Librazhd/ Gjendet pa shenja jete anash lumit Shkumbin një 48-vjeçare

Shtyp New! 

Një ngjarje e rëndë është shënuar mbrëmjen e sotme në Elbasan, ku një 48-vjeçare është gjetur pa jetë anash lumit Shkumbin. 

Viktima Nexhmije Hasani është gjetur afër fshatit Mirake, Librazhd. Paraprakisht dyshohet se është vetëmbytur. 

Nga këqyrja paraprake e kufomës, nuk janë  konstatuar shenja dhune, ndërsa grupi hetimor po punon për sqarimin e rrethanave të ngjarjes.

"Më datë 25.05.2022, në anë të lumit Shkumbin, afër fshatit Mirakë, Librazhd, është gjetur e pajetë shtetasja N. H., rreth 48 vjeçe, banuese në Mirakë, Librazhd, e cila dyshohet të jetë vetëmbytur. 

Nga këqyrja paraprake e kufomës, nuk janë  konstatuar shenja dhune. Grupi hetimor po punon për sqarimin e rrethanave të ngjarjes.", njofton policia.