Hipotekimi i tokave të ndara me ligjin 7501, ja si do të zhbllokohen

Zbardhet projektvendimi i Këshillit të Ministrave që synon të zgjidhë problemet e procesit të njohjes së pronësisë mbi tokën. Si do të veprohet në rastet e problematikave me dokumentacionet. 

Në vijim të përpjekjeve për përfundimin e procesit të njohjes së pronësisë mbi tokën, dy ministri - e Drejtësisë dhe e Bujqësisë – kanë ndërmarrë nismën për të bërë ndryshime në një VKM, të miratuar në dhjetor të vitit 2015, i cili vendos rregullat për regjistrimin e marrjes së tokës bujqësore në pronësi, kur kjo pronësi është fituar me ligjin 7501. Duke qenë se në terren, për vite të tëra, shumë qytetarë po sorollaten me letrat e marrjes së tokës në pronësi, por Hipotekat nuk ua pranojnë, ministritë i propozojnë qeverisë që të lehtësojë dhe qartësojë procedurat, të cilat lidhen me procesin e regjistrimit të titujve të pronësisë mbi tokën bujqësore, në aktin e marrjes së tokës në pronësi (AMTP), të nxjerrë në zbatim të ligjit 7501, datë 19 korrik 1991, nga organet e pushtetit vendor, në bashkëpunim me Hipotekat.

Dokumenta me ndërhyrje

Drafti i ri konstaton se në shumë raste, mbi AMTP-të e dorëzuara nga qytetarët përfitues të tokës ka shënime me shkrim dore, ku është hequr një vizë fjalët e parapërgatitura në shkresë “në përdorim” dhe sipër tyre është shkruar “në pronësi”. Kjo ka krijuar mjaft probleme, duke qenë se Hipotekat e quajnë një gjë të tillë si korrigjim mbi një dokument shumë të rëndësishëm, mbi bazën e të cilit jepet e drejta e pronësisë mbi tokën dhe nuk e pranojnë si original këtë dokument. Sipas ministrive, një situatë e tillë është krijuar ngaqë komisionet e ndarjes së tokave gjatë punës së tyre jo rrallë janë hasur me fenomenin e mungesës së formularëve dhe korrigjimet bëheshin në mënyrë jo të rregullt. Fjala është për ngjarje që kanë ndodhur në vitet e para pas demokracisë, ku mungesa të tilla ishin të zakonshme. Kjo situatë shkaktonte atë që qytetarët, ndonëse ishin përfitues sipas ligjit 7501 të tokave të ish-kooperativave bujqësore, nuk mund të regjistronin pronat, ngaqë Hipotekat refuzonin t’i pranonin sit ë ligjshme këto dokumente. Me ndryshimin e propozuar tani, mendohet që të mos konsiderohen më si mangësi të AMTP-ve të lëshuara në territoret e ish-kooperativave ato raste kur është bërë një shënim i tillë sipër tyre. Në këtë mënyrë, duke qenë se kjo tani rregullohet me VKM, pra me vendim qeverie, Hipotekat do të detyrohen të pranojnë si të rregullta edhe dokumenta të këtij lloji dhe personi mund të regjistrojë tokën rregullisht.

Hipoteka do t’i kërkojë bashkisë që të verifikojë nëse janë shprehur apo jo me shkrim anëtarët e komisioneve, duke pranuar faktin se mungonin formularët ndaj veprimet i kanë bërë me shkrim dore, për të shmangur mundësinë e ndërhyrjeve më të vonshme në kohë.

Por drafti i propozuar mendon që të lihet në fuqi një ndalim i caktuar: sa më sipër mund të pranohet vetëm në rastin e dokumentave të lëshuara në territoret e ish-kooperativave, ku edhe njihet fakti që mangësitë në kancelari ishin të theksuara në vitet kur është kryer ndarja e tokës. Ndërkohë, nuk do të pranohen dokumenta të korrigjuara në këtë formë, pra që korrigjojnë faktin nëse toka është dhënë në përdorim apo në pronësi, kur komisionet kanë ndarë tokat e ish-ndërmarrjeve bujqësore, të cilat kryesisht ishin krijuar në qytete, ku dokumentacioni vështirë se mungonte. Pra, në këto raste, nuk do të pranohen për regjistrim në Hipoteka dokumente të marrjes së tokës në pronësi kur është korrigjuar me dorë “në përdorim” me “në pronësi, si dhe kur ka korigjime të tjera po me shkrim dore nga anëtarët e komisioneve të ndarjes së tokës tek numri i ngastrës, ose tek sasia e sipërfaqes së përfituar, ose tek emërtimi i kategorisë së ngastrës. 

Familjet bujqësore

Një situatë tjetër e konstatuar është ajo, kur në të njejtin titull pronësie janë përfshirë dikur dy certifikata familjare dhe nga ana e komisioneve të ndarjes së tokave ky bashkim është bërë duke i konsideruar këto dy certifikata si bashkim të një familjeje të vetme bujqësore. Raste të tilla, gjithashtu, janë konstatuar në shumë bashki në territorin e Republikës së Shqipërisë. Në rast se qeveria miraton ndryshimet e propozuara në këtë draft, atëhere një veprim i tillë nuk do të konsiderohet më i papranueshëm për efekt regjistrimit të titullit të pronësisë, duke hapur kështu rrugën për njohjen dhe regjistrimin e tyre nga Hipotekat. Por vendoset një kusht: përfituesit në këtë rast duhet të sjellin deklarata noteriale ku të thuhet me përgjegjësi ligjore se ata nuk janë trajtuar me asnjë AMTP tjetër. Në të kundërt, Akti do të quhet i pavlefshëm dhe nuk mund të regjistrohet titulli i pronësisë. Dhe, AMTP-të duhet të jenë të lëshuara para 15 gushtit 2008. Njëkohësisht, bashkitë duhet të bëjnë edhe një verifikim të numrit të pjesëtarëve të familjeve deri në datën 1 tetor 1992, si dhe të verifikojnë faktikisht tokën bujqësore që familja ka aktualisht në dispozicion. 

Djegia e arkivave

Një shqetësim tjetër, që ka penguar në raste të përsëritura procesin e regjistrimit të tokave bujqësore, të ndara sipas ligjit 7501, ka qenë edhe ai i krijuar si pasojë e djegies të dokumentave të regjistrimit në fshatra të ndryshme gjatë trazirave të vitit 1997. Sikurse dihet, shumë zyra të Hipotekave, Gjykatave, Gjendeve Civile, Arkivave, janë djegur me qëllim nga përfitues të rremë të pronësive, që kanë eliminuar në këtë mënyrë dokumenta origjinalë që ruheshin nga shteti, për t’i zëvendësuar me dokumenta të falsifikuara. Më pas, dokumentat e rreme fitonin “të drejtën e qytetarisë” në sajë të korrupsionit tek gjyqtarët. Raste të tilla kanë qenë të përhapura në zonat bujqësore si Fier apo Lushnje. Këto shqetësime janë ngritur vazhdimisht nga bashkitë, të cilat nuk i pajisin me AMTP qytetarët e interesuar, pasi rezulton nëpër regjistra që ata e kanë marrë një herë këtë shërbim dhe aim und të jepet vetëm një herë. Me ndryshimet e propozuara, bashkitë mund të lëshojnë dublikata të Aktit të Marrjes së Tokës në Pronësi.

Mungesa e firmave

Drafti propozon që, edhe në ato raste kur regjistrimi i titujve të pronësisë mbi tokën bujqësore është bllokuar për shkak se Hipoteka ka konstatuar mungesë në AMTP të firmës së kryetarit të komisionit të ndarjes së tokave në fshat konform ligjit 7501, kjo mund të kapërcehet. Kështu, do të kërkohet verifikimi i dokumentit pranë organit më të lartë të këtyre komisioneve. Madje, do të mjaftojë fakti që shumica e anëtarëve të komisionit kanë vendosur nënshkrimet e tyre, për ta bërë të ligjshëm këtë dokument dhe, si pasojë, të pranueshëm nga ana e Hipotekës.               

Media serbe në ‘qiell të shtatë’: Putin ka dërguar “luanët” të mbrojnë Serbinë, CIA në panik!

“Shefi i Kremlinit ka dërguar në Beograd specialistin e tij që të përcjell situatën e sigurisë. Kjo ngritje në nivel më të lartë vjen pas kërcënimeve nga Prishtina”.

Këto janë rreshtat e parë të një artikulli të gjatë që e përditshmja serbe “Kurir” ka botuar ditën e sotme. Sipas tyre presidenti i Rusisë Vladimir Putin ka dërguar në Serbi një njeri të besuar, pjesë e Gardës Kombëtare, e njohur si “Luanët e Putinit”.

“Kurir” thekson se ai ka kompetenca që operativët e vetë t’i konfrontoj me veprimet e shërbimeve amerikane, angleze dhe gjermane (CIA, MI6 dhe BND) kundër interesave të Serbisë dhe popullit serb, ndaj shërbimeve inteligjente të Perëndimit u është futur frika.

Sipas gazetës, njeriu i Putinit në secilin moment mund të tërheq dhjetëra operativ tjerë.

“Në radhët e CIA, MI6 dhe BND është një hutim i përgjithshëm, tentojnë pa sukses të zbulojnë identitetin e njeriut të Putinit. CIA me seli në Budapest në Evropë pas një pune operative erdhi deri tek të dhënat se për cilin person bëhet fjalë, që është pjesëtar i Gardës Kombëtare (që quhen “luajt e Putinit”)”, thotë një burim i “Kurir”.

Sipas këtij burimi “në kohën kur kryeministri i Kosovës Ramush Haradinaj zakonisht vringëllon me armë edhe kërcënime për ndërhyrje në veri, ku jetojnë me shumicë serbët, Putin ka vendosur të dërgoj njeriun e besueshëm të vërej situatën”.

Rama flet për 20.000 italianë që jetojnë në Shqipëri, media italiane zbulon statistikat e vërteta

Albanian Prime Minister Edi Rama speaks during an interview in Tirana on June 28, 2016. When Albanian Prime Minister Edi Rama wrote to the London Times about the risk of Brexit, his message was clear -- and echoed other Balkan nations desperate to join the European Union. / AFP / DIMITAR DILKOFF (Photo credit should read DIMITAR DILKOFF/AFP/Getty Images)

Media italiane për vite të tëra përsërit se 19.000 italianë jetojnë dhe punojnë në Shqipëri, shkruan OBC (Osservatorio Balcani e Caucaso Transeuropa).

Ndërsa sipas Ministrisë së Brendshme të Shqipërisë janë më pak se 2000 shtetas italianë.

Si shpjegohet një diferencë e tillë e shifrave?

Cili është burimi i tyre? Kush e ka verifikuar ndonjëherë?

Artikulli i parë lidhur me këtë fenomen daton në tetor të vitit 2014 nga “Corriere della Sera”.

Burimi për shifrën e italianëve që jetojnë në Shqipëri ka qenë Erion Veliaj, në kohën që ishte ministër i Mirqënies Sociale dhe Rinisë.

“Në vendin tonë jetojnë dhe punojnë 19.000 italianë”- u shpreh Erion Veliaj asokohe

Shifrat, duke llogaritur sipërmarrësit, përfaqësuesit diplomatik dhe studentët e regjistruar në kurse mjekësore në Universitetin Katolik “Zoja e Këshillit të Mirë”, tregojnë rreth 15-16 mijë persona me një kontratë pune.

Krahasimi i të dhënave për prezencën e italianëve në Shqipëri gjatë vitit 2017

Një Italian që të qëndrojë në Shqipëri për një periudhë më të gjatë se 3 muaj duhet të kërkojë leje qëndrimi për arsye pune, studimi ose bashkimi familjar.

Përveç diplomatëve, një italian që kërkon të punojë ose studiojë në Shqipëri duhet të dëshmojë se i përmbush kriteret e vendosura me ligj.

Që 19.000 italianë të jetojnë në Shqipëri, duhet që ata të kenë aplikuar dhe të kenë marrë leje qëndrimi.

Prej raportit të lëshuar nga Ministria e Punëve të Brendshme në bashkëpunim me Ministrinë e Mirqënies në vitin 2016, rezulton se ka patur 8692 leje qëndrimi të dhëna për shtetas të huaj, nga të cilat 1694 kanë qenë italianë. Në raportin e 1 janarit të vitit 2017 thuhet se ka patur rreth 12,519 shtetas të huaj, që i bie rreth 0.4% e të gjithë popullsisë. Midis tyre 1854 italianë, shumë më pak se ç’shkruhet në gazetat e vendit tonë.

Shifrat zyrtare të shtetasve të huaj me leje qëndrimi në Shqipëri për vitin 2017

Lajmi i rremë (Fake News)

Nëse nuk duam të vëmë në dyshim informacionin që Ministria e Brendshme shqiptare jep për numrin e qytetarëve italianë me leje qëndrimi në Shqipëri dhe as të besojmë se rreth 17.000 italianë jetojnë pa dokumenta dhe në mënyrë të paligjshme në shtetin fqinj, si alternativë mbetet vetëm një përfundim: Erion Veliaj ka deklaruar një shifër të ekzagjeruar, të cilën gazeta të rëndësishme italiane e kanë publikuar pa e verifikuar.

Qëllimet e Veliajt janë të kuptueshme. Në maj të vitit 2014 ai ishte në Romë për të takuar homologun e tij Poletti. Qëllimi i tij ishte arritja e një negociate për njohjen reciproke të pensioneve. Kjo për shkak se, nëse një shtetas shqiptar lë Italinë para se të ketë mbushur moshën në të cilën duhet të përfitojë pensionin, ai humbet automatikisht të gjithë kontributet që ka dhënë (deri sot një marrëveshje e tillë mes qeverive ende nuk është arritur).

Duke patur parasysh emigrimin e lartë të shqiptarëve, në mënyrë që të arrinte një negociatë të suksesshme dhe për të patur një argument bindës lidhur me përfitimin e ndërsjelltë, Veliaj rriti të dhënat e shtetasve italianë.

Rezistenca e kësaj gënjeshtre në kohë ka të bëjë me një qëllim më të thellë. Lidhet me propagandën e kryeministrit Edi Rama për të krijuar idenë e një Shqipërie të re, të lakmuar dhe dëshiruar, duke u përpjekur të përmisojë ndërkombëtarisht imazhin e Shqipërisë.

Burimi: Lapsi.al

Gruaja 112-vjeçare nga Memaliaj: Jeta është e bukur, por nuk jemi ne

|Shtypnews.al|

  

Kemi përshkuar kilometra të tëra nga Tirana deri në fshatin Rrapaj, afër Memaliajt, për të takuar një nga njerëzit më të vjetër jo vetëm në vendin tonë, por edhe në botë, nënë Mineko Rrapën.

Minekoja ka lindur në 1906. Ishte e vogël kur nisi Lufta e Parë Botërore. Ndërsa Lufta e Dytë Botërore e gjeti me 6 fëmijë. Dokumenti i identifikimit daton që nga Republika Popullore Socialiste e Shqipërisë.

“Kisha një palë syze, por i hodha se më bënë më keq. Kam punuar në kooperativë. Shkoj për votime. Jeta është e bukur, por nuk jemi ne. Babai më la kur isha 6 muajshe, nëna kur isha 5 vjeç. U rrita jetime. Pi një kafe në mëngjes dhe në darkë ha çfarë të ketë bërë nusja”, thotë 112-vjeçarja.

Merr një pension kooperative prej 56 mijë lekësh (të vjetra) që nuk i mjaftojnë për morinë e sëmundjeve që ka: “Nëna ka 18 nipër dhe mbesa dhe 18 stërnipër e stërmbesa”.

Në shtëpi ka njerëz të të gjitha gjeneratave. Më e vogla, Eleonora 2-vjeçare. Nazmia tregon historinë e njohjes së Minekos me të shoqin: “Ajo ishte në shtëpinë e motrës, kur vjen një mik. Në shtëpi ishte vetëm Minekoja. Ajo u ngrit t’i bënte kafe dhe e shpëlau dy-tre herë xhezvenë. Atij i bëri përshtypje sa pastërtore ishte dhe më vonë i kërkoi dorën vajzës për të nipin, Rizain, dhe kështu u martuan. Nëna të rrojë e të bëhet 150 vjeç, ajo këtu e ka vendin e saj”

Dhuratë nga Britania, ja mjetet me të cilat do të transportohen të burgosurit (Foto)

Janë prezantuar automjetet e reja me të cilat do të transportohen të burgosurit shqiptarë.

Shtypnews.al

Mjetet u prezantuan paraditen e kësaj të mërkure në prani të ministres së Drejtësisë, Etilda Gjonaj, ambasadorit britanik Duncan Norman dhe drejtorit të Përgjithshëm të Burgjeve, Agim Ismaili, ndërsa janë dhuratë nga Britania e Madhe.

Në fjalën e rastit ministrja Gjonaj tha se këto automjete të dhuruara nga Britania e Madhe, do të rrisin sigurinë për shoqërimin e personave të dënuar, nga një institucion në tjetrin, ose në gjykata duke lehtësuar dhe rritur sigurinë në sistemin e burgjeve.

Mjetet u prezantuan paraditen e kësaj të mërkure në prani të ministres së Drejtësisë, Etilda Gjonaj, ambasadorit britanik Duncan Norman dhe drejtorit të Përgjithshëm të Burgjeve, Agim Ismaili, ndërsa janë dhuratë nga Britania e Madhe.

Në fjalën e rastit ministrja Gjonaj tha se këto automjete të dhuruara nga Britania e Madhe, do të rrisin sigurinë për shoqërimin e personave të dënuar, nga një institucion në tjetrin, ose në gjykata duke lehtësuar dhe rritur sigurinë në sistemin e burgjeve.

“Mbështetja e Qeverisë Britanike, e konfirmuar dhe gjatë vizitës sime zyrtare në Londër do të vijojë dhe vitin e ardhshëm, ku do të investohen disa milionë paund në sistemin penitenciar. Falë investimeve të bëra nga buxheti i shtetit si dhe me mbështetje të Ambasadës Britanike, do të vendosen në funksion shumë shpejt pajisjet për bllokimin e valëve të telefonave, çka do të ndaloje një gangrenë të trashëguar lidhur me komunikimin në mënyrë të pakontrolluar me botën jashtë”, deklaroi ministrja.

Në vijim ajo kujtoi se në muajin prill pagat e punonjësve në burgje, do të rriten me 7%.

Sipas saj, mbështetja që po i jep qeveria punonjësve të burgjeve, do të ndikojë në rritjen e përgjegjësisë të stafit, duke rritur edhe performacën në punë.

Shtypnews.al

Deklaratat e Bashës, Rama në RAI: Ata duan Juventusin pa Ronaldon

| Shtypnews.al |

Kryeministri i Shqipërisë Edi Rama ishte i ftuar në emisionin “Porta a Porta” në Rai Uno, teksa ka folur për aktualitetin politik në Shqipëri.

Gjatë kohës që Rama ishte në studio, gazetari Bruno Vespa transmetoi një intervistë të Lulzim Bashës, i cili renditi dy problemet kryesore që ka Shqipëria sot.

“Shqipëria ka dy probleme të mëdha, problem me demokracinë dhe kriminalitetin. Vitin e kaluar Shqipëria ka patur me trafikun e drogës, dhe me milionet e drogës u blenë, votat, policia, media etj.  Dy muaj më parë mediat ndërkombëtare kanë  publikuar disa përgjime të prokurorisë për zyrtarë të lartë të PS-së, ku vërtëtohet se ka patur kontakte me bosët e drogës për të blerë votat, për të indimiduar opozitën në zgjedhjet e shkuara. Për 4 vjet qeveria ka patur ministër të Brendshëm, Saimir Tahirin, i cili tani është nën akuzë zyrtarisht pë trafik ndërkombëtar droge. Këto akuza u ngritën nga prokurorët antimafia e Katanias. Pasardhësi i e tij, Fatmir Xhafaj, drejtësia italiane ka dënuar vëllain e tij me 7 vjet burg si anëtar i një organizate ndërkombëtare drogre“-tha Basha.

Kryeministri i Shqipërisë e krahasoi situatën politike me skuadrën e Juventusit dhe veten e tij me Ronaldon.

“Ata u larguan nga parlamenti, dhe thanë që kryeministri duhet të largohet. Pra Juventusi duhet të largohet dhe të krijohet një skuadër e re pa Kristano Ronaldon. Pra ata u larguan nga Parlamenti, ndërkohë që deputetët po zevëndësohen me pasuesit në lista. Në qershor janë zgjedhjet, por ata kanë bërë të njëjtën gjë edhe në zgjedhjet e shkuara. Sipas sondazheve të mija janë me keq se opozita e juaj”, tha Rama.

Rama krahason veten me Cristianon: Shqipëria pa mua, si Juventusi pa CR7

Kryeministri Edi Rama ishte i ftuar mbrëmë në emisionin “Porta a Porta” në “Rai Uno”, ku ka folur për aktualitetin politik në Shqipëri.

Shtypnews.al

Kryeministri e krahasoi situatën politike me skuadrën e Juventusit dhe veten e tij me Ronaldon.

Shtypnews.al

“Ata u larguan nga Parlamenti dhe thanë që kryeministri duhet të largohet. Pra, Juventusi duhet të largohet dhe të krijohet një skuadër e re pa Cristano Ronaldon. Pra, ata u larguan nga Parlamenti, ndërkohë që deputetët po zëvendësohen me pasuesit në lista. Në qershor janë zgjedhjet, por ata kanë bërë të njëjtën gjë edhe në zgjedhjet e shkuara. Sipas sondazheve të mija janë me keq se opozita e juaj”, deklaroi Rama.

Shtypnews.al