Zaev-Ahmeti: Arritëm dakordësi për ta mbështetur një kandidat të përbashkët

Zaev-Ahmeti: Arritëm dakordësi për ta mbështetur një kandidat të përbashkët

Pas takimit mes kryeministrit Zoran Zaev dhe kryetarit të BDI-së Ali Ahmetit në lidhje me zgjedhjet presidenciale . Ahmeti në profilin e tij në Facebook ka njoftuar se është arritur marrëveshje mes tij dhe Zaevit për të mbështetur kandidatin e përbashkët për president. Ndryshe, LSDM-ja të premten do të shpall emrin e kandidatit për president.

“Sa po përfundova takimin me Zoranin, Kryetarin e LSDM-së, me të cilin arritëm dakordësi për ta mbështetur një kandidat të përbashkët për President të Republikës së Maqedonisë së Veriut. Shpreh bindjen që ky koncept do të gjej mbështetjen e shumicës dërmuese të qytetarëve tanë”, ka shkruar Ahmeti.  Pa Censurë 

Rama mbyll ditën me portretin familjar

Edi Rama ka postuar një foto ku shfaqet krah bashkëshortes dhe djalitë të tyre, Zaho.

/Shtypnews.al /

Edi Rama ka mbyllur ditën me një foto ku shfaqet krah bashkëshortes Linda Rama, dhe djalit të tyre, Zaho.

"Photo of the day", shkruan Rama krah fotos.

Shtypnews.al

Këngëtarja Elvana Gjata ka bërë një rikthim shumë të fuqishëm në tregun muzikor.

Këngëtarja Elvana Gjata ka bërë një rikthim shumë të fuqishëm në tregun muzikor.

Ditën e djeshme këngëtarja prezantoi projektin e saj më të ri, “Tavolina e mërzisë” ku përshkruan ndenjat për një dashuri të humbur, por që ka lënë goxha kujtime dhe dhimbje ende.
Kënga është punuar nga Armend Rexhepagiqi, Aida Bajraku dhe orkestrim të Darko Dimitrov.
Videoklipi përshkruhet nga plane pranë natyrës dhe një Elvanë e thjeshtë, disi e lodhur dhe duke kërkuar qetësinë.

Një moment që vlen sa ato të njëmijë fjalëve është kur në fund të videoklipit këngëtarja përlotet.

Dhe për tekstin e këngës, Elvana reagoi sot përmes një postimi, ku tregon se Armend Rexhepagiqi dhe Aida Baraku kanë shpalosur gjendjen e saj shpirtërore.

“Armend Rexhepagiqi dhe Aida Baraku janë dy legjenda të Kosovës dhe jam krenare që punuam bashkë! Faleminderit që hytë në shpirtin tim dhe e thurët këtë muzikë dhe këto vargje. Të jem e sinqertë ndjesia është gjithmonë si herën e parë… dhe s’mund të rri pa thënë që më bën pafund të lumtur që ju prek zemrën kjo këngë njësoj si mua”, shkruhet në postimin e saj në Instagram.

Pse e urreni kaq shumë popullin armik?!

Pse e urreni kaq shumë popullin armik?!

Për gazetarët mercenarë të tipit Mustafa Nano, Alfred Peza, Sokol Balla, Skënder Minxhozi, Eduard Zaloshnja, Carlo Bollino, vëllezërit Shpëtim e Mentor Nazarko, Lorenc Vangjeli, Mero Baze dhe të madhërishmit Blend Fevziu

A mund të thoni, të paktën njëherë në jetën tuaj, të vertetën tragjike ku ndodhemi? Nëse nuk mund ta bëni këtë, a ka shanse që të heshtni, të ulni kokën dhe të largoheni nga ekranet? Si mundeni të vazhdoni të bëni varre masive me të vërtetat tragjike të këtij vendi tragjik?

Si ka mundësi që urreni kaq shumë popullin tuaj, genin tuaj, gjakun tuaj, vetëm se populli armik nuk e ha më bërllogun e neveritshëm që ju e gatuani me porosi të Kumbarit Edi Rama?

A nuk keni dëgjuar se Shqipëria është në krizë të thellë, në prag të kaosit total? Se vendi është pa Gjykatë Kushtetuese, pa Gjykatë të Lartë, pa Parlament dhe me një Prokurori të kapur direkt nga Kumbari Edi Rama? A nuk e dini se të gjitha Institucionet e Zbatimit të Ligjit komandohen vertikalisht nga Kumbari, ndërsa Institucionet e Pavarura tashmë nuk ekzistojnë?! 

Si ka mundësi që nuk e keni marrë vesh se, asnjëherë më parë, në asnjë vend të botës, nuk ka patur një humnerë kaq të thellë kushtetuese dhe institucionale si kjo e jona?! A jeni të ndërgjegjshëm se çfarë do të thotë kjo për një popull prej vetëm 2.5 milion banorë, ku 500 mijë prej tyre ndjehen thellësisht të uritur?! Nuk e kuptoni?!

A ju bën sadopak përshtypje se kjo humnerë mund t'ju përpijë edhe ju megjithë leckat e shtrenjta dhe retorikën tuaj eunuke?! As këtë nuk e merrni vesh?!

A e dini se çfarë ndodh kur vendin e mban peng një Kumbarë, i cili nuk jep llogari në bazë të Ligjeve të Republikës, sepse Ligjet e Republikës kanë rënë, por llogaritë i jep tek Krimi i Organizuar?! Edhe kaq gjë nuk e dini, apo nuk doni ta dini, ju janë qorruar shqisat?!

Edhe njëherë, si është e mundur që e urreni kaq shumë popullin opozitar? Apo virusi komunist që ju ka kapluar qenien, vazhdon të ushqej urrejtjen tuaj patologjike?!

Medet për ju!

Degjoni ju Mjeshtra të Mashtrimit; fundi i Kumbarit Edi Rama është afër. Nuk ka fuqi mbi dhe që e shpëton nga mëkatet dhe përçuda që i ka bërë popullit të tij.

Tani nuk keni çfarë të mbroni, sepse ska se si të mbrohet HUMNERA. Ajo është gjendje bosh, që përpinë si një lubi. Tashmë mundeni vetëm të terhiqeni në heshtje, pa fjalë.

Për / Shtypnews.al / - Erl Kodra.

Armiqte e shtetit brenda jan ma te rrezikshim se te jashtes.

Më 24 mars 2019 është 20 vjetori i bombardimeve të NATO-s në Jugosllavi. 
Sa gjaku e shiptarit u derdh për liri. 
Sa gjaku e shiptarit u derdh për tokën e Kosovës.
Vllazen e Motra te Kosoves ka ardhe dita per ne me pa politikanat e Kosoves 
tu ba kuvend per me dhan token e ton Serbis. As ni centimeter tokes nuk duhet tja apim
Serbis, AS NI!!!
Armiqte e shtetit brenda jan ma te rrezikshim se te jashtes.

Gazi lotsjellës i përdorur nga Policia, Kryemadhi: Ndjej dhimbje në kraharor, do ta çojmë gjakun jashtë shtetit

Kryetarja e LSI, Monika Kryemadhi është shprehur mbrëmjen e sotme se ish-deputetët e opozitës kanë pasur efekte anësore nga gazi i përdour nga Policia.

E ftuar në ‘Tempora’ me Sonila Meçon, Kryemadhi ka thënë se ajo vetë personalisht ndjente dhimbje në kraharor, dhe se për tëë zbuluar çfarë helmi është përdorur, ata kanë vendosur ti çojnë analizat e gjakut jashtë vendit.

‘Me sa duket ia kemi marrë dorën. Efektet do të jenë gjatë natës. Ndjej dhimbje të kraharorit. Do të marrim analiza dhe do t’i çojmë jashtë Shqipërisë për të evidentuar gazin helmues që është hedhur në protestë. Vetëm në këtë mënyrë mund të zbulojmë. Ish-deputetja Kejdi Mehmetaj ka pasur gjendje të vjellash pas marrjes së gazit’, ka thënë ndër të tjera Kryemadhi.

Basha: Nuk e njohim policinë, mosbindje civile nga jugu në veri

Kryetari i PD-së Lulzim Basha mbajti një fjalim tek selia e PD-së, në mbyllje të protestës së sotme. 
Nuk e njohim Kuvendin dhe as Policinë e Shtetit e cila u keqpërdor duke hedhur gaz ndaj qytetarëve, tha Basha. Ai bëri thirrje për mosbindje civile.Gjatë pasdites së sotme u zhvillua një protestë masive e opozitës e organizuar brenda pak orëve, pasi Gramoz Ruçi vendosi të thërrasë parlamentin në seancë plenare. Policia hodhi gaz lotsjellës duke bërë që shumë qytetarë të pësojnë komplikacione shëndetësore. 

Në përfundim të seancës, deputetët dolën nga dera e pasme e parlamentit, ndërsa protesta u mbyll pa konfrontim mes protestuesve dhe deputetëve.Basha tha se protestat do të vijojnë nga veriu në jug. Ai akuzoi Policinë e Shtetit se ka shkelur ligjin duke helmuar popullin protestues. 
“Ne nuk e njohim Kuvendin, as Policinë. Mosbindje civile nga jugu në veri”, deklaroi Basha.

Eni Vasili - Open

Nuk e njohim Kuvendin dhe as Policinë e Shtetit e cila u keqpërdor duke hedhur gaz ndaj qytetarëve, tha Basha. Ai bëri thirrje për mosbindje civile.