Përleshja në Kumanovë,paraburgim për dy persona

Prokuroria Publike ka caktuar masën e paraburgimit 30-ditor për Femi Latifin dhe Vebi Latifin që të dy nga Kumanova si të dyshuar për vrasjen e Vebi Maksutit një natë më parë në Kumanovë. Që të dy dyshohen për veprën vrasje. Personat e tjerë të përfshirë në këtë incident janë liruar. Mësohet se përleshje fizike mes grupeve ka pasur edhe në stacionin policor.

Shifrat e ‘frikshme’, 78% e mjekëve mund të largohen nga vendi 

Largimet masive nga Shqipëria të mjekëve dhe infermierëve, kryesisht në Gjermani, tashmë është kthyer në një problem për vendin tonë. Sipas një ankete të bërë nga Shoqata ‘Together For Life’ bilanci flet për shifra të ‘frikshme’, pasi 78% e mjekëve tanë pohojnë se mund të largohen nga Shqipëria.

Në konkluzionet e këtij anketimi thuhet se Shqipëria ka normën më të ulët të mjekëve për mbulimin e kujdesit shëndetësor për popullsinë, me 1.2 mjekë për 1000 banorë. Shumë njerëz, veçanërisht në zonat rurale dhe fshatra, kanë shumë vështirësi për shkak të mungesës së shërbimit shëndetësor në zonat e tyre. Gjithsesi, mungesa e specialistëve shëndetësorë në vitet e fundit ka prekur edhe spitalet rajonale dhe qendrat universitare.

hoqata “Together for Life” e mbështetur financiarisht nga Friedrich Ebert Foundation ka realizuar një studim ku ka marrë në pyetje 1000 mjekë lidhur me shkaqet e largimit të tyre nga Shqipëria. Gjetjet e këtij studimi tregojnë:

ÇFARË THUHET NË ANKETË
Largimi i mjekëve mbetet një faktor shqetësues, i cili përjetohet nga 78% e mjekëve (24% e të cilëve janë gati për t’u larguar menjëherë, ndërkohë që 54% do të largoheshin po t’u jepej mundësia).
Vihet re një prirje më e madhe e gjinisë femërore (84%) për t’u larguar nga vendi, krahasuar me gjininë mashkullore (74%).

Situata më problematike paraqitet në qendrat universitare, ku mjekët kanë edhe prirjen më të madhe për t’u larguar menjëherë nga vendi (54%), ndërkohë që më e ulëta është në spitalet bashkiake (megjithëse kampioni në këto spitale është më i vogël).

Vihet re një tendencë për largim e mjekëve me gradë shkencore, 40% e të cilëve e konsiderojnë të rëndësishëm largimin e tyre nga Shqipëria.

Ndër shkaqet kryesore që i nxisin mjekët për t’u larguar në një vend tjetër janë: serioziteti në punë, mbështetja financiare, si dhe kushtet më të mira të punës.

Shumica e mjekëve ankohen se kanë mangësi në shërbime, 26% e të cilëve pretendojnë mungesa në të gjitha shërbimet dhe 60% në disa prej shërbimeve. Është shqetësues fakti se ata që ankohen më shumë për mungesa janë mjekët e spitaleve universitare, 56% e të cilëve pretendojnë mungesa në të gjitha shërbimet dhe 40% mungesa në disa prej shërbimeve. Mjekët në vend ndihen të pakënaqur, të mbingarkuar me punë, të nënvlerësuar dhe të stresuar.

Rezulton se më të pakënaqur janë gjinia mashkullore, për të cilët niveli i pakënaqësisë arrin në 40% të tyre. Nga ana tjetër, gjinia femërore ndihet më shumë e stresuar (26%).

Financimi i sistemit, menaxhimi i sistemit dhe mungesa e sigurisë financiare rezultojnë të jenë shkaqet kryesore që ndikojnë në pakënaqësinë e mjekëve të gjinisë mashkullore. Ndërkohë, mjeket konsiderojnë si më problematike financimin dhe burokracitë e sistemit, si dhe mungesën e sigurisë financiare.

Pasiguria në punë është një faktor njësoj i rëndësishëm si për gjininë mashkullore, ashtu edhe për atë femërore, me 32% të mjekëve që flasin për pasiguri në vendin e tyre të punës.

Në fakt, 71% e mjekëve shprehen se mjekët kritikohen më shumë seç duhet në Shqipëri. Ky mendim është i njëjtë si për gjininë femërore, ashtu edhe për atë mashkullore.

Pesimiste duket situata ndërkohë që 61% e mjekëve mendojnë se besimi i tyre në sistemin shëndetësor nuk do të ndryshojë para se të largohen nga vendi, një shifër kjo shqetësuese. Arsyet ekonomike dhe profesionale zënë vendin e parë për mjekët për largimin e tyre nga Shqipëria. Vetëm 1% e mjekëve shprehen se largohen për arsye gjyqësore. Vihet re se numri i grave mjeke që duan të largohen për arsye ekonomike, profesionale dhe gjyqësore është më i lartë se ai i burrave.

77% e mjekëve e vendosin veten tek më të keqpaguarit në sistemin shëndetësor dhe vetëm 1.5% e tyre e cilësojnë veten me të ardhura të larta.

Në fund, 50% e mjekëve mendojnë se e ardhmja në Shqipëri nuk është e sigurt. Kjo përbën 56% të gjinisë femërore dhe 40% të gjinisë mashkullore, duke treguar edhe një herë se mjeket janë më të prirura për t’u larguar nga vendi krahasuar me mjekët.

Pasiguria tek bluzat e bardha për vendin e punës u vu re edhe gjatë plotësimit të pyetësorit, ku pati një rezistencë të madhe nga mjekët për ta plotësuar, nisur nga droja e identifikimit, pavarësisht se bëhej fjalë për një studim sasior.

KONKLUZIONE

Bazuar në gjetjet dhe përfundimet e studimit, duke marrë në konsideratë nevojën për parandalimin dhe reduktimin e fenomenit të largimit të mjekëve, më poshtë do të vijojnë disa rekomandime kryesore për masat që duhet të ndërmerren nga institucionet për të përmirësuar gjendjen në sistemin shëndetësor. Këto lidhen me:
Investime në infrastrukturën shëndetësore.
Rishikimi i kuadrit ligjor për gabimet mjekësore.
Mundësi për rritje profesionale dhe akademike.
Përmirësim i menaxhimit të brendshëm në institucionet shëndetësore.
Përmirësim i imazhit të mjekëve dhe uljes së presionit të pacientëve ndaj bluzave të bardha.
Ndërmarrje e politikave që i bëjnë mjekët të shërbejnë si ura lidhëse midis Shqipërisë dhe vendeve ku ata punojnë jashtë.

lodiana Lala: Një dokument i ri ka ardhur nga Bari për Tahirin

Gazetarja Klodiana Lala në emisionin “Opinion” ka bërë një ndërhyrje përballë ish-ministrit Tahiri. Ajo e kundërshtoi Tahirin, kur u shpreh se Prokuroria për Krime të Rënda është duke e hetuar për lehtësirat, që ai, në cilësinë e Ministrit të Brendshëm i kishte krijuar grupit Habilaj.

“Nuk kufizohet hetimi i Prokurorisë vetëm në veprimet e kryera në shtetin Italian. Ne kemi qenë në sallën e gjykatës dhe prokurorët e përjashtuan çështjen e byzylykëve”, tha gazetarja.

Më tej Lala shtoi se prokuroria ka marrë nga Italia së fundit edhe një kletër porosi, pa të cilin e ka rtë pamudnur marrjen e vendimit.

“Para një jave Prokurorisë i ka ardhur letër porosia nga Bari dhe besoj jeni në dijeni, që do të thotë asnjë prokuror në botë nuk mund ta marrë një vendim pa pritur këtë document”, tha Lala.

5 vrasjet më të bujshme të shqiptarëve në Greqi, akoma asnjë i dënuar! 

Vrasja e 35-vjeçarit Kostandin Katsifas në Bularat të Gjirokastrës, ka ngjallur tensione të reja mes Tiranës dhe Athinës, ku pala greke pretendon se ekzekutimi i tij ka prapavijë etnike.

Këto tensione janë ashpërsuar herë pas here pas ngjarjeve të tilla tragjike që u kanë marrë jetën shumë shtetasve shqiptarë në Greqi. Media vendase thuajse nuk i ka pasqyruar këto ngjarje ndër vite.

Ndërkohë që më poshtë do të gjeni 5  nga vrasjet më të bujshme të shqiptarëve nga policia greke ndër vite për të cilat askush nuk është dënuar:

Më 20 nëntor 2001, Gentian Çeliku, 20 vjeç, humbi jetën gjatë një operacioni të policisë në sheshin “Amerikis” në Athinë. Fillimisht u tha se ai kishte tentuar të godiste me thikë policin i cili vrau emigrantin për vetëmbrojtje. Sipas palës greke shkak ishte “shkrepja aksidentale të armës së policit”. Polici nuk u dënua për ngjarjen.

Më 23 shtator 2003, Vullnet Bytyçi, 18 vjeç, u vra pranë kufirit greko-shqiptar në zonën e Follorinës. Edhe në këtë rast policia pretendoi për goditje aksidentale.

Më 8 nëntor 2007, 45-vjeçari Hilmi Latej, baba i 5 fëmijëve u godit pas shpine nga policia që po ndiqte 11 shqiptarë kur po kalonin kufirin në afërsi të fshatit Levea të Follorinës. Policia tha se ngjarja ndodhi nga vetëshkrepja e armës së forcave të rendit.

Më 27 mars 2014, shqiptari Kudret Kume, që në Greqi njihej me emrin Ilia Kareli, u gjet i vdekur në qelinë e burgut tri ditë pasi kishte vrarë një gardian grek. Në qelinë ku shqiptari ishte masakruar nga të paktën 15 policë të burgut nuk kishte kamera.

Më 3 gusht 2016, emigranti shqiptar Pëllumb Marnikollaj, 28 vjeç, u paraqit në komisariatin e policisë Patisia të Athinës, në zbatim të detyrimit për lirimin me kusht në maj të atij viti. Disa javë më vonë trupi i tij u gjet në një morg të zonës ndërsa policia greke tha se shqiptari u hodh vetë, me qëllim që t’i shpëtonte një arrestimi të dytë.

Për shkak të akuzave të familjarëve, në nëntor 2016, prokuroria e Athinës urdhëroi fillimin e një hetimi të ri, me akuzën e dëmtimeve të personit me pasojë vdekjen, por ky hetim ende nuk ka arritur ndonjë rezultat.

Këto janë llojet e makinave që nuk do të lejohen më të qarkullojnë në Shqipëri

Këto janë llojet e makinave që nuk do të lejohen më të qarkullojnë në Shqipëri

Tashmë do e keni të qartë se si duhet ta blini automjetin tuaj. Zyrtarizohet vendimi për mos importimin e automjeteve me moshë më të vjetër se 10 vjet. Nga 1 janari në doganat shqiptare nuk do të kryhet asnjë procedurë zhdoganimi për këtë kategori mjetesh, ndërkohë standardi i motorëve të lejuar është Euro 5 për autoveturat e reja dhe Euro 4 për ato të përdorura. “Në zbatim të këtij vendimi, mjetet e reja do të jenë Euro 5, sipas standardit të BE dhe në nivelin e shkarkimit në mjedis. Makinat e përdorura është vendosur që të mos jenë më shumë se 10 vjet nga viti i prodhimit e qarkullimit të tyre, ose Euro 4”, u shpreh Pëllumb Abeshi, drejtor i përgjithshëm i politikave të mjedisit MTM.

Ndryshe nga sa qe lajmëruar qeveria ka shtyrë me tre muaj regjistrimin e mjeteve që janë importuar para datës 31 dhjetor të këtij viti, duke e shtuar me tre muaj afatin e kryerjes së procedurave të targimit. “Deri në mars 2018, të gjithë poseduesit që do importojnë, apo që i kanë, por s’i kanë regjistruar duhet të kryejnë veprime për regjistrimin e tyre në Drejtorinë e Qarkullimit Rrugor”, sqaron ai.

Një hapësirë ka për mjetet më me interes historik dhe koleksionimi, të cilat do të lejohen të importohen nëse janë prodhim i para viteve 70. Për automjetet e targuara nuk ka kufizim moshe për të qarkulluar në rrugët e Shqipërisë dhe as nuk ndalohet shitja. Shqipëria ka një flotë mesatare automjetesh me moshë të vjetër rreth 20 vjeçare dhe qeveria synon përmes këtij vendimi të ulë ndotjen e ajrit.

Ish-Ministri grek Pangalos: Terroristi pseudogrek do kishte te njejtin fat ne cdo vend te botes.

Ish-Ministri grek Pangalos: Terroristi pseudogrek do kishte te njejtin fat ne cdo vend te botes. 

Kush qellon, qellohet. Kacifas eshte terrorist nuk duhet te nderohet, perkundrazi duhen denuar dhe hetuar njerez ekstremiste terroriste qe ne emer te shtetit Grek dhe flamurin kombetar te cenoje sovranitetin e shtetit Shqiptar. Kjo veprim ishte parapergatitur per te nxitur lufte ndershteterore.

Politiken e Greqise po e bejne terroristet. Shqiperia ka shancet te na coptoje, kemi ceshtje pa mbyllur me te. Historia e saj eshte me vjeter se e jona. Te bejme kujdes me levizjet tona politike dhe diplomatike.

Pse po ikini rinia nga Maqedonia ?! 

Njerëz që ikin

Urim SALIHU

Dikur kishte varfëri, por kishte edhe njerëz .Sot nuk janë njerëzit por varfëria është akoma këtu. Zbrazët janë rrugët në këtë vend mbi Tokë, sa trishtueshëm tingëllojnë vargjet e Ezra Paundit derisa hedh vështrimin dhe të mbyt gjithë ajo zbrazëti. Përse ikin njerëzit?! Në cilin stacion të dhimbshëm ndalen. Po kjo nuk është më ikje, sepse është më keq se sa kjo- është shpërngulje.

Që autobusët mbushen secilën ditë dhe njerëzit arratisen drejt fatit kundër jetës mizore këtu kjo dihet, por a do të kthehen ndonjëherë. Albani ka diplomuar dhe duke shpresuar për një vend pune , nuk mundi më të presë. Ai ka lënë një baba të sëmurë dhe është nisur. Ndoshta nuk do ta gjejë më kurrë të gjallë kur do të kthehet një ditë. Ndoshta ai ka ikur përgjithmonë Si shumë të tjerë edhe ai vendosi për jetën e tij që sado e zezë të jetë atje në atë stacion ku ai nuk e di se ku do shkojë, është shumë më e bardhë se jeta këtu, pa para, pa asgjë.

Tek i shikon fshatërat të duket cdo gjë si në filmin ” Vitet e ikjes” ku njerëzit ose kthehen në pleqërinë e thellë, ose nuk kthehen më asnjëherë. Kthehen vetëm të prehen në paqë , të harruar nga atdheu, të largët nga fëmijët e tyre që kurrë nuk e ndjenë dashurinë e një prindi dhe gratë që pritën një jetë të tërrë malli dhe u tretën duke pritur dhe parë se si vijnë dhe shkojnë stinët.

Por si mund ti ndalësh ata.Si mund tu thuash prisni edhe pak kur shumë prej tyre sytë i kanë drejtuar kah humnera ,varfëria që i godet me gjithë forcën. Si mund tu garantosh këtyre fateve të këputura dicka që nuk e ke në dorë?!
Ndoshta përtej largësive ndodhet një fat i mirë. Ndoshta atje është një atdhe tjetër sepse të tillë atdhe nuk mund ta dojë askush. Në fund të fundit është vetëm një jetë. E jetuar në torturë dhe makthe nuk ia vlen. Fatin e njerëzve s’mund ta ndryshojnë ata që i nënshtruan njerëzit deri në këtë pikë dëshpërimi duke menduar në secilën ditë të jetës së tyre arratisjen.