RUDINA HAJDARI: NUK E DOREZOJ MANDATIN R DEPUTETIT!

RUDINA HAJDARI: NUK E DOREZOJ MANDATIN R DEPUTETIT!

Ne nje interviste per emisionin “ Ditari” ne “ Zerin e Amerikes”, Rudina Hajdari, vajza e Azem Hajdarit, eshte shprehur se nuk do ta dorezoje mandatin e deputetit. Sipas saj qendrimi ne parlament eshte vendimi i duhur. 

“Unë mendoj që parlamenti i jep oksigjen demokracisë në vend, i jep oksigjen partive politike. Është vendi ku ne përfaqësojmë sovranin. Prandaj duke marrë parasysh që kjo është një përgjegjshmëri shumë e lartë, që unë ndjej mbi shpatulla, mendoj që qëndrimi në parlament do të ishte vendimi më i duhur, që do i bëja dhe shërbeja të ardhmes së Shqipërisë” deklaroi Hajdari.
Nderkohe nga selia blu nuk ka asnje reagim lidhur me mosdorezimin e mandatit nga ana e Rudina Hajdarit. 

/Shtypnews.al/

Shqiptarët jetojnë për t’u ushqyer, një e treta e ekonomisë shkon për bukë e ushqime | Shtypnews.al |

“Kafshatë që s’kapërdihet asht, or vlla, mjerimi, kafshatë që të mbetë në fyt edhe të zë trishtimi”. ‘Poema e Mjerimit’ e Migjenit, e shkruar në vitet ’30, duket se është aktuale edhe sot. Shqiptarët, përfshirë qytetarët e Kosovës, janë populli që shpenzojnë më shumë për ushqime në Europë, në raport me atë që prodhon ekonomia e tyre në një vit.

Monitor ka përpunuar të dhënat e Institutit Europian të Statistikave, Eurostat, që ka përditësuar informacionin për shpenzimet nominale për ushqime për vitin 2017. Sipas këtyre të dhënave, për Shqipërinë, shpenzimet nominale për ushqime, përbënin 31% të prodhimit e brendshëm bruto (GDP- që mat prodhimin e ekonomisë në një vit, apo dhe të ardhurat që sigurohen nga puna dhe pronat). Të dhënat kanë përfshirë dy vitet e fundit dhe Kosovën ku treguesi është pak më i ulët se në Shqipëri, në 29.2%% të GDP-së. Kur në këtë tregues llogariten dhe pijet jo-alkoolike, Kosova kalon në vend të parë me 34.1% të GDP-së, ndërsa për Shqipërinë ky tregues rritet lehtë në 31.9% të GDP-së.

Në krahasim me mesataren e Bashkimit Europian, shpenzimet për ushqime në raport me atë që prodhon ekonomia në një vit janë shumë më të larta. Për mesataren e BE-së, ky tregues është vetëm 6% e GDP-së, ku më i larti është në Rumani, me 15.8% të GDP-së dhe më i ulëti në Irlandë dhe Luksemburg me 2.7 dhe 2.6% të PBB-së.

Edhe në raport me vendet e tjera të rajonit, shqiptarët e Shqipërisë dhe Kosovës e përdorin pjesën më të madhe të parave që kanë në dispozicion për t’u ushqyer. Për Serbinë, ky tregues është 15.6% e GDP-së dhe më i larti është për Bosnjën dhe Malin e Zi me përkatësisht rreth 23-24% e GDP_së (shih grafikun). Për vendet kandidate dhe potenciale kandidate (pa përfshirë Kosovën dhe Turqinë), mesatarja është 19.7%.

Në vlerë absolute, çdo shqiptar shpenzon për t’u ushqyer në vit 1,248 euro, nga rreth 1800 euro që është shpenzimi mesatar në BE, por duhet të kemi parasysh që të ardhurat për frymë të Shqipërisë janë vetëm sa 30% e mesatares europiane!

Në një tjetër tregues më të detajuar, të publikuara nga Eurostat, shpenzimet për bukë dhe drithëra në Shqipëri ishin sa 4.9% e GDP-së, sërish më e larta në Europë, e ndjekur nga Bosnjë Hercegovina me 3.1% të GDP-së (të dhënat për Kosovën mungojnë).

Konsumi i lartë i bukës dhe brumërave është një shenjë e varfërisë dhe e nivelit të ulët të të ardhurave që siguron një vend, që është i detyruar të blejë ushqimet shtrenjtë, për shkak se një pjesë e madhe e tyre importohen (për ironi, Shqipëria ka peshën më të lartë të bujqësisë në Europë me rreth 18-20% të PBB-së nga 2% që është mesatarja e Azisë dhe Europës dhe rreth 8% e Maqedonisë së Veriut).

Vetëm pasi plotëson nevojat primare, ato të të ushqyerit, një familje fillon e mendon për shpenzime të tjera, ku vendin e fundit e zënë ato për udhëtime, apo luks e argëtim.

Të dhënat e Eurostat tregojnë se jo vetëm shqiptarët shpenzojnë më shumë për të siguruar bukën, por kjo përqindje është më e lartë se 10 vjet më parë. Në 2008-n, viti më i hershëm kur i raporton të dhënat INSTAT, kjo përqindje ishte 4.4, ndërsa në 2016-n u shënua niveli maksimal prej 4.9% e PBB-së, për të rënë lehtë në 4.9% në 2017-n .

Në vlerë absolute, shpenzimet mesatare për banor për bukë e drithëra ishin 198 euro në vit në 2017-n, më të lartat historike dhe më shumë në rajon. Vendet e zhvilluara shpenzojnë më shumë për frymë për këtë produkt në vlerë absolute, pasi është më i shtrenjtë, por për shkak të të ardhurave të larta, ai nuk rëndon në xhepat e tyre. Sipas metodës së fuqisë blerëse (ku mesatarja e Bashkimit Europian merret si referencë me 1), Shqipëria e ka këtë tregues gati 90, më i larti në Europë 

 ( mmc )

PROGRAMI I DITËS SË VERËS 2019 - Lexo në | Shtypnews.al|

PROGRAMI I DITËS SË VERËS 2019

DATË 11 MARS 2019

Ora 14.00 – 20.00 - Hapet “Panairi i Tretë i Librit, “SkampaScript 2019” para
Pallatit shumësportësh “Tomorr Sinani”, nga shoqata “Durana”.

DATË 12 MARS 2019

Ora 10°° - 19°° - Hapja e “Panairit tregtar” në Pallatin e Sportit “Tomorr
Sinani”, me prezencën e bandës frymore.
Ora 11.00 - Vazhdon Panairi i librit. (Promovim i Antologjisë poetike
të poeteshave të Elbasanit në bibliotekën e qytetit)
Ora 12.00 - Promovim i romanit “Kronikat e Mjegullës” së shkrimtarit
Bashkim Hoxha.
Ora 19.00 - Koncert simfonik në Teatrin “Skampa”
DATË 13 MARS 2019
- Vazhdon Panairi i Ditës së Verës dhe “Panairi i librit”.
Ora 11.00 Promovim i krijimtarisë së shkrimtarit F. Musai në
Bibliotekën e qytetit.
Ora 20.00-24.00 “Nata e librit” në Panairin e Librit para Pallatit të Sportit.
Ora 12.00- 24.00 Koncert i Madh Festiv në Sheshin “Gensher”
(Performojnë dhe artistë e grupe koreografike elbasanase)
Ora 22.00 - Përshëndetja e Kryetarit të Bashkisë,
z. Qazim Sejdini !
- Spektakli i fishekzjarreve.

DATË 14 MARS 2019

- Vazhdon “Panairi tregtar” dhe “Panairi i librit”.
Ora 09.00 - Ekspozitë e Drejtorisë së Përgjithshme të Arkivave,
nga porta e Kalase, deri tek “1 Maj”
Ora 09.30 - Fillon cirkuidi i çiklizmit. Me të mbaruar, vendosen dhe
fillojnë demonstrimet e tyre ekipet e Klubit Shumësportësh,
përgjatë bulevardit “ Aqif Pasha”.
Ora 09.30-10.30 - Parakalimi i Karnavaleve të shkollave 9-vjeçare e, njëkohësisht, nis dhe demonstrimi i veprimtarive të shumëllojta sportive.
- Demonstrim i veprimtarive sportive përgjatë shëtitores, nga
“Sheshi Gensher” e deri te “Elbasan arena”, sipas vendeve të
paracaktuara. Do jenë këto lloje sporti: Karate (para “Reiffisen bank”),
cirk (para Monumentit te Kostandin Kristoforidhit), demonstrime boksi,
hendboll (para “Elbasan Arena”).
Ora 10.30-12.00
Vazhdon:Koncerti i Datës 14 Mars në Sheshin ”Gensher”
(Performojne: Qendra Kulturore e Femijëve, Shkolla Artistike Onufri
dhe banda Frymore e Qytetit).

Gëzuar për mot e jetë Ditën e Verës, 14 Marsin, Festën më të lashtë shqiptare, rrënjët e së cilës, më mirë se kudo, janë të ruajtura në ELBASAN!!!

Shkruan KRYETARI I BASHKISË
QAZIM SEJDINI
|Shtypnews.al|

Nis mbledhja e firmave, stadiumit të ri kombëtar t’i vihet emri i... Panajot Panos

Nis mbledhja e firmave, stadiumit të ri kombëtar t’i vihet emri i... Panajot Panos

Personi që ka iniciuar mbledhjen e firmave është ish-prokurori Shkëlqim Hajdari...

.

Per te tjerat te verteta ne vazdim mund te pelqeni faqen  Shtypnews.al

ose 

kliko linkun si me "posht.

https://www.facebook.com/MediaLaim/

LEXO MENDIMIN E POPULLIT NE "Shtypnews.al".

NE KETE LINKUN i gjeni mendimet e miqve tane...

 Ktu mundd te jepni dhe ju mendimin tuaj...!⤵

https://m.facebook.com/story.php?story_fbid=415318645881970&id=172543266826177

Rikthehen të reshurat e borës- ky do të jetë Moti gjatë tërë javës

Shtypnews.al

 

Kjo javë do të karakterizohet nga depërtimi i fushave të presionit të ulët nga Atlantiku dhe masave të ftohta ajrore nga veriu i kontinentit.

Nën këto kushte ditën sot priten reshje shiu që më vonë do të shndërrohen edhe në reshje bore, e pritet të vazhdojnë paraditen e ditës së martë.
Edhe ditën e enjte priten reshje shiu, të cilat në mbrëmje do të përzien me borë.
Në fundjavë, sipas parashikimeve të fundit, masa të ngrohta ajrore nga Mesdheu do të sjellin mot të butë dhe rritje graduale të temperaturave.

Pas përmirësimit të vlerave të cilësisë së ajrit ditëve të fundit, kjo si shkak i qarkullimit të mjaftueshëm ajror dhe motit të ngrohtë, edhe në ditët në vijim pritet të ketë qarkullim të mjaftueshëm ajror, e vlerat e indeksit të kualitetit të ajrit do të luhaten rreth vlerave mesatare dhe të mira.
11.03 – Kryesisht me vranësira, kohëpaskohe me reshje të dobëta shiu. Në mbrëmje më ftohtë, shiu do të shndërrohet në borë, që pritet të vazhdojë edhe gjatë natës. Vende-vende reshjet pritet të jenë më intensive.
12.03 – Ftohtë, kryesisht vranët dhe me erë. Paradite reshje të dobëta bore, që gjatë ditës do të pushojnë.

13.03 – Kryesisht me diell. Në mëngjes ngrica.
14.03-15.03 – Të enjten kryesisht vranët, kohëpaskohe me shi. Në mbrëmje shi dhe borë, që më vonë do të shndërrohen në borë. Ditën e premte kryesisht me vranësira dhe intervale me diell.

Temperatura e ajrit do të pësojnë rënie të ndjeshme nën vlera mesatare. Minimalet do të zbresin nga 6C deri në -4C, e maksimalet nga 13C deri në 4C.
Do të fryj erë mesatarisht e fuqishme dhe fuqishme nga krahu verior 5-14m/s..
Shtypja atmosferike do të zbres rreth vlerave normale

'I don't care'/ Shikoni çfarë i bën makinës 60-vjeçarja matjane: Po të isha më e re...(VIDEO)

Fidane Duka nga fshati Komsi në Mat thotë se makina është për djemtë, jo për pleqtë, por është e detyruar që të lëvizë shpesh për të bërë pazarin dhe për të dërguar bulmetin nga fshati në qytet.

Është e rrallë që të gjesh një grua në Shqipëri në moshën 60-vjeçare që t'i japë makinës mjaft mirë dhe pa frikë si Fidane Duka nga fshati Komsi në Mat. Ajo thotë se makina është për djemtë, jo për pleqtë, por është e detyruar që të lëvizë shpesh me fuoristradën për të bërë pazarin dhe për të dërguar bulmetin nga fshati në qytet.

Fidanja tregon se sebep për makinën u bë vëllai që ia solli, ndërsa më pas shkoi në kurs tre muaj për të marrë patentën. Nëna e shtatë fëmijëve e ka mbyllur tregimin e historisë së saj mjaft interesante me një batutë me gazetaren Anjeza Maja në rubrikën “Njerëz të padukshëm”. 'Jam plakë e vjetër, jam 60-vjeçe, por të kisha qenë e re, nuk do ta kisha liruar vendin e punës, 'i don't care'' thotë Fidane Duka.

Share

Ne po e postojm per tju informuar, Ndiqeni videon per me sakt

Ndiqe VIDEOn dhe Shperndaje 

Tek njeriu ajo transmetohet nëpërmjet mushkonjave. Veterineri Martin Toro tregon se vetëm brenda dy muajve, brenda klinikës së tij 10 qen janë prekur nga sëmundja: “Kohët e fundit kemi pasur një rritje të kësaj sëmundjeje, 1 në 4 raste kanë qenë të diagnostikuar me leshmania. Kryesisht janë qentë e rrugës, të pambrojtur, pasi nuk kanë masa parandalimi siç është rripi antiparazitar që mban larg mushkonjat”.

Janë mushkonjat ato që transmetojnë sëmundjen e leshmaniozës nga qeni tek njeriu, pavarësisht kësaj, sipas veterinerëve, ka një zgjidhje dhe ajo është vaksinimi në kohë i kafshëve të vogla.

“Në tregun shqiptar ekziston një vaksinë, pothuajse është e domosdoshme të futet në skemën e vaksinimit. Në ditët e sotme ka edhe mjekime që bëhen pasi kafsha jonë është prekur nga kjo sëmundje parazitare. Por kafshët bëhen mbartës gjatë gjithë jetës të këtij paraziti”, shpjegon Toro.

Ndërkohë, sipas mjekut infeksionist pranë pavionit të infektivit në vit paraqiten 30 pacientë të prekur nga leshmanioza, e nëse kurimi i kësaj sëmundjeje nuk bëhet në kohë, atëherë përfundimi është fatal.

Pëllumb Pipero shprehet: “Leshmanioza në rast se nuk mjekohet është sëmundje vdekjeprurëse, ka vdekshmërinë mbi 95% ndryshe nga shumë smëundje të tjera infektive të cilat ne i konsiderojmë të kufizuar apo vetëshëruese”.

Por, si dallohet leishmanioza?

“Përgjithësisht, sëmundja dominohet nga temperatura, rënia në peshë dhe anemia. Shpesh ka dhe rritje të nyjeve limfatike, zmadhim të mëlçisë dhe të shpretkës, për këtë arsye shumë herë kjo sëmundje ngatërrohet me sëmundjet e gjakut”, tregon Pipero.

Ata që preken më lehtë nga sëmundja e leshmaniozës janë fëmijët, edhe pse kjo quhet si sëmundje e së shkuarës duket se ajo vazhdon t’i përkasë të tashmës, pasi pranë infektivit të QSUT-së në çdo vit regjistrohen dhjetra pacientë.

Top Channel

Alarmi nga leishmanioza. Ka prekur qentë e rrugës, por përmes mushkonjave transmetohet te njerëzit