk më takon mua të bëj atë vlerësim, këtë çështje duhet ta diskutoni me një zyrtar nga SHBA-të”, deklaron gjenerali.
E për shndërrimin e FSK-së në Ushtri, e thotë atë që e ka thënë edhe sekretari i përgjithshëm i NATO-s, Jens Stoltenberg.
NATO po e rivlerëson përkrahjen që i ofron FSK-së.
“Gjëja e parë që dua të them është se shpallja e transformimit, siç e ka thënë edhe Sekretari i Përgjithshëm, është se nuk po ndodhë në mënyrën dhe kohën që ne dëshirojmë, por formimi i ushtrisë kërkon një plan i cili përafërsisht kërkon 10-vite për ngritjen e ushtrisë, që është një punë shumë komplekse. Si pasojë e shpalljes, NATO-ja tani po e rivlerëson përkrahjen që i ofron FSK-së, kur e them këtë dua të jem i qartë se KFOR-i do të vazhdojë që ta përmbushë mandatin në pajtueshmëri me rezolutën e këshillit të Kombeve të Bashkuara 1244 që është ofrimi i mjedisit të sigurt dhe lirinë e lëvizjes për të gjithë që jetojnë në Kosovë, pavarësisht komunitetit apo kombësisë… NATO nuk do të ndihmojë transformimin në plotë kuptimin e fjalës, por do ta mbështesë në pajtim me mandatin e vjetër që e kishte FSK-ja”, thotë gjeneral-lejtnant Christian Juneau.
Anëtarësimi i Kosovës në aleancën më të fuqishme ushtarake në botë NATO, thotë se merr kohë dhe që paraprakisht Kosova duhet të punojë në normalizimin e marrëdhënieve me Beogradin.
“Kjo është një pyetje që është e pamundur për t’ju dhënë përgjigje të saktë. E vetmja gjë që do të them është se do të marrë kohë. E kuptojmë se ekziston dëshira nga Kosova për të hyrë në Aleancë, por Kosova duhet të punojë në normalizimin e marrëdhënieve me Beogradin para se të ecim përpara”.
I pyetur se a ndikon vendosja e taksës në qëndrimin e NATO-s, ai thotë se “Nuk do të ndikojë në prezencën tonë. Ne e përmbushim mandatin në bazë të rezolutës së Këshillit të OKB-së 1244”.
Viti 2019 është zgjedhur si vit i NATO-s në Kosovë, e gjenerali thotë se nuk ka asnjë arsye që të përkeqësohen raportet Kosovë-NATO, por në veri, FSK-ja nuk mund të zbarkojë.
Ai tha se në bazë të rezolutës së Këshillit të OKB-së 1244, Policia e Kosovës mund të operojë dhe të zbatojë ligjin në veri, por FSK-ja nuk mund të zbarkojë në veri përveç në rastet kur ka pëlqim nga Komandanti i KFOR-it.
“Ne qëndrojmë fuqishëm në mbajtjen e përkushtimit të cilin e kemi marrë që është rezoluta e Këshillit të Sigurimit dhe përmbajtja e saj që FSK të mos zbarkojë në Veri përveç nëse ka miratim të Komandantit të KFOR-it dhe këtë nuk po e shohim se do të ndryshojë”, deklaron ai.
Gjeneral-lejtnant Christian Juneau, teksa flet ekskluzivisht për KosovaPress në 20 vjetorin e ndërhyrjes së NATO-s në Kosovë, thotë se është shënuar progres dhe kjo kryesisht si rezultat i punës të KFOR-it, i cili ka ofruar nivel të stabilitetit dhe të sigurisë mjedis të sigurt, lirinë e lëvizjes për të gjithë popullin në Kosovë, pavarësisht kombësisë, komuniteteve apo përkatësie tjetër.
Në Kosovë ai pranon se situata është stabile dhe e sigurt, e që ka ndikim edhe në rajonin e Ballkanit Perëndimor që është një rëndësi strategjike për Bashkimin Evropian, por edhe NATO-n

Shpallën ushtritë më të forta të Ballkanit për vitin 2019

Shpallën ushtritë më të forta  të Ballkanit për vitin 2019

Global Firepower Index (Indeksi Fuqisë Luftarake) përpiloi edhe këtë vit listën e fuqive më të mëdha ushtarake të botës duke u bazuar në 50 faktorë të ndryshëm duke filluar nga pozita gjeografike deri tek fuqia punëtorë.

Në këtë renditje është shmangur fuqia bërthamore, pasi kjo e bën shumë të vështirë renditjen për një serë rrethanash.
Indeksi për këtë vit përfshiu 137 shtete.
Kjo është një përzgjedhje vetëm e vendeve të Ballkanit duke paraqitur një renditje të fuqisë ushtarake të këtyre vendeve duke iu referuar listës së Global Firepower Index.
Në këtë renditje të Global Firepower Index nuk është paraqitur Kosova.
Për më tepër, ju ftojmë të ndiqni renditjen në galerinë e mësipërme me të dhëna specifike.

7- Bosnja Popullsia: 3 867 055 Buxheti: 250 000 000 Fuqia punëtorë: 2 400 000 Forca aktive: 15 000 Rezervistë: 7 000

7-Bosnja Tanke: 149 Autoblinda: 100 Artileri e lëvizshme: 15 Sisteme raketore: 110
7-Bosnja Avionë, total: 20 Avionë gjuajtës: 0 Avionë transporti:11 Helikopterë: 20 Helikopterë luftarakë: 0

6-Maqedonia Personel aktiv: 8000 Rezerve: 5 000 Tanke: 31 Autoblinda: 251 Artileri e lëvizshme: 144 Sisteme raketore: 24

6-Maqedonia Avionë, total: 20 Avionë gjuajtës: 0 Avionë transporti:0 Helikopterë: 14 Helikopterë luftarakë: 4

5-Shqiperia Popullsia: 3 029 278 Buxheti: 110 000 000 USD Fuqia punëtorë: 1 515 000 Forca aktive: 14 550 Rezervistë: 5 000

5-Shqiperia Tanke: 0 Autoblinda: 700
5-Shqiperia Avionë, total: 22 Avionë gjuajtës:0 Avionë tranporti: 22 Helikopterë: 22 Helikopterë luftarak: 0

4- Serbia Buxheti: 830 000 000 USD Popullsia: 7 176 000 Fuqia punëtorë: 3 500 000 Forca aktive: 52 000 Rezervistë: 170 000

4-Serbia Tanke: 225 Autoblinda: 575 Artileri e lëvizshme: 72 Sisteme raketore: 82
4-Serbia Avionë, total: 123 Avionë gjuajtës: 24 Avionë transporti: 40 Avionë trajnimi: 37 Helikopterë: 37 Helikopterë luftarak: 0

3-Kroacia Buxheti: 958 000 000 USD Popullsia: 4 464 844 Fuqia punëtorë: 2 100 000 Forca active: 21 500 Forca rezerviste: 102 700

3-Kroacia Tanke: 72 Autoblinda: 574 Artileri e lëvizshme: 21 Sisteme raketore: 92
3-Kroacia Avionë, total: 68 Avionë gjuajtës: 12 Avionë transporti: 23 Avionë trajnimi: 18 Helikopterë: 31 Helikopterë luftarak: 0
3-Kroacia Anije, total:28 Anije patrullimi detar: 4 Anije anti-minë:1

2-Bullgaria Buxheti: 700 milionë USD Popullsia: 7 186 000 Fuqia punëtorë: 3 300 000 Forca aktive: 35 000 Rezervistë: 302 500

2-Bullgaria Tanke: 160 Autoblinda: 1 103 Artileri e lëvizshme: 150 Sisteme raketore: 100
2-Bullgaria Avionë, total: 68 Avionë gjuajtës: 50 Avionë transporti: 28 Avionë trajnimi: 12 Helikopterë, total 25 Helikopterë luftarak:
2-Bullgaria Anije, total: 29 Fregata: 4 Korveta: 3 Anije anti-mina detare: 10

1-Greqia Buxheti: 6.5 mld USD Popullsia: 10 775 643 Fuqia punëtorë: 5 000 000 Forca aktive: 180 000 Rezervistë: 280 000

1-Greqia Tanke: 1 556 Autoblinda: 4 209 Sisteme raketore: 152 Artileri e lëvizshme: 547
1-Greqia Total, avionë: 601 Avionë luftarakë/ interceptor:206 Avionë transporti: 215 Avionë trajnimi:143 Helikopterë, total: 224 Helikopterë luftarakë: 29
1-Greqia Forca detare Anije total: 115 Fregata: 13 Nëndetëse: 11 Anije patrulluese detare: 27 Anija anti-mina detare:4
/SHTYPNEWS.AL/