Ahmeti: Pendarovski ka përkrahjen e elektoratit shqiptar

Pas takimit të përbashkët mes LSDM-së dhe partnerëve të koalicionit dhe partitë e tjera të cilat japin mbështetje për kandidatin e përbashkët presidencial të pushtetit dhe pas njoftimit se të gjithë do ta mbështesin Stevo Pendarovskin në zgjedhjet presidenciale .Kreu i BDI-së, Ali Ahmeti tha se sipas sondazheve Pendarovski është kandidati që gëzon mbështetjen e elektoratit shqiptar. I pyetur se përse nuk e kishin mbështetur Pendarovskin edhe në zgjedhjet presidenciale të vitit 2014, Ahmeti tha se atëherë nuk kishin mundësinë për të gjetur një gjuhë të përbashkët me LSDM-në.

Shtypnews.al

Ndryshimi i kufijve, Haradinaj: Rama dhe Thaçi bashkë për idenë e rrezikshme | Shtypnews.al |

Kryeministri i Kosovës, Ramush Haradinaj ka deklaruar se kryeministri i Shqipërisë, Edi Rama po përkrah presidentin, Hashim Thaçi rreth çështjes së shkëmbimit të territoreve.

Në një intervistë në RTK, shefi i qeverisë theksoi se Kosova dhe populli i saj nuk do të jenë kurrë anti-amerikan.

“Unë ju kam thënë se nuk kemi nevojë për hapje të kufijve pasi hapet pavarësia e 17 shkurtit. Mendojë që pasojat i kemi për shkak se një pjesë e lidershipit të Kosovës dhe rajonit i ka ofruar Shtëpisë së Bardhë një marrëveshje për Serbinë. Presidenti Thaçi, kryeministri Rama e ka pëlqyer këtë ide për shkëmbimin e territoreve. Është lënë të nënkuptohet në shumë raste se një opsion i tillë është miratuar dhe pëlqyer nga presidenti Thaçi dhe kryeministri Rama. Unë e kam këshilluar që është retorikë e gabuar sepse merret në qafë një popull i tërë sepse hapen kufijtë dhe s’dihet si mbyllen”, ka deklaruar Haradinaj.
Për / Shtypnews.al / - nga-  (ac)

LSI, Shehu, Mara dhe Roshi pranojnë mandatin e deputetit | Shtypnews.al |

Ish-deputeti i Partisë Republikane, Ylli Shehu, i cili la Fatmir Mediun për t’u hedhur në krahët e partisë së themeluar nga Ilir Meta dhe të drejtuar tashmë nga Monika Kryemadhi, ka dorëzuar këtë të premte formularin e dekriminalizimit në Komisionin Qendror të Zgjedhjeve.

Një hap të ngjashëm kanë ndjekur edhe Aurora Mara, kandidate po e LSI-së në Qarkun e Dibrës, si dhe Enver Roshi, kandidat i LSI-së në Qarkun e Elbasanit, duke shprehur kështu vullnetin për pranimin e mandatit.

Tri kandidatët e LSI-së pritet të marrin mandatet e lëna nga ish-deputetët LSI-stë në Qarkun e Tiranës, Dibrës dhe Elbasanit, pas vendimit ekstrem politik të opozitës së bashkuar për djegien e mandateve të deputetëve opozitar, plotësimi i formularit të dekriminalizimit, me vetëdeklarim, është hapi paraprak përpara se KQZ-ja të dorëzojë mandatin te një kandidat për deputet.

Për Shtypnews.al nga (ac) 

Aksion kundër hidrocentraleve në lumin Lumbardhi te Pejës

Në vazhdim të aktiviteteve kundër hidrocentraleve në lumin Lumbardhi në Pejë, Shoqëria Civile e Pejës zhvillon aksionin simbolik , ku do të ketë  demonstrim me gypa.

Aksioni mbahet të shtunën, 2 Mars, duke filluar nga ora 12:40 në qendër të qytetit të Pejës tek ura e Milet Bahqes.

Takim urgjent PDK e AAK

Takim urgjent PDK e AAK
    
Kryetari i Komunës së Mitrovicës, njëherësh nënkryetari i AKR-së, Agim Bahtiri ka zhvilluar një takim me kryetarin e Partisë Demokratike të Kosovës, Kadri Veselin, me të cilin kanë diskutuar për hapat e mëtutjeshëm që do të ndërmarrin si partnerë koalicioni për çështjen e taksës.

Bahtiri, ka bërë të ditur se me Veselin ka diskutuar edhe për peticionin e nisur nga ai për Bashkimin e Mitrovicës.

Çështja e taksës dhe dëmtimi i raporteve me Shtetet e Bashkuara të Amerikës ka bërë që sonte të mblidhen në një takim të përbashkët dy partnerët e koalicionit qeverisës, PDK e AKR.

Nënkryetari i AKR-së, Agim Bahtiri në një deklaratë dhënë Periskopit ka bërë të ditur se tashmë ka përfunduar takimin me kryetarin e Partisë Demokratike të Kosovës, Kadri Veselin, me të cilin kanë diskutuar seriozisht për hapat e mëtutjeshëm që do t’i ndërmarrin si partnerë koalicioni lidhur me situatën aktuale politike në vend.

Bahtiri ka thënë se në takim me Veselin, njëzëri kanë theksuar se në asnjë mënyrë nuk do të lejojnë dëmtimin e raporteve me Shtetet e Bashkuara të Amerikës, për asnjë çmim.

Ai ka thënë se nuk do të lejojnë që askush që flet në emër të Kosovës, t’i dëmtojë raportet me mikun më të mirë dhe më besnik të Kosovës – Shtetet e Bashkuara të Amerikës.

“Ne kemi diskutuar për situatën politike që po mbretëron dhe kam potencuar maksimalisht se raportet e Kosovës me SHBA-në në asnjë mënyrë nuk guxojnë të dëmtohen, shkaku i taksës. Kjo ka qenë tema kryesore që unë kam dashur të diskutojë me partnerin tim. Kemi biseduar për hapat e mëtutjeshëm se si të veprojmë në këtë çështje. Të shohim se si po reagon tutje procedura dhe angazhimi i kryeministrit, që ta shohim se çka mundet me ndodh”.

“Ne jemi të vendosur që raportet e Kosovës me Amerikën nuk guxojnë të dëmtohen, sepse mikun më të mirë dhe më të madh shqiptarët e kanë Amerikën. Jemi të brengosur jashtëzakonisht shumë për një mosangazhim total për marrjen e një vendimi të përbashkët për këto çështje. Ne do të shohim se si do të zhvillohen procedurat, por ne nuk do të lejojmë askush që flet në emër të Kosovës t’i dëmtojë raportet me SHBA’në”, ka thënë Bahtiri për Periskopin.

Por, pavarësisht insistimit, Bahtiri nuk ka treguar se çka do të ndërmarrin ai dhe Veseli si partnerë koalicioni.

Tutje, ai ka bërë të ditur se gjatë takimit me Veselin, ka diskutuar edhe për çështjen e procedimit të peticionit për bashkimin e Mitrovicës.

Ai ka thënë se janë dakorduar me Veselin që sa më shpejt të caktojnë seancën për të.

“Veseli më ka thënë se po i ndjekin procedurat, të shohim se si do të shkojë tutje. Sigurisht që Veseli e ka dhënë përkrahjen qysh moti për peticion”, ka thënë Bahtiri.

Peticionin për bashkimin e Mitrovicës, Bahtiri ia kishte dorëzuar Veselit më 16 janar dhe ai i kishte premtuar se do ta rishqyrtonte këtë çështje.

Javë më parë, në një debat televiziv Veseli kishte deklaruar se Mitrovica është një, si Zoti, dhe se nuk do të lejojë askënd që ta dëmtojë atë, derisa kishte kërkuar maturi të veprimeve politike kur bëhet fjalë për atë pjesë.

Ndërkohë, peticioni për bashkimin e Mitrovicës me mbi 16 mijë nënshkrime ishte dorëzuar për herë të parë më 16 janar në Kuvendin e Republikës së Kosovës, mirëpo ky peticion i cili më pas u dorëzua nga Kuvendi në Qeverinë e Republikës së Kosovës dhe nga aty në Ministrinë e Administrimit dhe Pushtetit Lokal (MAPL), nuk e mori mbështetjen e duhur. Më pas kryetari i kësaj komune, Agim Bahtiri javën e kaluar këtë peticion e dorëzoi tek presidenti i vendit, Hashim Thaçi.

Bahtiri disa herë kishte përsëritur qëndrimin e tij se bashkimi i Mitrovicës është vullnet i qytetarëve dhe se ai nuk do të lejojë që veriu i kësaj komune të udhëhiqet nga strukturat paralele serbe

Lajm i mirë për Shqiptarët: Tuzi vishet kuq e zi – Shqiptarët presin fitore absolute në Tuz

Nga e diela, Komuna e Tuzit në Mal të Zi do të qeveriset nga shqiptarët.

Kështu ka thënë Nikollë Camaj, udhëheqës i koalicionit “Forumi Shqiptar” që garon në zgjedhje dhe pret ta dalë fitues.

“Të dielën, më 3 mars, pritet të fillojë pranvera në Tuz. Sot, mbas konventës qendrore që mbajti koalicioni, u pa se shqiptarët vetëm kanë filluar festën duke pasur parasysh edhe përkrahjen e marrë nga Shqipëria, Kosova dhe diaspora që kanë ardhur këtu për të votuar”, ka thënë Camaj për Klan Kosova.

“Shqiptarët do të jenë Zot në shtëpinë e vet dhe ne do të jemi ata që do të qeverisim me Tuzin”.

“Votuesit e kanë shumë të lehtë të zgjedhin në mes të dritës dhe territ. Kur bashkohet kokat, bashkohen dhe tokat. Shqiptarët janë bashkë”, është shprehur ai në Info Magazine.

Camaj ka theksuar se të gjitha masat janë marrë që procesi zgjedhor të shkojë në mënyrën më të mirë të mundshme.

“Fushata kanë qenë derë më derë dhe banorët e kanë marrë vesh kush jemi ne dhe të tjerët”.

“Presim fitore absolute”.

“Nuk presim probleme që i përcjellin zgjedhjet lokale. Të gjithë e kanë kuptuar se shqiptarët janë bërë bashkë dhe ne këtu përbëjmë shumicën. Kundërshtarët janë pajtuar që të ulen në bankat e opozitës”.- / Shtypnews.al /

SHBA: Nuk largohemi nga Bondsteeli

SHBA: Nuk largohemi nga Bondsteeli

Pas raportimeve të mbrëmshme në media se kinse zyrtarët amerikan u kanë thënë liderëve kosovar se nëse nuk hiqet taksa, trupat e SHBA-ve largohen nga kampi Bondsteel

, ka reaguar Ambasada e Shteteve të Bashkuara të Amerikës.

Në reagimin e tyre thuhet se ShBA-të mbajnë përkrahjen për KFOR-in dhe praninë e trupave të SHBA-vë ne kampin Bondsteel, transmeton Indeksonline.

Njoftimi i plotë pa ndërhyrje të redaksisë:

Politika e Shteteve të Bashkuara ende është që të përkrahë KFOR-in dhe praninë e trupave të SHBA-ve në Kampin Bondsteel që ruan një ambient të sigurtë dhe lirinë e lëvizjes në Kosovë.

Sikurse edhe gjetiu nëpër botë kjo dhe vendosjet tjera të trupave të SHBA-ve i nënshtrohen shqyrtimit të rregullt.