Ëndrra ndodhi! Jo një, por dy shtëpi për Xheisonin në Tiranë- | Shtypnews.al |

Gjithçka u finalizua në natën finale. Xheisoni nuk ka një shtëpi, por dy shtëpi në Tiranë. Gjithçka që nisi nga një kontribut vullnetar online e u pasua me shuma të mëdha, me njerëz që u identifikuan e shumë të tjerë që nuk pranuan ta zbulojnë emrin e tyre, u kurorëzua sonte.

Dhen ne të=> Shtypnews.al  》i urojm në emër të miqve tanë Xheisonit që ti Gëzojë Shtepitë.! 
Dhe nje falenderim për insiatoret që nisen këtë e për gjithë ata që morën pjesë në realizimet e tyne me përkushtym. 

Zoti i paftë me t'mira..! Bravo.

Shtypnews.al

“Në kurthin e Piter Panit”, “Fundjavë ndryshe” dhe shumë donatorë të tjerë bënë të mundur që Xheisoni dhe familja e tij të transferohen në kryeqytet dhe jo vetëm ata, por edhe dy gjyshërit e vogëlushit në një shtëpi tjetër në rezidencën “Anna”, në Tiranë.

Shtypnews.al

Nga nata finale, Alketa Vejsiu dha lajmin se për Xheisonin janë mundësuar nga të gjithë donatorët dy shtëpi. Për të arritur këtë dhuratë të madhe për vogëlushin ka ndihmuar edhe bashkia e Tiranës dhe kryetari i bashkisë, Erion Veliaj.

Pasi e falënderoi dhe e përqafoi Lali Erin, i cili erdhi enkas për t'i dhënë lajmin e bukur 'tarameles' së Piter Panit, Xheisoni nuk i mbante dot lotët: “Qaj nga gëzimi, nga emocioni…” – tha vogëlushi që qante me ngashërim duke përsëritur vazhdimisht “Faleminderit”.

"Janë lot gëzimi, lot emocionesh..." vazhdonte i emocionuar vogëlushi duke hedhur poshtë shprehjen se "burrat nuk qajnë": "Kjo shprehje është kot, se të gjithë njerëzit qajnë..." - tha dhe kishte të drejtë.

Të gjithë sonte qanë bashkë me të. Me lot gëzimi, me lot emocionesh. PËR TË TJERA MUND TË NA NDIQNI DHE NË / Shtypnews.al

Sikur Arba Kokalari ta shihte korin e duartrokitësve politikë

Nga- Flutura Açka

Sikur Arba Kokalari ta shihte korin e duartrokitësve politikë

Shqiptarët e thjeshtë kanë gjithë të drejtën të krenohen për bijën e tyre, Arba Kokalarin. Por entuziazmi i tepruar, nuk na shkon aq shumë, veçmas po të shqyrtosh hollë sikur kjo vajzë fantastike të ishte mes nesh. T’i themi gjërat siç janë, miqtë e mi, ne do ta kishim “shqyer” Arbën, do ta kishim cunguar, do ta kishim asfiksuar. Po të ishte ekonomiste, edhe sikur këshilltare e ekonomisë të qe, ne do ta kishim hedhur në një cep, do ta kishim bërë një zyrtare të rëndomtë, sepse për këshillat e saj cili ministër do të qe duke pritur? Po të ishte mësuese, një drejtor idiot shkolle do ta thërriste një ditë në zyrën e tij me suva të rënë dhe do ta pyeste se cilën parti simpatizonte? Kur ajo t’i thoshte se nuk simpatizonte asnjërën dhe nuk mbante anë, ai do të këmbëngulte se ajo duhet me patjetër të mbante anë, ç’ishte kjo mësuese pa anë kështu, do të habitej drejtori partiak. Po të ishte mjeke, Arba jonë e dashur do të skuqej nga turpi kur t’i afrohej pacientit të saj dhe t’i thoshte se në farmacinë e spitalit mungonte aksh medikament, dhe se, edhe pse veshjet e tij i rrëfenin se sa i varfër qe, ajo prapë do të këmbëngulte se ai duhet ta blente diku jashtë, mu te farmacia përballë, që një Zot e dinte se si e kishte atë medikament që i mungonte spitaleve shqiptare. Sikur Arba të qe politikane, aq e hijshme që është, siç janë gratë shqiptare në përgjithësi, qeniet më të emancipuara të kësaj shoqërie, gjëja e parë që do të ndeshte ishte “të lypurit” e paturp, ose të rafinuar, e më pas të shihte fotot e saj nëpër tabloide se si ishte veshur atë ditë enjte kur të hynte në parlament (ditë feste kombëtare tani), a thua se Arba ishte në ndonjë pasarelë. Askush nuk do të merrej me mendjen brilante të Arbës, me idetë e saj politike, që mund të ndikonin në fatin e këtij populli, të cilit mendja vetëm i ikën dhe i ikën përditë nga sytë këmbët. Tani ka filluar t’i ikë edhe trupi. E vetmja gjë që po i mbet janë “të paturpshmit” dhe ngrehinat e fshatrat me mure të lartë e derë të mbyllur, ku fshehin luksin më së shumti hajdutët me pushtet (që u bënë të mbipasur për tridhjetë vjet), fshatra që nuk i gjen kund në Europë (edhe pse atje ka të pasur në mbi treqind vjet). Sikur Arba të qe këtu, do të kërkonte së pari një gjë fare të thjeshtë: një ndjesë të thellë për kalvarin e Musine Kokalarit, por nuk do ta merrte kurrë. Sikur Arba të qe këtu, do ta shihte se si hapen çdo ditë faqet e para të gazetave me intervista të eksponentëve të diktaturës, se si krekoset dhe trash zërin ish-ministri i diktaturës si folës parlamenti, se si përfaqësuesi më i lartë i popullit i sheh ditën për diell hajdutët që i rriti vetë me frymën e tij puniste se si e rrjepin popullin, dhe i duartroket dhe i mbron dhe i voton dhe i promovon me qejfin e madh se i kanë derdhur edhe atij ca nga rinia e tyre. Sikur Arba të shihte se si është katandisur shteti, se si u hidhet gaz qytetarëve nëpër shtëpira dhe fëmijët helmohen në pikë të mëngjesit dhe një zonjëzë e quajtur Avokate e Popullit as e di që i është helmuar populli, dhe as ka hapur ndonjë çështje për këtë çështje. E të shihte pastaj se si nuk ka as gjykatë, as institucione, një ministri rendi që i bien ministrat si rrënjë kanabisi në fund zezoni, se çfarë shteti gargarel është, ku një pjesë e Opozitës është edhe Presidencë, edhe “pak” qeveri, edhe Opozitë. Se si Opozita shan përditë me të drejtë Kryeministrin, por nuk thotë asnjë fjalë për kryeministrat në tentativë, që e kanë bërë kryeqytetin shqiptar dhe gjithë Shqipërinë të pajetueshme. Sikur Arba ta shihte se në teatër nuk shkon dot, se e kanë kyçur, se në kinema nuk shkon dot se ka vetëm filma aksion, që të shiten kartat dhe dekoderat e miqve, sikur të shihte katandinë e Televizionit Publik Shqiptar se si ha si lubi paratë e shqiparëve dhe jep vetëm programe mediokre, që të mund të shiten programet e privatëve, apo të kërkonte ta nxirrte fëmijën poshtë pallatit, nuk do të mundte dot, sepse çdo shesh të vogël e të madh e ka zënë një pallat i ri që ua zë zytë përditë shqiptarëve, dhe sikur të gjendej në trafikun e Tiranës do t’i dilte shpirti duke u vërtitur pafund nëpër të, nëpër trafik që askush, por askush deri tani, nuk e ka llogaritur se sa kohë, energji, para, humbim çdo ditë shqiptarët, vetëm prej kapriçiove të krerëve të krekosur rajonalë. Le pastaj të dilte te sheshi që na bën aq krenar me çmimet ndërkombëtare, që nuk ka asnjë dritë të vetme natën dhe asnjë hije ditën nën diellin mesdhetar. Kur Arba të vijë në Shqipëri, do të bëjë mirë t’i shmangë sa më shumë politkanët shqiptarë, të cilët prej saj do të duan vetëm një foto, të mbjellë një pemë, a të pranojë një dekoratë, për arsye se ajo na e kanë ndritur emrin e Shqipërisë (pavarësisht se jo prej ndihmës sonë bujare), kur Arba të ulet në Parlamentit Europian, të mendojë për shqiptarin e thjeshtë, i cili është shumë, por shumë më shumë europian se politika e tij. Shembulli është Arba vetë.
Dritë të pastë emri, edhe mbiemri, Arba!

Nëse ju kujtohet, 5 vjet më parë Arba ndërmori një tur mediatik në Shqiperi, nga ku kërkoi votat e shqiptarëve të Suedisë për në PE | Shtypnews.al |

Nga - Arben Vata

Në kushtet kur në Shqipëri, Europë dhe madje edhe në USA, ka shpërthyer një valë e pa përshkruar hareje mes shqiptarësh për fitoren e Arba Kokalarit si deputete e djathtë suedeze për në Parlamentin Europian (PE), mendova se është e nevojshme të jemi të përmbajtur dhe mbi të gjitha të mësojmë disa të vërteta, përpara se suksesi i Arbës të na duket si sukses i përbashkët, apo për më tepër sukses politik i Shqipërisë dhe Kosovës, bashkë.

Lajmi, sipas meje, nuk është që një zonjë shqiptare zgjidhet në Suedi si deputete e PE, por fakti që zonja është pasardhëse e një nga figurave të njohura antikomuniste në Shqipëri. Siç shumica e dinë, ajo është pinjolle e Musine Kokalarit, e cila pati një histori të hidhur gjatë regjimit të Enver Hoxhës, histori e cila mesa duket ka lënë gjurmë edhe në formimin ideologjik të Arbës. Megjithese u rrit në Suedi, ajo përqafoi herët idetë e partive të djathta (Moderaterna), ngjyrat e së cilës Arba do ti përfaqësojë edhe në Bruksel në grupin e Partive Popullore (EPP).

Po pse nuk është lajm që një shqiptare shkon në PE? 

Nuk është ky lajmi, jo sepse Arba nuk është shqiptare (këtë nuk mundet askush ta vërë në dyshim), por për një arsye tjetër; sepse Arba shkoi në Bruksel në fakt pa votat e shqiptarëve që jetojnë e punojnë në Suedi. Ajo u votua deputete e PE, me votat e suedezëve. 

Do mundohem ta argumentoj këtë si vijon: 

1- Nëse ju kujtohet, 5 vjet më parë Arba ndërmori një tur mediatik në Shqiperi, nga ku kërkoi votat e shqiptarëve të Suedisë për në PE. Ajo takoi edhe liderët politikë të të gjitha krahëve, por siç dihet mbështetja e sinqertë që ajo kërkoi, nuk i erdhi në vitin 2014. Nisur nga ky zhgënjim, në zgjedhjet e kësaj radhe ajo nuk i bazoi shpresat në votat e shqiptarëve të Suedisë, por në votat e suedezëve, sidomos të rinjve. 

2-Një tjetër arsye për këtë, ishte edhe fakti se në garë për një mandat deputeti në PE ishte kësaj radhe edhe shqiptari tjetër, Adnan Dibrani, i cili garonte për të majtët (S). Shqiptarët që jetojnë prej vitesh në Suedi, sipas preferencave partiake dhe personale, bënë thirrje të veçanta për të mbeshtetur Arbën ose Adnanin, megjithese për hir të së vërtetës Adnani ishte nr 10 i S dhe kishte më pak shanse për tu zgjedhur. (Partia S merr zakonisht 5 vende në PE, kurse M e Arbës 3-4 vende). Shqiptarët me të drejtë vote në Suedi janë disa dhjetra mijë dhe fakti është që nëse keto vota do të ishin të personalizuara, do ta kishin çuar Arbën në PE qysh në vitin 2014. 

3- E vërteta tjetër është që shumica e atyre shqiptarëve që votuan, mbështetën publikisht Adnan Dibranin, siç thanë ata publikisht, për shkak të lidhjeve të tij më të ngushta me komunitetin shqiptar në Suedi. 

4- Nga ana tjeter, shumica e shqiptarëve në Suedi (të Shqipërisë dhe Kosovës), njihen për afeksionin e tyre për të majtën dhe ky është një argument tjetër që Arba ka fituar vetë, jo me votat e shqiptarëve. 

5- Për më tepër siç dihet, shumë shqiptarë nuk shkojnë fare për të votuar kur shikojnë se një pjestar i komunitetit të tyre mund të ketë sukses. Xhelozia nuk është një tipar i huaj ndër shqiptarë.

Modestisht, sipas meje, këto janë disa arsye se përse nuk mund të themi se Arba është një deputete shqiptare në Bruksel; aq më tepër nuk kemi pse mburremi sepse ne nuk kontribuam që ajo të zgjidhet. Arba e fitoi vetë këtë dhe e meritoi suksesin politik, pa ndihmen tonë. Si një zonje suedeze, jo si shqiptare, pavarësisht sesi ajo ndihet. 

Pavarësisht sesi na pëlqen ne të mendojmë, ajo përfaqëson një parti suedeze në PE dhe do të mbrojë e përfaqësojë politikat e saj. E sigurtë, për ata që e njohin, është se Arba është po aq antikomuniste sa Musineja.

Suksese Arba! Gëzoju asaj që ti arrite vetë, pa ne! 

Per -/ Shtypnews.al/ nga Artan Cara/

Nga zgjedhjet e djeshme në Belgjikë, nuk fitoi asnjë kandidat shqiptar?!

Bruksel, 27 maj -Siq kemi rapoprtuar dje në Belgjikë, në zgjedhje morën pjesë 17 kandidatë shqiptarë për të votuar në zgjedhjet në nivel evropian, federal dhe regjional. Ashtu siq pritej nga zgjedhjet e djeshme, në nivel evropian, federal dhe regjional nuk fitoi asnjë kandidat shqiptarë, ka shkruar agjencia e lajmeve “Presheva jonë” drejtpërsëdrejti nga Brukseli.

Nga i dërguari ynë në Bruksel.

Pesë kandidatët shqiptarë në Belgjikë kanë pohuar se ky është një rast i favorshëm për shqiptarët, që përveç parlamenteve rajonale dhe atij nacional belg, të kenë përfaqësi edhe në Parlamentin Europian.

Ashtu siq pritej në Belgjike: Nga zgjedhjet e djeshme ne nivel evropian, federal dhe regjional nuk fitoi asnjë kandidat shqiptare.

Rezultate modeste të kandidatëve belgo shqiptarë, në zgjedhjet në Belgjikë për deputet regjional, federal dhe europian, por megjithate duhet konsideruar sukses edhepse asnjeri nuk arriti te fitojë me u zgjedhur deputet.

Sipas të dhënave që kemi arritur t’i grumbullojmë në zgjedhjet e djeshme në Belgjikë për deputet regjionalë, federal dhe europian kandiduan, edhe 21 belgo shqiptarë, në parti të ndryshme belge.

Në Parlamentin Europian,

 kandidoi për deputet, politikani i mirenjohur

 AMET GJANAJ, (PS)Bruksel, dhe i fitoi 24.377 vota që nuk i mjaftuan për t’u zgjedhur,por eshte shqiptari me i votuar në Belgjike dhe me ndikim me te madh ne politiken belge.

Në Parlamentin e Belgjikës,

 u kandiduan por nuk fituan votat e mjaftueshme per t’u zgjedhur:

LUIZA DURAK-(PS) Bruksel (me origjine nga Haraçina e Shkupit, 25 vjeçare nëne e 2 femijeve ajo i fitoi 4865 vota që nuk i mjaftuan me u zgjedhur deputete federale.

ARBER HALILI,  Partia e Gjelber  Flamane, GROEN,Antwerpen, i fitoi 3910 vota.

VALENTINA HOTI, (GROEN) Ostende i fitoi 2399 vota

ELISA MURIQI,( OPEN VLD) Vilvorde i fitoi 2204 vota.

ALKETA SELIMAJ (CDH) Bruksel, i fitoi 1402 vota

HAKAN BALKAN ( CDH) Bruksel, i fitoi 1011 vota

ARLINDA ALIA, me origjine nga Shqiperia, Lista Destexte, ajo i fitoi  312 vota.

Në Parlamentin e Valonisë u kandidua vetëm politikania e njohur belgo shqiptare

NERMINE KUMANOVA,(PS),ajo  i fitoi 3127 vota, që nuk i mjaftuan e u zgjedhur.

Në Parlamentin e Flandres kandidoi vetem

ARTON BEHRAMI,(SPA) me origjine nga  Kosova,jeton ne Antwerpen Deurne u kandidua nga Partis Socialiste flamane SPA ai i fitoi 1221 vota.

Në Parlamentin e Regjionit të Brukselit u kandiduan 11 kandidatë:

HABIBE DURAKI (PS)Bruksel, i fitoi 2403 vota dhe nuk i mjaftuan me u zgjedhur deputete

AVNI GJANAJ (PS)Bruksel i fitoi 2047 vota

QENDRESA GERLICA (PS),Bruksel  i fitoi 1943 vota 

BURIM DEMIRI (DEFI), Bruksel, i fitoi 776 vota

LAURE LITA ( MR) Bruksel, i fitoi  760 vota

KRISTELA Bytyçi, (MR) Bruksel  i fitoi 677 vota

VIOLETTE GASHI ( CDH), Bruksel i fitoi 667 vota

ARSIM JAKUPI ( DEFI) Bruksel i fitoi 664 vota

BARDHYL ALIA, Bruksel, me origjine nga Shqiperia LIsta Destexe i fitoi 178 vota

VERA DEDA,( Lista Destexe) Bruksel, me origjine nga Shqiperia i fitoi 151 vota.

Megjithate duhet konsideruar sukses vet kandidimi dhe votat e fituara veçanrisht kandidatet e Partise Socialiste frankofone belge,të cilët edhepse pse nuk fituan por e faktorizuan vehten ne partine e vet.

Sociologjia e 21 kandidateve 

12 femra dhe 9 meshkuj.

Me origjine nga Shqiperia jane 9 ,nga Kosova janë 7 dhe nga Maqedonia 5 veta.

Mosha mesatare e kandidateve shqiptare nuk i kalon 38 vjet, pra jane  te ri, per me punuar ne politike,  krahasuar me  50,3 vjet të 71 kandidateve  flaman belg nga partia NVA, pra partia kryesore ne Belgjike e cila fitoi edhe me se shumti vota.

Pregatitja shkollore i siguruam te dhenat vetem per 17 kandidate shqiptare per depute, prej tyre  12 jane me fakultete te kryera , nje student dhe 4 me shkolla te mesme.

Poashtu edhe numri i kandidateve 21 veta, eshte i madh nga belgo shqiptaret, nese e krahasojme me komunitetin turk  22 kandidate që i paten turqit ne keto zgjedhje ne Belgjikë.Sepse kandidimi per deputet nuk eshte pune e lehte. Ne Belgjike jetojne afer 200 mije turq dherreth 70 mije shqiptarë nga gjitha trojet etnike.

Nga zgjedhjet ne Belgjike ne nivelin regjional dhe federal eshte brengosese fitorja e partive nacionaliste flamane  qe e veshtireson formimin e qeverise se ardhshme belge.

Shqiptarët morën një lajm të mirë ditën e sotme. Arba Kokalari, /Joq. Albania/

Shqiptarët morën një lajm të mirë ditën e sotme. Arba Kokalari, 32 vjeç u zgjodh si eurodeputete në parlamentin europian. Me një shqipe të admirueshme, Kokalari është mbesa e Musine Kokalarit, gruaja e cila u diplomua në vitin 1941 në universitetin “La Sapienza” në Romë.

Kokalari, nën programin e partisë “Moderata”, arriti të hynte në PE, duke u bërë e para shqiptare që ulet në këtë parlament.

Ajo lindi në Tiranë më 27 nëntor 1986, dhe më pas bashkë me prindërit, motrën Ina dhe të vëllain Kevin, emigruan drejt Suedisë.

Lidhjet e saj me Shqipërinë nuk janë shkëputur, Arba ka ruajtur gjuhën shqipe dhe dashurinë për vendin tonë. Arba është mbesa e Musine Kokalarit, vajzës së bukur, jeta e të cilës u shkatërrua nga sistemi komunistë.

Musine Kokalari, është ndër disidentet e para gra ndaj sistemit komunist që në vitin 46. Ajo botoi librin e saj të parë “Seç më thotë nëna plakë” në vitin 1939. Më pas në ’43-shin ajo botoi gazetën “Zëri i Lirisë”. Më 23 janar të vitit 1946, ajo u arrestua nga forcat e Mbrojtjes së Popullit e gjyqi e dënoi me 20 vjet burg.

Në vitin 1961, e nxjerrin nga burgu dhe e internuan në Rrëshen për 22 vite të tjera,. Ajo doli në pension me gjysmë page. Në vitin 1981, u sëmur me kancer, dhe dy vjet më vonë u largua përgjithmonë nga jeta. Asaj nuk ju dha as mundësia për tu kuruar në spitalin onkologjik.

Musine jetonte e vetme në një dhomë të amortizuar, në një shtëpi përdhese në moçalishte, bashkë me dy-tri familje të tjera të persekutuara. Ajo punonte në ndërtimin e pallateve e përziente llaç për ustallarët e Gollobordës.

Musineja ndërtonte qytetin që edhe pse dha shumë për të, ai nuk i jepte as një strehë për të futur kokën. | Joq.Albania|

Deri dje asnje fjal nuk u thoshte per kete zonje. Sot thurin levdata per kete shqiptare...

Deri dje asnje fjal nuk u thoshte per kete zonje. Sot thurin levdata per  kete shqiptare...
Sot njerzit me kollare i servilosen, duke e mallengjy me shkrimet e tyne......

( Zoti beri Imer qe te ndodh kjo, per te seleksionuar servilizmin - para nesh )

Se ketu ndodhin çudira, ose kur vdes flasin ne medja e gjithandej, ose si ky rast.. Ndaj me pelqej rasti dhe pergezoj per kete 👍💪

2 Lexoje dhe merre si ispirim per pasardhesit te marrin shembull tek kjo Shqiptare.

Un jam pa kollare, dhe i uroj shqipes suksese ne jet✋#Bravo Nga A Cara

Zgjedhjet evropiane 2019: Çfarë ndodhi dje, në një minutë

Zgjedhjet evropiane 2019: Çfarë ndodhi dje, në një minutë / Nga - A Cara/

Pjesëmarrja ishte më e larta në 20 vite, 51 % në total. Pjesëmarrja më e lartë ishte në Belgjikë, me 89% dhe më e ulëta në Slloveni, 28.29%.
Partitë e gjelbëra morën një rezultat të mirë dhe thanë se një “dallgë e gjelbër” ishte duke vërshuar nëpër Evropë. Në Francë, Gjermani dhe Irlandë, partitë e gjelbëra patën rritje shumë të fortë. Grupimet e të gjelbërve në Parlamentin evreopian parashikohet të marrin mbi 70 vende.

Ekuilibri i pushtetit do të ndryshojë, teksa partitë tradicionale e mbajtën vendin e parë me një avantazh shumë të vogël. Popullorët do të mbajnë shumicën me një avantazh prej 179 vendesh, nga 221 që ishte ai.

Partia Brexit e Nigel Farage mori 31% të votave në Britaninë e Madhe, por ndërkohë edhe liberal demokratët pro europianë patën një rritje të popullaritetit. Në zgjedhje pësuan humbje të mëdha konservatorët dhe laburistët.

Partia e ekstremit të djathtë e Marine Le Pen kryeson ndaj partisë së Macron në Francë, 23.6% me 22.6%. Partia e gjelbër e Yanick Jadot u rrit në vendin e tretë me 13.1%.
Separatistët e Katalunjës Puigdemont (në mërgim) dhe Junqueras (në burg) fituan vende në parlament. Partia anti imigrim Vox gjithashtu fitoi vendet e para në PE.
Kryeministri grek, Alexis Tsipras bëri thirrje për zgjedhje të parakohshme pasi u mund nga partia e opozitës Demokracia e Re, me një avantazh prej dhjetë pikësh.

Më shumë se 400 milion evropianë po zgjedhin deputetët që do i përfaqësojnë në Bruksel dhe Strasburg në pesë vitet e ardhshme.